Тауарлардың көрінісі фотосуретте көрсетілгеннен өзгеше болуы мүмкін

ФортеДетрим 10000 МЕ № 30 капс мягкие

5616
Қолжетімділігі
Сатылымда бар
Үлгі
5903060618671
Елі
Польша
Өндіруші
Медана Фарма АО
0-0-4 бөліп төлеу
1404 x 4 ай
  • Сипаттама
  • Дәріханалар

Сипаттама

Дәрі-дәрмектің мәртебесі:
RX
Атауы:
ФортеДетрим (Колекальциферол) 10 000 ХБ №30 жұмсақ капсулалар
Саудалық атауы:
ФортеДетрим
Халықаралық патенттелмеген атауы:
Колекальциферол
Дәрілік түрі, дозалануы:
Жұмсақ капсулалар, 10000 ХБ
Фармакотерапиялық тобы:
Ас қорыту жолы және зат алмасу. Дәрумендер. А және D дәрумені және олардың біріктірілімі. D дәрумені және оның туындылары. Колекальциферол.
АТХ коды: A11CC05
Қолданылуы:
D дәрумені тапшылығы мен жеткіліксіздігін және артық дене салмағы немесе семіздік, мальабсорбция синдромы бар ересектерде D дәрумені тапшылығынан туындаған жай-күйлерді емдеу және профилактикасы.
Қолданудың басталуына дейінгі қажетті мәліметтер тізбесі:
Қолдануға болмайтын жағдайлар
- Әсер етуші затқа немесе «Құрамы» бөлімінде атап көрсетілген қосымша заттардың кез келгеніне жоғары сезімталдық.
- Гиперкальциемия және (немесе) гиперкальциурия.
- Бүйрек тас ауруы және (немесе) нефрокальциноз.
- D гипервитаминозы.
- Псевдогипопаратиреоз.
- Ауыр бүйрек жеткіліксіздігі.
- Балалар мен 18 жасқа дейінгі жасөспірімдер.
- Жүктілік және лактация кезеңі.

Қолданған кездегі қажетті сақтандыру шаралары
Келесі жағдайларда сақ болу керек:
- саркоидоз және басқа гранулематоздар;
- D3 дәрумені мен кальцийдің қосымша мөлшерін қабылдау (мысалы, басқа препараттардың құрамында);
- кальций мен фосфаттардың несеппен шығарылуының бұзылуында, иммобилизацияланған пациенттерді емдеуде, тиазидтерді, жүрек гликозидтерін (әсіресе оймақгүл гликозидтерін) бір мезгілде қабылдағанда.
Басқа дәрілік препараттармен өзара әрекеттесуі
Құрысуға қарсы дәрілік препараттарды (фенитоин сияқты) немесе барбитураттарды (және, мүмкін, бауыр ферменттерін индукциялайтын басқа дәрілік заттарды) бір мезгілде қабылдау колекальциферолдың белсенді емес метаболиттерге биотрансформация жылдамдығын арттыру есебінен D3 дәруменінің тиімділігін төмендетуі мүмкін.
Глюкокортикостероидтар препараттарымен қатар емдеу D3 дәруменінің тиімділігін төмендетуі мүмкін.
D3 дәруменін пероральді қабылдау оймақгүл және басқа да жүрек гликозидтерінің емдік әсері мен уытты әлеуетін (аритмияның даму қаупі) гиперкальциемияның дамуы есебінен күшейте алады. Мұқият медициналық бақылау, ЭКГ көрсеткіштерін және қан плазмасы мен несепте кальций деңгейін бақылау, қажет болған жағдайда жүрек гликозидтерінің дозасын түзету қажет.
Кальцийдің несеппен шығарылуын азайтатын тиазидті диуретиктермен қатар ем болған жағдайда қан сарысуындағы және несептегі кальций мөлшерін бақылау ұсынылады.
Ион алмастырғыш шайырлармен (колестирамин сияқты), орлистат препаратымен немесе іш жүргізетін дәрілермен (мысалы, парафин майы) бір мезгілде емдеу ас қорыту жолында D дәруменінің сіңуін азайтуы мүмкін.
Рифампицин мен изониазидті бір мезгілде қабылдау D3 дәруменінің биотрансформация жылдамдығының артуына байланысты препарат тиімділігін төмендетуі мүмкін.
Құрамында магний және D3 дәрумені бар антацидтерді бір мезгілде қабылдау аясында қандағы магний концентрациясы жоғарылауы мүмкін.
Құрамында алюминий және D3 дәрумені бар антацидтерді бір мезгілде қабылдау аясында қандағы алюминий концентрациясы жоғарылауы мүмкін, бұл алюминийдің уытты әсер ету қаупін арттырады.
Арнайы ескертулер
Егер бір мезгілде D3 дәрумені бар басқа препараттар тағайындалса, ФортеДетрим препаратындағы D3 дәруменінің дозасын ескеру керек. D3 дәрумені немесе кальцийді қосымша қолдану тек дәрігердің бақылауымен жүргізілуі керек. Бұл жағдайда қан сарысуындағы және несептегі кальций деңгейін бақылау қажет. ФортеДетрим препаратымен ем алатын бүйрек жеткіліксіздігі бар пациенттерде кальций мен фосфаттар метаболизмінің көрсеткіштерін бақылау керек. Препаратты кальций нефроуролитиазына бейімділігі бар пациенттерде қолдануға болмайды.
Препаратты кальций мен фосфаттардың несеппен шығарылуы бұзылған пациенттерде, бензотиазидин туындыларымен емдегенде және иммобилизацияланған пациенттерде (гиперкальциемия мен гиперкальциурияның даму қаупі) сақтықпен қолдану керек. Мұндай пациенттерде қан плазмасындағы және несептегі кальций деңгейін бақылау керек.
ФортеДетрим препаратын саркоидозы бар пациенттерде D3 дәруменінің оның белсенді метаболитіне жылдам өзгеру қаупіне байланысты қолданғанда сақтық таныту ұсынылады. Мұндай пациенттерде қан плазмасындағы және несептегі кальций деңгейін бақылау керек.
Препаратты псевдогипопаратиреоз кезінде қабылдауға болмайды, өйткені D3 дәруменіне қалыпты сезімталдық фазасында D3 дәруменіне қажеттілік төмендеуі мүмкін, бұл кейінге қалдырылған артық дозаланудың даму қаупіне әкеледі. Мұндай жағдайларда дозаны дәл реттеуге мүмкіндік беретін D3 дәруменінің белсенді метаболиттерін қолданған дұрыс.
ФортеДетрим препаратымен ұзақ емдегенде қан плазмасындағы және несептегі кальций деңгейін бақылау, сондай-ақ сарысулық креатинин деңгейін өлшеу жолымен бүйрек функциясына бағалау жүргізу керек. Бұл әсіресе егде жастағы пациенттер үшін және жүрек гликозидтерімен немесе диуретиктермен қатар емдегенде өте маңызды. Гиперкальциурия жағдайында (несептегі кальций деңгейі 7,5 ммоль/24 сағ (300 мг/24 сағ) немесе бүйрек функциясының бұзылу белгілері болған жағдайда препарат дозасын төмендету немесе емдеуді тоқтату қажет.
Семіздігі бар пациенттерде (ересектер – ДСИ ≥ 30 кг/м2, балалар, жасөспірімдер – осы жас үшін дене салмағы 90 перцентильден жоғары) ФортеДетрим препаратының дозасын дене салмағы қалыпты жасы құрдастарға ұсынылған дозамен салыстырғанда арттыру талап етіледі.
Жүктілік және лактация кезеңі
Препарат жүктілік және лактиация кезеңінде қарсы көрсетілген.
Препараттың көлік құралын және қауіптілігі зор механизмдерді басқару қабілетіне әсер ету ерекшеліктері
Көлік құралын басқару және механизмдермен жұмыс істеу қабілетіне әсер ету бойынша зерттеулер жүргізілген жоқ.
Қолдану жөніндегі нұсқаулар:

Дозалау режимі

  • Сіңуінің бұзылуынсыз ересектерде D дәрумені тапшылығын емдеу (25 (ОН) D деңгейі ≤ 20 нг/мл) - 8 апта бойы аптасына 1 рет 50 000 ХБ (5 капсула).
  • Сіңуінің бұзылуынсыз ересектерде D дәрумені жеткіліксіздігін емдеу (25 (ОН)D деңгейі – 4 апта бойы аптасына 1 рет 50 000 ХБ (5 капсула).
  • Сіңуінің бұзылуынсыз ересектерде D3 дәруменінің қалыпты деңгейін (25(ОН) D ≥30 нг/мл деңгейі) демеу – аптасына 1 рет 10 000 ХБ (1 капсула).
  • D дәрумені тапшылығы мен жеткіліксіздігін және артық дене салмағы немесе семіздік, мальабсорбция синдромы бар ересектерде D дәрумені тапшылығынан туындаған жағдайларды емдеу – 4-8 апта бойы тәулігіне 10000 ХБ (1 капсула).

Емдеу нақты емдік әсер алғанға дейін жүргізіледі, содан кейін D дәруменінің демеуші дозасына ауысады.

Ұзақ емдегенде қандағы және несептегі кальций деңгейін жүйелі түрде анықтау, сондай-ақ креатининнің сарысу деңгейін өлшеу арқылы бүйрек функциясын анықтау керек. Қажет болса, доза қан сарысуындағы кальций деңгейін ескере отырып түзетілуі тиіс.

Пациенттердің ерекше топтары

Бауыр жеткіліксіздігі бар пациенттер

Дозаны түзету талап етілмейді.

Бүйрек жеткіліксіздігі бар пациенттер

Препарат ауыр бүйрек жеткіліксіздігі бар пациенттерге тағайындалмауы тиіс.

Енгізу әдісі және жолы

Капсулаларды ішке, тұтастай жұтып және сумен ішіп, негізгі ас ішу кезінде қабылдаған жөн.

Артық дозалану жағдайында қабылдануы тиіс шаралар

Симптомдары

Колекальциферолға арналған уыттану шегі (D3 дәрумені) қалқанша бездің қалыпты функциясы бар ересектерде 1-2 ай бойы тәулігіне 40 000 және 100 000 ХБ арасында ауытқиды. Жаңа туған нәрестелер мен кішкентай балаларда әлдеқайда төмен концентрацияға сезімталдық байқалуы мүмкін.

Жедел және созылмалы артық дозалану қан сарысуында және несепте фосфор деңгейінің жоғарылауына және гиперкальциемияға әкелуі мүмкін, ол ұзақ сақталатын сипатқа ие және өмірге қауіп төндіруі мүмкін.

Биохимиялық көрсеткіштердің типтік өзгерістеріне гиперкальциемия, гиперкальциурия, сондай-ақ қан сарысуындағы 25-гидроксикальциферол (25 (OH) D3, кальцидиол) деңгейінің жоғарылауы жатады. D3 дәруменінің созылмалы дозалануы тіндерде және паренхиматоздық ағзаларда, ең алдымен бүйректерде (несептас ауруы, нефрокальциноз) және тамырларда кальцийдің жиналуына әкелуі мүмкін.

Симптомдар жалпы сипатқа ие және жүрек айну, құсу түрінде, сонымен қатар бастапқыда диарея түрінде, кейінірек - іш қату, тәбеттің жоғалуы, әлсіздік, бас ауыруы, бұлшықет пен буын ауыруы, бұлшықет әлсіздігі, азотемия, тұрақты ұйқышылдық, полидипсия және полиурия түрінде және соңғы кезеңде организмнің сусыздануы түрінде көрінеді. D3 дәруменінің артық дозалануы ЭКГ өзгерістерін, жүрек ырғағының бұзылуын, панкреатитті, бүйрек жеткіліксіздігін тудыруы мүмкін.

Артық дозалануды емдеу

Ең алдымен, D3 дәруменін қабылдауды тоқтату керек. D3 дәруменінің артық дозалануынан туындаған гиперкальциемияны жою үшін бірнеше апта қажет. Гиперкальциемия дәрежесіне байланысты емдеу шаралары ретінде кальций мөлшері төмен немесе толығымен кальцийсіз диета, сұйықтықтың көп мөлшерін тұтыну, фуросемидпен күшейтілген диурез, сондай-ақ глюкокортикостероидтар мен кальцитонин тағайындалады. Бүйрек функциясы сақталған кезде кальций деңгейі фуросемид және кейбір жағдайларда кальций деңгейін және ЭКГ деректерін бір мезгілде мониторингтеу кезінде 15 мг/кг/сағ дозада натрий хлоридінің изотониялық ерітіндісін (24 сағат ішінде 3-6 литр) фуросемид және кейбір жағдайларда натрий эдетатын қоса отырып инфузия жолымен едәуір төмендеуі мүмкін. Метастаздық кальцификацияның даму қаупіне байланысты D3 дәруменінің артық дозалануынан туындаған гиперкальциемияны азайту үшін фосфат инфузиясын қолданбаған жөн. Олигоанурияда гемодиализ (кальций жоқ диализат) жүргізу керек.

Спецификалық антидоты жоқ.

Препараттың жоғары дозаларын ұзақ уақыт қабылдағанда (жүрек айну, құсу, бастапқыда – диарея, кейінірек – іш қату, тәбеттің жоғалуы, әлсіздік, бас ауыруы, бұлшықеттер мен буындардың ауыруы, бұлшықет әлсіздігі, тұрақты ұйқышылдық, полидипсия және полиурия) ықтимал артық дозалану симптомдарына пациенттерге назар аудару ұсынылады.

Дәрілік препараттың бір немесе бірнеше дозасын өткізіп алған кездегі қажетті шаралар

Препараттың кезекті дозасын өткізіп алған кезде оны мүмкіндігінше тезірек қабылдау керек. Егер кезекті дозаны қабылдауға аз уақыт қалса, оны жоспарланған уақытта қабылдау керек. Өткізіп алған дозаны өтеу үшін препараттың екі есе дозасын қабылдауға болмайды.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар:
Жиі емес (100-дің ішінде 1 адамнан артық болмауы мүмкін)
- Гиперкальциемия, гиперкальциурия
Сирек (1000-ның ішінде 1 адамнан артық болмауы мүмкін)
- Қышыну, бөртпе, есекжем
Белгісіз (қолда бар деректер бойынша реакциялардың туындау жиілігін бағалау мүмкін емес)
- Ангионевроздық ісіну немесе көмейдің ісінуі сияқты аса жоғары сезімталдық реакциялары
- Iштің қатуы, іштің кебуі, жүрек айнуы, абдоминальді ауыру, диарея

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер:
Дәрілік препараттың құрамы
1 капсуланың (10 000 ХБ) құрамында
белсенді зат - 0,25 мг колекальциферол;
қосымша заттар: рафинадталған мақсары майы;
капсула: желатин, глицерол, тазартылған су.
Сыртқы түрінің, иісінің, дәмінің сипаттамасы
Ашық-сары сұйықтықпен толтырылған, тігісі бар ашық-сары түсті сопақша пішінді жұмсақ желатинді капсулалар.
Шығарылу түрі және қаптамасы:
15 капсуладан ПВХ/ПВДХ және алюминий фольгадан жасалған пішінді ұяшықты қаптамада.
2 немесе 4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі:
2 жыл
Жарамдылық мерзімі өткеннен кейін қолдануға болмайды!
Сақтау шарттары
Түпнұсқалық қаптамасында, 30° С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары:
Рецепт арқылы
Өндіруші туралы мәліметтер:
«ПОЛЬФАРМА» АҚ фармацевтикалық зауыты
Серадзедегі Медана бөлімі
Владислав Локетка к-сі 10, 98-200 Серадз, Польша
Телефон нөмірі: +48 58 5631600
Факс нөмірі: +48 58 5622353
Электронды пошта: phv@polpharma.com
Тіркеу куәлігінің ұстаушысы:
«Химфарм» АҚ,
Рашидов к-сі, 81, 160019 Шымкент, Қазақстан Республикасы
Телефон нөмірі: +7 7252 (610151)
Автожауапбергіш нөмірі: +7 7252 (561342)
Электронды пошта: complaints@santo.kz
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, элект:
«Химфарм» АҚ,
Рашидов к-сі, 81, 160019 Шымкент, Қазақстан Республикасы
Телефон нөмірі: +7 7252 (610150)
Электронды пошта: phv@santo.kz; infomed@santo.kz

Дәріханалар

Тауар артығымен бар
Тауар аз қалды
Аптека № 74, Алматы, (Самал 1)
Самал-2, ул.Мендикулова 35 уг.ул.Аль-фараби
Круглосуточно
Аптека №94, Алматы, (ЖК Евразия)
ул.Масанчи, д.23/12 (ЖК Евразия)
09:00-22:00
Аптека №294
Алматы ,Кульджинский тракт, 14,
Круглосуточно
Аптека №309
ул. Тимирязева, дом № 42/30
09 00- 22 00
Аптека № 81, Алматы, (Магнум Абая)
Микрорайон Жетысу-3, 1г
Круглосуточно
Аптека №204, Алматы, (Казахфильм)
ул. Мартебе, 1а
09:00-22:00
Аптека №108 ПТ Алматы, (пр.Достык)
г.Алматы, Медеуский район, пр.Достык 248а
Круглосуточно
Аптека №40
г. Алматы, пр. Гагарина, 296
Круглосуточно
Аптека №311
улица Курмангазы, дом 144, НП 74Б.
Круглосуточно
Аптека №222
ул. Розыбакиева 33/1 ТК "Оптовка" магазин №3/8
08:00-20:00
Аптека №234
ТД "Мерей" Райымбек батыры/Суюнбая
Круглосуточно
Аптека №260, Алматы, (Алтынсарин)
11-й микрорайон, 26 / Алтынсарина проспект, 26
Круглосуточно