Иберогаст для приема внутрь 20 мл капли
Тауарлардың көрінісі фотосуретте көрсетілгеннен өзгеше болуы мүмкін

Иберогаст для приема внутрь 20 мл капли

Қолжетімділігі
Тауар қолда жоқ
Үлгі
4039581001072
Елі
Германия
Өндіруші
Штайгервальд Арцнаймиттел
  • Сипаттама

Сипаттама

Дәрілік препаратты медициналық қолдану жөніндегі нұсқаулық

Дәрілік препаратқа қосымша мониторинг өткізу қажет, бұл қауіпсіздік туралы жаңа мәліметті жылдам анықтауға көмектеседі. Бұл қысқа мерзімде қауіпсіздік бойынша жаңа ақпаратты анықтауға мүмкіндік береді. Біз денсаулық сақтау жүйесі қызметкерлеріне күдікті кез келген жағымсыз реакциялар туралы хабарлауын өтінеміз (қатысы болса).

Саудалық атауы

Иберогаст®

Халықаралық патенттелмеген атауы

Жоқ

Дәрілік түрі, дозасы

Ішуге арналған тамшылар

Фармакотерапиялық тобы

Ас қорыту жолы және зат алмасу. Асқазан-ішек қызметінің бұзылыстарын емдеуге арналған препараттар.

ATХ коды А03

Қолданылуы

Асқазан-ішек жолдарының функционалдық бұзылыстарын және ішек перистальтикасымен байланысты, мысалы, функционалдық диспепсия және тітіркенген ішек синдромын емдеу үшін, сондай-ақ гастритте демеуші симптоматикалық ем ретінде қолданылады.

Бұл бұзылулар негізінен іштің ауыруы, асқазандағы толу сезімі, метеоризм, асқазан немесе ішек түйілуі, жүрек айнуы және қыжыл сияқты симптомдармен көрініс береді.

Қолдануды бастағанға дейін қажетті деректердің тізбесі

Қолдануға болмайтын жағдайлар

- препарат компоненттеріне жоғары сезімталдық

- 6 жасқа дейінгі балаларға

Басқа дәрілік препараттармен өзара әрекеттесулері

Қазіргі уақытта басқа дәрілік заттармен өзара әрекеттесуі белгісіз.

Арнайы ескертулер

Пациенттерге емдеуді дереу тоқтатуды және бауырдың зақымдану белгілері пайда болған жағдайда дәрігермен кеңесудіұсыну қажет: сарғаю, қара несепнемесе нәжістің түссізденуі.

6 жастан кіші балада іш маңының ауыруы кезінде міндетті түрде дәрігерге қаралу керек.

Егер симптомдар сақталса және егер емнің күтілетін оң нәтижесіне 7 күн ішінде қол жеткізілмесе, пациенттер дәрігерге жүгінуі қажет.

Балалар мен қаупі жоғары топтағы пациенттерде, мысалы, бауыр ауруы немесе эпилепсия кезінде сақ болу керек.

Бұл дәрілік заттардың құрамында этанол (спирт) 31 %) бар, яғни, бір дозада 240 мг бар, бұл 6,2 мл сыраға, бір дозада 2,6 мл шарапқа баламалы болады. Препарат алкоголизмнен зардап шегетін адамдарға зиянды.

Жүктілік және лактация

Иберогаст препаратын жүкті әйелдерде қолдану туралы мәліметтер жоқ немесе шектеулі (жүктіліктің 300-ден кем нәтижелері).

Жануарларды зерттеу тұқым өрбітуге қатысты уыттылықтың тікелей немесе жанама зиянды әсерін анықтаған жоқ.

Иберогаст препаратының және оның метаболиттерінің емшек сүтіне өтуі туралы деректер жеткіліксіз жиналған. Емшек еметін нәресте үшін қауіп жоқ деуге болмайды. Емшекпен емізуді жалғастыру немесе Иберогаст препаратымен емдеуді тоқтату туралы шешім нәресте үшін емшек емізудің пайдасы мен ана үшін емнің пайдасын ескере отырып қабылдануы керек.

Сақтық шаралары ретінде Иберогаст препаратын қолданар алдында жүктілік кезінде және лактация кезеңінде дәрігермен кеңесу ұсынылады.

Дәрілік заттың көлік құралдарын немесе қауіптілігі зормеханизмдерді басқару қабілетіне ықпал ету ерекшеліктері

Белгісіз.

Қолдану жөніндегі ұсынымдар

Дозалау режимі

Егер дәрігер басқа дозаны тағайындамаса, Иберогаст күніне 3 рет тамақтан бұрын немесе тамақтану кезінде аз мөлшердегі сұйықтықпен қабылданады:

ересектер мен жасөспірімдер 20 тамшыдан, 6 жастан 12 жасқа дейінгі балаларға 10 тамшыдан.

Енгізу әдісі және жолы

Ішке. Қолданар алдында шайқау керек!

Емдеудің ұзақтығы

Қолдану ұзақтығы аурудың түріне, ауырлығына және ағымына байланысты.

Артық дозаланған жағдайда қолданылуы қажет шаралар

Әлі күнге дейін жедел артық дозалану жағдайлары байқалған жоқ.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Өте сирек

- аса жоғары сезімталдық реакциялары, мысалы, тері бөртпесі, тері қышынуы, ентігу

Жекелеген жағдайларда (белгісіз)

- бауыр мен өт шығару жолдары тарапынан бұзылуларда: бауырдың зақымдануы.

Атап көрсетілген жағымсыз әсерлердің кез-келгені пайда болған жағдайда, препаратты қабылдауды тоқтату және дәрігерге қаралу қажет.

Болжамды дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел: +7 701 715 78 46 (тәулік бойы)

тел: +7 727 258 80 40, ішкі 106 (жұмыс уақытында)

факс: +7 727 258 80 39

e-mail: pv.centralasia@bayer.com

Қосымша деректер

Дәрілік препараттың құрамы

100 мл препараттың құрамында

белсенді заттар:

жаңа піскен бүтін ащы әлпел өсімдіктері экстрактісі 15.0 мл

(1: 1.5 – 2.5) *

аюбалдырған тамырлары экстрактісі (1: 2.5 – 3.5)**10.0 мл

сермене жапырақтары экстрактісі (1: 2.5 – 3.5)** 10.0 мл

зире жемістері экстрактісі (1: 2.5 – 3.5)**10.0 мл

сүйелшөп шөбі экстрактісі (1: 2.5 – 3.5)**10.0 мл

мия тамыры экстрактісі (1: 2.5 – 3.5)**10.0 мл

түймедақ гүлдері экстрактісі (1: 2 – 4)**20.0 мл

бұрыш жалбызы жапырақтары экстрактісі

(1: 2.5 – 3.5)**5.0 мл

алатікен жемістері экстрактісі (1: 2.5 – 3.5)**10.0 мл

*- этил спирті экстрагенті 50 %

**- этил спирті экстрагенті 30 %

Ескерту: 31 % жуық этил спирті бар.

Қосымша заттар - жоқ

Сыртқы түрінің, иісінің, дәмінің сипаттамасы

Күңгірт-қоңыр түсті, өзіне тән иісі мен ащылау дәмі бар, мөлдір немесе аздап бұлыңғырлаусұйықтық. Сақтау кезінде шөгінді түзілуі мүмкін.

Шығарылу түрі және қаптамасы

20 мл, 50 мл немесе 100 мл препараттан дозалағыш тамшылатқыш құрылғысыжәне алғашқы ашылуы бақыланатын бұралатын қақпағы бар күңгірт шыныдан жасалған құтыларға құйылады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл

Ашылған құтыларды 8 апта бойы пайдалануға болады.

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде, 25 0С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы деректер

Штайгервальд Арцнаймиттельверк ГмбХ, Хафельштрассе 5,

64295 Дармштадт, Германия

Тіркеу куәлігінің ұстаушысы

Байер Консьюмер Кэр АГ, СН-4052 Базель, Петер Мериан-штрассе, 84, Швейцария

Қазақстан Республикасы аумағында тұтынушылардан дәрілік затжөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел.: +7 727 258 80 40, факс: +7 727 258 80 39

e-mail: kz.claims@bayer.com

Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.