Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Кальций хлориді-Дарница
Халықаралық патенттелмеген атауы
Жоқ
Дәрілік түрі, дозасы
Инъекцияға арналған ерітінді 10 %
Фармакотерапиялық тобы
Қан және қан түзу ағзалары. Қан алмастырғыштар және перфузиялық ерітінділер. Вена ішіне енгізуге арналған ерітінділерге қоспалар. Электролиттік ерітінділер. Кальций хлориді.
АТХ коды В05ХА07
Қолданылуы
- қан плазмасындағы кальций иондары концентрациясының жылдам жоғарылауын талап ететін гипокальциемия жағдайларында (қалқанша маңы безінің функционалдық жеткіліксіздігіндегі тетания, D дәрумені жеткіліксіздігіндегі тетания, қанды алмастырып құйғанда және цитратты қан құюда кездесетін гипокальциемиялар, алкалозда)
- жедел қорғасынды шаншуда кешенді ем құрамында
- магниймен артық дозаланудан болатын магниймен улану жағдайларында
- ЭКГ-де жүрек функциясының бұзылуымен тіркелген гиперкалиемияда
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші затқа немесе қосымша заттардың кез келгеніне аса жоғары сезімталдық
- гиперкальциемия, айқын гиперкальциурия
- нефроуролитиаз (кальцийлік)
- ауыр бүйрек жеткіліксіздігі
- саркоидоз
- гиперкоагуляция, тромб түзілуіне бейімділік
- артериялық окклюзия құбылысы бар айқын атеросклероз
- қарыншалық фибрилляция
- асистолия және электромеханикалық диссоциациялар
- тері астына және бұлшықет ішіне енгізу
- оймақгүл препараттарын қабылдау
- цефтриаксонмен бір мезгілде қолдану
- 1 жасқа дейінгі балаларға
- жүктілік және лактация кезеңі
Қолдану кезінде қажетті сақтық шаралары
Жоғары дозаларда ұзақ уақыт қолдануда организмде кальций тұздары жинақталуымен жүретін гиперкальциемия болуы мүмкін.
Препараттың тамыр жақтауын зақымдау әсерін барынша азайту мақсатында инъекция ірі венаға жіңішке ине арқылы жүргізілуі тиіс. Ерітіндіні дене температурасына дейін қыздыру керек.
Препаратты вена ішіне енгізгенде оған кәдімгі реакция – ауыз қуысының ысыну сезімі, ал содан соң бүкіл тұла бойының ысыну сезіміпайда болады.
Кальций хлориді-Дарницаныоның тітіркендіруші және некроздаушы әсеріне байланысты тері астына немесе бұлшықетке енгізуге болмайды. Препарат ерітіндісі тері астына немесе бұлшықетке түскен жағдайда, мүмкіндігінше, кальций хлоридін шприцтің көмегімен сорып алу керек жәнедәрі-дәрмектік инфильтрат аумағына жүйелі түрдеалдымен 5-10 мл 0,9 % натрий хлоридінің ерітіндісін, содан соң 10 мл0,25 % новокаин (кальций хлоридінің теріастылық инъекциясын анықтағаннан кейін алғашқы 10-15 минутта) инъекциясын жасау керек, содан кейіносы аумаққа жартылай спиртті компресс салу керек. Резорбциялық әсерді қайтару үшін димедрол, гиперкальциемияда –ЭДТА тағайындайды.
Жеңіл және орташа ауырлық дәрежесіндегі созылмалы бүйрек жеткіліксіздігі, дегидратациясы, электролиттік теңгерім бұзылуы (гиперкальциемия қаупі), жүрек аурулары (аритмия қаупі), бүйрек аурулары, нефролитиазбен немесе гиперкальциемиямен қатарлас аурулары (атап айтқанда қатерлі жаңа түзілімдері және саркоидозы), «өкпелік» жүректе, респираторлы ацидозда, тыныс алу жеткіліксіздігі (кальций хлоридінің тотығуы салдарынан уытты реакциялар туындау қаупі) бар пациенттерге сақтықпен қолдану керек. Қолданған кезде қандағы кальций деңгейіне мұқият мониторинг жүргізу керек.
Вена ішіне жылдам енгізген кезде вазодилатация салдарынан артериялық қысымның орташа төмендеуі мүмкін.
Инъекцияға арналған хлорлы кальцийді асқазан-ішек жолын қатты тітіркендіруіне байланысты балаларға тағайындамаған жөн.
Инъекцияны балаларға бас терісі арқылы жүргізуге болмайды.
Педиатрияда қолдану
Балаларға 1 жастан бастап қолданылуы мүмкін.
Басқа дәрілік препараттармен өзара әрекеттесуі
Қазіргі уақытта цефтриаксон және құрамында кальций бар препараттарды бір мезгілде қолдануда пациенттерде (жаңа туғандардан басқа) қан тамырішілік преципитаттар туындауына қатысты нақты ғылыми деректер жоқ.Алайда барлық санаттағы пациенттерге құрамында кальций бар ерітінділерді қолдануға болмайды, цефтриаксонды және құрамында кальций бар препараттарды араластыруға немесе бір мезгілде енгізуге болмайды.
Құрамында кальций бар ерітінділерді цефтриаксонды соңғы енгізуден кейін 48 сағат бойына тағайындауға болмайды.
Құрамында кальций бар өнімдер кальций өзекшелері блокаторларының тиімділігін азайтуы мүмкін, гиперкальциемияда кальцитонин әсерін, фенитоин биожетімділігін төмендетуі мүмкін.
Кальций тұздары бисфосфонаттар, фторидтер, кейбір фторхинолондар және тетрациклиндер сияқты бірқатар препараттардың сіңуін азайтады; енгізуді бөлу аралығы 3 сағаттан кем болмауы тиіс.
Кальций хлориді добутаминнің кардиотонустық әсерін төмендетеді.
Хинидинмен бір мезгілде қолданылғанда қарыншаішілік өткізгіштіктің баяулауы және хинидин уыттылығының артуы мүмкін.
Препаратты жүрек гликозидтерімен қоса қолданғанда соңғысының кардиоуыттылық әсері күшейеді.
Кальций тұздарын карбонаттармен, фосфаттармен, сульфаттармен немесе тартраттармен парентеральді қоспалардаараластыруға болмайды.
Тиазидтік диуретиктер кальцийдің несеппен сыртқа шығарылуын төмендетеді, бұл гиперкальциемия даму қаупін арттырады.
D дәруменімен немесе оның туындыларыменбір мезгілде қабылдаудакальций сіңуі жоғарылайды.
Басқа құрамында кальций немесе магний бар препараттармен бір мезгілде қабылдау, әсіресе, созылмалы бүйрек жеткіліксіздігі бар пациенттерде тиісінше гиперкалиемия немесе гипермагнемия қаупін арттырады.
Деполяризацияламайтын миорелаксанттардың тиімділігін төмендетеді. Тубокурарин хлоридінің әсер ету ұзақтығын ұлғайтуы мүмкін.
Тетрациклиндермен, магния сульфатымен, цефтриаксонмен, құрамында фосфаттар, карбонаттар немесе тартраттар бар дәрілік заттармен фармацевтикалық тұрғыда үйлесімсіз. Шөгінді түзілуі мүмкін болғандықтан цефтриаксонмен бір инъекцияға араластыруға болмайды.
Педиатрияда қолдану
Балаларға 1 жастан бастап қолданылуы мүмкін.
Жүктілік немесе бала емізу кезінде
Жүкті әйелдерде дәрілік затттың қауіпсіздігі мен тиімділігі бойынша талапқа сай және қатаң бақыланатын зерттеулер жүргізілмеген. Егер шаранаға төнетін ықтимал қауіптен анаға пайдасы асып түсетін жағдайда ғана, жүктілік кезеңінде қолданылуы мүмкін.
Бала емізу кезеңінде дәрілік заттың қолданылуы мүмкін.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Препаратпен емделу кезеңінде автокөлік жүргізуге және басқа да механизмдермен жұмыс істеуге болмайды.
Дозалау режимі
Ересектерге.
Вена ішіне сорғалатып енгізу: 5 мл 10 % ерітіндіні 1 мл/мин жылдамдықпен енгізеді.
Венаішіне тамшылатып енгізу: 5-10 мл препараттың 10 % ерітіндісін 100-200 мл натрий хлоридінің 0,9 % ерітіндісінде немесе 5 % глюкоза ерітіндісінде сұйылтып, 6-8 тамшы/мин. жылдамдықпен енгізу керек.
Қанды алмастырып құйғанда және цитратты қан құюда: ересектер мен балаларға әр 100 мл қанға 30 мг-ден (0,3 мл).
Ересектердегі тетания: 10 мл 10% ерітіндіні (
Гипокальциемия: 500 мг бастап 1 г (5 – 10 мл) дейін 1-ден 3 күнге дейінгі аралықпен, пациенттің реакциясы немесе қан плазмасындағы кальций деңгейіне байланысты. Қажет болған жағдайда препарат дозасын қайталап енгізуге болады.
Магниймен уыттану: 500 мг (5 мл) жылдам енгізу керек. Енгізу дәрігердің қадағалауымен және одан кейінгі дозаларды енгізер алдында пациент жағдайына мониторинг жасаумен жүргізіледі.
ЭКГ-да жүрек функциясының бұзылуы ретінде тіркелген гиперкалиемия: дозаны пациенттің кардиограмма көмегімен үнемі бақыланып отыруды қажет ететін жай-күйіне байланысты жекелей таңдау керек.
Егде жастағы пациенттерге арналған дозалар ересектердің дозасына ұқсас келеді.
Балаларға
Гипокальциемия: баяу енгізеді, 0,5 мл/мин дейінгі жылдамдықпен, 10-20 мг/кг (дене салмағына қарай 0,1-0,2 мл/кг) дозада, қажет жағдайда әр 4- 6 сағатта қайталайды.
Тетания: 10 мг/кг-ге 5-10 минут бойына (дене салмағының 0,1 мл/кг), қажет жағдайда әр 6 сағатта қайталайды немесе инфузия түрінде жалғастырады.
Балалар үшін тәуліктік ең жоғарғы доза (жасына байланыссыз) – 10 мл (1000 мг).
Кальций хлоридін вена ішіне сорғалатып (өте баяу) және вена ішіне тамшылатып (баяу) енгізумен тағайындайды.
Препаратты парентеральді тағайындайды
Емдеу ұзақтығы
Емдеу курсы – дәрігер анықтайды
Артық дозаланған жағдайда қолданылуы қажет шаралар
Гиперкальциемия симптомдары: әлсіздік, анорексия, іштің ауыруы, құсу, жүрек айнуы, іш қатуы, полидипсия, полиурия, қатты қажығыштық, ашушаңдық, өзін нашар сезіну, депрессия, дегидратация, жүрек ырғағы бұзылу мүмкіндігі, тахикардия, артериялық қысымның күрт төмендеуі және артериялық гипертензия болуы мүмкін, миалгия, артралгия, кома.
Емі: елеусіз артық дозаланғанда(қан сарысуындағы кальций концентрациясы – 2,6-2,9 ммоль/л) енгізу тоқтатылып және басқа да құрамында кальций бар дәрілік заттарды қолдану тоқтатылады. Ауыр сипатты артық дозалануда (қан сарысуындағы кальций концентрациясы 2,9 ммоль/л-ден жоғары) тәулігіне дене салмағына 5-10 ХБ/кг дозада кальцитонинді парентеральді енгізеді (ол 500 мл 0,9% натрий хлориді ерітіндісінде сұйылтылады), вена ішіне тамшылатып 6 сағат бойына енгізеді. Тәулігіне 2-4 рет вена ішіне сорғалатып баяу енгізілуі мүмкін. Тиазидтік емес диуретиктер қолданады; сарысудағы калий мен магний концентрациясына бақылау жүргізіліп, және қажет жағдайда,калий мен магний препараттарын енгізеді; жүрек-қан тамырлары жүйесінің функциясы қадағаланып, аритмиялардың профилактикасы үшін бета-адреноблокаторлар енгізіледі. Қажет болғанда гемодиализ жүргізіледі.
Дәрілік препараттың бір немесе бірнеше дозасын өткізіп алған кездегі қажетті шаралар
Дәрілік зат емдеу мекемесі жағдайында қолдануға арналған. Өткізіліп алынған дәрілік затты қабылдауды өтеу үшін қос дозаны қабылдамаңыз. Препаратты қолдану бойынша сұрақтар болған жағдайда емдеуші дәрігерге хабарласыңыз.
Тоқтату симптомдары қаупінің барын көрсету
Осы дәрілік затқа қолданылмайды.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Әрқашан препаратты қосымша параққа немесе емдеуші дәрігердің ұсынымдарына сәйкес қабылдаңыз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Барлық дәрілік препараттарға ұқсас препарат жағымсыз реакцияларды тудыруы мүмкін, бірақ олар барлығында пайда болмайды.
Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес.
Сирек:венаның ауыруы және гиперемиясы. Экстравазация кезінде күйдіріп ашыту, тіндердің некрозы және қабыршақтың пайда болуы, целлюлит және жұмсақ тіндердің кальцификациясы болуы мүмкін; ыстық сезім, алдымен ауыз қуысында, содан кейін бүкіл денеде шаншу, бет терісінің гиперемиясы, аллергиялық реакциялар, есекжем
Өте сирек: артериялық қысымның орташа және қысқа мерзімді төмендеуі, брадикардия, аритмия, артериялық гипертензия, вена тромбозы. Шамадан тыс жылдам енгізгенде-жүрек қарыншаларының фибрилляциясы
Белгісіз: аузында бор дәмі, гиперкальциемия, депрессия.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК
Дәрілік препараттың құрамы
Бір мл ерітіндінің құрамында
белсенді зат – 100 мг кальций хлоридінің гексагидраты,
қосымша заттар: хлорсутек қышқылы сұйылтылған, инъекцияға арналған су.
Сыртқы түрінің, иісінің, дәмінің сипаттамасы
Мөлдір, түссіз сұйықтық.
Шығарылу түрі және қаптамасы
5 мл препараттан шыны ампулаларда.
Ампулаға өздігінен желімделетін жабыны бар қағаздан жасалған заттаңба жапсырылады
5 ампуладан ампуланы ашуға арналған пышағымен пішінді ұяшықты қаптамаға (кассетаға) бірге салынған.
Түрлі түсті сындыру сақинасы немесе түрлі түсті сындыру нүктесі бар ампуланы қаптағанда ампуланы ашуға арналған пышақ салынбайды. Пішінді ұяшықты екі қаптама медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.
5 жыл.
Жарамдылық мерзімі өткеннен кейін қолдануға болмайды!
Сақтау шарттары
Түпнұсқалық қаптамада, 25 °С-ден аспайтын температурада сақтау керек. Мұздатып қатыруға болмайды.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы.
Өндіруші туралы мәліметтер
«Фармацевтикалық фирма «Дарница» ЖАҚ
Украина, 02093,Киев қ., Борисполь к-сі, 13
Телефон, факс: (+38044)5666878
е-mail: vigilance@darnitsa.ua
Тіркеу куәлігінің ұстаушысы
«Фармацевтикалық фирма «Дарница» ЖАҚ
Украина, 02093,Киев қ., Борисполь к-сі, 13
Телефон, факс: (+38044)5666878
е-mail: vigilance@darnitsa.ua
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)
«Утегенова Ж.Ж.» ЖК
050043, Алматы қ-сы, Навои к-сі, 68 үй, 49 пәтер
телефон: (+ 727) 2424328 (тәулік бойы)
е-mail: vigilance@darnitsa.ua
