Сипаттама
Дәрілік затты медициналық қолдану жөніндегі нұсқаулық
ГинкорФорт®
Саудалық атауы
Гинкор Форт®
Халықаралық патенттелмеген атауы
Жоқ
Дәрілік түрі
Капсулалар
Құрамы
Бір капсуланың құрамында
белсенді заттар: құрамында 24% гинкго гетерозидтер және 6% гинкголид-билобалидтер бар стандартталған Гинкго билоба сығындысы - 14 мг, гептаминол гидрохлориді - 300 мг, троксерутин - 300 мг
қосымша компоненттері: магний стеараты, коллоидты сусыз кремнийдің қостотығы
капсуланың корпусы: темірдің (ІІІ) сары тотығы (E172), титанның қостотығы (E171), желатин
капсуланың қақпақшасы: темірдің сары тотығы (E172), титанның қостотығы (E171), индиготин (Е132), желатин
Сипаттамасы
Сопақша пішінді, мөлдір емес жасыл қақпақшасы және мөлдір емес бозғылт-сары түсті корпусы бар, № 0 қатты желатинді капсулалар. Капсулалардың ішіндегісі – ақшыл сары түсті сығымдалған ұнтақ
Фармакотерапиялық тобы
Капиллярлардың өткізгіштігін төмендететін препараттар. Басқа препараттармен біріктірілген троксерутин
АТХ коды С05СА54
Фармакологиялық қасиеттері
Фармакокинетикасы
Белсенді заттары мен олардың өзара әрекеттесуін назарға ала отырып, адамда фармакокинетикалық зерттеулер жүргізілген жоқ.
Фармакодинамикасы
Ангиопротективті дәрі. Гинкор Форт® капилляр протективті белсенділікке иеленген: капиллярлар жақтауларының зақымдануға төзімділігін арттырады,қан тамырлар жақтауларының өткізгіштігін азайтады, микроциркуляция мен веналық қан ағымын жақсартады. Ауыру сезімдерін төмендетеді. Бұл әсері кейбір ауыру медиаторлары мен қабынуды (гистамин, брадикинин, серотонин), лизосомальді ферменттер мен қабыну үдерісін туғызатын бос радикалдарды және коллагенді талшықтардың дегенерациясын бәсеңдетуіне негізделеді. Метаболизмдік үдерістерді қалыпқа келтіреді, тіндерде гипоксияға қарсы әсер береді. Гинкор Форт® құрамындағы гептаминол гидрохлоридінің арқасында, веналық қанның жүректің оң жақ бөліктеріне қайтарылуын күшейтеді.
Қолданылуы
- ауырлық сезімімен, парестезиялармен, аяқтардың ауыруымен білінетін веналық-лимфалық жеткіліксіздікті симптоматикалық емдеу
- геморройдың жедел ұстамасы кезінде симптоматикалық емдеу
Қолдану тәсілі мен дозалары
Ішке
Веналық-лимфалық жеткіліксіздікте таңертең 1 капсула және кешке 1 капсуладан, тамақтан кейін тағайындайды. Тәуліктік дозасы – 2 капсула.
Жедел геморройда күніне 3 немесе 4 капсуладан, тамақпен бірге тағайындайды. Емдеу курсы – 7 күн
Жағымсыз әсерлері
Клиникалық зерттеулер барысында алынған көтере алмаушылық туралы деректер (шамамен 15000 пациент) және маркетингтен кейінгі жүргізілген мониторинг жағымсыз әсерлер, әдетте, күрделі емес және сирек кездесетінін айғақтайды.
Асқазан-ішек тарапынан бұзылулар
Өте сирек: іштің жоғарғы бөлігіндегі ауыру, эпигастрия аумағындағы жайсыздық, жүрек айну, диарея.
Жүйке жүйесі тарапынан бұзылулар
Өте сирек: бас ауыруы
Тері және тері асты шелі тарапынан бұзылулар
Өте сирек: есекжем, қышыну, бөртпе, аллергиялық дерматит (экзематоидтық дерматит)
Қолдануға болмайтын жағдайлар
- белсенді затқа немесе қосымша заттардың кез келгеніне аса жоғары сезімталдықта
- гипертиреозда
- МАО тежегіштерімен бір мезгілде қолдану
- 18 жасқа дейінгі балалар мен жасөспірімдерге
Дәрілермен өзара әрекеттесуі
Құрамында гептаминол гидрохлоридінің болуы салдарынан артериялық гипертензияның қаупіне байланысты Гинкор Фортты® МАО тежегіштерімен бірге қолдану қарсы көрсетілген.
Айрықша нұсқаулар
Құрамында гептаминол бар болғандықтан, айқын артериялық гипертензиямен зардап шегетін пациенттерде емдеудің басында артериялық қан қысымына мониторинг жүргізілуі тиіс.
Жедел геморрой ұстамасын емдеуде, препаратты қолдану басқа препараттардың біріктірілімімен жүргізілуі тиіс. Емдеу қысқа болуы керек. Егер симптомдары тез жоғалмаса, емдеу қайта қарастырылуы тиіс.
Веналық-лимфалық жеткіліксіздікте осы дәрілік препарат салауатты өмір салтымен біріктірілімде тиімді болады:
- күн астында және ыстықта жүруді, ұзақ уақыт бойы тұрған қалыпта болуды және артық салмақ қосуды болдырмау;
- ұзақ уақыт серуендеу мен ұстап тұратын шұлықтарды кию веналық айналымның жақсаруына ықпал етеді.
Препараттың құрамына кіретін гептаминол спортшыларда допингке қарсы бақылауда оң реакция тудыруы мүмкін.
Жүктілік және лактация кезеңі
Жүктіліктің бірінші триместрінде адамдарда зерттеулер жоқ, сондықтан қаупі белгісіз. Нәтижесінде, осы препаратты І триместрде қолдану ұсынылмаған. Соған қарамастан, қазіргі уақытқа дейін мальформацияның арнайы әсері туралы деректер болмаған. Гинкор Форт® препараты жүктіліктің II және III триместрінде көрсетілімдері бойынша қолдануға болады.
Препараттың емшек сүтіне өтетіні туралы мәлімет жоқ, сондықтан препаратты лактация кезінде қолдану ұсынылмайды.
Дәрілік заттың көлік құралдарын немесе қауіптілігі зор механизмдерді басқару қабілетінеәсер ету ерекшеліктері
Әсер етпейді
Артық дозалануы
Артық дозаланған жағдайларда (кездейсоқ немесе әдейі) қан қысымы мен жүректің жиырылу жиілігін мамандандырылған жағдайларда мониторингілеу ұсынылады.
Симптомдары: АҚ жоғарылауы, тахикардия.
Емі: симптоматикалық емдеу.
Шығарылу түрі мен қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамада 10 капсуладан. Мемлекеттік және орыс тілдеріндегі медициналық қолдану жөніндегі нұқсаулықпен бірге картон қорапта 3 пішінді ұяшықты қаптамадан салынады.
Сақтау шарттары
Құрғақ жерде 30°С-ден аспайтын температурада, түпнұсқалық қаптамада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды
Дәріханалардан босатылу шарттары
Рецептісіз
Өндіруші
Бофур Ипсен Индастри, Франция
Beaufour Ipsen Industrie –
28100 Dreux, France
Тіркеу куәлігінің иесі
Тонифарм, Франция
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы):
«Алдимед» ЖШС
Қазақстан Республикасы, Алматы қ-сы, 050051, Самал-1 ықшам ауд., 1 үй
Тел./факс: +7 727 263 27 34
Электронды поштасы: pv@esmar.com.ua
