Хлоргексидин-эффект 16мг №10 супп.
Тауарлардың көрінісі фотосуретте көрсетілгеннен өзгеше болуы мүмкін

Хлоргексидин-эффект 16мг №10 супп.

Қолжетімділігі
Тауар қолда жоқ
Үлгі
4820014492785
Елі
Украина
Өндіруші
Лекхим-Харьков ЗАО
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша-парақ)

Саудалық атауы

ХЛОРГЕКСИДИН-ЭФФЕКТ

Халықаралық патенттелмеген атауы

Хлоргексидин

Дәрілік түрі, дозасы

Қынаптық суппозиторийлер, 16 мг

Фармакотерапиялық тобы

Несеп-жыныс жүйесі және жыныс гормондары. Гинекологиялық инфекцияға қарсы және антисептикалықпрепараттар. Инфекцияға қарсы және антисептикалықпрепараттар,кортикостероидтармен біріктірілімдерін қоспағанда. Басқа антисептиктер және микробқа қарсы препараттар.

АТХ коды G01AX

Қолданылуы

- венерологиялық аурулардың (мерез, соз, трихомониаз, хламидиоз, уреплазмоз) және акушерлік және гинекологиядағы инфекциялық-қабыну асқынуларының профилактикасы (гинекологиялық ауруларды операциялық емдеу алдында, босану және аборт алдында, жатырішілік спиральді орнатқанға дейін және одан кейін, жатыр мойнының диатермокоагуляциясына дейін және одан кейін, жатырішілік зерттеулер алдында)

- бактериялық вагиноз, кольпит, жатыр мойнының эрозиясын емдеуде.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Дәрілік заттың компоненттеріне жеке жоғары сезімталдықта.

Менархе басталғанға дейінгі қыз балалар

Қолдану кезіндегі қажетті сақтық шаралары

Суппозиторийді (қышыну, күйдіру) енгізгеннен кейін жағымсыз сезінулер туындаған кезде препаратты қолдануды тоқтату керек.

Препаратты қолданған кезде қынаптан бөлінетін бөлінді мөлшерінің ұлғаюы мүмкін. Әдетте, аз мөлшердегі мөлдір бөлінділер үшін препаратпен емдеуді үзбесе де болады. Қан аралас бөлінділер пайда болған кезде препаратты қолдануды тоқтату және дәрігермен кеңесу ұсынылады

Препарат қолға тигеннен кейін хлоргексидиннің көзге түсуін болдырмау үшін қолды жуу керек.

Сыртқы жыныс мүшелерінің тазалану шаралары суппозиторийлердің тиімділігі менжағымдылығына әсер етпейді, өйткені препарат қынапішілік түрде қолданылады.

Басқа дәрілік препараттармен өзара әрекеттесуі

Хлоргексидин-эффект құрамында анион тобы бар детергенттермен (сапониндер, натрий лаурилсульфаты, натрий карбоксиметилцеллюлоза), сондай-ақ сабынмен бірге қолдануға болмайды.

Сабынның болуы хлоргексидиннің белсенділігін жояды, сондықтан Хлоргексидин-эффект дәрілік затын қолданар алдында сабынның қалдықтарын мұқият жуып тастау қажет. Сыртқы жыныс мүшелерінтазалау қынаптық суппозиторийлердің тиімділігі мен төзімділігіне әсер етпейді, өйткені препарат интравагинальді қолданылады. Йодпен бір мезгілде қолдану ұсынылмайды.

Арнайы ескертулер

Құрамында хлоргексидин бар препаратпен бұрын байланыста болған матаға гипохлоритті ағартқыш заттардың түсуі матада қоңыр дақтардың пайда болуына ықпал етуі мүмкін.

Педиатрияда қолдану

Қолдану тәжірибесі жоқ.

Жүктілік немесе лактация кезінде

Қарсы көрсетілімі жоқ.

Препараттың көлік құралдарын және әлеуетті қауіпті механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Дәрілік затты интравагинальді қолданады. Қолданар алдында суппозиторийді пішінді қаптамадан босатады.

Емі: 7-10 күн ішінде тәулігіне 2 рет 1 суппозиторийден қолданады. Емдеу курсы 20 күнге дейін.

Венерологиялықаурулардың профилактикасында: 1 суппозиторийден бір рет жыныстық қатынастан кейін 2 сағаттан кешіктірмей қолданады.

Жүктілік. Инфекциялық үдерістің айқындық дәрежесін, бактериологиялық зерттеулердің деректерін, жүктілікті үзіп алу қаупін ескере отырып монотерапия ретінде немесе кешенді ем құрамында күніне 1 немесе 2 рет 1 суппозиторийден қолданады. Емдеу курсы 5 күннен 10 күнге дейін.

Емшек емізгенде препаратты әдеттегі ұсынылатын дозаларда тағайындайды

Балалар. Қолдану тәжірибесі жоқ.

Енгізу әдісі және жолы

Қолданар алдында суппозиторийді пішінді қаптамадан босатады.

Дәрілік зат интравагинальді қолданылады.

Қабылдау уақыты көрсетілген қолдану жиілігі

1 суппозиторийден тәулігіне 2 рет

Емдеудің ұзақтығы

Монотерапия ретінде немесе кешенді ем құрамында күніне 1 немесе 2 рет 1 суппозиторийден қолданады. Қолдану ұзақтығы-5 күннен 10 күнге дейін. Қажет болған жағдайда емдеу курсын 20 күнге дейін ұзартуға болады.

Артық дозаланған жағдайда қолданылуы қажет шаралар

Препаратты қолдану кезінде артық дозаланулар мен уытты әсерлер анықталмаған.

Дәрілік препаратты қолдану тәсілін айқындау үшін медицина қызметкеріне кеңес алу үшін ұсынымдар

ДП стандартты қолдану кезінде көрініс беретін жағымсыз реакциялар сипаттамасы және осы жағдайда

Сирек

-аллергиялық реакциялар

- қышыну

- күйдіру

Өте сирек

- суппозиторийді енгізу орнындағы тітіркену.

Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек:

Қазақстан РеспубликасыДенсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды, медициналық бұйымдарды сараптау Ұлттық орталығы” ШЖҚ РМК

http://www.ndda.kz

Қосымша мәліметтер

Дәрілік препараттың құрамы

бір суппозиторийдің құрамында:

белсенді зат: хлоргексидин диглюконатының 20 % ерітіндісі хлоргексидин диглюконатқа шаққанда 16 мг,

қосымша заттар - макрогол 1500, макрогол 400.

Сыртқы түрінің, иісінің, дәмінің сипаттамасы

Пішіні оқ тәрізді, ақ немесе сарғыш реңді ақ түсті суппозиторийлер. Суппозиторий беткейінің мәрмәрлігіне жол беріледі.

Шығарылу түрі және қаптамасы

5 суппозиторийден поливинилхлоридті үлбірден жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге маркасы хром-эрзац қораптық картоннан немесе жиналмалы қорапқа арналған хром-эрзац картоннан жасалған қорапшаға салынған.

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Сақтау шарттары

Түпнұсқалық қаптамасында, 25°С-ден аспайтын температурада сақтау керек. Балалардың қолы жетпейтін жерде сақтау керек.

Дәріханалардан босатылу шарттары

Дәрігердің рецептісінсіз

Өндіруші туралы мәліметтер

«Лекхим-Харьков» ЖАҚ,

Украина, 61115, Харьков обл., Харьков қ.,

Северин Потоцкий к., 36-үй

тел: +38(057)7 147 790,

факс: +38 (057) 7 147 791

e-mail:lekhim@lekhim.net.ua

Тіркеу куәлігінің ұстаушысы

«Лекхим-Харьков» ЖАҚ,

Украина, 61115, Харьков обл., Харьков қ.,

Северин Потоцкий к., 36-үй

тел: +38(057)7 147 790,

факс: +38 (057) 7 147 791

e-mail:lekhim@lekhim.net.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта):

«L-Фарма» ЖШС

050061, Қазақстан Республикасы

Алматы қ-сы, Тастақ-1 ы/ауд., 3-үй

тел.: (727) 374-88-75, факс: 374-88-72

elfarma@rambler.ru