Сипаттама
Дәрілік препаратты медициналық қолдану жөніндегі нұсқаулық
Саудалық атауы
Гастритол
Халықаралық патенттелмеген атауы
Жоқ
Дәрілік түрі, дозасы
Ішуге арналған тамшылар
Фармакотерапиялықтобы
Ас қорыту жолы және зат алмасу. Ас қорыту жолына әсер ететін препараттар, ферменттерді қоса
АТХ коды А09А
Қолданылуы
- ас қорытудың бұзылуы, асқазанның толуын сезіну, метеоризм және қыжылда
- асқазан-ішек жолындағы жеңіл түйілулерде
- спецификалық емес іш өтуінде ішек функциясын көтермелеу үшін
- тәбетті арттыру үшін
Ескертпе: Гастритол осы қолдану саласы үшін тек көп жылдық қолдану негізінде тіркелген өсімдік тектес дәстүрлі дәрілік зат болып табылады
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші заттарға немесе препараттың кез келген қосымша затына аса жоғары сезімталдық.
- өт жолының бітелуі, өт жолының қабынуы немесе бауыр ауруы
- жүктілік және бала емізу кезеңі
- 18 жасқа дейінгі балалар мен жасөспірімдер
Қолдану кезінде қажетті сақтық шаралары
Гастритолды судың аздаған мөлшерінде ерітіп тамаққа дейін немесе тамақтан кейін қабылдайды.
Басқа дәрілік препараттармен өзара әрекеттесуі
Анықталмаған.
Препарат құрамында этил спирті болғандықтан басқа дәрілік препараттар әсерлерінің бұзылуы немесе күшеюі мүмкін. Пациенттер дәрігерге немесе фармацевтика қызметкеріне басқа дәрі-дәрмектерді қабылдап немесе қолданып жүргені туралы хабарлауы тиіс.
Арнайы ескертулер
Дәрілік заттың құрамында 40 к.% спирт бар, сондықтан алкоголизмі, эпилепсиясы бар пациенттерге, жүктілерге және лактация кезеңінде, бауыр аурулары, өттас аурулары, өт жолының басқа да аурулары бар науқастарға қолдану ұсынылмайды.
Педиатрияда қолдану
Аталған дәрілік түрі 18 жасқа дейінгі балаларға қолданылмайды. Балаларда қолдану тәжірибесі шектеулі.
Жүктілік немесе лактация кезінде
Гастритол препаратын жүктілік және лактация кезеңінде препаратты бұл кезеңдерде қолданудың қауіпсіздігін растайтын клиникалық деректердің жоқтығына байланысты қолдану ұсынылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Қолдану жөніндегі нұсқаулар
Дозалау режимі
1 мл 23 тамшыға сай келеді.
Егер басқа еш нәрсе тағайындалмаса, ересектер мен 18 жастан асқан балаларға Гастритолдың 30 тамшысын күніне 3 рет ішке қабылдауқажет.
Асқыну кезінде 15-25 тамшыдан әр сағат сайын немесе әр жарты сағат сайын қабылдайды. Гастритолды судың аздаған мөлшерінде ерітіп тамаққа дейін немесе тамақтан кейін қабылдайды.
Енгізу әдісі және жолы
Ішуге арналған тамшылар
Емдеу ұзақтығы
Бұл дәрілік затты ұзақ қолдануға болады. Егер симптомдар 4-6 апта бойы сақталса, дәрігерден кеңес алу керек.
Артық дозаланған жағдайда қолдану қажет шаралар
Осы уақытқа дейін артық дозалау және уыттану жағдайлары байқалған жоқ.
Дәрілік препаратты қолдану тәсілін анықтау үшін медициналық қызметкерден кеңес алу ұсынымдары
Пациенттер дәрігерге немесе фармацевтика қызметкеріне басқа дәрі-дәрмектерді қабылдап немесе қолданып жүргені туралы хабарлауы тиіс.
Жоғары жеке сезімталдықтың алғашқы белгілері кезінде (мысалы, тері бөртпелері) дәрі қабылдауды тоқтату керек.
Жағымсыз реакциялар есебінен айтарлықтай нашарлаған жағдайда дәрігерге жүгіну керек
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қолдану керек шаралар
Сирек
- жекелей жоғары сезімталдық және аллергиялық реакция (мысалы, тері бөртпесі)
Өте сирек
- терісінің өте жоғары жарыққа сезімталдығы бар пациенттерде қарқынды күн сәулеленудің әсерімен дамитын күннен күю типі бойынша тері реакциялары туындауы мүмкін.
Тізбеге қазтабан шөбімен, түймедақ гүлдерімен, мия тамырымен, аюбалдырған тамырымен, сүйкімді арқал шөбімен және жусан шөбімен емдегенде барлық белгілі жағымсыз әсерлер, сонымен қатар жоғары дозалау және ұзақ емдеу кезіндегі жағымсыз құбылыстар кіреді.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Құрамы
100 мл препараттың құрамында, миллилитрде
белсенді заттар:
Қазтабан шөбі сұйық экстрактісі (1:1.7-2.2)
(экстрагент этанол 40 %, к/к)35.0
Түймедақ гүлдері сұйық экстрактісі (1:1.7-2.2)
(экстрагент этанол 45 %, к/к)20.0
Мия тамырлары сұйық экстрактісі (1:1.7-2.2)
(экстрагент этанол 40 %, к/к)15.0
Аюбалдырған тамырлары сұйық экстрактісі (1:1.7-2.2)
(экстрагент этанол 40 %, к/к)5.0
Сүйкімді арқал шөбі сұйық экстрактісі (1:1.7-2.2)
(экстрагент этанол 40 %, к/к)5.0
Жусан шөбі сұйық экстрактісі (1:1.7-2.2)
(экстрагент этанол 40 %, к/к)5.0
қосымша заттар: этанол 96 %, тазартылған су
Сыртқы түрінің, иісінің, дәмінің сипаттамасы
Қоңыр түсті сұйықтық.
Шығарылу түрі және қаптамасы
20 мл, 50 мл немесе 100 мл препараттан тығыздығы төмен полиэтиленнен жасалған тамшылатқышпен және бұралатын полипропилен қақпақпен жабдықталған күңгірт шыны құтыларда.
1 құты медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.
Сақтау мерзімі
3 жыл
Контейнерді бірінші ашқаннан кейінгі қолдану мерзімі – 3 ай.
Жарамдылық мерзімі өткеннен кейін қолдануға болмайды.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
Др. Густав Кляйн ГмбХ & Ко. КГ
Штайненфельд 3, 77736 Целль ам Хармерсбах, Германия
| Телефон: +49 (0) 7835-63 55 10 Факс: +49 (0) 7835-634 685 |
info@ klein-naturarznei.de
Тіркеу куәлігінің ұстаушысы
Др. Густав Кляйн ГмбХ & Ко. КГ
Штайненфельд3, 77736 Целль ам Хармерсбах, Германия
| Телефон: +49 (0) 7835-63 55 10 Факс: +49 (0) 7835-634 685 |
info@ klein-naturarznei.de
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон,факс,электрондыпошта)
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округі,
Көкөзек а., 1044 құрылыс
Тел./факс + 7 727 232-34-73,
+ 7 727 232-34-74
E-mail: info.kazakhstan@alpenpharma.com
