Депантол № 10 вагин. суппозитории

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Депантол^®

Халықаралық патенттелмеген атауы

Жоқ

Дәрілік түрі, дозасы

100 мг / 16 мг қынаптық суппозиторийлер

Фармакотерапиялық тобы

Несепжыныс жүйесі және жыныс гормондары. Гинекологиялық инфекцияға қарсы және антисептикалық препараттар. Кортикостероидтарды біріктіруді қоспағанда, инфекцияға қарсы және антисептикалық препараттар. Басқа антисептиктер және микробқа қарсы препараттар.

АТХ коды G01АХ.

Қолданылуы

• жедел және созылмалы вагиниттерді, бактериялық вагинозды, эндо/экзоцервициттерді, соның ішінде эктопиямен асқынған жатыр мойнын емдеуде
• спецификалық этиологиядағы жатыр мойынының шынайы эрозиясын емдеуде (кешенді ем құрамында)
• акушерлік және гинекологиядағы инфекциялық-қабыну асқынуларының профилактикасында: гинекологиялық ауруларды жедел емдеу, босандыру, жүктілікті медициналық тоқтату, жатырішілік тексерулер (оның ішінде гистероскопия, гистеросальпингография), жатырішілік контрацептивті орнатар алдында
• операциядан кейінгі, босанғаннан кейінгі кезеңдерде деструктивті емдеу әдістерінен кейін (диатермокоагуляция, криодеструкция, лазеродеструкция) қынаптың және жатыр мойнының шырышты қабығының регенерациясын жақсарту үшін
• препарат компоненттеріне аса жоғары сезімталдық

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Қолданған кездегі қажетті сақтандыру шаралары

Жағымсыз әсерлер пайда болған кезде препаратты қолдануды тоқтатып, дәрігерге қаралу керек.

Емдеу кезеңінде жыныстық қатынастарды тоқтата тұру ұсынылады.

Препаратты қолданғанға дейін және кейін қолды жуу керек.

Басқа дәрілік препараттармен өзара әрекеттесуі

Ықтималды өзара әрекеттесулерге (антагонизм немесе белсенділігінің жойылуы) қатысты сақтандыру шаралары ретінде қынап ішіне енгізілетін басқа антисептиктермен бір мезгілде қолдануға болмайды.

Депантол^® құрамында анион тобы (сапониндер, натрий лаурилсульфаты, натрий карбоксиметилцеллюлозасы) бар детергенттермен және егер қынап ішіне енгізілсе, сабынмен үйлеспейді.

Қынап ішіне пайдаланылатын құрамында йод бар препараттармен бір мезгілде қолдану ұсынылмайды.

Арнайы ескертулер

Педиатрия

Балалар тәжірибесінде қолданылмайды.

Жүктілік және лактация кезеңі

Көрсетілімдер бойынша қолданылады.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Көлік құралдарын немесе қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Ересектерге: 7-10 күн бойы тәулігіне 2 рет 1 суппозиторийден. Қажет болған жағдайда емдеу курсын 20 күнге дейін ұзартуға болады.

Егер емдеуден кейін жақсару болмаса, немесе симптомдар ушыға түссе немесе жаңа симптомдар пайда болса, дәрігермен кеңесу қажет. Препаратты тек қолдану жөніндегі нұсқаулықта көрсетілген көрсетілімдерге, қолдану тәсіліне және дозаларға сәйкес қолданыңыз.

Енгізу әдісі мен жолы

Қынап ішіне қолданылады. Қолданар алдында суппозиторийлерді пішінді қаптамасынан шығарады.

Артық дозаланған жағдайда қабылдануы тиіс шаралар

Препараттың артық дозалануы жағдайлары туралы хабарланбаған.

Дәрілік препараттың қолдану тәсілін түсіндіру үшін медицина қызметкеріне кеңес алуға жүгіну жөніндегі нұсқаулар

Егер Сізде осы препаратты қолдануға қатысты қосымша сұрақтар туындаса, дәрігерге немесе мейірбикеге кеңес алуға жүгініңіз.

Дәрілік препаратты стандартты қолданған кезде байқалатын жағымсыз реакциялардың сипаттамасы

Жағымсыз дәрілік реакциялардың туындау жиілігі ДДҰ жіктелуіне сәйкес анықталған: өте жиі (>1/10), жиі (>1/100, ≤1/10), жиі емес (>1/1000, ≤1/100), сирек (>1/10000, ≤1/1000), өте сирек (1/10000 аз), жиілігі белгісіз (қолда бар деректер бойынша анықтау мүмкін емес).

Жиілігі белгісіз:

• препаратты қолдануды тоқтатқаннан кейін қайтатын аллергиялық реакциялар, қышыну, күйдіру
• хлоргексидиннен туындаған ауыр аллергиялық реакцияларды және анафилаксияны қоса, аса жоғары сезімталдық реакциялары

Өте сирек

Егер нұсқаулықта көрсетілген жағымсыз реакциялардың кез келгені ушығатын болса немесе нұсқаулықта көрсетілмеген кез келген басқа реакциялар байқалса, бұл туралы дереу дәрігерге хабарлау керек.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі «Тауарлар мен көрсетілетін қызметтердің сапасы мен қауіпсіздігін бақылау комитетінің» РММ «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір суппозиторийдің құрамында

белсенді заттар - декспантенол, 100 мг,

хлоргексидин биглюконаты (20 % ерітінді хлоргексидин биглюконаты түрінде), 16 мг,

қосымша заттар: макроголдардың қоспасы (макрогол 400, макрогол 1500).

Сыртқы түрінің иісінің, дәмінің сипаттамасы

Торпеда тәрізді пішінді ақ немесе сұрғылт немесе сарғыш реңді ақ түсті суппозиторийлер. Мәрмәрлануына және кесіндіде ауа өзегі мен құйғы тәрізді ойықтың болуына жол беріледі.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Нижфарм» АҚ, Ресей Федерациясы

603950, Нижний Новгород қ.,

Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

Тіркеу куәлігінің ұстаушысы

«Нижфарм» АҚ, Ресей Федерациясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нижфарм» АҚ Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e-mail: almaty@stada.kz

Дәріханалар