Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Химплазиятм
Халықаралық патенттелмеген атауы
Жоқ
Дәрілік түрі, дозасы
таблеткалар
Фармакотерапиялық тобы
Несеп-жыныс жүйесі және жыныстық гормондар. Урологиялық препараттар.Простатаның қатерсіз гипертрофиясын емдеуге арналған препараттар. Простатаның қатерсіз гипертрофиясын емдеуге арналған басқа да препараттар.
АТС коды G04CX
Қолданылуы
- простатаның қатерсіз гипертрофиясында
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттерінің біріне жоғары сезімталдық
- 18 жасқа дейінгі балалар мен жасөспірімдер
Қолдану кезінде қажетті сақтық шаралары
Артериялық гипертонияда сақтықпен қолданылады.
Басқа дәрілік препараттармен өзара әрекеттесуі
Анықталмаған
Арнайы нұсқаулар
Педиатрияда қолдану
Қолданылмайды
Жүктілік немесе лактация кезінде
Қолданылмайды
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Қолдану бойынша ұсынымдар
Дозалау режимі
Ішке қабылдауға арналған таблеткалар. Ересектерге тәулігіне 1 таблеткадан 2 рет.
Емдеу ұзақтығы уродинамикалық көрсеткіштерін ұдайы мониторингілеу кезінде 3-тен 6 айға дейін.
Ең жоғарғы бір реттік доза – 2 таблетка
Ең жоғарғы бір тәуліктік доза – 4 таблетка
Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар
Егер Сізге дәрілік препаратты қолдану тәсілі түсініксіз болса, емдеуші дәрігерге жүгіну ұсынылады.
ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Сирек
аллергиялық реакциялар мүмкін (қышыну, бөртпе)
диспепсиялық құбылыстар (жүрек айнуы, құсу)
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір таблетканың құрамында
белсенді заттар:
Жатаған теміртікен жемісінің ұнтағы 140 мг
Бондукты цезальпиния тұқымының ұнтағы 120 мг
Бетелді пальма жемісінің ұнтағы 100 мг
Шоқ тәрізді қасқыржем түбірінің ұнтағы 80 мг
Айбынды кротея қабығының ұнтағы 80 мг
Атандының ұнтағы 80 мг
Бумен өңделген:
Ніл қарағаны
Ат сиыржоңышқасы тұқымы
Нағыз алоэ жапырағы
қосымша заттар: микрокристалды целлюлоза, коллоидты кремнийдің қостотығы, кросповидон, магний стеараты, натрий кроскармелозасы,
натрий карбоксиметилцеллюлозасы,
Сыртқы түрінің, иісінің, дәмінің сипаттамасы
Теңбілдері бар ашық-қоңыр түстен күңгірт қоңыр түске дейінгі каплет түріндегі таблеткалар.
Шығарылу түрі және қаптамасы
30 таблеткадан пішінді ұяшықты қаптамада. 1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды
Сақтау шарттары
Құрғақ жерде, 25˚С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Хималайя Драг Компани
Макали, Бангалор 562162 Үндістан
Телефон 009180023714444
www.himalayawellness.com
Тіркеу куәлігінің ұстаушысы
Хималайя Драг Компани
Макали, Бангалор, 562162 Үндістан
Телефон 009180023714444
www.himalayawellness.com
Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)
«Трансатлантик Алматы» ЖШС
050059 Алматы қ., Әл-Фараби д-лы, 19
«Нұрлы-Тау» ПФО 2 б блок 901 кеңсе
Тел +7 (727) 31103 46/47
e-mail reg@transatlantic.kz
