Флюдитек 5% 125 мл сироп

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Флюдитек

Халықаралық патенттелмеген атауы

Карбоцистеин

Дәрілік түрі

5% шәрбат, 125 мл

Фармакотерапиялық тобы

Респираторлық жүйе. Жөтел және суық тию ауруларында қолданылатын препараттар. Экспекторанттар, жөтелді басатын біріктірілімдердіқоспағанда. Муколитиктер. Карбоцистеин.

АТХ коды R05CB03

Қолданылуы

Препарат ересектерге қақырықтың қиын бөлінуімен тыныс алу жолдары ауруларына (бронх секретінің қиын бөлінуінде) шалдыққанда қолдануға арналған

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- карбоцистеинге немесе препараттың басқа компоненттеріне жоғары сезімталдық

- 18 жасқа дейінгі балалар мен жасөспірімдер

Қолдану кезінде қажетті сақтық шаралары

Асқазан-ішек бұзылыстары (асқазанның ауыруы, жүрек айну, құсу, диарея) туындаған кезде дозаны азайту керек.

Қарттарға, анамнезінде асқазан-ішек жолының ойықжаралы ауруымен ауыратын пациенттерде немесе асқазан-ішектік қан кетуді туындататын қатар қолданылатын препараттарды қабылдағанда сақ болу керек. Асқазан-ішектік қан кетуі туындаған жағдайда пациент емдеуді тоқтатқан жөн.

Препараттың құрамында сахароза бар. Оны фруктоза көтере алмауының сирек тұқым қуалайтын проблемалары бар, глюкоза-галактоза мальабсорбциясы немесе сахароза-изомальтаза жеткіліксіздігі барпациенттерге қолдануға болмайды. Дәрілік препараттың құрамында 15 мл дозаға шаққанда 5,25 г сахароза бар, мұны қант диабетімен ауыратын пациенттер үшін ескеру қажет.

Бұл препараттың 15 мл дозаға шаққанда 100 мг натрий бар, бұл ересек адам үшін ДДҰ ұсынған 2 г натрийдің ең жоғары тәуліктік дозасының 5% - ына тең.

Сонымен қатар, препараттың құрамында метилпарагидроксибензоат (E218) бар, ол баяу типтегі аллергиялық реакцияларды, бронхоспазмды туындатуы мүмкін.

Дәрінің құрамындааллергиялық реакцияларды туындатуы мүмкін азобояғыш (күн батар түстес сары (E110) бар.

Басқа дәрілік препараттармен өзара әрекеттесуі

Анықталған жоқ

Арнайы ескертулер

Педиатрияда қолданылуы

Қатысты емес

Жүктілік немесе лактация кезінде

Жүктілік

Клиникалық тұрғыдан даму немесе фотоуыттылық ақаулар байқалмады. Дегенмен, карбоцистеиннің әсері зерттелген жүктілікті бақылау барлық қауіптерді болдырмау үшін жеткіліксіз.

Демек, карбоцистеинді жүктілік кезінде өте қажет болған жағдайда ғана қолдану керек.

Лактация

Карбоцистеиннің емшек сүтіне енетіні туралы деректер жоқ. Карбоцистеиннің төмен уыттылығын ескере отырып, осы препаратпен емдегенде, балалар үшін ықтимал қауіптер елеусіз болып табылады. Демек, емшекпен емізуге болады.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану жөніндегі нұсқаулар

Дозалау режимі

15 мл белгіге дейін толтырылған, құрамында 750 мг карбоцистеин бар 1 өлшеуіш стақаннан қабылдау.

Енгізу әдісі мен жолы

Ішуге арналған.

Қабылдау уақытын көрсете отырып қолдану жиілігі

Күніне 3 рет, дұрысы тамақтану аралығында.

Емдеу ұзақтығы

Курстың ұзақтығы 5 күннен аспайды.

Артық дозаланғанда қабылдануы қажет шаралар

Артық дозалану жағдайлары анықталған жоқ

Дәрілік препараттың бір немесе бірнеше дозалары ішілмей қалған кезде қабылдануы қажет шаралар

Препараттың бір немесе бірнеше дозалары ішілмей қалған жағдайда, препаратты әдеттегі тәсілмен және әдеттегі дозада ішуді жалғастыру керек.

Тоқтату симптомдары қатерінің бар-жоғын көрсету

Туындатпайды

Дәрілік препаратты қолдану тәсілін түсіндіру үшін медицина қызметкеріне кеңес беру үшін ұсынымдар

Егер препаратты қолдану бойынша қосымша сұрақтар туындаса, дәрігермен немесе фармацевпен кеңесіңіз.

ЛП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар (қажет болған жағдайда)

- қышыну, терінің эритематозды бөртпелері, есекжем және ангионевроздық ісіну сияқты терінің аллергиялық реакциялары;

- тұрақты дәрілік эритеманың бірнеше жағдайлары туралы хабарланған.

- асқазан-ішек бұзылыстары (іштің ауыруы, жүрек айну, құсу, диарея);

- асқазан-ішектік қан кетулер;

- Стивен-Джонсон синдромы және мультиформалы эритема сияқты буллездік дерматиттің жекелеген жағдайлары туралы хабарланған.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлардың және көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 мл шәрбаттың құрамында

белсенді зат - карбоцистеин 5,0 г,

қосымша заттар: глицерин, метилпарагидроксибензоат, сахароза, күн батар түстес сары (Е110) бояғыш, патенттелген көк бояғыш V(Е131), натрий гидроксиді, карамель хошиістендіргіші, тазартылған су.

Сыртқы түрінің, иісінің, дәмінің сипаттамасы

Kарамель иісті, қоңыр реңді ашық жасыл түсті, мөлдір сұйықтық.

Шығарылу түрі және қаптамасы

125 мл шәрбаттанашылуы бақыланатын, пластмасса төсемі бар бұрандалы пластмасса қақпақпен жабылған мөлдір шыны құтыда.

Бір құты полипропиленнен жасалған өлшеуіш стақанымен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

2 жыл

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Юнитер Ликвид Мануфэкчуринг,

1-3, Алле де ла Несте, Зи ден Сигал - BP 70319, 31773 Коломье Сидэкс, Франция

тел/факс: +33 (5) 34 51 42 00

электронды поштасы: ulm_pharma_info@unither-pharma.com

Тіркеу куәлігінің ұстаушысы

Лаборатория Иннотек Интернасиональ, Франция

Тел: +33 1 46 15 29 00

Факс: +33 1 45 46 40 15

Электронды поштасы: licensing@innothera.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Лаборатории Иннотек Интернасиональ С.А.С. ҚР өкілдігі

050059, Қазақстан Республикасы,Алматы қ., Әл-Фараби д-лы, 17, т.е.б. 830, «Нұрлы Тау» бизнес орталығы,4 Б блок,404 кеңсе, тел./факс: +7-727-311-09-71,

+7-727-311-09-72, электронды поштасы: innotech@innotech.kz

Дәріханалар

Қалалар