Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Фемостон® 1/10
Саудалық атауы
Фемостон® 1/10
Халықаралық патенттелмеген атауы
Жоқ
Дәрілік түрі
Үлбірлі қабықпен қапталған таблеткалар
Құрамы
Ақ түсті үлбірлі қабықпен қапталған бір таблетканың құрамында
белсенді зат: 1.03 мг эстрадиол гемигидраты (1.0 мг эстрадиолға баламалы),
қосымша заттар: лактоза моногидраты, гипромеллоза (НРМС 2910), жүгері крахмалы, сусыз коллоидты кремнийдің қостотығы, магний стеараты,
қабық құрамы: Opadry® Y-1-7000-ақ: гипромеллоза (НРМС 2910), титанның қостотығы (Е171), макрогол 400.
Сұр түсті үлбірлі қабықпен қапталған бір таблетканың құрамында
белсенді заттар: 1.03 мг эстрадиол гемигидраты (1.00 мг эстрадиолға баламалы), 10 мг дидрогестерон,
қосымша заттар: лактоза моногидраты, гипромеллоза (НРМС 2910), жүгері крахмалы, сусыз коллоидты кремнийдің қостотығы, магний стеараты,
қабық құрамы: Opadry® II Сұр 85F27664 (поливинилді спирт, макрогол 3350, тальк, титанның қостотығы Е171, темірдің қара тотығы Е172).
Сипаттамасы
Құрамында 1 мг эстрадиол бар таблеткалар
Дөңгелек пішінді, екі беті дөңес, бір жағында «379» таңбасы бар, ақ түсті және диаметрі 7 мм үлбірлі қабықпен қапталған таблеткалар.
Құрамында 1 мг эстрадиол және 10 мг дидрогестерон бар таблеткалар
Дөңгелек пішінді, екі беті дөңес, бір жағында «379» таңбасы бар, cұр түсті және диаметрі 7 мм үлбірлі қабықпен қапталған таблеткалар.
Фармакотерапиялық тобы
Жыныс гормондары және жыныс жүйесінің модуляторлары. Біріктірілген прогестагендер және эстрогендер. Бірізді «күнтізбелік» қабылдауға арналған прогестагендер мен эстрогендер. Дидрогестерон және эстрогендер.
АТХ коды G03FВ08
Фармакологиялық қасиеттері
Фармакокинетикасы
Сіңірілуі Эстрадиолдың сіңуі бөлшектерінің өлшеміне байланысты: микрондалған эстрадиол асқазан-ішек жолынан жеңіл сіңеді. Төменде микрондалған 1 мг эстрадиол дозасына арналған эстрадиол (Е2), эстрон (Е1) мен эстрон сульфатының (Е1S) тұрақты жағдайының фармакокинетикалық параметрлерінің орташа мәндері кестеде берілген:
Эстрадиол 1 мг
| Е2 | Е1 | Е1S | |
| Cmax | 71 (36) (pg/ml) | 310 (99) (pg/ml) | 9.3 (3.9) (ng/ml) |
| Cmin | 18.6 (9.4)(pg/ml) | 114 (50)(pg/ml) | 2.099 (1.340)(ng/ml). |
| Cav | 30.1 (11.0)(pg/ml) | 194 (72)(pg/ml) | 4.695 (2.350)(ng/ml). |
| AUC0-24 | 725 (270)(pg*h/ml) | 4767 (1857) (pg*h/ml) | 112.7 (55.1) (ng*h/ml) |
Таралуы. Эстрогендер байланысқан, сондай-ақ бос күйде анықталады. Эстрадиолдың шамамен 98-99% дозасы плазма ақуыздарымен, оның шамамен 30-52% альбуминмен және шамамен 46-69% жыныстық гормондарды байланыстырушы глобулинмен (ЖГБГ) байланысады.
Метаболизм. Препаратты ішке қабылдағаннан кейін эстрадиол тез метаболизденеді. Негізгі конъюгацияланбаған және конъюгацияланған метаболиттері – эстрон мен эстрон сульфаты. Бұл метаболиттер өздігінен де, эстрадиолға айналғаннан кейін де эстрогендік белсенділік таныта алады. Эстрон сульфаты бауырішілік метаболизмге ұшырауы мүмкін.
Элиминация. Эстрон мен эстрадиол көбінесе глюкуронидтер түрінде несеппен шығарылады. Жартылай шығарылу кезеңі 10-16 сағат құрайды. Эстрогендер бала емізетін аналарда сүтпен бөлінеді.
Дозаға және уақытқа тәуелділік. Фемостон® 1/10 таблеткаларын күнделікті ішке қабылдағанда эстрадиол тұрақты концентрациясына 5 күн қабылдаудан кейін, көбінесе 8-11 күндерге қарай жетеді.
Дидрогестерон
Сіңірілуі. Ішке қабылдағаннан кейін асқазан-ішек жолынан тез сіңеді. Ең жоғары концентрациясына жету уақыты (Tmax) 0.5-тен 2.5 сағатқа дейін. Ішке қабылданған 20 мг доза тұсындағы дидрогестерон абсолютті биожетімділігі (венаішілік 7.8 мг салыстырғанда) 28% құрайды.
Дидрогестеронды 10 мг дозада дидрогестерон (Д) мен дигидродидрогестеронның (ДГД) тұрақты жағдайының фармакокинетикалық параметрлерінің орташа мәндері кестеде берілген:
Дидрогестерон 10 мг
| Д | ДГД | |
| Cmax (ng/ml) | 2.54 (1.80) | 62.50 (33.10) |
| Cmin (ng/ml) | 0.13 (0.07) | 3.70 (1.67) |
| Cav (ng/ml) | 0.42 (0.25) | 13.04 (4.77) |
| AUC0-t (ng*h/ml) | 9.14 (6.43) | 311.17 (114.35) |
Таралуы. Дидрогестеронның тұрақты концентрациясында вена ішіне енгізу кезіндегі таралу көлемі 1400 л жуық. Дидрогестерон мен ДГД қан плазмасы протеиндерімен 90% астам байланысады.
Метаболизм. Дидрогестеронды ішке қабылданғаннан кейін ДГД тез метаболизденеді. Негізгі метаболиті – 20-α-дигидродидрогестерон (ДГД) концентрациясы дозаны қабылдағаннан кейін шамамен 1.5 сағаттан соң жоғарғы шегіне жетеді. Қан плазмасындағы ДГД концентрациясы дидрогестероннан едәуір жоғары. ДГД мен дидрогестерон AUC (қисық астындағы аудан) және Cmax (ең жоғары концентрациясы) қатынастары, тиісінше, шамамен 40 және 25 құрайды. Дидрогестерон және ДГД жартылай шығарылу кезеңі, тиісінше, орта есеппен 5-7 сағат және 14-17 сағат құрайды. Барлық метаболиттерінің ортақ ерекшелігі ата-аналық 4,6-диен- 3-он қосылысы конфигурациясының өзгермей қалуы және 17-альфа гидроксилденудің болмауы болып табылады. Бұл дидрогестерон эстрогендік және андрогендік әсерлерінің болмауымен түсіндіріледі
Элиминация. Таңбаланған дидрогестерон ішке қабылданғаннан кейін орта есеппен 63% дозасы несеппен шығарылады. Плазмасының жалпы клиренсі 6.4 л/мин. 72 сағат өткенде дидрогестерон толық шығарылады. ДГД көбінесе глюкурон қышқылының конъюгаты түрінде несеппен шығарылады.
Дозаға және уақытқа тәуелділік. 2.5 мг-ден 10 мг дейінгі аралықта бір рет те, көп рет те дозаланғанда фармакокинетикасы дозаға байланысты. Бір реттік және көп реттік дозаларының кинетикасын салыстыру Д және ДГД фармакокинетикасының дозаны қайталап қабылдау нәтижесінде өзгермейтінін көрсетеді. Тұрақты концентрациясына емнің 3 күнінен кейін жетеді.
Фармакодинамикасы
Эстрадиол
Фемостонның 1/10 белсенді ингредиенті – 17-β эстрадиол химиялық және биологиялық тұрғыдан эндогенді адам эстрадиолына сәйкес. Ол менопаузадағы әйелдерде жоғалған эстрогендер өнімдерін алмастырады және эстрогендер тапшылығы симптомдарын жеңілдетеді. Эстрогендер менопауза немесе овариэктомиядан болатын сүйек тіні жоғалуынан сақтандырады.
Дидрогестерон
Ішке қабылдағанда дидрогестерон белсенділігі парентеральді енгізілген прогестерон белсенділігімен салыстырмалы. Эстрогендер эндометрий өсуіне ықпал ететіндіктен, эстрогендерді прогестагендер қоспай қабылдау эндометрий гиперплазиясы мен обыр қаупін жоғарылатады. Прогестагендер қосу жатыры алынбаған әйелдерде эндометрий гиперплазиясының эстрогенге байланысты қаупін едәуір төмендетеді.
Клиникалық зерттеулер нәтижелері бойынша эстрогендер тапшылығы симптомдарын және дисфункциялық жатырлық қан кетулерді емдеудегі Фемостон® 1/10 тиімділігі:
Ұзақтығы орта есеппен 5 күнге созылатынтоқтатудан болатын жүйелі қан кетулер 76% әйелде болды. Тоқтатудан болатын қан кетулер, әдетте, орта есеппен циклдың 28-ші күні басталған. Құйылған қан кетулер және/немесе жағынды бөліністер емнің алғашқы үш айы ішінде 23% әйелде және 10-12 айлық ем кезінде 15% әйелде тіркелген. Емнің алғашқы жылы ішінде аменорея (қан кетулердің немесе жағынды бөліністердің болмауы) 21% циклда білінген. Климактериялық симптомдар айқындылығының төмендеуіне емнің алғашқы апталарында қол жетті.
Остеопороз профилактикасы:
Менопаузадағы эстроген тапшылығы сүйектің қайта үлгіленуінің жеделдеуімен және сүйек салмағының кемуімен байланысты. Эстрогендердің сүйек тінінің минералдық тығыздығына ықпалы дозаға тәуелденеді. Қорғаныс емнің бүкіл курсы бойына әрекет етеді. ОГЕ тоқтатылған соң сүйек салмағының көлемі ем жүргізілмеген әйелдердегі сүйек салмағының кему жылдамдығына ұқсас жылдамдықпен азаяды. Клиникалық зерттеу нәтижелері ОГЕ (бөлек немесе прогестагенмен біріктіріліп көбінесе дені сау әйелдерге тағайындалған) ағымда пайдаланудың ортан жілік, омыртқа сынуларының және басқа да остеопороздық сынулар қаупін азайтатынын айғақтайды. ОГЕ, сонымен бірге, сүйек тығыздығы төмен және/немесе остеопорозы анықталған әйелдердегі сынуларды болдырмауы мүмкін, алайда бұл жөніндегі деректер шектеулі.
Фемостон® 1/10 үшін омыртқаның бел бөліміндегі сүйек тінінің минералдық тығыздығы (СТМТ) 5.2%±3.8% (орташа мәні±орташа шаршылы ауытқу) артты. Емделу кезінде Фемостон® 1/10 қабылдаған 93.0% әйелде бел бөліміндегі СТМТ бұрынғы деңгейде сақталған немесе жоғарылаған. Фемостон® 1/10, сондай-ақ, ортан жіліктегі СТМТ ықпал етеді. Фемостон® 1/10 бір жыл қабылданғаннан кейін СТМТ ортан жілік мойыны аумағында 2.7%±4.2%, ортан жілік ұршығы аумағында 3.5±5.0% және Вард үшбұрышында 2.7%±6.7% жоғарылаған. Фемостон® 1/10 емінен кейін 67–78 әйелде ортан жіліктің 3 бөлімінде көрсетілген СТМТ өзгеріссіз қалған немесе жоғарылаған.
Қолданылуы
- соңғы етеккірден кейін 6 айдан соң бірақ менопауза кезеңінде әйелдерде эстрогендер тапшылығы симптомдарының орын басушы гормональді емінде.
- остеопорозды емдеуге арналған дәрілік заттар жақпаушылығында немесе қарсы көрсетілімдерінде менопаузадан кейінгі кезеңдегі сынулар қаупі жоғары әйелдерде менопаузадан кейінгі кезеңде остеопороздың алдын алуда
Қолдану тәсілі және дозалары
Эстроген үздіксіз қабылдауға дозаланған. Прогестаген бірізді қолдануға арналған әр 28 күндік циклдың соңғы 14 күні ішінде қосылады. Емдеу циклдың алғашқы 14 күнінде күн сайын бір ақ таблетка қабылдаудан басталады, артынан препаратты 28 күнтізбелік күн ішінде қабылдауға есептелген қаптамадағы нұсқауларға сай, келесі 14 күн ішінде күн сайын бір сұр таблетка қабылдаумен жалғастырылады. Фемостон® 1/10 қаптамалар арасында үзіліс жасамастан үздіксіз қабылдану керек.
Әдетте, бірізді біріктірілген ОГЕ Фемостон® 1/10 препаратынан басталады. Әрі қарай гормондар дозасын емдеудің клиникалық нәтижелерімен сәйкес әркімде жекеше өзгертуге болады. Үздіксіз немесе циклдық емге арналған басқа препараттан ауысу үшін пациент әйел 28 күндік циклды аяқтап, артынан Фемостон® 1/10-ға көшу керек. Үзіліссіз біріктірілгенемге арналған препараттан ауысқанда пациент әйел осы препаратты қабылдауды кез келген күні бастай алады.
Егер әйел таблетканы уақытында қабылдауды ұмытса, оны тиістіқабылдау сәтінен бастап 12 сағат ішінде қабылдау керек. Егер 12 сағаттан көп уақыт өтіп кетсе, онда «ұмытылған» таблетканы қабылдамаған жөн, келесі таблетканы әдеттегі уақытта қабылдау керек. Таблетка қабылдауды өткізіп алу «құйылған» қан кету немесе жағымды қан бөліністерінің ықтималдығын арттыруы мүмкін.
Фемостон® 1/10 ас ішуге байланыссыз қабылдана береді.
Егде жастағылар. 65 жастан асқан әйелдерді емдеу тәжірибесі шектеулі.
Балалар және жасөспірімдер. Балалар және жасөспірімдерде Фемостон 1/10 қабылдауға көрсетілімдер жоқ.
Жағымсыз әсерлері
Клиникалық зерттеулерде бәрінен жиі хабарланатын жағымсыз әсерлер – бас ауыру, іштің ауыруы, сүт бездеріндегі ауыру/кернеу, белдің ауыруы.
Келесі жағымсыз әсерлер клиникалық зерттеулерде төменде берілген жиілікте байқалды
Өте жиі (≥ 1/100)
- бас ауыру
- іштің ауыруы
- омыртқаның ауыруы
- сүт бездерінің ауыруы/кернеуі
Жиі (>1/100-ден <1/10 дейін)
- қынаптық кандидоз
- депрессия, күйгелектену
- бас сақинасы, бас айналу
- жүрек айну, құсу, метеоризм
- терінің аллергиялық реакциялары (соның ішінде бөртпе, есекжем, қышыну)
- етеккірлік бұзылыстар (жағынды бөліністер, жатырдан қан кету, меноррагия, аменорея, жүйесіз етеккірлер, дисменорея), кіші жамбастың ауыруы, цервикальді сөлініс
- астениялық жай-күйлер (астения, қажу, жайсыздану), шеткері ісінулер
- денеге салмақ қосу
Жиі емес (>1/1000-ден <1/100 дейін)
- жатыр миомасы көлемдерінің ұлғаюы
- аса жоғары сезімталдық реакциялары
- либидо өзгерістері
- вена тромбоэмболиясы, артериялық гипертензия, шеткері тамырлар ауруы, веналардың варикоздық кеңеюі, бауыр функциясының кейде сарғаюмен, астениямен немесе жайсыздықпен және іштің ауыруымен қатар жүретін бұзылуы, өт қабы функциясының бұзылуы
- сүт бездері көлемінің ұлғаюы, етеккір алдындағы синдром
- дене салмағының кемуі
- циститке ұқсас синдром
- диспепсия
Сирек (>1/10000-ден <1/1000 дейін)
- миокард инфарктісі
* - клиникалық зерттеулерде байқалмаған спонтанды хабарламалардан түскен жағымсыз әсерлер, жиілікке сирек қосылған.
Сүт безі обырының (СБО) қаупі
Құрамында эстроген-прогестаген біріктірілген препараттарды 5 жыл бойы және одан көп қабылдаған әйелдерде СБО қаупі 2 есеге дейін жоғары. Тек эстрогенмен ОГЕ алып жатқан әйелдердегі қауіптің кез келген ұлғаюы эстрогеном-прогестагенмен біріктірілген ОГЕ алатын әйелдермен салыстырғанда төмен болды.
Қауіп шамасы емдеу ұзақтығына байланысты.
Рандомизацияланған (WHI – Women Helath’s Initiative) және эпидемиологиялық (MWS – Million Women Study) ірі зерттеу нәтижелері төменде берілген:
Дәрілермен өзара әрекеттесуі
Дәрілік өзара әрекеттесулеріне қатысты зерттеулер жүргізілмеген.
Эстрогендер мен прогестагендер тиімділігі төмендеуі мүмкін:
Бауырдың микросомалық ферменттерін индукциялайтын Р450 цитохромы, мысалы, 2В6, 3А4, 3А5, 3А7 жүйесінің препараттары бір мезгілде қолданылғанда эстрогендер мен прогестагендердің метаболизмі жоғарылауы мүмкін. Оларға құрысуға қарсы (фенобарбитал, карбамазепин, фенитоин) және инфекцияға қарсы (рифампицин, рибавирин, невирапин, эфавиренез) препараттар жатады.
Ритонавир мен нелфинавир CYP450 3A4, A5, A7 қуатты тежегіштері ретінде белгілі болғанымен, стероидты гормондармен бір мезгілде қолданылғанда олардың метаболизмін күшейтуі мүмкін.
Құрамында шайқурай (Hypericum perforatum) шөбі бар өсімдік тектесдәрілік препараттар CYP450 3A4 бәсеңдету жолымен эстрогендер мен прогестагендер метаболизмін жоғарылатады.
Эстрогендер мен простагендер метаболизмінің жоғарылауы клиникалық тұрғыда етеккірге ұқсас реакция сипатының өзгеруімен және препарат тиімділігінің төмендеуімен көрініс беруі мүмкін.
Эстрогендер басқа дәрілік заттар метаболизмін бұзуы мүмкін:
Эстрогендер бәсекелі бәсеңдету арқылы CYP450 жүйесі энзимдерін тежеуге қабілетті. Бұл, әсіресе, мыналар сияқты емдік көрсетілімдері тар препараттарға қатысты ерекше маңызды:
- такролимус және циклоспорин А (CYP450 3А4, 3А3)
- фентанил (CYP450 3А4)
- теофиллин (CYP450 1А2).
Клиникалық тұрғыда бұл осы заттардың плазмадағы деңгейінің уыттылыққа дейін жоғарылауымен көрініс бере алады. Осылайша, пациент әйелдерді ұзаққа созылатын уақыт кезеңі бойына мұқият бақылау және такролимус, фентанил, теофиллин және циклоспорин А дозаларын азайту қажет болуы мүмкін.
Айрықша нұсқаулар
ОГЕ менопауза симптомдары әйелдің тіршілік сапасына елеулі ықпал ететін жағдайларда тағайындалады. Барлық пациент әйелдерге, кем дегенде, жылына бір рет қауіптер мен артықшылықтарды мұқият бағалау қажет. Күтілетін артықшылықтары болжамды қауіптерден елеулі асып кеткеншеФемостон® 1/10 қабылдау жалғасады.
Мерзімінен бұрын болған менопаузаны емдеу кезінде ОГЕ-мен байланысты қауіптерге қатысты растаулар шектеулі. Жас әйелдердегі төмен абсолютті қауіпке орай, олар үшін артықшылықтар мен қауіптер арақатынасы үлкендеу жастағы әйелдерге қарағанда аса жайлы болуы мүмкін.
Медициналық тексеру және бақылау.
ОГЕ бастау немесе қайта жаңғырту алдында толық медициналық және отбасылық анамнез жинастыру қажет. Медициналық тексеру (сүт бездері мен кіші жамбас ағзаларын тексеруді қоса) болжамды қарсы көрсетілімдері мен сақтану шараларын қадағалауды талап ететін жай-күйлерді анықтау мақсатында жүргізіледі.Фемостон® 1/10 препаратымен емделу кезінде динамикалық бақылау ұсынылады, зерттеу жиілігі мен сипаты әркімге жеке белгіленеді. Пациент әйелдер сүт бездеріндегі барлық өзгерістер жөнінде біліп отыруы тиіс, олар туралы емдеуші дәрігерге шұғыл хабарлауы тиіс. Арнайы зерттеулер, маммографияны қоса, клиникалық көрсетілімдерін ескерумен қабылданған скрининг нормаларына сәйкес жүргізіледі.
Бақылау талап етілетін жай-күйлер
Фемостон® 1/10-мен емделу кезінде, егер оларда төменде аталған жай-күйлер орын алса немесе бұрын болса, пациент әйелдер дәрігердің мұқият қадағалауында болуы тиіс:
- жатыр миомасы немесе эндометриоз
- тромбоэмболиялық жағдайлардың даму қаупі факторлары
- эстрогенге тәуелді ісіктердің қауіп факторлары (мысалы, туыстығы 1 дәрежедегі туысқандардағы сүт безі обыры)
- артериялық гипертензия
- бауыр аурулары (гепатоцеллюлярлы аденома)
- ангиопатиясы бар немесе онсыз қант диабеті
- өт-тас ауруы
- бас сақинасы немесе (ауыр) бас ауыру
- жүйелі қызыл жегі
- анамнездегі эндометрий гиперплазиясы
- эпилепсия
- бронх демікпесі
- отосклероз
- менингиома
Мұны осы жай-күйлердің айқындылығы жүктілік немесе осының алдындағы гормональді ем кезінде күшейе түскен пациент әйелдерге қолдануға болады. Фемостон® 1/10-мен емделгенде бұл жай-күйлердің жаңғыруы немесе едәуір айқындала түсуі мүмкін екенін ескеру қажет.
Емді дереу тоқтату себептері.
Фемостон® 1/10 қабылдау қарсы көрсетілімдер анықталғанда және мына жағдайларда тоқтатылу керек:
- сарғаю немесе бауыр функциясының бұзылуы
- артериялық қысымның елeулі көтерілуі
- бас сақинасына ұқсас бас ауырудың пайда болуы
- жүктілік
Эндометрий гиперплазиясы және обыры.
Эстрогендерді ұзақ уақыт қабылдағанда жатыры алынып тасталмаған әйелдерде эндометрий гиперплазиясы мен обырының қаупі артады. Моноэстрогенді ОГЕ препараттарын пайдаланушылар арасында эндометрий обыры қаупінің, пайдаланбайтындармен салыстырғанда, эстроген дозасы мен емдеу ұзақтығына қарай 2-ден 12 есеге дейін жоғарылауы білінеді. Эстроген қабылдауды тоқтатқан соң да қауіп 10 жыл бойына жоғары күйде қалады.
Прогестаген еміне циклдармен 28-күндік циклдың кемінде 12 күн немесе тұрақты эстроген-прогестаген біріктірілімін қосу жатыры алынып тасталмаған әйелдерде тек эстрогендермен ОГЕ алумен байланысты қауіптің жоғарылауына жол бермеуі мүмкін.
Емнің бастапқы бірнеше айында кейде құйылған қан кету және жағындықан кету байқалады. Фемостон® 1/10 қабылдау кезіндегі құйылған қан кету немесе жағынды қан кету кезінде немесе емді тоқтатқаннан кейін себебін анықтау үшін тексеру жүргізу қажет. Ол қауіпті үдерісті жоққа шығаруға арналған эндометрий биопсиясын қамтуы мүмкін.
Сүт безі обыры
Клиникалық және фармакологиялық-эпидемиологиялық зерттеулер нәтижелерінің қазіргі замандық деректеріне сай, ОГЕ үшін біріктірілген препараттар және,мүмкін, моноэстрогенді препараттар қабылдайтын әйелдерде СБО қаупі жоғары, әрі бұлшама ем ұзақтығына байланысты.
Құрамында эстроген+прогестаген біріктірілген препараттар
Рандомизацияланған плацебо-бақыланатын WHI зерттеуі және фармако- эпидемиологиялық зерттеулер ОГЕ үшін біріктірілген препараттар қабылдайтын әйелдерде СБО қаупінің артуын көрсетті, ол ем басталғаннан кейін 3 жылдан соң көрініс береді.
Құрамында эстроген бар препараттармен монотерапия
WHI зерттеуінде құрамында тек эстроген бар препараттар пайдаланған жатыры алынған әйелдерде СБО қаупінің жоғарылауы анықталмаған. Оқшауланған зерттеулерде біріктірілген препараттар қабылдаған әйелдердегіден көп төмен СБО қаупінің болымсыз жоғарылауы хабарланады.
СБО қаупінің артуы емнің алғашқы бірнеше жылында байқалады, бірақ емді тоқтатқаннан кейін бірнеше жыл (көп дегенде 5 жыл) ішінде бастапқы деңгейіне оралады. ОГЕ үшін біріктірілген препараттар қабылдағанда маммографиялық бейнелену тығыздығы артады, бұл СБО рентгенологиялық диагностикасына теріс ықпал етуі мүмкін.
Аналық без обыры
Аналық без обырына шалдығу, СБО қарағанда, біршама сирек. Ауқымды метаталдау нәтижесінде алынған эпидемиологиялық деректер 5 жыл бойы қолданғанда байқалатын және қолдануды тоқтатқаннан кейін уақыт өте төмендейтін эстрогенмен монотерапия немесе ОГЕ ретінде эстрогенді прогестагенмен біріктірілімде қабылдайтын әйелдерде біршама жоғарғы қаупін көрсетті. WHI қамтылатын кейбір басқа зерттеулер біріктірілген ОГЕ препараттарын пайдалану дәл осындай немесе біршама аз қауіппен байланысты болуы мүмкін екенін растайды («Жағымсыз әсерлер» бөл.қар.).
Вена тромбоэмболиясы.
ОГЕ вена тромбоэмболиясының (КТЭ), яғни аяқтың терең веналар тромбозы мен өкпе тромбоэмболиясының 1.3-3 есе салыстырмалы даму қаупінің артуымен астасады. Осындай асқыну ықтималдығы, кейінгілеріне қарағанда, емнің бірінші жылында жоғары.
Анамнезінде КТЭ бар немесе тромбофилиялық жай-күйлері диагностикаланған пациент әйелдерде КТЭ қаупі жоғары, ал ОГЕ бұл қауіпті арттыруы мүмкін. Сондықтан ОГЕ пациент әйелдердің осы тобында қарсы көрсетілімді.
КТЭ бойынша қауіп факторларына: эстрогендер пайдалану, егде жас, ауқымды хирургиялық операциялар, ұзаққа созылатын иммобилизация, ауыр дәрежелі семіздік (ДСИ 30 кг/м2 аса), жүктілік және босанудан кейінгі кезең, жүйелі қызыл жегі және обыр жатады. Қазіргі таңда веналардың варикозды кеңеюінің КТЭ қауіп факторларына қатысы туралы бірыңғай пікір жоқ.
Пациент әйелдерде операциядан кейінгі кезеңде КТЭ болдырмау шараларын қабылдау қажет. Операциядан кейін ұзаққа созылатын иммобилизация болжанатын жағдайларда Фемостон® 1/10 қабылдауды, мүмкіндігінше, 4-6 апта бұрын тоқтату керек. Емдеуді қозғалыс белсенділігі толық қалпына келгеннен кейін ғана жаңғыртуға болады.
Анамнезінде КТЭ жоқ, бірақ туыстығы бірінші дәрежедегі туысқандарының анамнезінде жас кездерінде КТЭ болған әйелдер тромбофилия тұрғысынантексерілуі тиіс. Бұл орайда скрининг кезінде қан ұю патологиясының барлық түрлері бірдей анықтала бермейтінін ескеру және әйелге ескерту керек. Егер отбасы мүшелерінде тромбофилиялық ақау (мысалы, антитромбин, протеин S немесе протеин С тапшылығы немесе ақаулар бірігуі) анықталса, ОГЕ қолдануға болмайды.
Антикоагулянтты ем қабылдайтын осы қауіп тобындағы пациент әйелдерге ОГЕ тағайындау қауіптері мен артықшылықтары арақатынасын мұқият бағалау талап етіледі.
Егер КТЭ Фемостон® 1/10 қабылдау аясында дамыса, емді тоқтата тұру керек. Пациент әйел болжамды КТЭ симптомдарының алғашқылары (аяқтардың ауырсынулы ісінуі, кеуденің кенеттен ауыруы, ентігу) пайда болғанда емдеуші дәрігерге дереу қаралу керектігін білуі тиіс.
Ишемиялық жүрек ауруы (ИЖА).
Рандомизацияланған клиникалық зерттеулерде ИЖА бар немесе онсыз әйелдерді миокард инфарктісінің дамуынан қорғайтын ОГЕ (тек эстрогендермен немесе прогестагендермен біріктірілімде) пайдасынадәлелдер алынбаған.
Құрамында эстроген+прогестаген біріктірілген препараттар
ОГЕ үшін біріктірілген препараттармен емделу кезеңінде ИЖА салыстырмалы қаупі аздап жоғарылайды. ИЖА абсолютті даму қаупі едәуір шамада жасқа байланысты екендіктен, біріктірілген ОГЕ препараттарын алатын әйелдердегі ИЖА қосымша жағдайлар жиілігі менопауза басталуына жақын жастағы дені сау әйелдер тобында өте төмен және жас ұлғаюымен артады.
Құрамында эстроген бар препараттармен монотерапия
Рандомизацияланған зерттеулер деректері бойынша, монотерапияда эстрогендер алатын жатыры алынған әйелдерде ИЖА қаупі жоғарыламайды.
Ишемиялық инсульт.
Біріктірілген препараттармен немесе тек эстрогенмен ОГЕ кезінде дені сау әйелдерде ишемиялық инсульт қаупі 1.5 есе артады. Салыстырмалы қауіп жас шамасына немесе менопауза өтіліне байланысты емес. Алайда ишемиялық инсульт қаупінің жасқа байланысты екені белгілі, сондықтан ОГЕ қабылдайтын әйелдерде инсульт қаупі жас ұлғаюымен артады.
Басқа да жай-күйлер
Эстрогендер сұйықтық іркіліcіне ықпал етеді, сондықтан жүрек немесе бүйрек жеткіліксіздігі бар пациент әйелдер мұқият қадағалауды қажет етеді.
Гипертриглицеридемиясы бар әйелдер эстрогендермен орын басу емі немесе біріктірілген ОГЕ кезінде мұқият қадағалауды қажет етеді, өйткені панкреатит дамуына әкелген қан плазмасындағы триглицеридтердіңелеулі жоғарылауы жөнінде сирек хабарламалар бар.
Эстрогендер тиреоид-байланыстырушы глобулин (ТБГ) деңгейін арттырады, бұл йод ақуызымен байланысқан Т4 немесе Т3 деңгейімен өлшенетін айналымдағы тиреоидты гормонның жалпы деңгейін жоғарылатады. Трийодтиронин (Т3) сіңіру деңгейі төмендейді, бұл ТБГ концентрациясының жоғарылауын көрсетеді.Бос күйдегі Т4 және Т3 деңгейлері өзгермейді.
Басқа байланыстырушы протеиндер, мысалы, кортикоид-байланыстырғыш глобулин, жыныс гормондарын байланыстыратын глобулин деңгейлері жоғарылауы мүмкін, бұл айналымдағы кортикостероидты және жыныс гормондары деңгейін тиісінше арттырады. Бос немесе биологиялық белсенді гормондар концентрациялары өзгермейді. Сонымен бірге, плазманың басқа протеиндерінің (ангиотензин/ренин субстраты, a-1-антитрипсин, церулоплазмин) деңгейлері жоғарылуы мүмкін.
ОГЕ когнитивтік функцияны жақсартпайды. ОГЕ бастаған жасы 65-тен асқан әйелдерде деменция қаупі болуы мүмкін.
Сирек тұқым қуалайтын галактоза жақпаушылығы, Лапп лактаза тапшылығы немесе глюкоза-галактоза сіңуінің бұзылуы бар науқастар Фемостон® 1/10 қабылдамауы тиіс.
Фемостон® 1/10 ұрықтануға қарсы дәрі емес.
Жүктілік және лактация
Жүктілік кезінде Фемостон® 1/10 қолдану көрсетілмеген. Егер Фемостон® 1/10 қабылдау аясында жүктілік басталса, емді дереу тоқтату керек. Эстрогендер мен прогестагендердің біріккен композицияларының шаранаға кездейсоқ ықпалына қатысты эпидемиологиялық зерттеулердің көпшілігінің нәтижелері тератогенді және фетоуытты әсердің жоқтығын растайды. Фемостонды 1/10 жүктілерге қабылдау туралы қолда бар деректер шектеулі. Бала емізу кезеңінде Фемостон® 1/10 қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Автокөлік және қозғалмалы механизмдер басқару кезінде Фемостон® 1/10 ықпал етпейді немесе ықпалы төмен.
Артық дозалануы
Эстрадиол мен дидрогестеронның уыттылығы төмен дәрежеде. Симптомдары: жүрек айну, құсу, сүт бездерінің ауырсынуы, ұйқышылдық, бас айналуы, іштің ауыруы, сылбырлық/қажу және тоқтатудан болатын қан кету сияқты препараттың жағымсыз әсерлері күшеюі мүмкін.
Емі: симптоматикалық. Спецификалық ем қажет болу ықтималдығы аз. Арнайы антидоты жоқ. Осы ақпарат балаларға қатысты да қолдануға болады.
Шығарылу түрі және қаптамасы
28 таблеткадан (құрамында 1 мг эстрадиол бар ақ түсті 14 таблетка және құрамында 1 мг эстрадиол мен 10 мг дидрогестерон бар сұр түсті 14 таблетка) поливинилхлоридті үлбірден және алюминий фольгадан жасалған пішінді ұяшықты қаптамаға салынған. 1 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.
Сақтау шарттары
30°С-ден аспайтын температурада сақтау керек
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Эбботт Байолоджикалз Б.В., Ольст, Нидерланды
Веервег 12, 8121 АА
Тіркеу куәлігінің иесі
Эбботт Хелскеа Продактс Б.В., Веесп, Нидерланды
С.Д. ван Хоутенлаан 36 НЛ-1381 СП
Қазақстан Республикасы аумағында тұтынушылардан дәрілік заттың сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы.
«Абботт Қазақстан» ЖШС
050060 Қазақстан Республикасы, Алматы қ.,
Ходжанов көшесі 92, кеңсе 90
тел.: +7 7272447544, +7 7272447644,
e-mail: pv.kazakhstan@abbott.com
