Сипаттама
Дәрілік затты медициналық қолдану жөніндегі нұсқаулық
ДИАЗОЛИН
Саудалық атауы
Диазолин
Халықаралық патенттелмеген атауы
Мебгидролин
Дәрілік түрі
Драже 0,05 г және 0,1 г
Құрамы
1 драженің құрамында
белсенді зат – 100% құрғақ затқа шаққанда мебгидролин 0,05 г немесе 0,1 г
қосымша заттар: сахароза, крахмал сірнесі, тальк, сары балауыз, күнбағыс майы.
Сипаттамасы
Ақ немесе ақ дерлік түсті драже. Көлденең кесіндісінен екі қабат көрінеді. Драже шар тәрізді пішінде болуы керек.
Фармакотерапиялық тобы
Респираторлық жүйе. Жүйелі әсер ететін антигистаминдік препараттар. Жүйелі әсер ететін антигистаминдік басқа препараттар. Мебгидролин.
ATX коды R06A X15
Фармакологиялық қасиеттері
Фармакокинетикасы
Ас қорыту жолынан тез сіңеді. Биожетімділігі 40-60% шегінде өзгеріп отырады. Емдік әсері 15-30 минут өткен соң пайда болады, ең жоғары әсері 1-2 сағаттан кейін байқалады. Әсерінің ұзақтығы 2 тәулікке жетуі мүмкін. Препарат гематоэнцефалдық бөгет арқылы өтпейді дерлік, бауырда метилдену жолымен метаболизденеді, бауыр ферменттерін индукциялайды, организмнен бүйректер арқылы шығарылады.
Фармакодинамикасы
Мебгидролин антигистаминдік препараттарға жатады, гистаминнің Hl-рецепторларының блокаторы болып табылады. Мебгидролинбронхтардың, ішектің тегіс бұлшықеттеріне қатысты гистаминнің спазмогендік әсерін, сондай-ақ оның қантамырлардың өткізгіштігіне ықпалын бәсеңдетеді. Бірінші буынды антигистаминдік препараттардан (димедрол, супрастин) айырмашылығы – айқындылығы азырақ тыныштандыратын және ұйықтататын әсері бар. Әлсіз білінетін м-холинблокаторлық және жансыздандырғыш қасиеттері бар.
Қолданылуы
- маусымдық және аллергиялық риниттің профилактикасында және емдеуде
- поллинозда
- есекжемде
- тағамдық және дәрілік аллергияда
- жәндіктердің шағуынан кейін болатын тері реакцияларында
- терінің қышуымен қатар жүретін дерматозда (экзема, нейродермит)
Қолдану тәсілі және дозалары
Диазолинді тамақтан кейін ішке тағайындайды, ересектерге және 12 жастан бастап балаларға күніне 1-2 рет 0,1 – 0,2 г. Ересектер үшін ең жоғары доза: бір реттік – 0,3 г, тәуліктік – 0,6 г.
5-12 жастағы балаларға күніне 1-3 рет 0,05 г, 3-5 жастағы балаларға күніне 1-2 рет 0,05 г тағайындайды. Емдеу ұзақтығын дәрігер аурудың сипатына, клиникалық әсеріне және препараттың жағымдылығына қарай белгілейді.
Жағымсыз әсерлері
ДДҰ деректері бойынша жағымсыз әсерлер олардың даму жиілігіне сәйкес төмендегідей жіктелген: өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10000, <1/1000) және өте сирек (<1/10000); белгісіз (құбылыстардың туындау жиілігін қолда бар деректер негізінде анықтауға болмайды).
Белгісіз:
- асқазан-ішек жолының шырышты қабығының тітіркенуі, олар кейде диспепсиялық құбылыстармен (қыжыл, жүректің айнуы, эпигастрий аймағының ауыруы) білінеді
- бас айналу, парестезиялар, қатты қажығыштық, ұйқышылдық, көздің көруінің көмескіленуі, реакция шапшаңдығының баяулауы, тремор, үрейленгіштік (түнде)
- ауыз ішінің құрғауы, несептің бөлініп шығуының бұзылуы, аллергиялық реакциялар.
Өте сирек гранулоцитопения және агранулоцитоз дамуы мүмкін.
Балаларда кейде әдеттен тыс реакциялар байқалады: қатты қозғыштық, тремор, ұйқының бұзылуы, ашушаңдық.
Жекелеген жағдайларда тіркеуден кейінгі кезеңдерде келесі жағымсыз реакциялар білінді:бас ауыру, қышыну, бөртпелер, есекжем, Квинке ісінуі.
Қолдануға болмайтын жағдайлар
- препарат компоненттеріне аса жоғары сезімталдық
- асқазанның және он екі елі ішектің ойық жара ауруының өршу кезеңі
- ас қорыту жолының қабыну аурулары
- пилоростеноз
- қуық асты безінің гиперплазиясы
- жабық бұрышты глаукома
- эпилепсия
- жүрек ырғағының бұзылуы
- жүктілік және лактация кезеңі
- 3 жасқа дейінгі балалар (0,05 г доза үшін)
- 12 жасқа дейінгі балалар (0,1 г доза үшін)
Дәрілермен өзара әрекеттесуі
Диазолин ұйықтатқыш, тыныштандыратын және орталық жүйке жүйесінің қызметін тежейтін басқа да препараттардың, сондай-ақ алкогольдің әсерін күшейтеді.
Айрықша нұсқаулар
Диазолинді бауыр және/немесе бүйрек қызметінің ауыр жеткіліксіздігі кезінде сақтықпен тағайындайды (доза түзетілуі және қабылдау арасындағы аралықтардың ұзаруы мүмкін). Диазолинмен емдеу кезінде алкоголь ішімдіктерін және құрамында этанол бар дәрілерді қолдануға болмайды.
Егер Сізде кейбір қанттардың жақпаушылығы анықталған болса бұл препаратты қабылдаудан бұрын дәрігерден кеңес алыңыз.
Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препаратты қолданғанда автокөлікті басқаруға және зейін қоюды қажет ететін қауіпті қызмет түрлерімен айналысуға болмайды.
Артық дозалануы
Препаратпен артық дозаланған кезде тиісті бөлімде айтылған жағымсыз реакциялардың пайда болу қаупі жоғарылайды. Бұл жағдайда препаратты тоқтатады, қажет болғанда жалпы уытсыздандыру шаралары (асқазанды шаю, қарқындатылған диурез), симптоматикалық ем жүргізіледі.
Шығарылу түрі және қаптамасы
Қорапшаға салынбаған 10 дражеден поливинилхлоридті түссіз үлбірден және баспалы лакталған алюминий фольгадан жасалған пішінді ұяшықты қаптамада.
Немесе 10 дражеден поливинилхлоридті түссіз үлбірден және баспалы лакталған алюминийфольгадан жасалған пішінді ұяшықты қаптамада. 2 пішінді ұяшықты қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
42 ай.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Фармак» ЖАҚ, Украина, 04080, Киев қ-сы, Фрунзе к-сі, 74.
Тіркеу куәлігінің ұстаушысы
«Фармак» ЖАҚ, Украина
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):
«Фармак» ЖАҚ Қазақстан Республикасындағы өкілдігі
Қазақстан Республикасы, Алматы қ., индекс 050012, Амангелді к-сі, 59 "А", "Шартас" бизнес орталығы, 9 қабат. Тел./факс: +7 (727) 267 63 73, электрондық пошта: а.aspetova@farmak.kz
