Кордиамин 25% 2 мл, №10, амп.

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Кордиамин

Халықаралық патенттелмеген атауы

Никетамид

Дәрілік түрі, дозасы

Инъекцияға арналған ерітінді 25 %2 мл

Фармакотерапиялық тобы

Респираторлық жүйе. Тыныс алу мүшелерінің ауруларын емдеуге арналған басқа препараттар. Тыныс алу орталығының стимуляторлары. Никетамид.

АТХ кодыRО7АВ02

Қолданылуы

• коллапс және асфиксия (оның ішінде жаңа туған нәрестелер);
• операциялық араласулар кезіндегі және операциядан кейінгі кезеңдегі шок жағдайлары;
• қан айналымының жедел және созылмалы бұзылулары;
• қан тамырлары тонусының төмендеуі, инфекциялық аурулар кезінде және сауығу кезеңінде тыныс алудың тежелуі;
• ұйықтататын және анальгетикалық дәрілермен улану (кешенді ем құрамында).

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• никетамидке аса жоғары сезімталдық;
• құрысуға бейімділік, эпилепсия, эпилепсиялық ұстамалар (анамнезінде);
• балалардың гипертермиясы;
• порфирия;
• жүктілік, емшек емізу кезеңі.

Қолдану кезінде қажетті сақтық шаралары

Препаратты тек дәрігердің бақылауымен стационарлық жағдайда қолданады.

Вена ішіне енгізу кезінде қысқа мерзімді әсер етеді.

Тері асты және бұлшықет ішілік Кордиамин инъекциялары ауыр болғандықтан, инъекция орнына ауырсынуды бәсеңдету үшін ересектерге алдын ала новокаин енгізуге болады (1 мл 0,5% ерітінді).

Препарат қышқылдармен және сілтілермен белсендіріледі. Тек ұсынылған еріткішті пайдаланыңыз. Басқа дәрілік заттармен араластыруға болмайды.

Басқа дәрілік препараттармен өзара әрекеттесуі

Никетамидтің аналептикалық әсері парааминосалицил қышқылы (ПАСҚ), салюзид, фенотиазин туындылары (аминазин және т.б.) әсерінен азаяды. Аминазин мен резерпин никетамидтің құрысу әсерін күшейтуі мүмкін. Никетамидтің нығыздау әсері моноаминооксидаза тежегіштерінің әсерімен жоғарылайды. Никетамид фтивазидтің төзімділігінің дамуына ықпал етеді. Психостимуляторлардың, антидепрессанттардың әсерін күшейтеді. Есірткі анальгетиктерінің, ұйықтататын, антипсихоздық, тырысуға қарсы дәрілердің, анксиолитиктердің әсерін төмендетеді. Терең наркоздың аясында әрекет етпейді.

Арнайы ескертулер

Жүктілік және лактация кезеңі.

Препаратты жүктілік кезінде қолдануға болмайды. Қажет болған жағдайда емшек емізуді тоқтату керек.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері.

Емделу кезінде автокөлікті басқарудан және жоғары зейінділікті және психомоторлық реакциялардың жоғары жылдамдығын қажет ететін қауіпті қызмет түрлерін орындаудан аулақ болу керек.

Қолдану жөніндегі нұсқаулар

Дозалау режимі

Бір реттік және тәуліктік дозалар, енгізу жиілігін пациенттің көрсеткіштері мен жасына қарай дәрігер жеке белгілейді. Вена ішіне енгізу үшін препараттың бір реттік дозасын 10 мл 0,9% натрий хлориді ерітіндісінде ерітеді және 1-3 минут бойы енгізеді.

Ересектер мен 14 жастан асқан балаларға тәулігіне 1 - 2 мл-ден 1 - 3 рет тағайындайды.

Ересектер үшін жоғары дозалар тері астына: бір реттік – 2 мл, тәуліктік – 6 мл.

Ұйықтататын және анальгетикалық заттармен уланған кезде ересектерге арналған препараттың жоғары бір реттік мөлшері тері астына және вена ішіне 5 мл құрайды.

14 жастан кіші балаларға препаратты жасына байланысты тәулігіне 1-3 рет тері астына тағайындайды: 1 жасқа дейін – 0,1 мл; 1 - 4 жас - 0,15 – 0,25 мл; 5 – 6 жас – 0,3 мл; 7 – 9 жас – 0,5 мл; 10 – 14 жас – 0,75 мл.

Енгізу әдісі және жолы

Препаратты тері астына, бұлшықет ішіне, вена ішіне енгізеді.

Қабылдау уақыты көрсетілген қолдану жиілігі

Енгізу жиілігін пациенттің көрсеткіштері мен жасына қарай дәрігер жеке белгілейді.

Артық дозаланған жағдайда қолданылуы қажет шаралар

Симптомдары: препараттың жағымсыз әсерінің күшеюі; үлкен дозаларда препарат жайылған тонусты-клонусты құрысулар, сананың және тыныс алудың бұзылуының дамуы, құрысу кезінде апноэ тудыруы мүмкін; өліммен аяқталу жоққа шығарылмайды.

Емі: құрысуға қарсы дәрілерді қолдану, күшейтілген диурез; қажет болған жағдайда – жасанды тыныс алу.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Орталық жүйке жүйесі тарапынан: мазасыздық, қатты ашушаңдық, үрейлену.

Ас қорыту жүйесі тарапынан: жүрек айнуы, құсу.

Жүрек-қантамыр жүйесі тарапынан: тахикардия, аритмия, артериялықгипертензия.

Тірек-қимыл аппараты тарапынан: бұлшықеттің тартылуы (ауыздың дөңгелек бұлшықетінен басталатын), тремор, бұлшықеттің сіресуі.

Дерматологиялық реакциялар: беттің домбығуы немесе қызаруы, тері жабындарының қышуы және/немесе терінің қабыршақтануы.

Басқалар: гипертермия, қатты терлеу.

Аллергиялық реакциялар: есекжем, ангионевроздық ісіну, жайылған папулезді бөртпелер.

Жергілікті реакциялар: енгізу орнындағы инфильтрация және ауырсыну.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ

http://www.ndda.kz

Егер сізде қандай да бір жағымсыз реакциялар пайда болса, емдеуші дәрігерден кеңес алыңыз. Бұл нұсқаудың кез келген ықтимал жағымсыз реакцияларға, оның ішінде қосымша парақта келтірілгендерге де қатысы бар. Сіз сонымен қатар жағымсыз реакциялар туралы, дәрілік препараттардың тиімсіздігі туралы хабарлауларды қоса, Қазақстан Республикасының аумағында анықталған дәрілік препараттарға жағымсыз реакциялар (әсерлер) жөніндегі ақпараттық деректер базасына электронды пошта (лар) бойынша: farmevro@mail.ru;

және телефон(дар) бойынша: +7-777-392-80-80 тікелей хабарлай аласыз.

Жағымсыз реакциялар туралы хабарлай отырып, сіз ДПқауіпсіздігі туралы көбірек мәлімет алуға көмектесесіз.

Қосымша мәліметтер

Дәрілік препараттың құрамы

1 мл ерітіндінің құрамында

белсенді зат - никетамид 250 мг,

қосымша зат-инъекцияға арналған су.

Сыртқы түрінің, иісінің, дәмінің сипаттамасы

Өзіне тән иісі бар мөлдір, түссіз немесе сәл боялған ерітінді.

Шығарылу түрі және қаптамасы

2 мл препаратты шыны ампулаларға құяды.

5 немесе 10 ампуладан поливинилхлоридті үлбірден немесе поливинилхлоридті үлбірден және алюминий фольгадан жасалған пішінді ұяшықты қаптамаға салынады.

2 пішінді ұяшықты қаптамадан 5 ампуладан немесе 10 ампуладан 1 пішінді ұяшықты қаптамада медициналық қолдану жөніндегі қазақ және орыс тілдеріндегі нұсқаулықпен, кесетін керамикалық дискімен немесе ампулалық керамикалық пышақпен картон қорапқа салынады.

10 ампуладан медициналық қолдану жөніндегі қазақ және орыс тілдеріндегі нұсқаулықпен, кесетін керамикалық дискімен немесе ампулалық керамикалық пышақпен бірге аралық бөліктері бар картон қорапқа салынады.

Препаратты сыну сақинасы бар ампулаларға немесе керамикалық дисккесетін нүктесі және кертігі барнемесе кесетін керамикалық немесе ампулалық керамикалық пышақ салынбайды.

Сақтау мерзімі

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«Здоровье» Фармацевтикалық компаниясы»ЖШҚ, Украина, 61013, Харьков қ.,Шевченко к-сі, 22.

Тел: +38 (057) 757-07-77

факс: +38 (057) 714-96-20

Электронды поштасы (E-mail): office@zt.com.ua

Тіркеу куәлігінің ұстаушысы

«Здоровье» Фармацевтикалық компаниясы» ЖШҚ, Украина, 61013, Харьков қ., Шевченко к-сі, 22.

Тел: +38 (057) 757-07-77

факс: +38 (057) 714-96-20

Электронды поштасы (E-mail): office@zt.com.ua

Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтынжәне дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Фарм-Евро» ЖШС

050039, Алматы қ., Майлин к-сі, 72 үй, 34 үй

Тел.: +7(727) 271-10-17

Факс: +7(727) 271-84-97

E-mail: farmevro@mail.ru