Хондрогард 100 мг/мл, №10, р-р для инъекций

Сипаттама

Дәрілік затты медициналық қолдану

жөніндегі нұсқаулық

Хондрогард^®

Саудалық атауы

Хондрогард^®

Халықаралық патенттелмеген атауы

Жоқ

Дәрілік түрі

Бұлшықет ішіне енгізуге арналған ерітінді, 100 мг/мл, 1 мл және 2 мл

Құрамы

Бір ампуланың ішінде

белсенді зат: хондроитин натрий сульфаты - 100 мг, 200 мг

қосымша заттар: бензил спирті, натрий метабисульфиті, натрий гидроксиді, инъекцияға арналған су.

Сипаттамасы

Бензил спиртінің иісі бар мөлдір түссіз немесе сәл сарғыштау реңді ерітінді

Фармакотерапиялық тобы

Сүйек-бұлшықет жүйесі ауруларын емдеуге арналған препараттар. Қабынуға қарсы және ревматизмге қарсы препараттар. Қабынуға қарсы стероидты емес препараттар. Қабынуға қарсы стероидты емес басқа препараттар. Хондроитин сульфаты.

АТХкоды M01AX25

Фармакологиялық қасиеттері

Фармакокинетикасы

Бұлшықет ішіне енгізгеннен кейін хондроитин сульфаты жылдам таралады. Инъекциядан кейін 30 минуттан соң-ақ ол қанда елеулі концентрацияларда анықталады. Плазмада хондроитин сульфатының ең жоғары концентрациясына (C_max) 1 сағаттан кейін жетеді, содан соң 2 тәулік ішінде біртіндеп төмендейді.

Хондроитин сульфаты, ең бастысы, буындардың шеміршек тінінде жинақталады. Синовиальді қабық оның буын қуыстарына өтуі үшін кедергі болып саналмайды. Эксперименттерде бұлшықет ішіне инъекциядан кейін 15 мин соң хондроитин сульфаты синовиальді сұйықтықта анықталып, содан соң оның C_max 48 сағаттан кейін жететін буын шеміршегіне өтетіні көрсетілген. Организмнен 24 сағат ішінде шығарылады. Негізінен бүйрекпен шығарылады.

Фармакодинамикасы

Хондроитин сульфаты - гиалин шеміршегінде зат алмасу үдерісіне әсер ететін жоғары молекулалы мукополисахарид. Буындар шеміршек тіндерінде дегенеративтік өзгерістерді азайтады, оның қалпына келу үдерістерін тездетеді, протеогликандар синтезін көтермелейді, хондропротективті, қабынуға қарсы, ауыру басатын әсер береді. Препаратпен емдегенде ауырсыну азаяды және зақымданған буындардың қозғалғыштығы жақсарады. Буындардың салдарлы синовит дамуы бар дегенеративтік өзгерістерін емдеу кезіндегі оң әсері препарат енгізуді бастағаннан кейін 2-3 аптадан соң-ақ байқалуы мүмкін, буындардың ауыруы азаяды, реактивті синовиттің клиникалық көріністері жоғалады, зақымданған буындардың қозғалыс көлемі артады. Емдік әсері емдеу курсынан кейін ұзақ уақыт сақталады.

Қолданылуы

Буындар мен омыртқа бағанының дегенеративті-дистрофиялық ауруларында:

• шеткері буындар остеоартрозында
• омыртқа аралық остеохондрозда және остеоартрозында.

Қолдану тәсілі және дозалары

Препаратты бұлшықет ішіне 100 мг-ден күнара тағайындайды. Жақсы көтере алған жағдайда төртінші инъекциядан бастап дозаны 200 мг дейін арттырады. Емдеу курсы - 25-30 инъекция. Қажет болғанда емдеу курсын 6 айдан кейін қайталап жүргізуге болады.

Жағымсыз әсерлері

• аллергиялық реакциялар (терінің қышынуы, эритема, есекжем, дерматит, макулопапулезді бөртпе, ісіну)
• инъекция орнындағы геморрагиялар
• жүректің айнуы, құсу
• сирек болатын ангионевроздық ісіну

Қолдануға болмайтын жағдайлар

• препаратқа немесе оның компоненттеріне жоғары сезімталдық
• қан кету және қан кетуге бейімділік
• тромбофлебиттер
• жүктілік және лактация кезеңі
• 18 жасқа дейінгі балалар

Дәрілермен өзара әрекеттесуі

Қабынуға қарсы стероидты емес дәрілермен үйлестіре қолданғанда Хондрогард^® қабынуға қарсы стероидты емес дәрілер дозасын төмендетуге мүмкіндік береді. Препарат тікелей емес антикоагулянттардың, антиагреганттардың, фибринолитиктердің әсерін күшейтеді, бұл бірге қолданған кезде қан ұю көрсеткіштерін барынша жиі бақылауды қажет етеді.

Айрықша нұсқаулар

Педиатрияда пайдалану

Қазіргі кезде хондроитин сульфатты балаларда қолданудың тиімділігі мен қауіпсіздігі туралы деректер жоқ.

Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Қазіргі уақытта хондроитин сульфатының артық дозалану жағдайлары хабарланбаған.

Шығарылу түрі және қаптамасы

Бұлшықет ішіне енгізуге арналған 100 мг/мл ерітінді.

Түрлі-түсті сындыру сақинасы немесе түрлі-түсті нүктесі мен кертігі бар түссіз бейтарап шыны ампулада 1 мл-ден немесе 2 мл-ден. Ампулаға қосымша бір, екі немесе үш түрлі-түсті сақина және/немесе екі камералы штрих-код, және/немесе әріпті-цифрлі кодталу немесе қосымшасыз түрлі түсті сақина, екі камералы штрих-код, әріпті-цифрлі кодталу жүргізіледі.

5 ампуладан поливинилхлоридті үлбірден және алюминий фольгадан, немесе полимер үлбірден жасалған, немесе фольгасыз және үлбірсіз пішінді ұяшықты қаптамада.

2 пішінді ұяшықты қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшада 1 мл немесе 2 мл-ден.

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ФармФирма «Сотекс» ЖАҚ, Ресей

141345, Мәскеу обл., Сергиев-Посад муниципалдық ауданы,

Березняков елді мекені , Беликово кенті, 11 үй

Тел./факс: (495) 956-29-30.

Тіркеу куәлігі иесінің атауы мен елі

«ФармФирма «Сотекс» ЖАҚ, Ресей

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«EL Company (ЕЛ компани)» ЖШС, Қазақстан Республикасы,

Алматы қ., Масанчи к-сі, 98А, 41 кеңсе

Телефон: (727) 292-26-30, факс: 292-26-37.

Дәріханалар

Қалалар