Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша бет)
Саудалық атауы
Дексаметазон фосфаты
Халықаралық патенттелмеген атауы
Дексаметазон
Дәрілік түрі, дозасы
Инъекцияға арналған ерітінді 4 мг/мл
Фармакотерапиялық тобы
Жүйелі әсер ететін гормональді препараттар, жыныс гормондары мен инсулиндерді қоспағанда. Жүйелі пайдалануға арналған кортикостероидтар. Жүйелі қолдануға арналған кортикостероидтар, қарапайымдар.
АТХ коды Н02А B02
Қолданылуы
Дексаметазон фосфаты, инъекцияға арналған 4 мг/мл ерітінді, жедел және күттірмейтін, парентеральді енгізу аса қажет жағдайларда пайдаланылады. Препарат өмірлік көрсетілім бойынша қысқа мерзімді қолдануға арналған.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезіндегі қажетті сақтық шаралары
Басқа дәрілік препараттармен өзара әрекеттесуі
Дексаметазонды және стероидты емес қабынуға қарсы дәрілермен қатар қолдануданасқазан – ішектен қан кетулер мен ойық жаралар пайда болу қаупі артады.
Рифампицин, рифамбутин, карбамазепин, фенобарбитон, фенитоин (дифенилгидантоин), примидон, эфедрин немесе аминоглутетимидпен бір мезгілде қолданғанда, дексаметазонның тиімділігі азаяды, сондықтан мұндай біріктірулерде дексаметазон дозасын арттыру керек.
Дексаметазон және жоғарыда көрсетілген барлық дәрілік заттармен өзара әрекеттесуі дексаметазонның бәсеңдеуі тестін дұрыс көрсетпеуі мүмкін. Мұны тест нәтижелерін бағалау кезінде ескерген жөн.
Дексаметазон миастения кезінде қолданылатын холинэстеразаға қарсы дәрілердің емдік әсерін азайтады.
Дексаметазонды кетоконазол, антибиотик-макролиддер сияқты CYP 3A4 ферментінің белсенділігін тежейтін препараттармен бірге қолдану, қансарысуы және плазмадағы дексаметазонның концентрациясын арттыруы мүмкін.
Дексаметазон CYP 3A4 орташа индукторы болып табылады. Индинавир, эритромицин сияқты CYP 3A4 метаболизденетін препаттармен бірге қолдану қандағы сарысу концентрациясы төмендетуін туындататын олардың клиренсін арттырады.
Кетоконазол бүйрекүсті безінің глюкокортикоидтер синтезін бәсеңдетуі мүмкін, сөйтіп, дексаметазонның концентрациясы төмендеуі салдарынан бүйрекүсті безінің жеткіліксіздігі дамуы мүмкін.
Дексаметазон қант диабеті, артериялық гипертензияны емдеуге арналған препараттардың, кумаринді антикоагулянттардың, празиквантел мен натрийуретиктердің емдік әсерін азайтады (сондықтан осы дәрілік заттардың дозасын арттыру қажет); ол гепарин, альбендазол мен калийуретиктердің (қажет болған жағдайда осы препараттардың дозасын азайту қажет) белсендігін арттырады.
Дексаметазон кумаринді антикоагулянттардың әсерін өзгертуі мүмкін, сондықтан препараттардың осы біріктіруін қолдану кезінде протромбин уақытын жиі тексеру керек.
Дексаметазон мен басқа глюкокортикоидтар немесе β2-адренорецепторлар агонистердің жоғары дозаларын қатар қолданғанда гипокалиемия қаупін арттырады. Гипокалиемиясы бар пациенттерде жүрек гликозидтері көбіне ырғақ бұзылуына ықпал етеді және уыттылығы жоғары.
Антацидтердексаметазонның асқазанда сіңірілуін азайтады. Ас және алкогольмен бір мезгілде қолданудағы дексаметазонның әсері зерттелген жоқ, алайда дәріні құрамында натрий мөлшері жоғары болатын тағамдармен бір мезгілде қолданбаған жөн. Темекі шегу дексаметазонның фармакокинетикасына әсер етпейді.
Глюкокортикоидтар салицилаттың бүйректік клиренсін күшейтеді, сондықтан кейде қансарысуындағы салицилаттардың емдік концентрацияларына жету қиын. Кортикостероидтың дозасы біртіндеп түсірілетін пациенттерге сақ болған жөн, сондықтан қансарысуындағы салицилат концентрациясының артуы және улану байқалады.
Егер сонымен қатар пероральді контрацептивтерді қабылдағанда, глюкокортикоидтардың жартылай шығарулы кезеңі артуы мүмкін, бұл олардың биологиялық әсерін күшейтуі мүмкін және жағымсыз әсерлер қаупін арттыруы мүмкін.
Ритодрин мен дексаметазонды босану кезінде бір мезгілде қолдануға болмайды, өйткені бұл өкпенің ісінуіне әкеп соғуы мүмкін. Босанатын әйелде осындай жағдай өршуінен өлім-жітіммен аяқталғаны хабарланған.
Дексаметазон мен талидомидті бір мезгілде қолдану уытты эпидермальді некролиз туындатуы мүмкін.
Емдік артықшылықтары бар әрекеттесулердің түрлері: дексаметазон мен метоклопрамидті, дифенгидрамид, прохлорперазин немесе 5-НТ3 рецепторларының антагонистерін (серотонин немесе 5-гидрокситриптамин рецепторлары, ондансетрон немесе гранисетрон сияқты 3-тип) қатар қолдану цисплатин, циклофосфамид, метотрексат, фторурацилмен химиотерапиядан болған жүрек айнуы мен құсу кезінде тиімді.
Үйлесімсіздігі
Препаратты натрий хлоридінің 0,9 % ерітіндісінен немесе глюкозаның5 % ерітіндісінен басқа препараттармен араластыруға болмайды.
Дексаметазонды хлорпромазин, дифенгидрамин, доксапрам, доксорубицин, даунорубицин, идарубицин, гидроморфон, ондансетрон, прохлорперазин, калий нитратымен және ванкомицинмен араластырғанда тұнба түзіледі.
Шамамен дексаметазонның 16 %-ы глюкозаның2,5 % ерітіндісінде немесе амикацинмен натрий хлоридінің 0,9 % ерітіндісінде ериді.
Лоразепам сияқты кейбір дәрілік заттарды дексаметазонмен пластик пакеттерде емес, шыны құтыларда араластыру керек (поливинилхлоридті пакеттерде бөлме температурасында 3-4 сағат сақталса, лоразепам концентрациясы 90 %-дан төмен мәнге дейін азаяды).
Метапаминол сияқты кейбір дәрілік заттарда «баяу дамитын үйлеспеушілік» бар, дексаметазонмен араластырған кезде бір тәулік ішінде дамиды.
Дексаметазон гликопиролатпен: түпкілікті ерітіндінің рН мәні 6,4-ге тең, олтұрақтылық диапазоны шегінен асып түседі.
Арнайы ескертулер
Кортикоидтармен парентеральді емдеу кезінде сирек аса сезімталдық реакциялары байқалуы мүмкін, сондықтан аллергиялық реакциялар ықтималдығын ескере отырып (әсіресе анамнезінде қандай да бір басқа дәрілік затқааллергиялық реакциялары бар пациенттерде) дексаметазонмен емдеуді бастардың алдында тиісті шараларды қабылдаған жөн.
Дексаметазонмен ұзақ уақыт емделіп жүрген пациенттерде емдеу тоқтатқан кезде (дене қызуының көтерілуі, тұмау, конъюнктиваның қызаруы, бастың ауыруы, бас айналуы, ұйқышылдық немесе ашушаңдық, бұлшықеттер мен буындардың ауыруы, құсу, дене салмағының азаюы, әлсіздік, жиі – конвульсиялар) тоқтату синдромы байқалуы мүмкін (сондай-ақ бүйрекүсті безі жеткіліксіздігінің көрінетін белгілерінсіз). Сондықтандексаметазонның дозасын біртіндеп азайту қажет.Емдеуді күрт тоқтату өлім-жітіммен аяқталуы мүмкін.
Егер пациент емдеу кезінде ауыр стресте болса (жарақаттан,операция немесе ауыр аурудан соң) дексаметазон дозасын ұлғайту керек, ал егер бұл емдеуді тоқтатқан кезде орын алса, гидрокортизон немесе кортизон қабылдау керек.
Дексаметазонды ұзақ уақыт қабылдаған пациенттерге және емдеуді тоқтатқаннан кейін ауыр стресте дексаметазонды қолдануды қалпына келтіру керек, өйткені одан туындаған бүйрекүсті бездерінің жеткіліксіздігі емдеуді тоқтатқаннан кейін бірнеше ай бойы болыу мүмкін. Дексаметазонмен немесе табиғи глюкокортикоидтармен емдеу болып жатқан немесе жаңа инфекцияның симптомдарын, ішек тесілуі симптомдарын бүркемелеуі мүмкін. Дексаметазон жүйелі зеңді инфекцияны, латенттік амебиаз бен өкпе туберкулезін асқындыруы мүмкін.
Өкпе туберкулезінің белсенді түріне шалдыққан пациенттер дексаметазонды (туберкулезге қарсы препараттармен бірге) тек жылдам ағымды немесе өкпенің диссеминацияланған туберкулезінде ғана қолданылуы керек. Дексаметазонмен ем қабылдап жүрген өкпе туберкулезінің белсенді емес түріне шалдыққан пациенттернемесетуберкулин әсер ететін пациенттер химиялық профилактикалық заттар қабылдауы қажет.
Остеопорозы, артериялық гипертензиясы, жүрек жеткіліксіздігі, туберкулезі, глаукома, бауыр немесе бүйрек жеткіліксіздігі, қант диабеті, белсенді пептидті ойық жарасы, жуырда өткерген ішек анастомозы, ойық жаралы колиті және эпилепсиясы бар науқастарға сақтық және медициналық бақылау қажет. Миокард инфарктісінің алғашқы аптасындағы пациенттерге, тромбоэмболиясы, ауыр миастениясы, гипотиреозы, психозы немесе психоневрозы бар пациенттер, сондай-ақ егде жастағы пациенттер ерекше күтімді қажет етеді.
Емдеу кезінде қант диабетінің асқынуы немесе қант диабетінің латентті фазасынан клиникалық көріністеріне өту байқалуы мүмкін.
Ұзақ қолданғанда қансарысуындағы калий деңгейін бақылау керек.
Дексаметазонмен емдеу кезінде тірі вакцинамен вакцинациялауға болмайды. Белсенділігі жойылған вирустық немесе бактериялық вакцинамен вакцинациялау антиденелердің күтілетін синтезіне әкелмейді және оның күтілетін қорғаушы әсері жоқ. Дексаметазон фосфатын әдетте вакцинациядан 8 апта бұрын тағайындамайды және оны вакцинациядан кейін кем дегенде 2 аптадан соң ғана қолдана бастайды.
Дексаметазонның жоғары дозаларымен ұзақ уақыт емделетін және қызылшамен ешқашан ауырмаған пациенттер инфекция жұқтырған адамдармен қатынаста болмауы керек; кездейсоқ қатынас орын алған жағдайда иммуноглобулинмен профилактикалық емделу қажет.
Операциядан немесе сүйек сынуларынан кейін сауығып келе жатқан пациенттерге сақ болған жөн, өйткенідексаметазон жараның жазылуы мен сүйек тіні түзілуін баяулатуы мүмкін.
Бауыр циррозы немесе гипотиреозы бар науқастарда глюкокортикоидтардың әсері күшейеді.
Кортикостероидтердіжүйелі қолданғанда ауырпсихикалық реакциялар қатар жүруі мүмкін. Әдетте симптомдар емдеуді бастағаннан кейін бірнеше күннен немесе аптадан соң байқалады. Жоғары дозаларды қолдану кезінде осы симптомдардың даму қаупі артады.Көптеген реакциялар дозаны азайтқанда немесе препаратты қолдануды тоқтатқанда басылады. Психикалық жай-күйді, әсіресе депрессиялы көңіл-күйді,суицидалды ойлар мен ниеттерді уақытылы бақылау керек.
Аффективті бұзылулары бар немесе анамнезінде болған, сондай-ақ жақын туыстарында бар пациенттерде кортикостероидтерды аса сақтықпен қолдану қажет. Ең қысқа мерзім ішіндебарынша аз тиімді дозаны қолдана отырып немесе препараттың қажетті күндік дозасынтаңертең 1рет қолданған кезде жағымсыз әсер пайда болмайды.
Дексаметазонды буын ішіне қолдану жүйелі әсерге әкеп соғуы мүмкін.
Жиі қолдану шеміршек зақымдануына немесе сүйек некрозына әкеп соғуы мүмкін.
Буын ішіне қолданар алдындабуыннан синовиальді сұйықтықты алып тастап, оны зерттеу қажет (инфекция болуын тексеру). Инфекция жұқтырған буынға кортикоидтарды енгізбеу қажет. Егер буын инфекциясы инъекциядан соң өршитін болса, онда антибиотиктермен тиісті ем жүргізе бастау қажет.
Пациенттерге қабынудан сауыққанға дейін зақымданған буынға салмақ түсірмеу қажет деп ескерткен жөн.
Препараттың тұрақты емес буынға енгізбеген жөн.
Кортикоидтар терінің аллергиялық тестерін бұрмалауы мүмкін.
Қосымша заттарға қатысты ерекше ескертулер. Препараттың құрамындадозаға 1 ммоль (23 мг) натрий бар, ол өте төмен мөлшерде болып саналады.
Педиатрияда қолданылуы
Жаңа туылған балаларға аса қажет жағдайда ғана қолдану ұсынылады. Дексаметазонмен емделу кезінде балалардың бойына және дамуына мұқият бақылау жасау қажет.
Жүктілік немесе лактация кезеңінде
Ұрыққа және жаңа туылған нәрестеге зиянды әсерін жоққа шығара алмаймыз. Дәрілік зат нәрестенің жатырішілік дамуын бәсеңдетеді. Дексаметазонды жүкті әйелдерге анаға күтілетін пайдасы ұрыққа әлеуетті қауіптен жоғары болған бірлі-жарымды күттірмейтін жағдайда ғана тағайындалады. Преэклампсияда аса сақ болу керек. Жалпы ұсынымдарға сәйкес жүктілік кезінде глюкокортикостероидтармен емдеу кезінде негізгі ауруды бақылау үшін ең жоғары әсер ететін дозаны қолдану керек. Жүктілік кезінде глюкокортикоидтер тағайындалған аналардан туған балалардың бүйрекүсті бездерінің жеткіліксіздігіне мұқият тексеру керек.
Глюкокортикоидтар плацента арқылы өтіп, ұрықта жоғары концентрацияда болады. Дексаметазон мысалы преднизонға қарағанда, плацентада белсенді метаболизденбейді, ұрықтың қансарысуында дексаметазонның жоғары концентрациялары байқалуы мүмкін. Кейбір деректер бойынша глюкокортикоидтардың фармакологиялық дозалары плацента жеткіліксіздігі, олигогидрамнион қаупін арттыруы мүмкін, ұрық дамуын баяулатуы немесе құрсақ ішінде шетінеуін, ұрықта лейкоциттер (нейтрофилдер) санының жоғарылауын және бүйрекүсті безінің жеткіліксіздігін туындатуы мүмкін. Глюкокортикостероидтардың тератогенді әсерін растайтын ешбір дәлел жоқ.
Жүктілік кезінде глюкокортикостероидтарды қабылдаған әйелдерге босану кезінде оның қосымша дозаларын қолдану ұсынылады.Босану созылған жағдайда немесе кесарь тілігін жасау жоспарланғанда әрбір 8 сағат сайын 100 мг гидрокортизонды вена ішіне енгізу ұсынылады.
Глюкокортикоидтардың аздаған мөлшері ана сүтінде анықталған, сондықтан дексаметазонмен ем қабылдап жүрген аналарға бала емізуге болмайды, әсіресе физиологиялық нормадан (шамамен 1 мг) асқан жағдайда. Бұл нәрестенің өсуі баяулауына және эндогенді кортикостероидтардың бөлінісі азаюына әкеп соғуы мүмкін.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Сезімтал науқастарда препаратты қолдану кезінде жағымсыз реакциялар пайда болуын (бас айналуы, сананың шатасуы және т.б.), препаратты қолдану кезінде автокөлікті басқару және зейін қоюды талап ететін басқа жұмыстарды орындауды тоқтата тұруы керек.
Қолдану жөніндегі нұсқаулар
Ересектер мен жаңа туылған балаларға тағайындауға болады.
Вена ішіне және бұлшықет ішіне енгізу
Ұсынылған бастапқы доза диагнозына қарай тәулігіне0,5-тен 9 мг-ге дейін өзгереді. Аса ауыр емес жағдайларда 0,5 мг-ден төмен дозалау жеткілікті болуы мүмкін, ал ауыр жағдайларда қажетті дозалау тәулігіне 9 мг-ден жоғары болуы қажет.
Дексаметазон фосфатының бастапқы дозасынклиникалық реакция пайда болғанға дейін қолдану қажет, содан соң дозаны ең төменгі тиімді клиникалық деңгейге біртіндеп төмендету керек. Егер жоғары дозалар бірнеше күннен асатын мерзімге тағайындалса, дозаны бұдан кейінгі бірнеше күн ішінде немесе бұдан ұзақ кезең бойыбіртіндеп азайту қажет.
Егер тиісті мерзім ішінде қанағаттанарлық клиникалық реакция байқалмаса,дексаметазон инъекциясын қолдануды тоқтатып, пациентке басқа ем тағайындау керек.
Шок
Дексаметазона фосфат инъекциясын дозалау:
– бастапқы 20 мг венаішілік инъекциядан кейін тұрақты венаішілік инфузия арқылы 24 сағат ішінде дене салмағының әр килограмына 3 мг;
– бір реттік венаішілік инъекция түрінде дене салмағының әр килограмына 2-6 мг;
– бастапқы доза – 40 мг, содан соң әр 4-6 сағат сайын қайталап венаішілік инъекция жасау, шоксимптомдары байқалғанда;
– бастапқы доза – 40 мг, содан соң әр 2-6 сағат сайын қайталап венаішілік инъекция жасау, шоксимптомдары байқалғанда;
– бір реттік венаішілік инъекция жасаудене салмағының әр килограмына 1 мг.
Жоғары дозалы кортикостероидты емдеу пациенттің жағдайы тұрақты болғанға дейін, әдетте 48-72 сағаттан аспайды.
Мидың ісінуі
Дексаметазон фосфатын әдеттевенаішілік 10 мг бастапқы дозада, содан соң – симптомдар жойылғанға дейін әрбір 6 сағат сайын бұлшықет ішіне 4 мг-ден.
Емдеуге реакцияны 12-24 сағат бойы байқау керек, емдеудің 2-4 тәулігінен соң дозасын төмендетуге болады, препаратты қолдануды біртіндеп 5-7 тәулік ішінде тоқтату қажет. Мидың қайталанған немесе операция жасалмайтын ісіктері бар пациенттерге паллиативті қолдануға тәулігіне2-3 рет2 мг дозадағы демеуші ем тиімді болуы тиіс.
Ауыр аллергиялық аурулар
Өзі басылатын жедел аллергиялық ауруларда немесе созылмалы аллергиялық аурулардың ауыр асқынуларында Дексаметазон фосфатын бірінші күні 1 немесе 2 мл-ден (4 немесе 8 мг), бұлшықетішіне тағайындау керек; екінші күннен бастап препараттың пероральді түрлерімен емдеуді жалғастыру керек.
Жергілікті енгізу
Буын ішіне енгізу, әдетте бір немесе екі буын (учаске) зақымданған жағдайда зақымданған жерге немесе жұмсақ тіндерге енгізеді. Инъекцияны дозалау және енгізу жиілігі енгізу жағдайына және орнына байланысты. Әдеттегі доза – 0,2-6 мг. Қолдану жиілігі әдетте 3-5 тәулікте бір реттен 2-3 аптада бір ретке дейін ауытқиды. Буын ішіне жиі енгізу буын шеміршегін зақымдауы мүмкін.
Кортикостероидтардың буынішілік инъекциясы жергіліктіге қосымша жүйелі әсер етуі мүмкін.
Инфекциясы бар буынға кортикостероидтарды буын ішіне енгізбеген жөн.
Кортикостероидтарды тұрақты емес буындарға енгізбеу керек.
Әдеттегі бір реттік дозалардың кейбірі төменде келтірілген:
| Инъекция орны | Дексаметазон фосфатының дозасы (мг) |
| Үлкен буындар (мысалы, тізе) | 2-4 |
| Кішкене буындар (мысалы, саусақаралық, самай-төменгі жақсүйегі) | 0,8-1 |
| Бұлшықетаралық қуыстар | 2-3 |
| Сіңір қабықтары | 0,4-1 |
| Жұмсақ тіндер инфильтрациясы | 2-6 |
| Ганглиялар | 1-2 |
Дексаметазон фосфаты әсіресе буын ішіне енгізу үшін және жұмсақ тіндерге енгізу үшін ұзақ әсер ететін аз еритін стероидтардың бірімен бірлестіре қолдануға арналған.
Балаларға арналған дозалар
Орын басушы емдеуде ұсынылған доза үш инъекцияға тәулігіне дене салмағының әр килограмына0,02 мг немесе дене бетінің ауданына 0,67 мг/м2.
Барлық басқа көрсетілімде бастапқы дозалардың диапазоны тәулігіне3-4 инъекциядан дене салмағының әр килограмына0,02-0,3 мг(тәулігіне /дене бетінің ауданына 0,6-9 мг/м2).
Салыстыру мақсатында түрлікортикостероидтар үшін мг-мен баламалы дозалар келтірілген:
Дексаметазонның 0,75 мг дозасы 2 мг параметазон немесе 4 мг метилпреднизолон мен триамцинолон, немесе 5 мг преднизон мен преднизолон, немесе 20 мг гидрокортизон, немесе 25 мг кортизон, немесе 0,75 мг бетаметазон дозасына баламалы.
Дозалаудың осындай арақатысы осы препараттарды пероральді немесе вена ішіне енгізуде қолданылады. Бұл препараттар немесе оларды туындылары бұлшықет ішіне немесе буын ішіне енгізгенде, олардың салыстырмалы қасиеттері едәуір өзгеруі мүмкін.
Енгізу әдісі және жолы
Венаішілік инфузия ерітінді ретінденатрий хлоридінің 0,9 % ерітіндісін немесе глюкозаның 5 % ерітіндісін қолданады.
Еметін балаларға, әсіресе шала туылған нәрестелерге қолданған кезде вена ішіне енгізуге арналған немесе препараттың бұдан әрі ерітуге арналған ерітінділердің құрамында консерванттар болмауы керек.
Препаратты инфузияға арналған ерітіндімен араластырған кезде қауіпсіздіктің стерильді шараларын сақтау қажет.Инфузияға арналғанерітіндінің құрамында консерванттар жоқ болғандықтан, қоспаны 24 сағат ішінде пайдалану қажет.
Парентеральді енгізуге арналған препараттарды ерітіндінің жәнеконтейнердің жарамдылығын анықтау үшін әрбір енгізу алдында бөгде бөлшектер болмауын және түсі өзгеруін қарап, тексеру керек.
Қабылдау уақытын көрсетумен қолдану жиілігі
Емдеу ұзақтығы
Дозаны жеке, нақты пациенттің ауруына, көзделген емдеу кезеңіне, кортикоидтарды көтере алуына және организмнің реакциясына қарай таңдау керек.
Дозалауды түзетуді қажет ететін симптомдарды: ремиссия немесе аурудың асқынуы, препаратқа жеке реакция, стрестің әсері (мысалы, хирургиялық араласу, инфекция, жарақат) нәтижесінде клиникалық жағдайдың өзгерістерін мұқият бақылау керек. Стресс кезінде дозасын уақытша арттыру қажеттігі туындауы мүмкін.
Емдеуден кейін бірнеше күннен соң препаратты енгізуді тоқтату қажет болса, біртіндеп тоқтату қажет болады.
Артық дозаланған жағдайда қолдану қажет шаралар
Симптомдары: жедел артық дозалануы немесе жедел артық дозаланудан болған өлім-жітім жағдайы туралы хабарлар өте сирек келіп түскен.
Шамадан тыс дозаны бірнеше апта қолданғаннан кейін ғана артық дозалану көптеген жағымсыз әсерлерді, ең алдымен Кушинг синдромын туғызуы мүмкін.
Шұғыл шаралар: арнайы антидоты жоқ. Емі демеуші және симптоматикалық ем болуға тиіс. Гемодиализ дексаметазон фосфатының организмнен жылдам шығарылуының тиімді әдісі болып табылмайды.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар (қажет болғанда)
Бірлі-жарым жағдайлардан жиі кездескен жағымсыз реакциялар мына градацияға сәйкес келтірілген:
өте жиі (≥1/10); жиі ( ≥1/100-ден <1/10-ға дейін); жиі емес (≥1/1000-нан <1/100-ге дейін); сирек ( ≥1/10000-нан <1/1000-ға дейін); өте сирек (<1/10000), жиілігі белгісіз(қолдағы бар деректер бойынша реакциялар пайда болуы жиілігін бағалау мүмкін емес).
Жиілігі белгісіз
Вена ішіне енгізгенде – аритмиялар, бетке қан тебуі, құрысулар. Интракраниальді енгізгенде – мұрыннан қан кетулер. Буын ішіне енгізгенде – буын ауыруының күшеюі
Тоқтатусиндромының белгілері кейбір жағдайларындапациент емделген аурудың нашарлауы немесе қайта өршуі белгілеріне ұқсас болуы мүмкін. Егер ауыр жағымсыз реакциялар пайда болса, емдеуді тоқтау қажет.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласыңы
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
1 мл препараттың құрамында
белсенді зат - 4 мг дексаметазон натрий фосфаты, 100 % затқа шаққанда дексаметазон фосфаты,
қосымша заттар: натрий хлориді, натрий гидрофосфат додекагидраты, динатрий эдетаты, инъекцияға арналған су.
Сыртқы түрінің, иісінің, дәмінің сипаттамасы
Мөлдір түссіз немесе сарғыш түсті сұйықтық.
Шығарылу түрі және қаптамасы
Сындыру сақинасы немесе сындыру нүктесі бар мөлдір шыныдан жасалған ампулада 1 мл-ден. Ампулаларға өздігінен жабысатын заттаңба жапсырылады.
Картоннан жасалған гофрланған бөлігі бар қорапшаға медициналық қолдану жөніндегі қазақ және орыс тілдеріндегі нұсқаулықпен бірге 10 ампуладан салынады.
Немесе полимер үлбірден жасалған пішінді ұяшықты қаптамаға сындыру сақинасы немесе сындыру нүктесі бар 5 ампуладан салынады. Ампуласы бар 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
2 жыл.
Жарамдылық мерзімі өткеннен кейін қолдануға болмайды!
Сақтау шарттары
Түпнұсқалық қаптамасында,жарықтан қорғалған жерде, 25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
«Фармак» ЖАҚ, Украина, 04080, Киев қ., Фрунзе к-сі, 74.
Тел.: +38 (044) 496 87 87
электронды пошта: info@farmak.ua
Тіркеу куәлігінің ұстаушысы
«Фармак» ЖАҚ, Украина, 04080, Киев қ., Фрунзе к-сі, 63.
Тел.: +38 (044) 496 87 87, факс: +38 (044) 239 19 40
электронды пошта: info@farmak.ua
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс,электрондыпошта)
«Фармак» ЖАҚ Қазақстан Республикасындағы өкілдігі
Қазақстан Республикасы, Алматы қ., индекс 050012, Амангелді к-сі, 59 "А", "Шартас" бизнес орталығы, 9 қабат. Тел./факс: +7 (727) 267 63 73, электронды пошта: а.aspetova@farmak.kz
