Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
ЭПИГЕН ИНТИМ
Саудалық атауы
Эпиген Интим
Халықаралық патенттелмеген атауы
Жоқ
Дәрілік түрі
Сыртқа және жергілікті қолдануға арналған спрей 0.1 %
Құрамы
100 мл препараттың құрамында
белсенді зат - глицирризин қышқылы (аммоний глицирризинаты түрінде)0,10
қосымша заттар: алма қышқылы, фумар қышқылы, аскорбин қышқылы, фолий қышқылы, твин-80 (полисорбат – 80), пропиленгликоль, дистилляцияланған су.
Сипаттамасы
Өзіне тән иісі бар сарғыш ерітінді
Фармакотерапиялық тобы
Тері ауруларын емдеуге арналған препараттар. Тері ауруларын емдеуге арналған бактерияға қарсы препараттар және микробқа қарсы препараттар. Жергілікті қолдануға арналған микробқа қарсы препараттар. Вирусқа қарсы препараттар.
АТХ коды D06ВВ
Фармакологиялық қасиеттері
Фармакокинетикасы
Белсендірілген глицирризин қышқылы сыртқа және жергілікті қолданғанда зақымдану ошақтарында жинақталады. Жүйелік сіңірілуі баяу жүреді. Қанда препарат мөлшерлерінің болымсыз ізі қалады.
Эпиген интим препаратының әсер етуші заты белсендірілген глицирризин қышқылы болып табылады, ол өсімдік шикізатынан (мия тамыры) сығып шығару жолымен алынады.
Белсендірілген глицирризин қышқылы кешенді әсер етеді, оған иммуностимуляциялаушы, вирусқа қарсы, қабынуға қарсы және регенерациялаушы әсерлері кіреді.
Белсендірілген глицирризин қышқылы дербесинтерферондардың өнуін демейді. Иммуностимуляциялаушы әсері Т – лимфоциттері саны мен белсенділігінің жоғарылауымен, G иммуноглобулин концентрациясының азаюы және А мен М иммуноглобулині концентрациясының ұлғаюымен білінеді.
Белсендірілген глицирризин қышқылы in vitro in vivo вирустарының әртүрлі ДНҚ және РНҚ типтеріне (Varicella Zoster; 1 және 2 типті қарапайым герпесвирусы; цитомегаловирус, адампапилломасы вирусының түрлі типтері, оның ішінде онкогенді) вирусқа қарсы әсер етеді. Белсендірілген глицирризин қышқылы вирустар репликациясын ерте сатыда тоқтатып, капсидтен вирионның шығуын туындатады. Осылайша оның жасушаларға енуіне жол бермейді. Белсендірілген глицирризин қышқылықалыпты қызмет атқаратын жасушалардың уытты емес концентрацияларында көрсетілген вирустардың белсенділігін жояды. Мутантты емес штаммдар секілді ацикловирге және йодоуридинге резистентті вирустардың мутантты штаммдарында глицирризин қышқылына сезімталдығы жоғары болады.
Қабынуға қарсы Белсендірілген глицирризин қышқылының белсенділігіиммунитеттің гуморальдық және жасушалық факторларына көтермелеуші әсерімен үйлеседі. Белсендірілген глицирризин қышқылы қабыну аумағында дәнекер тін жасушаларымен кининдердің шығарылуы мен простогландиндердің синтезін елеулі тежейді. Регенерациялаушы әсері тері мен шырышты қабат репарациясының жақсаруымен шартталған.
Қолданылуы
Қолдану тәсілі мен дозалары
Сыртқа, интравагинальді және интрауретральді.
Баллонды қолданар алдында шайқау керек.
Баллонды қолдану кезінде тік қалыпта ұстау керек.
Препаратты сыртқа қолдану кезінде терінің барлық зақымданған беткейіне 4-5 см арақашықтықта клапанды 1-2 басу арқылы жағылады, бұл оңтайлы емдік доза болып табылады.
Препаратты қынап ішіне қолдану үшін бүріккіші бар арнайы қондырғы ұсынылады. Пульверизатордан баллон клапанын шешіп, қондырғының клапанын кигізу қажет. Сонан соң қондырғыны қынапқа енгізіп, қондырғының клапанын 1- 2 рет басып бүркіп шашады, бұл оңтайлы емдік доза болып табылады.
Еркектерге қолдану кезінде, сыртқа жаққаннан басқа, препарат сыртқа несеп шығару өзекшелерінің тесіктеріне 0,5-1 см қашықтықта пульверизатор клапанын 1-2 рет басып шашыратады.
І типті герпес вирусты инфекциялар, белдемелі теміреткіде 5 күн ішінде зақымдану ошағына күніне 6 рет қолдану ұсынылады. Үздіксіз инфекция үдерісінде емдеу ұзақтығы ауру симптомдары толық кеткенге дейін созылады.
2 типті герпес вирусты инфекциялар (жыныс мүшелері герпесі) цитомегаловирусты инфекцияда 14 күн бойы күніне 5 рет сыртқа және интравагинальді, қайталануды басқаннан соң 10 күн бойы тәулігіне 3 рет.
Жыныс мүшелері герпесі мен цитомегаловирусты инфекция қайталануларының профилактикасы мақсатында препаратты сыртқа және қынапқа етеккір циклінің 18-20 күнінен еттеккір біткенге дейін таңертең және кешке күніне 2 рет қолдану ұсынылады.
Папилломавирустық инфекциялар кезінде препараттымынадай жағдайларда қолдануұсынылады:
- кондиломаны алып тастағанға дейін – этиотропты емдеудің бүкіл кезеңі бойы тәулігіне 3 рет.
- деструкция аясында - 10 күн бойы тәулігіне 5 рет және одан да ұзақ толық жазылғанға дейін.
- жақын арада қайталанулардың профилактикасы үшін 1 ай бойы күніне 3 рет.
Папилломавирустық инфекциялар үдеуінің профилактикасы үшін, сондай-ақ үдеу факторларытуындаған кезде (стресс, әбден шаршағанда, респираторлық вирустық инфекциялар, микрофлораның бұзылуы, антибиотиктер, цитостатиктер қабылдау) жыныстық қатынастың алдында және кейін қолдану ұсынылады – түрткі болатын факторлардың бүкіл әсер ету кезеңі бойы қынап ішіне және сыртқа күніне 3 рет.
Бактериялық вагинозда, спецификалық емес вульвовагинитте және кандидозды вульвовагинитте: препаратты қынап ішіне күніне 3-4 рет 7-10 күн бойы қабылдау ұсынылады. Қажет болғанда емдеу курсын 10 күннен кейін қайталау керек. Түрткі болатын факторлар туындаған кезде (респираторлық вирустық инфекциялар, антибиотиктер, цитостатиктер қабылдау) - түрткі болатын факторлардың бүкіл әсер ету кезеңі бойы қынап ішіне және сыртқа күніне 3 рет.
Вирусқа қарсы профилактикалық дәрі ретінде препаратты жыныстық қатынастың алдында және одан кейін қолдану ұсынылады.
Жағымсыз әсерлері
Сирек жағдайларда жергілікті, соның ішінде жанаспалы дерматит түріндегі аллергиялық реакциялар болуы мүмкін.
Қолдануға болмайтын жағдайлар
- препарат компоненттеріне аса жоғары сезімталдық
Дәрілермен өзара әрекеттесуі
Көрсетілген аурулар кезінде (антисептиктер мен антибиотиктер; қабынуға қарсы және ауырғанды басатын дәрілер) кешенді емде қолданылатын негізгі дәрілік препараттармен өзара әрекеттесуі байқалмаған.
Белсендірілген глицирризин қышқылы және вирусқа қарсы басқа да препараттарды, атап айтқанда ацикловир,йодоуридин, интерферон және басқа иммуномодуляторларды бір мезгілде қолданған кезде синергизм анықталған.
Айрықша нұсқаулар
Қондырғыны сабындап қайнаған сумен жуады және қоса ұсынылатын полиэтилен қаптамадасақтайды.
Қондырғы құрылымы жатыр мойны мен қынап қабырғаларына біркелкі бүрку әсерін сақтауға мүмкіндік береді.
Стационар жағдайында пайдалану үшінпрепаратпенқынап ішіне бүркуді айнамен қондырғысызжүргізуге болады.
Әсерінің тиімді болуы үшін жағатын бөлігін алдын ала шаю қажет етілмейді.
Жақпаушылық белгілері пайда болған жағдайда препаратты тоқтату керек.
Жүктілік және лактация
Препаратты жүктілік және лактацияның бүкіл кезеңіндепайдалануға рұқсат етіледі.
Педиатрияда қолдану
Балаларда қолданудың клиникалық тәжірибесі шектеулі. Балаларға дәрігердің тағайындауы бойынша қолдану керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлік жүргізу және жоғары зейінділікті талап ететін жұмыстарды істеу қабілетіне әсер етпейді.
Артық дозалануы
Артық дозалануы туралы деректер жоқ.
Шығарылу түрі және қаптамасы
60 мл препараттан бүріккіші бар пластик құтыға салынған.
Қынап ішіне қолдануға арналған бүріккіш қондырғысымен жинақта медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.
Сақтау шарттары
4 °С-ден 25 °С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші ұйымның атауы мен елі
«Хеминова Интернейшнл С.А.», Макарена, 14, 28016, Мадрид, Испания
Тіркеу куәлігі иесінің атауы мен елі
«Хемигруп Франс», Испания
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«ORAI» ЖШС, Қазақстан Республикасы, 050013, Алматы қ., Керемет ы/а
7 үй 1-42 кеңсе, тел. 8 (727)2 609832, 2609901, e-mail: orai@inbox.ru
