Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Инокаин
Саудалық атауы
Инокаин
Халықаралық патенттелмеген атауы
Оксибупрокаин
Дәрілік түрі
Көзге тамызатын дәрі 0,4%, 5 мл
Құрамы
1 мл ерітіндінің құрамында
белсенді зат - 4,0 мг беноксинат гидрохлориді
(оксибупрокаин гидрохлориді),
қосымша заттар: бензалконий хлориді,динатрий эдетаты, бор қышқылы, натрий хлориді, натрий гидроксиді, инъекцияға арналған су.
Сипаттамасы
Мөлдір түссіз ерітінді
Фармакотерапиялық тобы
Сезім мүшелері. Офтальмологиялық препараттар. Жергілікті анестетиктер. Оксибупрокаин
АТХ коды S01НА02
Фармакологиялық қасиеттері
Фармакокинетикасы
Инокаин конъюктива қуысына бір рет инстилляциялағаннан кейін мөлдір қабықтың арқауына жеңіл өтеді, тез арада беткейлік анестезия туғызады, конъюнктиваға аздап тітіркендіретін әсер көрсетеді. Одан кейінгі 15 минут ішінде препараттың негізгі концентрациясының сандық төмендеуі байқалады, бұл бір рет инстилляциялаған кезде 12-15 минуттық анестезия береді. Препарат жүйке жасушалары аксондары арқылы жүйке импульсінің таралуы мен өткізілуінің қайтымды блокадасын туындатады.
Фармакодинамикасы
Жергілікті анестетик. Инокаин жүйке ұштарын бөгейді. Жергілікті қолданғанда тіндерге жақсы енеді. Конъюнктива мен мөлдір қабыққа болмашы тітіркендіретін әсер береді. Конъюнктива мен мөлдір қабықтың беткейлік анестезиясы 30 секундтан кейінбасталады және 15 минут сақталады.
Қолданылуы
Офтальмологиядағы жергілікті анестезияда мыналарды жүргізуде:
- көзішілік қысымды өлшегенде (тонометрияда)
- гониоскопияда
- конъюнктивадан диагностикалық қырындыны алғанда
- мөлдір қабықтан және конъюнктивадан бөтен денелер мен жіптерді алуда
- мөлдір қабық және конъюнктиваға қысқа мерзімді хирургиялық араласуларда
Қолдану тәсілі және дозалары
Инокаин жергілікті қолданылады.
Тонометрия, гониоскопия, конъюнктивадан диагностикалық қырынды алуды жүргізу үшін препараттың 1 тамшысын конъюктивалық қалтаға тамызады. Конъюнктива мен мөлдір қабықтың беткейлік анестезиясы 30 секундтан кейін басталады және 15 минутқа дейін сақталады. Инокаинді 4-5 минут аралықпенүш рет тамызу ұзақ анестезияны (1 сағатқа дейін) қамтамасыз етеді.
Препараттың әрбір инстилляциясының арасында көз саңылауы жабық болуы тиіс.
Мөлдір қабық анестезиясы:
Беткейлік бөгде денелерді жою: 5 минут ішінде 3 рет.
Тереңдегі бөгде денелерді жою: 30-60 секунд аралығымен тамшымен 5-10 рет.
Тері асты немесе ретробульбарлы инъекцияға дейін анестезия жүргізу үшін: 5 минут ішінде 1 тамшыдан 3 рет.
Тонометрия, гониоскопия және басқа тексерулер: 1-2 тамшы.
Басқа көзге тамызатын дәрілер инстилляциялары кезіндегі сияқты бір минут ішінде ықтимал жүйелік сіңірілуін азайту үшінкөздің ішкі аймағы аумағындағы көз нүктесін қысу ұсынылады. Әрбір тамшы инстилляциядан кейін бірден жасалуы тиіс.
Офтальмологиялық бір препараттан артық пайдаланғанда әрбір препарат арасындағы уақытша аралық 5 минуттан кем болмауы тиіс.
Жағымсыз әсерлері
- шаншу, күйдіру сезімі
- конъюнктива гиперемиясы
- мөлдір қабық эпителийінің елеусіз зақымдануы, кератопатиялар (уытты, некроздық ойық жаралануы, операциядан кейінгі)
- кератиттер (уытты, мөлдір қабықтың беткейлік ойық жаралануы, асқын инфекцияның дамуы нәтижесінде диск тәріздес, кандидозды кератиттің дамуы)
- фибринозды ириттер
- жанаспалы дерматит (аллергиялық және аллергиялық емес периорбитальді дерматит)
- прекорнеальді үлбір беріктігінің төмендеуі
- мөлдір қабық қалыңдығының өзгеруі
- мөлдір қабықтың сезімталдығы мен ықтиярсыз жыпылықтау жиілігінің төмендеуі
- көз алмасының байқаусыз қозғалуы
жүйелік әсері:
-жедел синустық брадикардия
-идиосинкразиялық анафилаксиялық реакция
цитоуытты әсер етуі:
- мөлдір қабыққа тікелей цитоуытты әсер етуі
- мөлдір қабық эпителийінің тікелей сіңіруін төмендететін мөлдір қабыққа цитоуытты әсер етуі
Қолдануға болмайтын жағдайлар
- әсер етуші затқа немесе препараттың қандай да бір қосымша компоненттеріне аса жоғары сезімталдық
- 8 жасқа дейінгі балалар
Дәрілермен өзара әрекеттесуі
Инокаин сукцинилхолин мен симпатомиметиктердің әсерін күшейтеді, сульфаниламидтер мен бета-блокаторлардың бактерияға қарсы белсенділігін төмендетуі мүмкін, күміс нитратымен, сынап тұздарымен, сілтілік ерітінділермен үйлеспейді.
Айрықша нұсқаулар
Препарат тек конъюнктивалық қалтаға тамызуға арналған.
Препарат үйде өздігінен қолдануға ұсынылмайды, өйткені ұзаққа созылған, көп рет және ұзақ мерзім қолданылуы мөлдір қабықтың тұрақты бұлыңғырлануына әкеп соқтыруы мүмкін. Инокаин көз ауруларын кешенді емдеуде ұзақ қолдануға арналмаған.
Препаратты қолдану кезінде анафилаксиялық реакция және синустық брадикардия дамуы мүмкін.
Сақтықпен, егер пациентте бар болса: жүректің айқын жеткіліксіздігі, аллергиялық реакциялар. Псевдохолинэстераза тапшылығы, миастения, гипотония, жүрек жеткіліксіздігі, ырғақ бұзылуы мен эпилепсиясы бар пациенттерде сақтық таныту қажет. Анестетикті бақыламай пайдалану қысқа мерзімді енгізгеннен кейін де төменгі концентрациялардың өзінде мөлдір қабық эпителийі зақымдануына әкелуі мүмкін.
Ластануды болдырмау үшін құтының ұшын ешқандай беткейлерге тигізбеген жөн. Анестезия аяқталғанға дейін көзге мыналардың әсер етуінен тартынған жөн: үйкелу, бөгде денелер, тітіркендіретін химиялық заттар. Препаратты тамызар алдында жанаспалы линзаны шешу керек, және оны 15 минуттан соң ғана қайта киюге болады.
Педиатрияда қолданылуы
Балаларға қолдануда жеткілікті тәжірибе жоқ. Егер күтілетін емдік әсері жағымсыз әсерлерінің қаупінен асып түсетін болса, дәрігердің тағайындауы бойынша қолданылуы мүмкін.
Жүктілік және лактация кезеңі
Жүктілік және лактация кезеңінде қолданудың жеткілікті тәжірибесі жоқ.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Аппликациядан соң науқастарда көру айқындығы уақытша жоғалады, көлік жүргізбеген немесе күрделі техникамен, станоктармен немесе препаратты тамызған соң дереу көру айқындығын талап ететін басқа да күрделі жабдықтармен жұмыс істемегені дұрыс.
Артық дозалануы
Симптомдары: жағымсыз әсерлерінің дамуы.
Емі: симптоматикалық.
Шығарылу түріжәне қаптамасы
5 мл препараттан пластик тамшылатқыш-құтыда.
Ішінде құтыны ашуға арналған құрылғысы бар бұрандалы қалпақшасымен 1 тамшылатқыш-құтыдан және медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Жарықтан қорғалған жерде, 25 °С-ден аспайтын температурада сақтау керек.
Мұздатып қатыруға болмайды.
Балалардың қолы жетпейтін жерде сақтау керек!
Сақтаумерзімі
2 жыл
Құтыны ашқаннан кейін қолдану кезеңі 1 ай.
Жарамдылық мерзімі өткеннен кейін қолдануға болмайды.
Босатылу шарттары
Рецепт арқылы
Өндіруші/Қаптаушы
СЕНТИССФАРМАПвт. Лтд., 212/Д-1, Грин Парк, Нью Дели, Үндістан
Зауытта: Виллидж Кхера Нихла, Техсил Налагарх, Солан ауд., Химачал Прадеш 174 101, Үндістан
Тіркеу куәлігінің ұстаушысы
СЕНТИСС ФАРМА Пвт. Лтд., Үндістан
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«Sentiss Kazakhstan» (Сентисс Қазақстан) ЖШС, Қазақстан Республикасы, 050000, Алматы қ., Алмалы ауданы, Бөгенбай батыр к-сі 132, 309А кеңсе. Тел./факс: +7 (7272) 96-45-99, Email: sentiss_kz@sentisspharma.com
