Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
ФАНИГАН® ФАСТ
Саудалық атауы
ФАНИГАН® ФАСТ
Халықаралық патенттелмеген атауы
Жоқ
Дәрілік түрі
Сыртқа қолдануға арналған гель
Құрамы
белсенді заттар: диклофенак диэтиламині 11.60 мг,
10.00 мг натрий диклофенагына баламалы
ментол 50.00 мг
метилсалицилат 100.00 мг
зығыр майы 30.00 мг
қосымша заттар: пропиленгликоль, карбомер 940, динатрий эдетаты, полисорбат 80, натрий гидроксиді, бензил спирті, тазартылған су.
** - зығыр майы –α-линол қышқылы бойынша стандартталған
Сипаттамасы
Өзіне тән иісі бар ақ түсті біртекті гель
Фармакотерапиялық тобы
Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Басқа да препараттар
АТХ коды М02АХ10
Фармакологиялық қасиеттері
Фармакокинетикасы
Гель түрінде қолданған кезде диклофенак тікелей диффузиялану жолымен теріастылық шелмай тініне, бұлшықет тініне, буын капсуласына және синовиальдық сұйықтыққа терең өте отырып баяу резорбцияланады. Ұзақ емдегенде немесе үлкен зақымдану аймақтарына жаққанда диклофенак қан плазмасына біртіндеп (теріге жағылған дозаның 3-6 %-ы) өтеді. Гельді 3 күн бойы
Сыртқа қолданған кезде метилсалицилат жылдам сіңіріледі, теріастылық шел қабатына, бұлшықет тіні мен буын капсуласына өтеді және гидролиздене отырып салицил қышқылының анионына айналады.
Фармакодинамикасы
Жергілікті қолданғанда ФАНИГАН® ФАСТ гель ауыруды басатын, қабынуға қарсы және ісінуге қарсы әсер етеді. Буындардың ауыруы мен қабынуын тоқтатады, таңертеңгі сіреспе мен буындардың домбығуын азайтады, буындардағы қозғалыс көлемін ұлғайтады.
ФАНИГАН® ФАСТ гельдің әсері оның құрамына кіретін компоненттерге байланысты болады.
Диклофенак ҚҚСП (қабынуға қарсы стероидты емес препараттар) тобына жатады, циклооксигеназаны тежейді, простагландиндердің - қызба, қабыну мен ауырудың шығу тегінде маңызды рөл атқаратын эндогенді заттардың биосинтезін басады. Диклофенак ауыруды басады, қабынуды тоқтатады.
Ментол суықты сезу рецепторларының тітіркенуін туындатады. Бұл оны жаққан жердегі қылтамырлар тарылуымен және өткізгіштігінің азаюымен, суықты сезінумен қатар жүреді. Жергілікті аулақтатқыш және орташа айқындықтағы ауыруды басатын әсер етеді, ментолдың сіңірілуі болымсыз. Ментол бауырда метаболизденеді және глюкуронидтер түрінде бүйрекпен және өтпен бөлініп шығады.
Метилсалицилат салицил қышқылының туындысы болып табылады және жергілікті тітіркендіргіш әсерге ие. Тері рецепторларының тітіркенуін туындата отырып, метилсалицилат ауыруды сезінуді азайтады. Бұдан бөлек метилсалицилат простогландиндер синтезін тежейді, бұл ісінуді және қабынған тіндердің инфильтрациялануын азайтады. Жергілікті қолданғанда зақымданбаған тері арқылы қабыну ошағына тереңдей еніп, емдік жоғары концентрацияларды түзеді. Қабынған тіндерде метилсалицилат гидролизденеді және бауырда дегидроксибензой қышқылына метаболизденіп, салицил қышқылының анионына айналады және бүйрекпен шығарылады. Жартылай шығарылу кезеңі 2 сағатты құрайды.
Зығыр дәнінің майының, негізгі компоненті альфа-линолен қышқылы (қанықпаған май қышқылының этил эфирі) болып табылады, қабынуға қарсы әсерге, антиоксидантты қасиеттерге ие, жаққан жердегі қан айналымын жақсартады. Препараттың әсері теріге жаққанан кейін бірнеше минуттан кейін-ақ басталады, ал 20-30 мин өткеннен кейін ең жоғарғы шыңына жетеді. Негізгі клиникалық симптодарының жоғалуы әдетте емдеуді бастағаннан кейін бірінші күндері басталады.
ФАНИГАН® ФАСТ гельдің әсері теріге жаққаннан кейін бірнеше минут өткеннен кейін басталады. 20-30 минуттан кейін гельдің әсері ең жоғарғы деңгейге жетеді. Негізгі клиникалық симптодарының жоғалуы әдетте емдеуді бастағаннан кейін бірінші күндері басталады.
Қолданылуы
- миозит, фиброзит
- бұлшықеттің және сіңірлердің созылуы, тірек-қимыл аппаратының жарақаты
- ауыр дене жүктемелері кезіндегі бұлшықет және буын ауыруы
- жұмсақ тіндердің ревматикалық зақымдануы (бурсит, артрит, тендовагинит).
Қолдану тәсілі мен дозалары
Ауыру аймағының көлеміне байланысты 2-4 г гельді (4-8 см жолақты) тәулігіне 2-3 рет теріге жұқа қабатпен жағып, жеңіл ысқылайды. Орташа тәуліктік доза 10 г гельді құрайды, бұл 100 мг натрий диклофенагын құрайды. Препаратты зақымданбаған теріге жағу, көз бен шырышты қабаттарға тигізбеу керек. Гельді ашық жараларға жағуға болмайды. Емдеу курсының ұзақтығы дәрігердің кеңесінсіз 10 күннен аспауы тиіс.
Жағымсыз әсерлері
Сирек
- тері бөртпесі, ісіну мен күлбіреуіктердің, папулалардың, қабыршықтардың түзілуі, қызару
- терінің құрғауы
- ашытып күйдіруді немесе шаншуды сезіну
- тері қышынуы, есекжем
Жекелеген жағдайларда
- жайылған бөртпенің пайда болуы
- беттің ісінуі түріндегі жоғары сезімталдық реакциясының дамуы (ангионевроздық ісіну)
- тұншығу
- фотосенсибилизация
ФАНИГАН® ФАСТ гельді терінің ауқымды аймақтарына жаққанда жүйелі жағымсыз реакциялар дамуы мүмкін
- қыжыл, жүрек айнуы, құсу, диарея
- гастралгиялар
- бауыр трансаминазалары белсенділігінің жоғарылауы
- бас ауыруы, бас айналуы
- гематурия
- анафилаксиялық шок, тері бөртпесі
- анемия, тромбоцитопения, лейкопения, агранулоцитоз
- қан кету уақытының ұзаруы
Қолдануға болмайтын жағдайлар
- диклофенак пен препараттың басқа да компоненттеріне жоғары сезімталдық
- эпидермистің зақымдануы, қолданған аймақтағы ашық жаралар
- ацетилсалицил қышқылын қабылдау аясындағы демікпелік статус
- этиологиясы анықталмаған қан түзілісінің бұзылуы
- асқазан мен 12-елі ішектің асқыну сатысындағы ойық жарасы
- жүктілік пен лактация кезеңі
- 12 жасқа дейінгі балалар (осы жаста препаратты сыртқа қолдану тәжірибесі жеткіліксіз).
Дәрілермен өзара әрекеттесуі
ФАНИГАН® ФАСТ гелін басқа дәрілік заттармен бір мезгілде қолдануға болады, өйткені осы препарат компоненттерінің олармен, соның ішіндеішу арқылы қабылданған натрий диклофенагымен жүйелі өзара әрекеттесуі анықталмаған.
Алайда ФАНИГАН® ФАСТ гелін үлкен дозаларда ұзақ қолданғандадиклофенак антикоагулянттардың, глюкокортикостероидтардың, литий препараттарының әсерлерін күшейтетінін, сондай-ақ фуросемид пен тиазидті диуретиктердің әсерін әлсірететінін ескеру қажет. Препарат қан плазмасындағы дикгоксин концентрациясын жоғарылатуы, асқазан-ішек жолына ульцерогенді әсерін күшейте отырып, басқа қабынуға қарсы стероидты емес дәрілердің көтерімділігін төмендетуі мүмкін.
Құрамында қабынуға қарсы стероидты емес дәрілер бар бірнеше препаратты бір мезгілде қолданғанда есекжем, қызару, қабыршықтану түрінде жергілікті тітіркену дамуы мүмкін.
Айрықша нұсқаулар
Қандай да бір жағымсыз құбылыстар пайда болғанда қосымша зерттеу және емге түзету жүргізу қажет.
Бұрын ацетилсалицил қышқылын, басқа салицилаттар мен басқа дақабынуға қарсы стероидты емес дәрілерді жергілікті қолданғанда жоғары сезімталдық реакциясы (демікпе ұстамалары, тері реакциялары немесе вазомоторлы риниттер) байқалған пациенттерде препаратты барлық күтілетін қауіп факторлары мен пайдасын мұқият таразылай отырып, абайлап қолданады.
ФАНИГАН® ФАСТ гельді анамнезінде асқазан мен он екі елі ішектің пептикалық ойық жарасы, бауыр немесе бүйрек функциясының бұзылуы, қан айналымының бұзылуы, мұрын қуысы шырышты қабығының полипозы бар пациенттерге абайлап қолданады.
Гельді жаққаннан кейін препарат қалдықтарының шырышты қабықтар мен көзге тиюін болғызбау үшін қолды жуу керек.
Педиатриялық практикада қолданылуы
Препаратты 12 жасқа дейінгі балаларға қолдану қауіпсіздігіне қатысты деректер жоқ.
Дәрілік заттың көлік құралын немесе әлеуетті қаупі бар механизмдерді басқару қабілетіне әсер ету ерекшеліктері
Ұсынылатын дозаларда жергілікті қолданғанда препараттың реакция жылдамдығына әсер ету ықтималдығы аз.
Артық дозалануы
Симптомдары: бас ауыруы, құлақтағы шыңыл, көрудің бұзылуы, жүрек айнуы, құсу, диарея, эпигастрий аймағының ауыруы, тыныс алудың бәсеңдеуі, респираторлық алкалоз немесе метаболизмдік ацидоз, гипертермия, гипокалиемия, гипергликемия, АҚ жоғарылауы, бүйрек функциясының бұзылуы, құрысулар, бауыр жеткіліксіздігі.
Емі: симптоматикалық. Антидоты белгісіз.
Шығарылу түрі және қаптамасы
30 г немесе 100 г препараттан ламинацияланған сықпаға салынған.
1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.
Сақтау шарттары
Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Кусум Хелткер Пвт. Лтд.,
СП 289 (А), Риико Индл. Ареа, Чопанки, Бхивади (Радж.), Үндістан
Тіркеу куәлігінің ұстаушысы
Кусум Хелткер Пвт. Лтд., Үндістан
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымныңатауы, мекенжайы және байланыс деректері (телефон, факс, электронды пошта)
«Дәрі-Фарм (Қазақстан)» ЖШС, Алматы қ-сы, Достық д-лы, 117/6, «Хан-Тәңірі» БО.
Телефон/факс: 8(727) 295-26-50
E-mail: claims@kusum.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефон, факс, электронды пошта)
«Дәрі-Фарм (Қазақстан)» ЖШС, Алматы қ-сы, Достық д-лы, 117/6, «Хан-Тәңірі» БО.
Телефон/факс: 8(727) 295-26-50
Электронды пошта: phv@kusum.kz
