Дезаминоокситоцин 50 МЕ, №10, табл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Дезаминоокситоцин 50 МЕ, №10, табл.

5658
Қолжетімділігі
Сатылымда бар
Үлгі
4750232009444
Елі
Латвия
Өндіруші
Гриндекс АО
0-0-4 бөліп төлеу
1415 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

ДЕЗАМИНООКСИТОЦИН

Саудалық атауы

Дезаминоокситоцин

Халықаралық патенттелмеген атауы

Демокситоцин

Дәрілік түрі

50 ХБ таблеткалар

Құрамы

Бір таблетканың құрамында

белсенді зат – 50 ХБ демокситоцин,

қосымша заттар: сахароза, лактоза моногидраты, метилцеллюлоза, кальций стеараты, картоп крахмалы

Сипаттамасы

Дөңгелек, жалпақ цилиндр тәрізді, бір жағында ойығы мен сызығы бар ақ түсті таблеткалар

Фармакотерапиялық тобы

Жүйелі пайдалануға арналған гормоналдық препараттар.

Гипоталямус-гипофизарлық гормондар және оның аналогтары.

Гипофиздің артқы бөлігінің гормондары. Окситоцин және оның аналогтары.

AТХ коды Н01ВВ01

Фармакологиялық қасиеттері

Фармакокинетикасы

Демокситоцин ауыз қуысының шырышты қабығы арқылы жылдам және толық сіңеді және қан ағымына түседі. 1 таблетканы трансбуккальді қолданғанда 50 ХБ демокситоцин 15-30 минут бойы сіңіріледі. Сілекей ферменттері демокситоцинді ыдыратпайды, өйткені ол окситоциназға қатысты төзімді. Демокситоциннің шығарылуы 30-60 минут ішінде жүзеге асады.

Фармакодинамикасы

Химиялық құрылым бойынша демокситоцин окситоцинге, гипофиздің артқы бөлігінің гормонына жақын. Оны окситоциннің синтетикалық аналогы ретінде қарастыруға болады. Демокситоцин мен окситоциннің әсер ету механизмі және фармакологиялық қасиеттері ұқсас. Демокситоцин тегіс бұлшықет жасушаларында кальций иондары мөлшерін арттыра отырып, осылайша оның жиырылуын ұлғайтып, жасушалық жарғақша өткізгіштігіне әсер етеді. Препараттар жатыр тегіс бұлшықеттерінің жиырылуын көтермелейді, сондай-ақ сүт безінің миоэпителий жасушаларын жиырып,сүт секрециясын ұлғайтады.

Жатырды стимуляциялау үшін трансбуккальді қолданғанда жатырдың баламалы жиырылуы 20–40 (ең ұзағы 50–60) минуттан соң басталады. Әсері дозаға байланысты және 180 минутқа дейін ұзарады. Демокситоциннің утеротониялық белсенділігі окситоцин белсенділігінен екі есе асып түседі. Босанудан кейінгі кезеңде демокситоцин жатыр инволюциясын жеделдетеді және босанудан кейінгі қан кету уақытын қысқартады.

Демокситоциннің лактогендік әсері ерте басталады, ферментативтік инактивацияға төзімділігі салдарынан окситоцинмен салыстырғанда анағұрлым айқындау және ұзақтау болады. Демокситоцин сүттің түзілуі мен шығарылуын көтермелейді, емшек қатуы мен мастит түзілуінің алдын алып, лактация үрдісін қалыпқа келтіреді.

Препараттың айқын вазопрессорлық және диурезге қарсы белсенділігі жоқ, сондықтан оны гипертензиясы, жүктіліктің кешеуілдеген токсикозы және бүйрек функциясының бұзылуы бар әйелдерге қолдануға болады.

Қолданылуы

-босану әрекетін оның біріншілік және екіншілік әлсіздігі кезінде қоздыру және күшейтуде

-босанудан кейінгі кезеңдегі лактацияны көтермелеуде

Қолдану тәсілі мен дозалары

Препаратты трансбуккальді қолданады: таблетканы ұртқа салып, шайнамастан және жұтпастан, ол толық еріп кеткенше, оң жақ ұрттан сол жағына кезектестіре отырып ауызда ұстайды.

Босану әрекетін қоздыру және босануды көтермелеу үшін әр 30 минут сайын әдетте 50 ХБ (1 таблетка) қолданады; препараттың қажетті мөлшері жекелей анықталады.

Тұрақты және күшті толғақ қалыптасқаннан кейін препараттың дозасын екі есеге азайтады (0,5 таблетка) немесе босану әрекетін демеу үшін 1 сағаттық аралықпен береді.

Ең жоғары доза доза 500 ХБ, сирек жағдайларда 900 ХБ және одан көбірек болады. Әсері болмағанда препаратты 24 сағаттан кейін (егер жол берілетін болса) қайталап қолдануға болады.

Лактацияны көтермелеу үшін босанудан кейінгі кезеңнің 2-6 күндері аралығында сәбиді күніне 2-ден 4 ретке дейін емізгенше 5 минут бұрын 25-50 ХБ (0,5-1 таблеткадан) тағайындайды.

Жағымсыз әсерлері

- жатырдың түйілуі (сондай-ақ аз дозада қолданғанда)

- жатыр гипертонусы, тетаникалық жиырылуы, жатыр мен қынаптық тіндер жыртылумен жатырдың аса жоғары белсенділігі жатырдың жоғары сезімталдығы және демокситоциннің жоғары дозаларында туындауы мүмкін

- брадикардия, аритмия, асфиксия, шарананың жедел гипоксиясы болуы мүмкін

- ана үшін де, шарана үшін де өліммен аяқталуы мүмкін

- жүктілік және босану асқынулары кезінде өмірге қауіпті афибриногенемия және босанудан кейінгі қан кету

- таралған тамырішілік коагуляцияның туындау қаупі (окситоцинді қолданғанда сирек байқалады)

- жаңа туған нәрестелердің сарғаюы, торқабықтағы қан құйылу

Мұнан әрі аталған жағымсыз әсерлері ағзалар жүйесінің топтарына сәйкесжіктелген; кездесу жиілігін көрсеткенде мынадай жүктеу пайдаланылады: өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10 000, <1/1000), өте сирек (<1/10 000), жекелеген жағдайларды қоса.

Иммунитет жүйесі тарапынан

Сирек: анафилаксиялық реакциялар (тыныс алудың қиындауы, гипотензия немесе шок болатын)

Жүйке жүйесі тарапынан

Жиі: бас ауыруы

Жүрек функциясы тарапынан

Жиі: тахикардия, брадикардия

Жиі емес: аритмия

Асқазан-ішек жолы тарапынан

Жиі: жүрек айну, құсу

Тері және тері асты тіндері тарапынан

Сирек: бөрту

Қолдануға болмайтын жағдайлар

  • демокситоцинге және/немесе препараттың кез келген қосымша затына жоғары сезімталдық
  • лактоза жақпаушылығы, лактаза тапшылығы, глюкоза-галактоза мальабсорбциясы
  • жатырдың гипертониялық жиырылуы, бала туу жолдарының механикалық зақымдануы, шарана гипоксиясы
  • жамбас пен ұрық өлшемдерінің сәйкессіздігі, шарананың көлденең немесе қиғаш жатуы, плацентаның немесе кіндік тамырларының алдынан жатуы, плацентаның мерзімінен бұрын ажырауы, жүктілік санының көп болуымен байланысты жатыр жыртылу қаупін төндіретін кіндіктің түсуі, суының көп болуы, жүктіліктің көп болуы және кесарь тілігін қоса, операциядан кейін жатыр қабырғасында тыртықтың болуы
  • ауыр преэклампсиялық токсикоз және ауыр жүрек және қантамыраурулары, сондай-ақ инертті жатыр жағдайында (демокситоцинге/окситоцинге резистенттілік)

Дәрілермен өзара әрекеттесуі

Анестезия үшін қолданылатын препараттардың (циклопропан, галотан) ингаляциясы демокситоциннің әсерін азайтады (гипотензиялық әсерін және аритмия қаупін күшейтеді).

Простагландиндер демокситоциннің утеротониялық әсерін ұлғайтуына байланысты соңғысын простагландиндерді қынаптық қолданғаннан кейін 6 сағат ішінде қолданбайды.

Каудальді анестезия кезінде демокситоцин симпатомиметикалық вазоконстрикторлық прессорлы әсерін арттыруы мүмкін.

Айрықша нұсқаулар

Босануды дәрі-дәрмекпен стимуляциялау кезінде босанушы әйелді мұқият бақылау керек. Жатыр жиырылуы қарқындылығын, шарананың жүрек соғуы мен орналасуын, пациенттің демокситоцинге жеке реакциясын, қажет болғанда дозаны таңдай отырып, бақылау қажет. Шамадан тыс күшті босану әрекеті кезінде препарат қолдануды тоқтатқан жөн.

Аса сақтық таныту керек:

-егер жамбас пен ұрық өлшемдерінің сәйкессіздік қаупі болса (егер қаупі елеулі болса, демокситоцин қолданбаған жөн)

-егер жатырдың екінші инерттілігі болса

-жүктілік салдарынан гипертензия, жүрек ауруы

-35 жастан асқан жүкті әйелдер

-егер анамнезде төменгі жатыр сегментіндегі кесарь тілігі айтылатын болса

-егер жатырішілік өлуі немесе құрамында меконий бар шарана маңындағы су (шарана маңы суының эмболиясы) байқалса

Простагландиндерді бір мезгілде қолданғанда (өте мұқият бақылау қажет), сондай-ақ каудальді анестезия кезінде (симпатомиметикалық вазопрессорлық препараттардың гипертензиялық әсері күшеюі мүмкін) демокситоциннің әсері күшейеді.

Демокситоцин, окситоцин аналогын босану әрекетін қоздыру үшін қолданусирек кездесетін босанудан кейінгі дисеминирленген тамырішілік коагуляция (ДВК) қаупін күшейтуі мүмкін деген деректер бар. Бұл қауіп 35 жастан асқан әйелдерде, сондай-ақ жүктілік асқынулары бар немесе жүктілік ұзақтығы 40 аптадан асатын әйелдерде айқындау көрінеді. Мұндай жағдайларда окситоцин мен оның аналогтарын сақтықпен қолдану керек, әрі дәрігер ДВК (яғни фибринолиз) көріністеріне қатысты мұқият болуы тиіс.

Дезаминоокситоцин таблеткаларының құрамында сахароза және лактоза моногидраты болады. Бұл препарат сирек кездесетін туа біткен фруктоза жақпаушылығы, глюкоза-галактоза мальабсорбциясы немесе сахароза-изомальтаза жеткіліксіздігі бар пациенттерге, сондай-ақ сирек кездесетін туа біткен галактоза жақпаушылығы немесе Лапп лактаза тапшылығы бар пациенттерге ұсынылмайды.

Жүктілік және лактация

Демокситоцинді босанатын әйел мен шаранадағы асқыну қаупінің артуымен байланысты жүктілік кезеңінде сақтықпен қолданады.

Демокситоциннің аздаған мөлшерде ана сүтіне түсуі мүмкін. Асқынулары белгісіз. Препарат баланың асқазан-ішек жолында бұзылады.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Көлікті және қауіптілігі зор механизмдерді басқару қабілетіне әсер етуіне зерттеу жүргізілмеген.

Артық дозалануы

Қазіргі уақытқа дейін дезаминоокситоцин таблеткаларын қолдану кезінде улану жағдайлары жөнінде хабарланған жоқ. Препарат, пептидтік сипатына орай, асқазан-ішек жолында белсенділігін жылдам жоғалтады.

Жоғары дозаларды трансбуккальді қолданғанда ауыр жағымсыз әсерлері болуы мүмкін. Артық дозалану жағдайында препарат қолдануды дереу тоқтату керек. Симптоматикалық емдеу.

Шығарылу түрі мен қаптамасы

Таблеткалар 50 ХБ.

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

1 пішінді ұяшықты қаптамадан қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

«Гриндекс» АҚ, Крустпилс к-сі, 53, Рига, LV-1057, Латвия

Тіркеу куәлігі иесінің атауы мен елі

«Гриндекс» АҚ, Латвия

Қазақстан Республикасы аумағында тұтынушылардаy өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Гриндекс» АҚ өкілдігі

050010, Алматы қ., Достық даңғ.,Бөгенбай батыр көш. қиылысы, 34а/87а үй, №1 кеңсе

т./ф. 291-88-77, 291-13-84

эл. пошта: grindeks.asia.kz@mail.ru

Дәріханалар

Тауар артығымен бар
Тауар аз қалды
Аптека №40
г. Алматы, пр. Гагарина, 296
Круглосуточно
Аптека №309
ул. Тимирязева, дом № 42/30
09 00- 22 00
Аптека №311
улица Курмангазы, дом 144, НП 74Б.
Круглосуточно