Доларен 30 г гель для н/п

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Доларен

Халықаралық патенттелмеген атауы

Жоқ

Дәрілік түрі, дозасы

Сыртқа қолдануға арналған гель

Фармакотерапиялық тобы

Сүйек-бұлшықет жүйесі. Буын және бұлшықет ауыруы кезінде жергілікті қолдануға арналған препараттар. Буын және бұлшықет ауыруы кезінде жергілікті қолдануға арналған басқа препараттар. Басқалары.

АТХ коды М02АХ10

Қолданылуы

- миозитте, фиброзитте

- бұлшықеттер мен сіңірлердің созылуында, тірек-қимыл аппаратының жарақаттарында

- ауыр дене жүктемелері кезінде бұлшықеттер мен буындардың ауыруында

- жұмсақ тіндердің ревматизмдік зақымдануларында (бурсит, артрит, тендовагинит).

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді заттардың біріне немесе қосымша заттардың кез келгеніне аса жоғары сезімталдық

- бронх демікпесі

- асқазанның және/немесе он екі елі ішектің өршу сатысындағы пептидтік ойық жарасы

- эпидермис зақымдануы, қолданылатын аумақтағы ашық жаралар

- жүктілік және бала емізу кезеңі

- 12 жасқа дейінгі балалар

Қолданған кездегі қажетті сақтандыру шаралары

Бұрын қабынуға қарсы стероидты емес препараттарға жоғары сезімталдық байқалған, анамнезде асқазан мен он екі елі ішектің ойық жарасы, қан айналымының бұзылуы, бауыр немесе бүйрек функциясының бұзылуы бар пациенттерге Доларенді тағайындағанда сақ болу керек.

Препарат құрамында терінің тітіркенуін тудыруы мүмкін пропиленгликоль бар.

Препарат құрамында метилпарагидроксибензоат бар, ол аллергиялық реакцияларды тудыруы мүмкін (мүмкін кейінге қалдырылған).

Басқа дәрілік препараттарменөзара әрекеттесуі

Доларенді диклофенак натрий таблеткаларын пероральді қабылдаумен бір мезгілде қолдануға болады.

Ұзақ уақыт қолданғанда және/немесе ауқымды бөлікте препарат антикоагулянттардың, кортикостероидтардың, литий препараттарының әсерін күшейтуі, қандағы дигоксин концентрациясын арттыруы мүмкін. Доларен фуросемид пен тиазидті диуретиктердің әсерін әлсіретеді, сондай-ақ басқа қабынуға қарсы стероидты емес препараттардың көтерімділігін төмендетеді, олардың асқазан-ішек жолдарының шырышты қабығына зиянды әсерін күшейтеді.

Арнайы ескертулер

Гель тек сыртқы қолдануға арналған, препаратты зақымдалған теріге жағуға болмайды. Гельді ашық жараларға, мұрын мен көздің шырышты қабаттарына тигізбеу керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану жөніндегі нұсқаулар

Дозалау режимі

Гель зақымдалған аймақтың терісіне тәулігіне 3-4 рет 2-4 г жұқа қабатпен жағылады және толық сіңгенше аздап ысқыланады. Орташа тәуліктік доза 10 г құрайды. Негізгі клиникалық симптомдардың айқындылығының төмендеуі немесе жоғалуы әдетте ем басталғаннан бастап алғашқы күндері байқалады.

Емдеу ұзақтығы

Емдеу курсы дәрігердің кеңесінсіз 10 күннен аспауы тиіс.

Артық дозаланған жағдайда қабылдануы тиіс шаралар

Препаратты жергілікті қолданған кезде артық дозалану ықтималдығы аз.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Препаратты қолданар алдында қосымша-парақты мұқият оқып шығыңыз.

Егер сізде қосымша сұрақтар туындаған жағдайдаөзіңіздің емдеуші дәрігеріңізге хабарласыңыз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жиі

- бөртпе, экзема, эритема, дерматит (жанаспалы дерматитті қоса)

Сирек

- буллезді дерматит

Өте сирек

- пустулезді бөртпе

- аса жоғары сезімталдық, ангионевроздық ісіну

- демікпе

- фотосенсибилизация (фотосенсибилизация туындау жиілігін төмендету үшін пациенттерді күн сәулесінің шамадан тыс әсерінен қорғау керек)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 грамм гельдің құрамында

белсенді заттар:

диклофенак диэтиламині

(натрий диклофенагына баламалы)- 10 мг,

ментол - 50 мг,

метилсалицилат - 100 мг

қосымша заттар: зығыр майы, бензил спирті, карбопол-940, диэтиламин, пропиленгликоль, динатрий эдетаты, натрий метилпарагидроксибензоаты, натрий бисульфиті, бутилгидрокситолуол, бутилгидроксианизол, гидроксипропилметилцеллюлоза К-15, тазартылған су.

Сыртқы түрінің иісінің, дәмінің сипаттамасы

Сарғыштау түстен ақ дерлік түске дейінгі жұмсақ гель

Шығарылу түрі және қаптамасы

20, 30, 50 г препараттан полипропиленнен жасалған қызыл түсті бұралатын қалпақшасы бар, төмен қысымды полиэтиленнен жасалған, ақ түсті сықпаларға салынған.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапқа салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәлімет

Наброс Фарма Пвт. Лтд.

Нэйшенел Хайвей, 8, Кхеда 387 411, Үндістан

Тел: +91-9909923324/ +91-9727798827

Электронды пошта: nabros-pharma@nabros.in

Сайт мекенжайы: www.nabros.in

Тіркеу куәлігінің иесі

Наброс Фарма Пвт. Лтд.

Нэйшенел Хайвей, 8, Кхеда 387 411, Үндістан

Тел: +91-9909923324/ +91-9727798827

Электронды пошта: nabros-pharma@nabros.in

Сайт мекенжайы: www.nabros.in

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын жәнедәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Rogers Pharma ЖШС, Қазақстан, 050043,Алматы қ., Мирас ықшам ауданы, 157/732

Тел. (727) 311-81-96/97, e-mail: irina.volovnikova@gmail.com

Дәріханалар

Қалалар