Энтерофурил 200 мг/5 мл суспензия, 90 мл

Сипаттама

Дәрілік затты медициналық қолдану

жөніндегі нұсқаулық

Энтерофурил^®

Саудалық атауы

Энтерофурил®

Халықаралық патенттелмеген атауы

Нифуроксазид

Дәрілік түрі

Ішуге арналған суспензия, 200мг/5мл

Құрамы

5 мл препараттың құрамында

белсенді зат - нифуроксазид 200,0 мг

қосымша заттар: сахароза, натрий гидроксиді, метилпарагидроксибензоаты, этанол 96%, карбомер, лимон қышқылы,банан хош иістендіргіші, су.

Сипаттамасы

Банан иісі бар сары түсті суспензия

Фармакотерапиялық тобы

Диареяға қарсы препараттар. Микробтарға қарсы және қабынуға қарсы ішек препараттары. Микробтарға қарсы басқа да ішек препараттары. Нифуроксазид.

АТХ коды А07АХ03

Фармакологиялық қасиеттері

Фармакокинетикасы
Нифуроксазидті ішу арқылы қолданудан кейін ас қорыту жолынан іс жүзінде сіңбейді, ал өзінің бактерияға қарсы әсерін тек ішек саңылауында көрсетеді. Асқазан-ішек жолы арқылы толық шығарылады: 20% өзгермеген түрде, нифуроксазидтің қалған бөлігі – химиялық өзгерген. Сыртқа шығарылу жылдамдығы препараттың дозасына да, ішек жолы моторикасына да байланысты болады.

Фармакодинамикасы

Нифуроксазид - әсер ету ауқымы кең микробқа қарсы дәрі, 5-нитрофуран туындысы.
Дегидрогеназалар белсенділігін бөгейді және тыныс алу жолдарын бәсеңдетеді, ақуыздар синтезін, патогендік бактерияларда үшкарбон қышқылының және бір қатар басқа биохимиялық үдерістер циклінбұзады. Микробтық жасушалардың жарғақшасын бұзады, микроорганизмдердің уытты өнімін бәсеңдетеді.

Грамоң микроорганизмдерге (Staphylococcus aureus, Streptococcus pyogenes, Clostridium perfringens), грамтеріс энтеробактерияларға (Escherihia coli, Salmonella spp., Shigella spp., Klebsiella spp., Enterobacter spp., Vibrio cholerae, Campylobacter jejuni, Edwarsiella, Citrobacter, Yersinia enterocolitica) қатысты белсенді.

Нифуроксазид сапрофитті флораға әсер етпейді, қалыпты ішек микрофлораларының тепе теңдігін бұзбайды. Жедел бактериялық диарея кезінде ішек эубиозын қалпына келтіреді.Энтеротропты вирустар жұққан кезде бактериялық суперинфекциялардың туындауына кедергі келтіреді.

Қолданылуы

- егер инфекцияның басқа ағзалар мен жүйелерге таралуына күдік болмаса, регидратацияға қосымша ретінде жедел бактериялық диареяда қолданылады.

Регидратациялау үшін ішу арқылы немесе вена ішілік ерітінділердің көмегімен регидратация дәрежесі науқастың жасына және жай-күйіне (қатар жүретін аурулар және т.б.), диареяның ауырлығына сәйкес анықталады.

Қолдану тәсілі және дозалары

Препарат ішу арқылы қабылдауға арналған.

Дозалау үшін көлемі 5,0 мл 2,5 мл белгісі бар өлшеуіш қасықты пайдаланған жөн.

Қолданар алдында суспензияны қатты сілку керек.

Жасы 1-ден6 айға дейінгі балаларға: 100 мг-ден(2,5 мл) тәулігіне 2 немесе 3 рет (қабылдау 8-12 сағат аралықпен).

Жасы 6 айдан 2 жасқа дейінгі балаларға: 100 мг-ден (2,5 мл) тәулігіне 3 рет (қабылдау 8 сағат аралықпен).

2 жастан 18 жасқа дейінгі балаларға және ересектерге: 200 мг (5,0 мл) тәулігіне 3 рет (қабылдау 6-8 сағат аралықпен).

Емдеу курсының ұзақтығы 5-7 күн, бірақ 7 күннен аспауы тиіс.

Егер қабылдаудың алғашқы 3 күнінде жағдайы жақсармаса, онда дәрігерге қаралу керек. Препаратты тек қолдану тәсіліне сай және нұсқаулықта көрсетілген дозаны ғана қолдану керек. Қажет болған жағдайда, препаратты қолданар алдында дәрігерден кеңес алыңыз.

Жағымсыз әсерлері

Препараттың жағымсыз әсерлерінің пайда болу жиілігін анықтау үшін мынадай жіктеулер қолданылады: өте жиі (≥ 1/10), жиі (≥ 1/100 және < 1/10), жиі емес (≥ 1/1000 және < 1/100), сирек (≥ 1/10 000 және <1/10 000), өте сирек (< 1/10 000).

Жиі

- іштің ауыруы, жүрек айнуы, диарея

Сирек

- гранулоцитопения

- тері бөртпесі, аллергиялық реакциялар, есекжем, Квинке ісінуі.

Жекелей жағдайларда нифуроксазидке аса жоғары сезімталдықта іш ауыруы, жүрек айнуы және диареяның асқынуы пайды болады. Осындай аздаған қарқындылықтағы симптомдар пайда болған жағдайда арнайы ем қолданудың немесе нифуроксазидті қолдануды тоқтатудың қажеті жоқ. Егер симптомдары айқын болса, оны қабылдауды тоқтату керек. Олай болса, пациенттерге нитрофуран туындыларын тағайындауға жол бермеу керек.

Егер нұсқаулықта көрсетілген кез келген жағымсыз әсерлер күшейе түссе,немесе Сіз нұсқаулықта көрсетілмеген басқа да кез келген жағымсыз әсерлерді байқасаңыз, бұл жайлы дәрігерге хабарлаңыз.

Қолдануға болмайтын жағдайлар

- нифуроксазидке, нитрофуран туындыларына немесе препараттың басқа да компоненттеріне жоғары сезімталдықта

- фруктозаны көтере алмауда, глюкоза-галактоза мальабсорбция синдромында, сахараза және изомальтаза жеткіліксіздігінде

- жаңа туған (1 айға дейінгі) кезеңде, шала туылғандар

- жүктілікте

Дәрілермен өзара әрекеттесуі

Дисульфирам тәрізді реакциялардың дамуын туындататын препараттармен, орталық жүйке жүйесінің қызметін басатын дәрілік препараттармен бір мезгілде қолдану ұсынылмайды. Егер Сіз басқа дәрілік препараттар қабылдап жүрсеңіз (оның ішінде рецептісіз) Энтерофурил препаратын қолданар алдында дәрігермен кеңесіңіз.

Айрықша нұсқаулар

Диареяны нифуроксазид емімен бір мезгілде емдеу кезінде пациенттің жасына, жағдайына және диареяның қарқындылығына сәйкес регидратациялық ем (ішу арқылы немесе вена ішіне) жүргізу қажет.

3 жасқа дейінгі балаларда диареяны емдеуді дәрігердің бақылауымен жүргізу керек. Жүйелі зақымдану белгілері (жалпы жағдайының нашарлауы, дене қызуының көтерілуі, уыттану немесе инфекцияларсимптомдары) бар бактериялық диарея жағдайларындажүйелі әсер ететін бактерияға қарсы препараттарды қолдану жөніндегі мәселелерді шешу үшін дәрігерге жүгіну керек.

Аса жоғары сезімталдық симптомдары (ентігу, бөртпе, қышыну) пайда болған жағдайдапрепаратты қабылдауды тоқтату керек.

Құрамында метилпарагидроксибензоат болуына байланысты препарат аллергиялық реакция туындатуы мүмкін (кейіннен болуы мүмкін).

Энтерофурил^® 200 мг /5 мл суспензия құрамында сахароза бар, қант диабетімен ауыратын пациенттерге тағайындағанда осыны ескеру керек. Суспензияның бір құтысында 1000 мг (1 г) сахароза бар, ол 2,5 мл суспензия құрамындағы 0,04165 "нан бірлігі" (НБ), ал 5 мл суспензияда 0,0833 НБ сәйкес келеді.

1-6 айлық балалар күніне 2-3 рет 2,5 мл суспензия; осылайша тәуліктік мөлшері 0,125 НБ құрайды.

7 айдан 2 жасқа дейінгі балалар күніне 4 рет 2,5 мл суспензия қабылдайды; осылайша тәуліктік мөлшері 0,166 НБ құрайды.

2 жастан 18 жасқа дейінгі балаларға және ересектерге күніне 3 рет 5 мл-ден қабылдайды; осылайша тәуліктік мөлшері 0,250 НБ құрайды.

Препаратта этанолдың болуы 1% құрайды. Өлшегіш қасығының жартысындағы препараттың құрамында (2,5 мл суспензия немесе 100 мг) 0,02 г этанол бар, толы өлшегіш қасығында (5 мл суспензия немесе 400 мг) 0,04 г этанол бар (абсолютті спиртке шаққанда). Осылайша, препараттың ең аз тәуліктік дозасында 0,04 г этанол бар, ең жорғары тәуліктік дозада 0,12 г этанол бар.

Препаратты қолданған кезеңде шырынды, шикі көкеністерді және жеміс-жидектерді, ащы және қиын қорытылатын өнімдер мен тағамдарды қоспастан диета ұстану керек.

Нифуроксазидпенемделіп жүргенде алкогольді ішуге тыйым салынады,өйткені алкоголь организмнің препаратқа сезімталдығын жоғарылатады және диареяның асқынуымен, құсу, іштің ауыруы, тері гиперемиясы, бетте және дененің жоғарғы бөлігінде ыстықты сезіну, бастағы шуыл, тыныс алудың қиындауы, тахикардия, қорқынышты сезіну сияқты көрініс беретін дисульфирам тәрізді реакцияны қоздыруы мүмкін.

Сақтықпен!

Бауыр ауруы, маскүнемдік, бассүйек-ми жарақаты, ми ауруы, лактация кезеңі, балалар жасы.

Жүктілік және лактация кезеңі

Препарат балаларға пайдалануға арналған. Дегенмен, егер ол бала туу жасындағы әйелдерде пайдаланылса, сирек жағдайларда мыналарды ескеру қажет:

Зерттеулерде тератогенді әсер анықталмады. Алайда, сақтық шаралары ретінде жүктілік кезінде нифуроксазидті қабылдау ұсынылмайды.

Нифуроксазид асқазан-ішек жолынан сіңірілмейді және жүйелі қан айналымына түспейді, алайда лактация кезеңінде препаратпен емдеу курсы қысқа болған жағдайда ғана емшек емізуді жалғастыру мүмкін болады. Дәрігермен кеңесу қажет.

Дәрілік заттардың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын, механизмдерді басқару қабілетіне әсер етпейді.

Артық дозалануы

Препарат асқазан-ішек жолынан сіңірілмейді және жүйелі қан айналымына түспейді. Препаратпен артық дозалану жағдайлары белгісіз.

Симптомдары: жағымсыз әсерлердің күшеюі.

Емдеу: Дозаны асыра қолданған жағдайда асқазанды шаю және симптоматикалық ем ұсынылады.

Шығарылу түрі және қаптамасы

90 мл препараттан алғашқы ашылуы бақыланатын алюминий қақпақпен немесе балалардан қорғайтын механизммен, нығыздағыш және алғашқы ашылуы бақылауымен жабдықталған бұрандалы пластик қақпақпен тығындалған қоңыр шыны құтыларға құйылады.

1 құтыдан медициналық қолдану жөніндегі мемлекеттік және орыс тіліндегі нұсқаулықпен және өлшеуіш қасығымен бірге картон қорапқа салынады.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл. Құтыны ашқаннан кейін қолдану кезеңі 14 күннен аспау керек.

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Босналек АҚ, Босния және Герцеговина. 71000 Сараево, Юкичев к-сі, 53

Дәріханалар

Қалалар