Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Дентинокс Гель Н
Саудалық атауы
Дентинокс Гель H
Халықаралық патенттелмеген атауы
Жоқ
Дәрілік түрі
10 ггель
Құрамы
1г препараттың құрамында
белсенді заттар: 150.0 мг түймедақ гүлінің (1 : 5) тұндырмасы,
3.4 мг лидокаин гидрохлориді,
3.2 мг макрогол лаурил эфирі (полидоканол (600)
қосымша заттар: карбомер, натрий эдетаты, левоментол, натрий гидроксидінің 10 % ерітіндісі, полисорбат 20, пропиленгликоль, натрий сахарині, кристалданбайтын сұйық сорбитол, тазартылған су, ксилит.
Сипаттамасы
Өзіне тән түймедақ және жалбыз иісі, түймедақ және жалбыз дәмі бар сары түсті мөлдір гель.
Фармакотерапиялық тобы
Ас қорыту жолы және зат алмасу. Стоматологиялық препараттар. Ауыз қуысы ауруларын жергілікті емдеуге арналған препараттар. Басқалары.
АТХ коды А01АD11
Фармакологиялық қасиеттері
Фармакокинетика
Препарат алғашқы тістердің жаруы кезіндегі ауыруды басу үшін, ауыз қуысында жергілікті қолдануға арналған. Осыған байланысты фармакокинетикалық деректерін баяндау қажет деп табылмайды.
Фармакодинамикасы
Дентинокс Гель Н препараты алғашқы тістерінің және сүт тістерінің тістемі жаруы кезіндегі ауыруды қысқа мерзімді жеңілдету үшін арналған.
Ауыз қуысында жергілікті қолдануға арналған гель (гидрогель) болып табылады. Шырышты қабықта алғашқы күрек тістердің, сүт тістерінің және кейінгі азу тістердің ауырсынусыз және асқынусыз пайда болуын қамтамасыз етеді.
Құрамындағы үш әсер етуші заттың біріктірілімі ұзаққа созылатын фармакологиялық әсер алуға мүмкіндік береді. Лидокаин ауыруды жылдам басуды, бірақ препаратты қызыл иекке аппликациялаудан кейін бірнеше минуттан соң басталатын қысқа мерзімдік әсерді қамтамасыз етеді.Препараттың ауыруды басатын әсерінің ұзақтығы полидоканол 600–бенқамтамасыз етіледі.
Түймедақ гүлі тұндырмасының қабынуға қарсы орташа әсері жергілікті қабыну реакцияларының алдын алады.
Препараттың құрамындағы ксилитол мен сорбитол тіс жегісін туындатпайды.
Дентинокс Гель Н құрамында консервант және қант жоқ.
Қолданылуы
Қызаруы күшейгенде және қызыл иектің қабынуы, сондай-ақ басқа да шағымдар болғанда дәрігерге қаралу керек.
Қолдану тәсілі және дозасы
Дентинокс гелінің бұршақтың көлеміндей тамшысын қызыл иектің зақымданған аумағына таза саусақпен немесе таза мақта таяқшасымен жағып, сосын жеңіл ысқылау керек.
Дентиноксты тәулігіне 2-3 рет жағу керек, әсіресе тамақтанудан кейін және ұйықтар алдында.
Жағымсыз әсерлері
Қолдануға болмайтын жағдайлар
-түймедақ гүліне, лидокаинге немесе ұқсас жергілікті анестетиктерге (амид типті), сондай-ақ Дентинокс Гель Н қосымша заттарының біріне жоғары сезімталдық.
Құрамында сорбиттің болуын ескере отырып, сирек кездесетін туа біткен фруктозаны көтере алмаушылығы бар пациенттерге гельді қолдануға болмайды (гельдің әрбір грамында кемінде 0,01 (НБ), 25 мг фруктозаға баламалы сорбит бар. Сорбиттің энергетикалық құндылығы 2,6 кг/дккал /г).
Дәрілермен өзара әрекеттесуі
Анықталмаған
Айрықша нұсқаулар
Көзге тигізбеу керек.
Жүктілік және лактация
Әйелдерде жүктілік және бала емізу кезеңінде қолданылуы жөнінде ақпарат жоқ.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшелігі
Белгісіз, өйткеніаталған препарат тек балаларға ғана арналған.
Артық дозалануы
Жекелей әсер етуші заттарының дозасы төмен болуына байланысты бір де бір артық дозаланужағдайы байқалмаған.
Шығарылу түрі және қаптамасы
1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.
Сақтау шарттары
25˚С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Сықпаны ашқаннан кейінгі қолдану кезеңі 1 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші
Дентинокс фармацевтикалықпрепараттар қоғамы
Ленк & Шуппан
Нунсдофер Ринг 19,
12277 Берлин, Германия
Тіркеу куәлігінің ұстаушысы
Дентинокс фармацевтикалықпрепараттар қоғамы
Ленк & Шуппан, Нунсдофер Ринг 19,
12277 Берлин, Германия
Қазақстан Республикасы аумағында тұтынушылардан өнім сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы (телефон, факс, электронды поштасы):
Қазақстан Республикасы Алматы қаласындағы «Х.Аббе Фарма ГмбХ»
(H.Abbe Pharma GmbH) Компаниясының өкілдігі
050002, Алматы қ, Жибек Жолы к-сі 64/47, 618 А кеңсе
Тел: 8 727 273 84 36, факс: 8 727 273 86 40
Эл. пошта: info@abbe-pharma.kz
