Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
ГЛЮКОЗА
Саудалық атауы
Глюкоза
Халықаралық патенттелмеген атауы
Жоқ
Дәрілік түрі
Инфузияға арналған ерітінді 5 %, 10 % 200 мл, 400 мл
Құрамы
белсенді зат – глюкоза моногидраты (сусыз глюкозаға шаққанда) –
қосымша заттар: натрий хлориді,
Сипаттамасы
Түссіз мөлдір сұйықтық.
Плазма алмастыратын және перфузиялық препараттар. Ирригациялық ерітінділер. Ирригациялық басқа да ерітінділер. Глюкоза.
АТХ коды B05СХ01
Фармакокинетикасы
Глюкоза екі түрлі-түрлі: анаэробты және аэробты жолмен метаболизденеді.
Декстроза, пирожүзім немесе сүт қышқылына ыдырап (анаэробты гликолиз), энергияны босатып шығарумен көміртегі қостотығы мен суға дейін метаболизденеді.
Парентеральді енгізілетін дәрілік препараттарды сұйылтуға және ерітуге арналған декстроза ерітіндісін қолданғанда ерітіндінің фармакокинетикалық қасиеттері қосылатын затқа байланысты болуы мүмкін.
Фармакодинамикасы
Глюкоза организмде тотығу-тотықсыздану үдерістерін күшейтеді, бауырдың уыттылыққа қарсы функциясын жақсартады, миокардтың жиырылу қызметін күшейтеді, жеңіл сіңірілетін көмірсу көзі болып табылады.
5 % және 10 % декстроза ерітінділерінің фармакодинамикалық қасиеттері жасушалық метаболизм энергиясының негізгі көзі – глюкозаның қасиеттеріне ұқсас.
5 % декстроза ерітіндісі осмолярлығы 286,4 мОсмоль/л изотониялық ерітінді түрінде болады. 5 % декстроза ерітіндісінің тұтынылатын калориялығы 200 ккал/л құрайды.
10 % декстроза ерітіндісі осмолярлығы 563,9 мОсмоль/л гипертониялық ерітінді түрінде болады. 10 % декстроза ерітіндісінің тұтынылатын калориялығы 400 ккал/л құрайды.
Парентеральді қоректендіру аясында 5 % және 10 % декстроза ерітіндісі көмірсу көзі ретінде енгізіледі (бөлек немесе қажет болса парентеральді қоректендірудің бір бөлігі ретінде).
5 % және 10 % декстроза ерітіндісі сұйықтық жеткіліксіздігін иондарды бір мезгілде енгізусіз толықтыруға мүмкіндік береді.
Декстроза, тіндерге түсе отырып, организмнің көптеген зат алмасу буындарына белсенді қосылатын глюкоза-6-фосфатқа айналумен фосфорланады.
Парентеральді енгізілетін дәрілік препараттарды сұйылтуға және еріту үшін декстроза ерітіндісін қолданғанда ерітіндінің фармакодинамикалық қасиеттері қосылатын затқа байланысты болады.
Қолданылуы
5 % және 10 % декстроза ерітіндісі үшін:
10 % декстроза ерітіндісі үшін қосымша:
Қолдану тәсілі және дозалары
Вена ішіне (тамшылатып). Препарат әдетте шеткері немесе орталық венаға енгізіледі.
Енгізілетін декстроза ерітіндісінің концентрациясы мен дозасы пациенттің жасына, дене салмағына және клиникалық жай-күйіне байланысты.
Препарат қолдану жүйелі медициналық қадағалаумен атқарылу керек.
Клиникалық және биологиялық параметрлерді, атап айтқанда, қандағы декстроза концентрациясын, сондай-ақ су-тұз теңгерімін мұқият бақылау керек.
5 % декстроза ерітіндісі
Көмірсу көзі ретінде ұсынылатын дозалар (бөлек немесе қажет болса парентеральді қоректендірудің бір бөлігі ретінде):
ересектер үшін (дене салмағы 70 кг жуық): тәулігіне 500-ден 3000 мл дейін.
жаңа туған нәрестелерді қоса, балалар үшін:
- 0-10 кг дене салмағымен – тәулігіне 100 мл/кг;
- 10-нан 20 кг дейінгі дене салмағымен – тәулігіне 1000 мл + 10 кг-ден асатын әр кг дене салмағына қосымша 50 мл;
- 20 кг-ден көп дене салмағымен – тәулігіне 1500 мл + 20 кг-ден асатын әр кг дене салмағына қосымша 20 мл.
Инфузия жылдамдығы мен көлемі пациенттің жасына, дене салмағына, клиникалық жай-күйіне және метаболизміне, сондай-ақ қатарлас емге байланысты. Балаларда оларды пациенттердің осы санатында вена ішілік препараттарды қолдану тәжірибесі бар емдеуші дәрігер белгілеуі тиіс.
Гипергликемиядан сақтану үшін организмде декстрозаны жою шегінен асыруға болмайды, сондықтан декстрозаның ең жоғары дозасы жас шамасына және жалпы дене салмағына қарай ересектер үшін 5 мг/кг/мин және жаңа туған нәрестелер мен балалар үшін 10-18 мг/кг/минуттан бастап өзгеріп отырады.
Парентеральді енгізілетін дәрілік препараттарды сұйылту және еріту үшін қолдануға ұсынылатын доза – енгізілетін дәрілік препараттың бір дозасына 50-ден 250 мл дейін, алайда, қажетті көлемін қосатын дәрілік препараттарды қолдану жөніндегі нұсқаулық негізінде анықтау керек. Осы орайда ерітіндінің дозасы мен енгізу жылдамдығы сұйылтылатын дәрілік препарат қасиеттерімен және дозалау режимімен айқындалады.
10 % декстроза ерітіндісі
Ересектер және егде жастағы адамдар
1 кестеде ұсынылатын дозалары дене салмағы 70 кг жуық ересектерде қолдану нысанасы ретінде қызмет етеді.
1 кесте. Ересектерде (
| Қолданылуы | Бастапқы тәуліктік доза | Инфузия жылдамдығы | Ұсынылатын қолдану ұзақтығы |
| Көмірсу көзі ретінде (бөлек немесе қажет болса парентеральді қоректендірудің бір бөлігі ретінде) | Тәулігіне 500-3000 мл (тәулігіне 7-40 мл/кг) | Ең жоғары ұсынылатын инфузия жылдамдығы пациент организмінен декстрозаның шығарылу шегінен аспауы тиіс, өйткені бұл гипергликемияға әкелуі мүмкін: 5 мг/кг/мин(3 мл/кг/сағат) | Емдеу ұзақтығы пациенттің клиникалық жай-күйіне байланысты |
| Гипогликемия профилактикасы және емдеу | |||
| Көмірсу қажеттілігі жоғары пациенттерде сұйықтық жоғалту жағдайында және дегидратация кезіндегі регидратация | |||
| Парентеральді енгізілетін дәрілік препараттарды сұйылту және еріту үшін | Енгізілетін дәрілік препараттың бір дозасына 50-250 мл | Сұйылтылған дәрілік препаратқа қарай | Сұйылтылған дәрілік препаратқа қарай |
* Ең жоғары көлемдері ұсынылатын дозалар шегінде гемодилюциядан сақтану үшін 24 сағат ішінде енгізілу керек.
Балалар және жасөспірімдер
Инфузия жылдамдығы мен көлемі пациенттің жасына, дене салмағына, клиникалық жай-күйіне және метаболизміне, сондай-ақ қатарлас емге байланысты. Оларды вена ішілік препараттарды балаларда қолдану тәжірибесі бар емдеуші дәрігер белгілеуі тиіс.
2 кестеде ұсынылатын дозалары балалар мен жасөспірімдерде қолдану нысанасы ретінде қызмет етеді және дене салмағы мен жас шамасына байланысты болады.
2 кесте. Балалар мен жасөспірімдерде дозалануы туралы нұсқаулар
| Қолданылуы | Бастапқы тәуліктік доза | Бастапқы инфузия жылдамдығы* | |||
| Жаңа туған және шала туған нәрестелер | Кішкентай жастағы сәбилер мен балалар(1-23 ай) | Балалар (2-11 жас) | Жасөспірімдер (12-ден 16-18 жасқа дейін) | ||
| Көмірсу көзі ретінде (бөлек немесе қажет болса парентеральді қоректендірудің бір бөлігі ретінде) |
| 6-11 мл/кг/ сағат (10-18 мг/кг/мин) | 5-11 мл/кг/ сағат (9-18 мг/кг/мин) | 4-8 мл/кг/ сағат (7-14 мг/кг/мин) | 4 мл/кг/ сағат (7-8,5 мг/кг/мин) |
| Гипогликемия профилактикасы және емдеу | |||||
| Көмірсу қажеттілігі жоғары пациенттерде сұйықтық жоғалту жағдайында және дегидратация кезіндегі регидратация | |||||
| Парентеральді енгізілетін дәрілік препараттарды сұйылту және еріту үшін | Бастапқы доза: енгізілетін дәрілік препараттың бір дозасына 50-ден 100 мл дейін. Жас шамасына байланыссыз. Инфузия жылдамдығы: сұйылтылған дәрілік препаратқа қарай. Жас шамасына байланыссыз. | ||||
* Инфузия жылдамдығы, көлемі және емдеу ұзақтығы пациенттің жасына, дене салмағына, клиникалық жай-күйіне және метаболизміне, сонымен қатар қатарлас емге байланысты болады. Оларды балаларда вена ішілік препараттарды қолдану тәжірибесі бар емдеуші дәрігер белгілеуі тиіс.
ЕСКЕРТПЕ: Ең жоғары көлемдерін ұсынылатын дозалар шегінде гемодилюциядан сақтану үшін 24 сағат ішінде енгізу керек.
Ең жоғары инфузия жылдамдығы пациент организмінен декстрозаның шығарылу шегінен аспауы тиіс, өйткені бұл гипергликемияға әкелуі мүмкін.
Пациенттің клиникалық жай-күйіне қарай, осмостық диурездің туындау қаупін төмендету үшін енгізу жылдамдығын азайтуға болады.
Препаратты инфузиялық енгізуге арналған дәрілік препараттарды сұйылту мен ерітуге қолданғанда қажетті көлемі қосылатын дәрілік препараттарды қолдану жөніндегі нұсқаулық негізінде айқындалады.
Жағымсыз әсерлері
Жағымсыз реакциялар MedDRA сөздігіне және ДДСҰ жағымсыз реакциялар даму жиілігінің жіктеуіне сәйкес жүйелер мен ағзалар бойынша топтастырылған: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), жиілігі белгісіз – жиілігін қолда бар деректер негізінде айқындау мүмкін емес.
- иммундық жүйе тарапынан: жиілігі белгісіз - анафилаксиялық реакциялар, жоғары сезімталдық
- зат алмасу және тамақтану тарапынан: жиілігі белгісіз - су-электролит теңгерімінің бұзылулары (гипокалиемия, гипомагниемия және гипофосфатемия), гипергликемия, гемодилюция, дегидратация, гиперволемия
- тамырлар тарапынан: жиілігі белгісіз - веналық тромбоз, флебит
- тері және тері асты тіндері тарапынан: жиілігі белгісіз - қатты терлеу
- бүйрек және несеп шығару жолдары тарапынан: жиілігі белгісіз -
полиурия
- жалпы бұзылулар және енгізген жердегі бұзылыстар: жиілігі белгісіз - қалтырау, қызба, инъекция салған жердегі инфекция, инъекция орнындағы тітіркену, экстравазация,инъекция орнындағы ауырсыну
- зертханалық-құралмен тексеру деректері: жиілігі белгісіз - глюкозурия
Жағымсыз реакциялар туындауы ерітіндіге қосылған препаратпен байланысты болуы мүмкін. Жағымсыз реакциялар ықтималдығы нақты қосылатын дәрілік препарат қасиеттеріне байланысты.
Жағымсыз реакциялар туындағанда ерітінді енгізуді тоқтатып, пациенттің жай-күйін бағалау және талапқа сай шаралар қабылдау керек.
Қолдануға болмайтын жағдайлар
5 % және 10 % декстроза ерітіндісі үшін:
асцитпен бауыр циррозы
метаболизмдік стресс)
10 % декстроза ерітіндісі үшін қосымша:
Сақтықпен
Дәрілермен өзара әрекеттесуі
Катехоламиндер мен стероидтарды бірге қолдану декстрозаның (глюкоза) сіңірілуін төмендетеді.
Басқа дәрілік препараттармен араластырғанда олардың үйлесімсіздігін көзбен қарап бақылау қажет.
Басқа дәрілік заттарды сұйылту немесе еріту үшін препаратты осы дәрілік препаратты қолдану жөніндегі нұсқаулықта декстроза ерітіндісін сұйылтуға қатысты ұсынымдар болса ғана қолдану керек.
Үйлесімділігі туралы ақпарат болмаса, басқа дәрілік заттармен араластыруға болмайды.
Қандай да бір дәрілік затты қосар алдында препараттың рН диапазонында оның суда еритініне және тұрақты екеніне көз жеткізу қажет.
Препаратқа үйлесімді дәрілік затты қосудан кейін алынған ерітіндіні шұғыл енгізу керек.
Белгілі үйлеспеушілігі бар дәрілік заттарды пайдалануға болмайды.
Декстроза ерітінділері гемотрансфузия кезіндегі сияқты инфузиялық жүйе арқылы енгізілгенде гемолиз және тромбоз қаупі болуы мүмкін.
Айрықша нұсқаулар
Қант диабеті, бүйрек жеткіліксіздігі бар немесе жедел қатерлі шекте болатын пациенттерде глюкозаның (декстроза) жағымдылығы бұзылуы мүмкін екендіктен, олардың клиника-биологиялық параметрлерін, атап айтқанда, қан плазмасында электролиттер, соның ішінде магний немесе фосфор концентрациясын, қандағы глюкоза концентрациясын ерекше мұқият бақылап отыру керек. Гипергликемия болғанда препаратты енгізу жылдамдығын түзету немесе қысқа әсер ететін инсулинді тағайындау керек.
Глюкоза әдетте организмде толық сіңіріледі (қалып шегінде бүйрекпен шығарылмайды), сондықтан несепте глюкозаның білінуі патологиялық белгі болуы мүмкін.
Декстроза жоғары дозаларда қолданылған немесе ұзақ уақыт енгізілген жағдайда қан плазмасында калий концентрациясын бақылауға алып, қажет болса, гипокалиемиядан сақтану үшін қосымша калий енгізілу керек.
Бассүйекішілік гипертензия көріністерінде қанда глюкоза концентрациясын мұқият бақылау қажет.
Декстроза ерітінділерін қолдану гипергликемияға әкелуі мүмкін. Сондықтан оларды жедел ишемиялық инсульттен кейін енгізуге болмайды, өйткені гипергликемия мидың ишемиялық зақымдануының күшеюімен қатар жүріп, сауығуға кедергі келтіреді.
Препаратты вена ішіне енгізудің басында ерекше мұқият клиникалық мониторинг талап етіледі.
Регидратацияны емдеу мақсатында көмірсу ерітінділерін электролиттік теңгерім бұзылуына (гипонатриемия, гипокалиемия) жол бермеу үшін электролиттер ерітінділерімен біріктірілімде қолдану керек.
Қанда глюкоза концентрациясын және электролиттер мөлшерін, су теңгерімін, сондай-ақ организмнің қышқылдық-негіздік жағдайын бақылап отыру қажет.
Ерітіндіні қолданар алдында қарап тексеру керек. Қаптамасы бүлінбеген және көрінетін қосылыстары жоқ мөлдір ерітінді ғана қолданылу керек. Инфузиялық жүйеге қосылған соң бірден енгізіледі.
Ерітінді, асептика және антисептика ережелерін қадағалай отырып, стерильді жабдықты қолданумен енгізілу керек.
Ауа эмболиясынан сақтану үшін ерітіндінің көмегімен инфузиялық жүйеден ауаны шығару керек.
Газ бұрғышы бар вена ішіне енгізуге арналған жүйені пайдалану ашық газды бұру кезінде ауа эмболиясына әкелуі мүмкін.
Қосылатын заттарды енгізетін жері арқылы инфузияның алдында немесе инфузия барысында енгізуге болады.
Басқа дәрілік заттар ерітіндісіне қосу немесе енгізу техникасының бұзылуы организмге пирогендер түсуі мүмкін екеніне орай қызбаны туындатуы мүмкін. Жағымсыз реакциялар дамуында инфузияны дереу тоқтату керек.
Басқа дәрілік препараттарды қосу кезінде парентеральді енгізер алдында алынған ерітіндінің изотониялығын тексеру қажет. Асептикалық жағдайларда толық және мұқият араластыру міндетті болып табылады. Құрамында қосымша заттар бар ерітінділерді дереу қолдану керек, оларды сақтауға тыйым салынған.
Қосымша қоректік заттар енгізілгенде инфузия басталғанша алынған қоспаның осмолярлығын айқындау керек. Алынған қоспаны соңғы осмолярлығына қарай орталық немесе шеткері веналық катетер арқылы енгізу қажет.
Қосымша енгізілетін дәрілік заттар үйлесімділігін оларды ерітіндіге қосар алдында (басқа парентеральді ерітінділерді қолдануға ұқсас) бағалау қажет. Қосылатын дәрілік заттарды сұйылту бойынша оларды қолдану жөніндегі нұсқаулыққа сәйкес ұсынымдарды қадағалау қажет. Алынған ерітіндіде түс өзгерісінің және/немесе шөгіндінің, ерімейтін кешендері немесе кристалдарының бар-жоғын тексеру қажет. Қосымша енгізілетін дәрілік заттардың препаратпен үйлесімділігін бағалау дәрігер құзыретіне жатпайды.
Микробиологиялық көзқарас тұрғысынан сұйылтылған препаратты шұғыл қолдану керек. Бақыланатын және асептикалық жағдайларда әзірленген сұйылтулар ғана бұған қосылмайды. Керісінше жағдайда ерітіндіні дайындаудан кейін оны енгізуге дейінгі сақтау мерзімдері мен шарттары пайдаланушының жауапкершілігінде болады.
Балалар
Жаңа туған, әсіресе, шала туған немесе төмен дене салмағымен туған нәрестелерде гипо- немесе гипергликемияның даму қаупі жоғары, сондықтан декстроза ерітінділерін вена ішіне енгізу кезеңінде кейіннен білінетін жағымсыз зардаптарын глюкоза концентрациясын мұқият бақылау қажет. Гипогликемия жаңа туған нәрестелерде ұзаққа созылатын құрысуларға, комаға және мидың зақымдануына әкелуі мүмкін. Гипергликемия қарынша ішілік қан құйылумен, кешеуілді бактериялар және зеңді инфекциялық аурулармен, шала туғандар ретинопатиясымен, некроздық энтероколитпен, бронх-өкпе дисплазиямен, ауруханада ұзақ жатумен және өліммен байланыстырылады.
Вена ішілік препараттардың өлім қаупі зор артық дозалануынан сақтану үшін жаңа туған нәрестелерде қолдану тәсіліне ерекше көңіл бөлу қажет. Инфузиялық сорғыны пайдаланғанда сорғысы бар жүйені алып тастау немесе оны ажырату алдында жүйеде сұйықтықтың еркін ағынына кедергі келтіретін құрылғының болатынына қарамастан жүйенің қысқыштарын түгел жабу қажет.
Вена ішілік инфузияға арналған құрылғыларды және препараттарды енгізуге арналған басқа да құрал-жабдықты жүйелі бақылап отыру керек.
Егер препарат құрамында жүгеріден алынған декстроза бар болса, жүгеріге немесе жүгері өнімдеріне белгілі жақпаушылығы бар пациенттерге препаратты қолдану қарсы көрсетілімді, өйткені келесі аса жоғары сезімталдық көріністері: анафилаксиялық реакциялар, жоғары сезімталдық, қалтырау және қызба болуы мүмкін.
Жүктілік және лактация кезеңі
Жүктілік кезінде 5 % декстроза ерітіндісі басқа дәрілік заттар қолданылғанда гидратациялау және тасымалдау құралы ретінде қолданылады.
Жүктілік, босану және бала емізу кезінде 5 % декстроза ерітіндісін қолданғанда ұрпақ өрбітуге жағымсыз әсерлері болмайды.
Жүктілік және бала емізу кезінде 10 % декстроза ерітіндісін электролиттік теңгерім мен сұйықтық теңгерімінің бақылану және физиологиялық шектерде болу шартымен қолдануға болады.
Басқа дәрілік заттарды қосу кезінде жүктілікке және бала емізуге қосылатын заттың ықпалы бөлек қарастырылады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Қолданылмайды (препараттың тек қана стационарда пайдаланылуына байланысты).
Артық дозалануы
Симптомдары: 5 % декстрозаны ұзақ уақыт қолдану немесе үлкен көлемдерін инфузиялаудың жоғары жылдамдығы гиперосмолярлыққа, дегидратация, гипергликемия, глюкозурия, осмостық диурезге (гипергликемия салдарынан) әкелуі мүмкін. Ұзақ уақыт қолдану немесе инфузиялардың жоғары жылдамдығы ісінумен болатын сұйықтық жиналуына немесе сумен уыттануға (гипонатриемиямен бірге) әкелуі мүмкін.
10 % декстрозаны ұзақ уақыт инфузиялық енгізу гипергликемия, глюкозурия, гиперосмолярлық, осмостық диурез және сусыздануға әкелуі мүмкін. Жылдам инфузия гемодилюциямен және гиперволемиямен организмде сұйықтық жиналуына ықпал етіп, ал организмнің глюкозаны тотықтыру қабілеті жоғарылағанда жылдам енгізу гипергликемияны туғызуы мүмкін. Қан плазмасында калий мен органикалық емес фосфат концентрациясының төмендеуі де орын алуы мүмкін.
Вена ішіне енгізуге арналған басқа дәрілік препараттарды сұйылту және еріту үшін инфузияға арналған декстроза ерітінділерін қолданғанда артықдозаланудың клиникалық белгілері мен симптомдары қолданылатын дәрілік препараттар қасиеттерімен байланысты болуы мүмкін.
Емі: артық дозалану симптомдары білінгенде ерітінді енгізуді тоқтатып,пациенттің жай-күйін бағалау, қысқа әсерлі инсулин енгізу, қажет болса, демеуші симптоматикалық ем жүргізу керек.
Шығарылу түрі және қаптамасы
Инфузияға арналған 5 %, 10 % ерітінді.
200 мл немесе 400 мл препараттан алюминий немесе біріктірілген қалпақшалармен қаусырылған және резеңке тығындармен тығындалған қанға, трансфузиялық және инфузиялық препараттарға арналған шыны бөтелкелерде.
20, 24 бөтелке 200 мл-ден немесе 12 бөтелке 400 мл-ден медициналық қолдану жөніндегі мемлекеттік және орыс тілдеріндегі нұсқаулықтардың тең санымен топтық қаптамаға - гофрланған картон жәшіктерге (стационарлар үшін) салынады.
Сақтау шарттары
5 °С-ден 30 °С дейінгі температурада сақтау керек.
Ерітінді бұлыңғырланғанда пайдалануға болмайды!
Бөтелкенің герметикалығы сақталған жағдайда препаратты мұздатып қатыру оны қолдануға қарсы көрсетілім болып табылмайды.
Бөтелкенің ішкі беткейінің су өткізбейтіндігі препаратты қолдануға қарсы көрсетілім болып табылмайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Биосинтез» ЖАҚ, Ресей
440033, Пенза қ., Дружба к-сі, 4, тел./факс: (8412) 57-72-49,
e-mail: certificate@biosintez.com
Тіркеу куәлігінің ұстаушысы
«Биосинтез» ЖАҚ, Ресей, Пенза қ.
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, заңды мекенжайы және байланыс деректері (телефон, факс, электронды пошта)
Қазақстан Республикасындағы «Сан Фармасьютикал Индастриез Лимитед компаниясының» өкілдігі
050008, Қазақстан Республикасы, Алматы қ., Манас к-сі, 32 «А», «SAT» Бизнес Орталығы, 6 қабат, 602 кеңсе, тел. +7 (701) 991-19-56, 8-800-080-52-02,
e-mail: Pharmacovigilance.kz@sunpharma.com
