Леди № 10 вагин. суппозитории

Сипаттама

Дәрілік затты медициналық қолдану

жөніндегі нұсқаулық

Леди

Саудалықатауы

Леди

Халықаралық патенттелмеген атауы

Ноноксинол

Дәріліктүрі

Суппозиторий № 10

Құрамы

бір суппозиторийдің құрамында

белсенді зат: ноноксинол 9 - 0,120 г, қосымша заттар: сүт қышқылы - 0,012 г, макрогол 4000 - 0,036 г, макрогол 1000 - 1,032 г

Сипаттамасы

Ақ түсті, сәл мөлдірге дейінгі, гомогенді, көлденең сызығында көрінбейтін конгломераттар бар, иіссіз, торпеда тәрізді суппозиторийлер

Фармакотепариялық тобы

Гинекологиялық ауруларды емдеуге арналған басқа да препараттар. Жергілікті қолдануға арналған контрацептивтер. Қынапішіліқконтрацептивтер

АТХ коды G02BB

Фармакологиялық қасиеттері

Фармакокинетикасы

Леди суппозиторийі әдеттегі дене температурасында ериді және енгізілгеннен кейін 10 минут өткенде препараттыңұрықтануға қарсы әсері күшейіп, бұл әсері 2 сағат бойы сақталады. Белсенді заттар қынаптың шырышты қабығының бетінде таралып, қорғаныш қабық түзеді. Жыныстық қатынастан кейін суппозиторий массасы қынаптық бөлінулермен және ұрық сұйығымен бірге табиғи жолмен организмнен шығарылып тасталады.

Фармакодинамикасы

Суппозиторийлердің сперматоцидті әсері өте жоғары (сперматозоидтардың бөлшектенуін туындатады, қозғалуын төмендетеді және жояды) және қынаптық флораның жақсаруына ықпал етеді (қынаптық патогенді микрофлораның кейбір түрлеріне қатысты бактерицидті әсер етеді). Сонымен бірге, суппозиторий құрамында гормондық препараттар жоқ және гормон теңгерімге әсер етпейді.

Қолданылуы

Қынаптық контрацепция

Қолдану тәсілі және дозалары

1 суппозиторийді мүмкіндігінше қынапқа терең енгізу қажет.Супозиторийді алдын-ала ертерек енгізуге болады, бірақ жыныстық қатынасқа дейін 1 сағаттан ерте болмауы тиіс. Жыныстық қатынас қайталануы алдында жаңа суппозиторийді енгізіп, кем дегенде 10 минут тоса тұру керек.

Жағымсыз әсерлері

- генитальді аймақта жылуды сезіну немесе тері бетінің тітіркенуі мүмкін

- қышыну

Қолдануға болмайтын жағдайлар

- препарат компоненттеріне жоғары сезімталдық

Дәрілермен өзара әрекеттесуі

Спермицидтік белсенділігі төмендеуі мүмкін болатындықтан Леди суппозиторийін өзге қынаптық препараттармен бір мезгілде қолданбаған жөн

Айрықша нұсқаулар

Контрацептивті әсерінің жоғалу мүмкіндігіне байланысты, жыныстық қатынастан кейін 2 сағат өтпей, қынапты жуып-тазалауға болмайды. Суппозиторийлер құрамында майлар жоқ, бұл суппозиторийлерді мүшеқаптармен бір мезгілде пайдалануға мүмкіндік береді. Қышыну басталса, препарат пайдалануды тоқтату керек.

Артық дозалануы

Анықталмаған

Шығарылу түрі және қаптамасы

5 немесе 10 суппозиторийден ақ түсті поливинилхлоридті (поливинилиденхлоридті немесе полиэтиленді) мөлдір емес үлбірден жасалған пішінді ұяшықты қаптамада. 1 (10 суппозиторийден) немесе 2 (5 суппозитоирийден) пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек

Сақтау мерзімі

3 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз.

Өндіруші

«Аmcapharm Pharmaceutical GmbH», Германия.

Қаптаушы «Қызылмай» Фирмасы» ӨК Қазақстан Республикасы,

Алматы қ., Ипподром к-сі, 6

Тіркеу куәлігінің иесі

«Қызылмай» Фирмасы» ӨК, Қазақстан Республикасы

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Қызылмай» Фирмасы» ӨК

Қазақстан Республикасы,

Алматы қ, Ипподром к-сі, 6

т. 382-20-27, факс 382-19-20

Е – mail: reception@kyzylmay.com

Дәріханалар