Доксициклин 100 мг, №10, капс.

Сипаттама

Дәрілік затты медициналық қолдану

жөніндегі нұсқаулық

Доксициклин

Саудалық атауы

Доксициклин

Халықаралық патенттелмеген атауы

Доксициклин

Дәрілік түрі

100 мг капсулалар

Құрамы

Бір капсуланың құрамында

белсенді зат – 100 мг доксициклин (доксициклин хиклаты түрінде),

қосымша заттар – картоп крахмалы, магний стеараты, лактоза моногидраты,

капсула құрамы: желатин, метилпарагидроксибензоат (Е218), пропилпарагидроксибензоат (Е216),титанның қостотығы (Е 171),хинолинді сары (Е 104), күн батар түстес сары (Е 110).

Сипаттамасы

Цилиндр пішінді, шеттері жартылай сфералы, сары түсті қатты желатинді капсулалар. Капсуланың ішіндегісі – ақтеңбілдері бар сары түсті ұнтақ.

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Тетрациклиндер. Доксициклин.

АТХ коды J01AA02

Фармакологиялық қасиеттері

Фармакокинетикасы

Ішке қабылдағаннан кейін препарат ас қорыту жолдарынан қабылданған дозасына пропорционал сіңіріледі. 200 мг доксициклинді ішке қабылдағаннан кейін 2,6 мкг/мл құрайтын плазмадағы ең жоғары концентрациясына 2 сағатта жетеді.Биожетімділігі97-98% құрайды. Ас қабылдау сіңірілуіне айтарлықтай әсер етпейді. Қабылдағаннан кейін 24 сағат өткен соң доксициклиннің концентрациясы 1,25-1,5 мкг/мл құрайды. Доксициклиннің плазмадағы емдік концентрациясы 1,5-3,0 мкг/мл құрайды.

Қанда плазма ақуыздарымен (80-93%-ға) қайтымды байланысады. Гистогематикалық бөгеттер арқылы барлық ағзалар мен тіндерге жеңіл өтеді. Қабылдағаннан кейін 30-45 минут өткенде бауырда, бүйректе, өкпеде, көк бауырда, сүйекте, тісте, қуық асты безінде, көз тіндерінде,плевральдікжәне перитонеальдік сұйықтықта, өтте, синовиальдік сұйықтықта, гаймор және маңдай қойнаулары экссудаттарында емдік концентрацияларда табылады. Ретикулоэндотелиальдік жүйенің тіндері мен сүйекте жинақталады, мұнда Ca²⁺ иондарымен ерімейтін жиынтықтар түзеді. Плаценталық бөгет арқылы өтеді, емшексүтіне (оның плазмадағы деңгейінің 30-40% ) бөлініп шығады. Сілекейде доксициклиннің концентрациясы оның қан плазмасындағы концентрациясының 5-27% құрайды. Гематоэнцефалдық бөгет арқылы нашар өтеді. Жұлын сұйықтығындағы доксицилиннің деңгейі плазмадағы деңгейінің 10-20% құрайды. Доксициклиннің таралу көлемі - 0,7 л/кг. Қайталап енгізгенде доксициклин жинақталуы мүмкін.

Доксициклиннің метаболизмі бауырда жүреді, мұнда препараттың 30-60% биоөзгеріске ұшырайды. Өтпен(20-60%) шығарыладыжәне нәжіске түседі, ол жерде белсенді емес хелаттық жиынтықтар түзеді. Энтерогепатикалық айналымға ұшырайды. Азғантай дәрежеде (72 сағаттың ішінде белсенді доксициклин түрінде 40%) несеппен шығарылады. Бір рет қабылдағаннан кейін доксициклиннің жартылай шығарылу кезеңі 10-18 сағатты құрайды және қайталама дозаларды қабылдаған кезде 22-23 сағатқа дейін артады. Бүйрек функциясы бұзылған пациенттерде доксициклиннің шығарылуы өзгермейді, өйткені доксициклиннің ішек арқылы шығарылуы компенсаторлы артады.

Фармакодинамикасы

Тетрациклиндер тобына жататын, әсер ету ауқымы кең жартылай синтетикалық антибиотик. Микроорганизмдердегі ақуыз синтезін бәсеңдете отырып, бактериостатикалық әсер етеді.

Әсер ету механизмі бактериялар жасушаларында ақуыздар синтезін бұзумен байланысты. Доксициклин бактериялық жасушаның ішіне өтіп, рибосомалардың 50S-суббірлігінің аминоацильдік орталығымен өзара әрекеттеседі.

Ақуыздық тізбектің құрылуы үшін аминоацил-тРНҚ-ға рибосомаға жаңа аминқышқылдарын жеткізуге мүмкіндік бермей пептидилтранслоказды реакцияны бұзады. Адам рибосомаларына әсер етпейді бұл оның құрамында 50S-суббірліктің орнына рибосоманың 70S-суббірлігінің болуымен байланысты.

Грамоң аэробтық бактериялар: Streptococcus haemolyticus, Streptococcus viridans, Streptococcus pneumoniae, Enterococcus faecalis, Staphylococcus spp. (соның ішінде Staphylococcus aureus, Staphylococcus epidermidis) Listeria spp. (соның ішінде Listeria monocytogenes), Bacillus anthracis; грамтеріс аэробтық бактериялар: Neisseria gonorrhoeae, Neisseria meningitides, Haemophilus influenzae, Brucella spp., Escherichia coli, Shigella spp., Salmonella spp., Yersinia spp., Pasteurella spp., Vibrio spp., Francisella tularensis, Klebsiella spp., Legionella spp., Treponema spp. . (соның ішінде β-лактамдық антибиотиктерге төзімді штамдар), Campylobacter spp., Rickettsiae spp.; грамотеріс анаэробты микроорганизмдер: Clostridium spp., Enterobacter spp., Bacteroides spp. қатысты белсенді.

Mycoplasma spp., Chlamydia spp. қатысты белсенділігі жоғары. Кейбір қарапайымдар: P. falciparum, Entamoeba histolytica-ға әсер етеді. ДоксициклингеProteus spp., Serratia spp., Pseudomonas spp., штамдарының көпшілігі, зеңдер (Actynomyces spp. қоспағанда) төзімді. Тетрациклинге төзімді бактериялар доксициклинге айқаспалы төзімділікке ие.

Доксициклин дәнекертін матриксінің металлопротеиназаларын (коллаген мен протеогликандарды бұзатын ферменттерді) бөгеуге және деформацияланатын остеопорозда шеміршектің зақымдану айқындығын азайтуға қабілетті.

Қодданылуы

Доксициклин келесі инфекцияларды емдеу үшін қолданылады:

- респираторлық инфекцияларда: Streptococcus pneumoniae, Haemophilus influenzae, Klebsiella pneumoniaе сезімтал штамдарынан және басқа организмдерден, Mycoplasma pneumoniaeден туындаған пневмонияда және төменгі тыныс жолдарының басқа инфекцияларында, созылмалы бронхитті, синуситті емдеуде

- несеп шығару жолдарының Klebsiella түрлерінің, Enterobacter, Escherichia coli, Streptococcus faecalis түрлерінің сезімтал штамдарынан және басқа организмдерден туындаған инфекцияларында

- жыныстық жолмен берілетін инфекцияларда: асқынбаған уретралық, эндокриндік немесе ректальді инфекцияларды қоса, Chlamydia trachomatisтен туындаған ауруларда; Ureaplasma urealyticumтен (T-mycoplasma) туындаған создық емес уретритте. Сонымен қатар, доксициклин 100 мг шанкроидты, гранулеманы және венералық лимфогранулеманы емдеу үшін қолданылады. Доксициклин 100 мг соз бен мерезді емдеудегі баламалы препарат болып табылады.

- дерматологиялық инфекцияларда: Acne vulgaris, бактерияға қарсы емдеу қажет деп есептелген жағдайларда.

Доксициклин 100 мг тетрациклиндік қатар антибиотиктері препараты болып табылатындықтан, осы топтағы барлық дәрілік заттар сияқты, келесі ауруларды емдеуде қолданылады:

- офтальмологиялық: gon-ococci, staphylococci және Haemophilus influenzae сезімтал штамдарынан туындаған инфекцияларда. Доксициклин капсулалары инфекциялық агентінің үнемі жойыла бермейтіндігіне қарамастан, трахоманы емдеуде қолданылады, ол иммунофлуоресценттік зерттеулерде дәлелденген;

- риккетсиальді инфекцияларда: Жартасты таулардың таңдақты қызбасында, бөртпе сүзекте және сүзектің басқа түрлерінде, Q-қызбада, Кью-гарден таңдақты қызбасында, кене қызбасында.

- басқа инфекцияларда: пситтакозда, бруцеллезде (стрептомицинмен бірге), тырысқақта, бубонды оба, бит және қайталанатын кене қызбасында, туляремияда, мелиоидозда, хлорохинге төзімді безгекте және ішектің жедел амебиазында (амебицидтерге қосымша ретінде).

Доксициклин 100 мг лептоспирозды, газды гангренаны және сіреспені емдеуге арналған баламалы препарат болып табылады.

Доксициклин 100 мг келесі аурулардың профилактикасы үшін көрсетілген: соқпасүзек, саяхатшылар диареясы (энтеротоксигенді Escherichia coli), лептоспироз және безгек. Безгекпрофилактикасын қолданыстағы нұсқаулықтар қағидаларына сәйкес қолдану керек.

Көптеген микроорганизмдер штамдарының доксициклинге төзімділігі туралы деректер бар болғандықтан, екпе жүргізу және антибиотиктерге сезімталдықты анықтау ұсынылады.

Қолдану тәсілі және дозалары

Препаратты тамақтану кезінде немесе оданкейін бір стақан сумен ішке қабылдайды. Капсулаларды отырған немесе тұрған қалыпта, және өңештің тітіркенуі мен ойық жаралану қаупін азайту үшін, ұйықтардан біраз уақыт бұрын қабылдайды. Егер асқазанның тітіркену белгілері байқалса, Доксициклинді тамақпен немесе сүтпен қабылдау ұсынылады.

Доксициклиннің ересектердегі жедел инфекцияларды емдеуге арналған әдеттегі дозасы алғашқы күні 200 мг құрайды (бір реттік дозасы түрінде қабылданады немесе он екі сағаттық аралықпен қабылданатын тең екі дозаға бөлінеді), ары қарай күніне 100 мг демеуші дозасында қабылданады.

Ауырырақ инфекцияларды емдеуде (әсіресе, несеп шығару жолдарының созылмалы инфекцияларын) барлық емдеу кезеңі бойына күніне 200 мг дозасын тағайындау керек. Ұсынылған дозасын арттыру жағымсыз әсерлерінің пайда болуы жиілігінің артуына алып келуі мүмкін. Емдеу,симптомдары мен қызба басылғаннан кейін кемінде 24-48 сағатқа жалғасуы тиіс.

Стрептококктық инфекциялар үшін пайдаланғанда, жедел ревматизмдік қызбаның немесе гломерулонефриттің дамуын болдырмас үшін, емдеуді 10 күн бойы жалғастыру керек.

Белгілі бір инфекцияларда дозалау жөніндегі ұсынымдар:

Acne vulgaris: 6-12 апта бойы күн сайын тамақпен немесе сұйықтықпен 50 мг.

Жыныстық жолмен берілетін аурулар: келесі инфекцияларда 7 күн бойы күніне екі рет 100 мг ұсынылады: асқынбаған гонококктық инфекцияларда (ерлердегі аноректальді инфекциялардан басқа); Chlamydia trachomatis-тен туындаған асқынбаған уретральді, эндоцервикальді немесе ректальді инфекцияда; Ureaplasma urealyticum-нен туындаған гонококктық емес уретритте.

Жедел орхоэпидидимис, Chlamydia trachomatis немесе Neisseria gonorrheaдан туындаған түрінде: 10 күн бойы күніне екі рет 100 мг.

Бастапқы және салдарлы мерез: екі апта бойы күніне екі рет 200 мг доксициклин ішу арқылы (пенициллинге аллергиясы бар жүкті емес пациенттер үшін).

Пенициллинмен емдеудің баламасы ретінде.

Кене және биттен болатын соқпасүзек: ауырлық дәрежесіне байланысты бір реттік 100 немесе 200 мг дозасы.

Қас-қағымдық үшкүндік, хлорохинге төзімді безгекті емдеу: кемінде 7 күн бойы күн сайын 200 мг. Инфекцияның ауыр болу ықтималдығына байланысты, хинин сияқты жылдам әсер ететін шизонтицидті үнемі Доксициклинмен бірге тағайындау керек; хининді дозалау жөніндегі ұсынымдар түрлі аймақтарда өзгеше болып келеді.

Безгек профилактикасы: ересектер мен 12 жастан асқан балаларда күн сайын 100 мг. Профилактикасын безгекті аудандарға жол жүрерден 1-2 күн бұрын бастауға болады. Оны саяхаттау кезінде күнделікті және саяхатшы безгекті аймақтан кеткеннен кейін 4 апта бойы жалғастыру керек.

Жапондық өзен қызбасының профилактикасы: бір реттік дозасы түрінде 200 мг. Ересектердегі ''саяхатшылар'' диареясының профилактикасы үшін: саяхаттың алғашқы күні 200 мг (бір реттік дозасы түрінде немесе әр 12 сағат сайын 100 мг-ден қабылданады), содан соң, осы ауданда болу кезеңі бойына күн сайын 100 мг. Препараттың 21 күннен кейін профилактика ретінде пайдаланылуы жөнінде мәліметтер жоқ.

Лептоспироз профилактикасы: осындай ауданда болған кезде аптасына бір рет 200 мг және жолсапар аяқталғаннан кейін 200 мг. Препараттың 21 күннен кейін профилактика ретінде пайдаланылуы жөнінде мәліметтер жоқ.

Егде жастағы адамдарда пайдалану: Доксициклинді егде жастағы адамдарға сақтық шараларынсыз, әдеттегі дозаларында тағайындауға болады. Бүйрек жеткіліксіздігі болған жағдайда, дозасын түзету қажет емес.

Бүйрек жеткіліксіздігі: Доксициклинді әдеттегі ұсынылатын дозаларында қолдану бүйрек жеткіліксіздігі бар пациенттерде антибиотиктің жинақталуына алып келмейтінін көрсетті.

Жағымсыз әсерлері

Доксициклинді қоса, тетрациклиндерді қабылдаған пациенттерде келесі жағымсыз реакциялар байқалған. Өте жиі (≥1/10); жиі (≥1/100 - <1/10 дейін); жиі емес (≥1/1000 - <1/100 дейін); сирек (≥1/10000 - <1/1000 дейін); өте сирек (<1/10000); белгісіз (қолда бар мәліметтер бойынша бағалау мүмкін емес).

Жиі

- анафилактоидтық реакциялар (соның ішінде, аса жоғары сезімталдық реакциялары, анафилактоидтық пурпура, гипотония, перикардит, ангионевроздық ісіну, жүйелі қызыл жегінің өршуі, ентігу, сарысу құю ауруы, шеткері ісінулер, тахикардия және есекжем)

- бас ауыруы

- қызару (беттің қызаруы)

- жүрек айнуы, құсу

- фотосезімталдық реакциялары, бөртпелер, соның ішінде макулопапулалық және эритемалық бөртпелер

Жиі емес

- вагинит

- диспепсия (қыжыл/гастрит)

Сирек

- кандидоз

- гемолиздік анемия, нейтропения, эозинофилия, тромбоцитопения

- эозинофилиямен және жүйелі көріністерімен жүретін дәрілік бөртпе (DRESS- синдром), Яриш-Герксгеймер реакциясы

- микроскоппен зерттеудеқалқанша без тінініңқоңыр-қара түске боялуы

- порфирия, тәбеттің нашарлауы

- қатерсіз бассүйекішілік гипертензия (pseudotumor cerebri)*, жаңа туған нәрестелерде еңбегінің ісінуі

- құлақтағы шуыл

- панкреатит, жалғанжарғақшалы колит, С. difficile туғызған диарея, өңештің ойық жаралануы, эзофагит, энтероколит, аногениталий аймағындағы қабыну өзгерістері (кандида тектес зеңдердің шамадан тыс көбеюімен), іш ауыруы, диарея, дисфагия, глоссит, стоматит

- бауыр жеткіліксіздігі, гепатоуыттылық, гепатит, сарғаю, бауырдың функционалдық сынамаларының өзгеруі

- уытты эпидермалық некролиз, Стивенс-Джонсон синдромы, көпформалы эритема, эксфолиативтік дерматит, фотоонихолизис

- артралгия, миалгия

- қандағы мочевинаның жоғарылауы

Белгісіз

- тістердің түссізденуі**

* Қатерсіз бассүйекішілік гипертензия кезінде туындайтынсимптомдарғаанық көрмеу, скотомалар және диплопия жатқызылған. Тұрақты түрде көрмей қалу жағдайлары байқалған.

** Тетрациклиндер әдетте, ұзақ уақыт қолданғанда тістердің түссізденуін жәнеэмальгипоплазиясын туғызуы мүмкін.

Болжамды жағымсыз реакциялар туралы деректерді хабарлау

Препаратты қолданудың пайдасы мен қаупінің арақатынасына мониторинг жүргізу үшін, дәрілік препаратты тірекеуден кейінгі жағымсыз реакциялар туралы деректерді хабарлаудың маңызы зор. Барлық медицина қызметкерлері мен пациенттер кез келген жағымсыз реакциялар туралы, медициналық қолдану жөніндегі осы нұсқаулықтың соңында көрсетілген мекенжайға мен телефондарға хабарлап отыруы керек.

Қолдануға болмайтын жағдайлар

• доксициклинге, басқа тетрациклиндерге немесе препараттың құрамына кіретін қандай-да бір затқа аса жоғары сезімталдық;
• бауыр және бүйрек функциясының ауыр бұзылулары;
• порфирия;

• лейкопения;
• жүктілік және лактация кезеңі;
• балаларға және 18 жасқа дейінгі жасөспірімдерге
• тұқым қуалайтын лактозаны, галактозаны көтере алмаушылық, лактаза жеткіліксіздігі, глюкоза-галактоза сіңірілуінің нашарлауы

Дәрілермен өзара әрекеттесуі

Доксициклиннің сіңірілуі құрамында алюминий, кальций, магний бар антацидтермен және құрамына Аталған катиондар, сондай-ақ, мырыш, темір тұздары немесе висмут кіретін басқа препараттармен бір мезгілде қабылдағанда бұзылуы мүмкін. аталған дәрілік заттарды қабылдаулар барынша ұзақ уақыт аралығымен бөлінуі тиіс.

Доксициклин ішек флорасын бәсеңдетудің және К дәруменінің синтезін төмендетудің есебінен, тікелей емес антикоагулянттардың әсерін күшейтеді.

Тетрациклиндер плазмадағы протромбин белсенділігін төмендетеді, бірге қолданылатын антикоагулянттардың дозаларын азайту қажет болуы мүмкін.

Доксициклин құрамында эстроген бар оральді контрацептивтердің тиімділігін төмендетеді және «лақылдап қан кетулердің» даму жиілігін арттырады.

Бауырдың микросомалық ферменттерін индукциялайтын дәрілік заттар (барбитураттар, фенитоин, карбамазепин), доксициклин метаболизмін күшейтеді және оның қандағы концентрациясын төмендетеді. Доксициклиннің тәуліктік дозасын арттыру қажет болуы мүмкін.

Пенициллиндер мен доксициклин бір-бірінің микробқа қарсы әсерін өзара әлсіретеді. Сондықтан, бұл антибиотиктердің бірге қолданылуын болдырмау керек.

Колестирамин мен колестипол доксициклиннің ішекте сіңірілуін төмендетеді.

Ретиноид изотретиноин доксициклиннің нейроуытты әсерін күшейтеді және бассүйекішілік гипертензияның даму ықтималдылығын арттырады.

Доксициклин циклоспориннің плазмалық концентрациясын арттыруы мүмкін. Аталған дәрілік заттарды бірге қолдану тек дәрігердің бақылауымен ғана жүзеге асырылуы тиіс.

Тетрациклиндер мен метоксифлуранды (ингаляциялық наркозға арналған дәрі) бірге қолдану бүйректің ауыр жеткіліксіздігінің (өлім жағдайларын қоса) дамуына алып келуі мүмкін.

Алкогольді қолдану доксициклиннің жартылай шығарылу кезеңін азайтады және оның шығарылуын жеделдетеді.

Зертханалық көрсеткіштерге әсері. Доксициклинмен емдеу кезінде несептегі катехоламиндер деңгейін флуоресценттік әдіспен анықтауда жалған оң нәтижелер туындауы мүмкін.

Айрықша нұсқаулар

Бауыр функциясының бұзылулары бар пациенттер. Доксициклин бауыр жеткіліксіздігі бар пациенттерде, сондай-ақ гепатоуыттылығы зор препараттарды қабылдап жүрген адамдарда сақтықпен қолдану керек.

Доксициклинді қоса, тетрациклиндерді ішу арқылы немесе парентеральді қабылдаумен байланысты бауыр функциясының бұзылулары сирек байқалған.

Бүйрек функциясының бұзылулары бар пациенттер. Бүйрек функциясы сақталған адамдарда доксициклиннің бүйрек арқылы шығарылуы 72 сағат ішінде шамамен 40%-ды құрайды. Бұл аралық бүйректің ауыр жеткіліксіздігі бар (креатинин клиренсі 10 мл / минуттан төмен) адамдарда 72 сағат ішінде 1-5%-ға дейін кемуі мүмкін. Бүйрек функциясы сақталған және бұзылған адамдарда доксициклиннің қан сарысуынан жартылай шығарылу кезеңінде елеулі айырмашылық анықталған жоқ. Гемодиализ препараттың қан сарысуынан жартылай шығарылу кезеңіне әсер етпейді. Антианаболикалық әсерінің есебінен, тетрациклиндер қандағы мочевина деңгейінің жоғарылауынтуғызуымүмкін. Доксициклинді бүйрек функциясының бұзылулары бар пациенттерде пайдаланғанда, антианаболикалық әсері туындамайды.

Тері тарапынан реакциялар.Доксициклинді қабылдағанда эксфолиативтік дерматит, көпформалы эритема, Стивенс-Джонсон синдромы, уытты эпидермалық некролиз сияқты терінің ауыр реакциялары, дәрілік заттарға эозинофилиямен жәнежүйелі симптомдарымен қатар жүретін реакциялар(DRESSсиндром) дамыған жағдайлар байқалған.Күрделі жағымсыз реакциялар пайда болған жағдайда, доксициклинді қабылдауды дереу тоқтату және сәйкесінше ем тағайындауқажет.

Фотосенсибилизация. Доксициклинді қоса, тетрациклиндерді қабылдап жүрген кейбір пациенттерде жарыққа сезімталдық реакциялары байқалады. Доксициклинмен емдеу кезінде, сондай-ақ, емдеу аяқталғаннан кейін 4-5 күн ішінде дененің ашық бөліктерін тікелей түсетін күн сәулесінен немесе ультракүлгін сәуледен қорғап жүру ұсынылады. Теріде эритеманың алғашқы көріністері пайда болғанда, тетрациклиндермен, соның ішінде доксициклинмен емдеу дереу тоқтатылуы тиіс.

Микроорганизмдердің шамадан тыс көбеюі. Антибиотиктерді қолдану кейдеCandida қоса, сезімтал емес микроорганизмдердің шамадан тыс көбеюіне алып келеді. Төзімді қоздырғышы пайда болған жағдайда, антибиотикті тоқтату және сәйкесінше ем тағайындау керек.

Жалғанжарғақшалы колит. Доксициклинді қоса, бактерияға қарсы заттардың барлығын дерлік қолданғанда, жалғанжарғақшалы колит дамыған туралы хабарланған. Асқынудың ауырлығы жеңілден өмірге қауіп төндіретінге дейін ауытқып отырған. Доксициклинмен емдеуді тоқтатуға, ал қажет болған жағдайда, сәйкесінше ем жүргізуге (спецификалық антибиотиктер мен химиотерапиялық дәрілерді қабылдау) қатысты шешім қабылдау керек.

Бактерияға қарсы препараттармен емдеу тоқ ішектің қалыпты флорасын өзгертеді, бұл Clostridium difficile қоса, сезімтал емес микроорганизмдердің шамадан тыс көбеюіне алып келеді. Бактерияға қарсы препараттардың барлығын дерлік қолданғанда, Clostridium difficile туғызған диарея жағдайлары тіркелген. Бактерияға қарсы препараттармен емделіп жүрген пациенттер Clostridium difficile туғызған диареяның даму қаупіне байланысты, емдеу курсы аяқталғаннан кейін екі ай бойы мұқият қадағалауда болуы тиіс.

Эзофагит. Доксициклинді қоса, тетрациклиндер класының препараттарын капсула немесе таблетка түрінде қолданған пациенттерде эзофагит және өңештің ойық жаралары жағдайлары тіркелген. Аталған пациенттердің көпшілігі препаратты тура ұйықтар алдында немесе сұйықтықтың жеткіліксіз мөлшерімен қабылдаған.

Қатерсіз бассүйекішілік гипертензия. Тетрациклиндермен емдеу кезіндежаңа туған нәрестелерде еңбегініңісінуі білінеді: Доксициклинді қоса, тетрациклиндерді қабылдау қатерсізбассүйекішілік гипертензиямен (pseudotumorcerebri) қатар жүреді. Әдетте, қатерсізбассүйекішілік гипертензия (pseudotumorcerebri) симптомдары өтпелі сипатқа ие, дегенмен, доксициклинді қоса, тетрациклиндерді қабылдаумен байланыстықатерсізбассүйекішілік гипертензия аясындасалдарлы, тұрақты түрде көрмей қалу жағдайлары байқалған. Емдеу кезінде көру бұзылулары дамыған жағдайда, пациентке дереу офтальмологиялық тексеру жүргізу қажет. Бассүйекішілікқысым дәрілік затты тоқтатқаннан кейін бірнеше апта ішінде үдей түсуі мүмкін болғандықтан, пациентті жағдайы толықтай тұрақтанғанша қадағалау керек. Доксициклиннің изотретиноинмен немесе басқа жүйелі ретиноидтармен бірге қолданылуын болдырмау қажет, өйткені,изотретиноиннің қатерсізбассүйекішілік гипертензияны (pseudotumor cerebri) туғызуға қабілеттілігі белгілі.

Порфирия. Тетрациклинді қабылдаған пациенттерде порфирия туындаған сирек жағдайлар байқалған.

Венерологиялық аурулары емдеу. Қатарлас мерездің болуына күдікпен, венерологиялық ауруларды емдеуде қараңғы өрісті микроскопияны қоса, сәйкесінше диагностикалау емшаралары және басқа талдаулар пайдаланылуы тиіс. Ондай жағдайларда, кемінде төрт ай бойы, ай сайын серологиялық тестілер жүргізіліп отыруы тиіс.

Бета-гемолиздік стрептококк. А тобының бета-гемолиздік стрептококтары туындаған инфекциясы бар пациенттерде емдеу курсы кемінде 10 күнді құрауы тиіс.

Гравис миастениясы. Тетрациклиндер тобының препараттары нейробұлшықет блокадасын туғызуы мүмкін, сондықтан, гравис миастениясы бар пациенттерде доксициклинді қолданғанда сақтық таныту қажет.

Жүйелі қызыл жегі. Тетрациклиндер жүйелі қызыл жегінің өршуін туғызуы мүмкін.

Метоксифлуран. Метоксифлуранды тетрациклиндермен бір мезгілде қолданғанда, нефроуыттылығының жоғарылайтындығына байланысты сақтық таныту керек.

Яриш-Герксгеймер реакциясы. Патогенді спирохеттерден туындаған инфекциялық аурулары бар кейбір пациенттерде доксициклинді қолдануды бастағаннан кейін көп ұзамай Яриш-Герксгеймер реакциясы дамуы мүмкін. Пациенттерді бұл реакцияның туындауы аталған инфекциялық ауруларды антибиотикпен емдеудің салдары болып табылатындығын, және әдетте,бұл реакцияның көріністері өздігінен жойылатындығын айтып тыныштандыру қажет.

Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Доксициклиннің автокөлік немесе басқа механизмдерді басқару қабілетіне әсері туралы мәліметтер жоқ.

Артық дозалануы

Симптомдары: жоғары дозаларын енгізгенде, әсіресе, бауыр функциясы бұзылған пациенттерде нейроуытты реакциялар пайда болуы мүмкін: бас айналуы, жүрек айнуы, құсу, құрысулар, басүйекішілік қысымның көтерілуі салдарынан сананың бұзылуы.

Емі: дәрілік затты тоқтату, асқазанды белсендірілген көмірмен шаю, симптоматикалық ем, доксициклиннің сіңуін болдырмау үшін антацидтер мен магний сульфатын ішке тағайындайды. Спецификалық антидоты жоқ. Гемодиализ бен перитонеальді диализ тиімсіз.

Шығарылу түрі және қаптамасы

Дәрілік препараттарды қаптауға арналған поливинилхлоридті үлбірден немесе пластификатталмаған ПВХ үлбірден және алюминий фольга, немесе баспалы лакталған алюминий фольга негізіндегі, немесе фольга негізіндегі біріктірілген материалдан жасалған иілгіш қаптамадан жасалған пішінді ұяшықты қаптамада 10 капсуладан.

Пішінді ұяшықты қаптамалар (қорапшаға салынбаған) медициналық қолдану жөніндегі мемлекеттік және орыс тіліндегі нұсқаулықтардың сәйкесінше санымен бірге гофрланған картоннан жасалған қорапқа салынған.

Пішінді ұяшықты 2 қаптамадан медициналық қолдану жөніндегі мемлекеттік және орыс тіліндегі бекітілген нұсқаулықпен бірге, хром-эрзац картоннан немесе целлюлоза картоннан жасалған қорапшаларға салынады.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс 8-(10375177)744280.

Тіркеу куәлігінің ұстаушысы

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

Қазақстан Республикасы, 050026. Алматы қ., Нұрмақов к-сі 26/195, 39 пәтер,

«МедФарм» ЖК, тел/факс: +7 (727) 2911 198, тел: +7 777 7040709, +7 777 2306494;

Е-mail: pvqa-bzmp-kz@mail.ru