Дроплекс 15 мл капли ушные во флаконах

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Дроплекс

Халықаралық патенттелмеген атауы

Жоқ

Дәрілік түрі, дозасы

Құлаққатамызатын дәрі, 15 мл

Фармакотерапиялық тобы

Сезім мүшелері. Отологиялық ауруларды емдеуге арналған препараттар. Отологиялық ауруларды емдеуге арналған басқа да препараттар. Анальгетиктер және анестетиктер. Біріктірілген препараттар.

АТХ коды S02DА30

Қолданылуы

Жергілікті симптоматикалық емдеу және дабыл жарғақшасы зақымдалмаған отит кезінде ауырсынуды басу, соның ішінде:

- жедел экссудатты орташа отит;

- орташа отит тұмаудан кейінгі асқыну ретінде;

- баротравмалық отит.

Қолданудың басталуына дейін қажетті мәліметтер тізбесі

Қолдануға болмайтын жағдайлар

- препараттың компоненттеріне және пиразол туындыларына жоғары сезімталдық

- дабыл жарғағының перфорациясы.

- лактация кезеңі

- 1 айға дейінгі балалар

Басқа дәрілік препараттармен өзара әрекеттесуі

Препаратты жергілікті қолданғанда бір мезгілде тағайындалатын анальгетиктермен және қабынуға қарсы препараттармен, антисептиктермен, жергілікті және жүйелі қолдануға арналған антибиотиктермен өзара әрекеттесудің теріс нәтижесі байқалмайды.

Арнайы сақтандырулар

Препаратты қолданар алдында дабыл жарғағының бүтіндігіне көз жеткізу қажет. Препаратты перфорацияланған дабыл жарғағына қолданған жағдайда белсенді заттар жүйелі қанағымға енуі мүмкін, бұл асқынуларды туындатуы мүмкін.

Дроплекс препаратын басқа құлаққа тамызатын дәрілермен бірге қолданған кезде тамызулар арасындағы кемінде 30 минут аралықты сақтау қажет.

Препаратта допинг-бақылау кезінде оң тест көрсете алатын белсенді компонент бар екенін ескеру керек.

Жүктілік және лактация кезеңі

Препаратты жүктілік кезінде көрсетімдер бойынша дабыл жарғақшасы зақымдалмаған жағдайда қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дроплекс автокөлік жүргізу және психомоторлық реакциялардың жоғары жылдамдығын талап ететін жұмыстарды орындау қабілетіне әсер етпейді.

Қолдану жөніндегі нұсқаулар

Тек жергілікті қолдануға арналған.

Тамшыларды сыртқы есту жолына күніне 2-3 рет 3-4 тамшыдан тамызады. Суық ерітіндінің құлақ қалқанына тиюін болдырмау үшін құтыны қолданар алдында алақанмен жылыту керек.

Дроплексті қолдану ұзақтығы 5 күннен аспайды, содан кейін тағайындалған терапияны түзету керек.

Артық дозалану жағдайында қабылдау қажет болатын шаралар

Қолдану тәсіліне қойылатын талаптар сақталған жағдайда препаратпен артық дозалану мүмкін емес.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдаукерек шаралар (қажет болған жағдайда)

Сирек:

- тітіркену, қызару, қышыну

Осы немесе басқа да жағымсыз реакциялар пайда болған кезде осы препаратты қолдануды тоқтатыңыз және дереу дәрігерге хабарласыңыз!

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлардың және көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл препараттың құрамында

белсенді заттар: 45,52 мг феназон,

11,38 мг лидокаин гидрохлориді,

қосымша заттар: натрий тиосульфаты пентагидраты, 96% этанол, тазартылған су,натрий гидроксидінің 1М ерітіндісі, глицерин.

Сыртқы түрінің, иісінің, дәмінің сипаттамасы

Мөлдір, түссіз немесе сәл сарғыш түсті ерітінді.

Шығарылу түрі және қаптамасы

15 мл препараттан тамшылатқыш тығыны бар және сақтандырғыш сақинамен жабдықталған бұралатын қорғағыш қалпақшасы бар ақ полиэтилен құтыға құйылады.

Құтыға өзі желімделетін заттаңба жапсырылады.

1 құтыдан медицинада қолданылуы жөніндегі қазақ және орыс тілдеріндегі нұсқаулықпен бірге картон қорапқа салынады.

Сақтау мерзімі

3 жыл

Құты ашылғаннан кейін препаратты 6 ай ішінде қолдану керек.

Жарамдылық мерзімі өткеннен кейін қолдануға болмайды!

Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Уорлд Медицин Илач Сан. ве Тидж. А.Ш.», Түркия

15 Теммуз Мах., Джами Йолу Джад. № 50 Гюнешли Багджылар, Стамбул

Телефон: +90 (212) 474 70 50

Факс: +90 (212) 474 09 01

Эл. поштасы: info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ОФТАЛЬМИКС», Ұлыбритания

Граунд Фло, Гадд Хаус, Аркадиа Авеню, Финчли, Лондон қ. N3 2JU

Телефон: +44 (0) 845 0 66 50 00

Факс: +44 (0) 845 0 66 50 01

Эл. поштасы: pv@wm-ophthalmics.com

Қазақстан Республикасы аумағында тұтынушылардан дәрілік заттар сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«TROKA-S PHARMA» ЖШС,

Алматы қ., Сүйінбай даңғ., 222б

Ұялы тел +7 701 786 33 98 (24 сағат жұмыс істейді).

Эл. поштасы: pvpharma@worldmedicine.kz

Дәріханалар

Қалалар