Сипаттама
Дәрілік затты медициналық қолдану
жөніндегі нұсқаулық
ЛЕВОМИЦЕТИН
Саудалық атауы
Левомицетин
Халықаралық патенттелмеген атауы
Хлорамфеникол
Дәрілік түрі
Көзге тамызатын дәрі 0,25% 8 мл
Құрамы
1 мл препараттың құрамында
белсенді зат – 2,5 мг хлорамфеникол,
қосымша заттар: бор қышқылы, инъекцияға арналған су
Сипаттамасы
Түссіз, мөлдір немесе аздаған сарғыш түсті сұйықтық
Фармакотерапиялық тобы
Көз ауруларын емдеуге арналған препараттар. Антибиотиктер. Хлорамфеникол.
АТХ коды S01AA01
Фармакологиялық қасиеттері
Фармакокинетикасы
Көзге тамызған кезде Левомицетиннің емдік концентрациясы көздің шыны тәріздес денесінде, қасаң қабығында, нұрлы қабығында, сулы ылғалында қалыптасады. Левомицетин көз бұршағына енбейді.
Фармакодинамикасы
Левомицетин кең ауқымды әсер ететін антибиотик болып табылады, көптеген грамоң және грамтеріс бактерияларға, соның ішінде ішек бактериялары тұқымдастығына, инфлюэнца таяқшасына қатысты тиімді әсер етеді. Микробқа қарсы механизмі рибосомалардың 50-S субстанциялары деңгейіндегі РНҚ синтезінің тежелуімен және ақуыз синтезінің бәсеңдеуімен байланысты.
Пенициллинге, тетрациклинге, сульфаниламидке төзімді бактериялардың штаммдарына қатысты тиімді. Escherchia Coli, Haemophilus influenzae, Klebsiella pneumoniae, сондай-ақ Enterobacter мен Neisseria, Staphylococcus aureus, Streptococus spp. кейбір түрлеріне қатысты белсенді. Pseudomonas aeruginosa, Serratia marcescens қатысты тиімді емес.
Бактериостатикалық әсер етеді. Микроорганизмдердің Левомицетинге дағдылануы баяу дамиды.
Қолданылуы
Сезімтал микрофлорадан туындайтын көздің бактериялық инфекцияларында:
- конъюнктивиттерде
- кератиттерде
- кератоконъюнктивиттерде
- қасаң қабықтың ойылуында
- блефариттерде
- блефароконъюнктивитте
Қолдану тәсілі мен дозалары
Үлкендер мен 1 жастан асқан балаларға: жергілікті инстилляция түрінде конъюнктивальды қапшыққа 1 тамшыдан әрбір 2 сағат сайын алғашқы 48 сағатта, сосын әрбір 4 сағатта.
Емдеу курсы 5-7 күн.
Жағымсыз әсерлері
- жергілікті аллергиялық реакциялар болуы ықтимал
- тамызғаннан кейін алғашқы секундтарда жылдам өтетін шымылдатып ашыту болуы мүмкін
- көру және шеткері жүйкелер невриті
ұзақ уақыт қолданғанда:
- көру жітілігінің төмендеуі
сирек:
сүйек кемігінде қан түзудің бәсеңдеуі, апластикалық анемия, агранулоцитоз
зең аурулары
Қолдануға болмайтын жағдайлар
- препаратқа жекелей жоғары сезімталдықта
- сүйек кемігінде қан түзудің бәсеңдеуі
- тері ауруларында (псориаз, экзема, зең ауруларында)
- көздің вирустық және зең аурулары
- жүктілік және лактация кезеңінде
- алма-кезекті жедел порфирияда
- глюкоза-6-фосфатдегидрогеназа тапшылығында
- бауыр және бүйрек жеткіліксіздігінде
- 1 жасқа дейінгі балаларға
Дәрілермен өзара әрекеттесуі
Қан түзілуін бәсеңдететін әсерінің күшеюінен сақтану үшін сульфаниламидтік дәрілермен бірге қолдануға болмайды.
Эритромицинмен, клиндамицинмен, линкомицинмен бірге қолданғанда әсерлерінің өзара төмендеуі байқалады.
Ішу арқылы қабылданатын гипогликемиялық препараттармен бірге тағайындаған кезде, олардың плазмадағы концентрациясының жоғарылауы және бауырдағы метаболизмінің бәсеңдеуінен әсерінің күшейетіндігі байқалады.
Хлорамфеникол Р450 цитохромының ферменттік жүйесін бәсеңдетеді, сондықтан барбитураттармен, фенитоинмен, тікелей емес антикоагулянттармен бірге қабылдағанда бұл препараттардың метаболизмінің әлсіреуі, шығарылуының баяулауы және плазмадағы концентрациясының жоғарылауы байқалады.
Аминогликозидтердің, пенициллиннің, В полимиксиннің, тетрациклиннің, цефалоспориндердің, эритромициннің бактерияға қарсы әсерін төмендетеді. Сондай-ақ, аскорбин қышқылымен, гидрокортизонмен, В тобының дәрумендерімен үйлесімсіз.
Айрықша нұсқаулар
Препаратты, әсіресе балаларда негізсіз қолдануға болмайды.
Көздің вирустық және зеңдік зақымдарында қолдануға болмайды.
Сәулемен емдеу және цитостатиктерді қабылдаған науқастарға абайлап қолдану керек.
Препаратпен емдеу кезінде жанаспалы линзаларды қолданбау керек.
Тамшылатқыш-құтының ұшы көз шырышты қабығының беткейіне тимеуін қадағалау қажет. Тамызғаннан кейін тамшылатқыш-құтыны қалпақшамен жабады.
Хлорамфеникол агранулоцитоз, апластикалық анемия және сүйек кемігінде қан түзудің бәсеңдеуін тудыратын болғандықтан, оны ұзақ қолданған кезде шеткері қанды жүйелі түрде бақылау қажет.
Тұрақты микроорганизмдердің пайда болуы және сенсибилизациясының болу ықтималдығын арттыратындықтан, құрамында хлорамфеникол бар көзге тамызатын дәріні ұзақ уақыт қолдануын болдырмау керек.
Дәрілік заттың көлік құралдарын немесе қауіптілігі зор механизмдерді басқару қабілетіне ықпалету ерекшеліктері
Препаратты тамызғаннан кейін 30 минут ішінде қысқа уақыттық жас ағуы және көз көруінің бұзылысы болуы мүмкін екендігін ескере отырып, көлік құралдарын басқаруда немесе басқа қауіпті механизмдерді қолданғанда қауіптілікті сақтау керек.
Артық дозалануы
Анықталмаған
Шығарылу түрі және қаптамасы
8 мл-ден алғашқы ашылуы бақыланатын, тығыз қақпақпен жабылған, полиэтиленнен жасалған тамшылатқыш-құтыларда.
1 құтыдан мемлекеттік және орыс тілдеріндегі қолдану жөніндегі нұсқаулықпен бірге картоннан жасалған қораптық корапшаға салынған.
Картон қорапқа 10, 100 және 500 қорапша салынған.
20 құтыдан (қорапшаға салмай) картоннан жасалған қораптық қорапқа құты санына қарай мемлекеттік және орыс тілдеріндегі медициналық қолдану жөніндегі нұсқаулықпен бірге салады.
Немесе 1000 құтыдан (қорапшаға салмай) картоннан жасалған қораптық қорапқа құты санына қарай мемлекеттік және орыс тілдеріндегі медициналық қолдану жөніндегі нұсқаулықпен бірге салады.
Сақтау шарттары
Жарықтан қорғалған жерде, 25 ºС-ден аспайтын температурада сақтау керек.
Балалардың қолы жетпейтінжерде сақтау керек!
Сақтау мерзімі
2 жыл
Құты ашылғаннан кейін - 4 аптадан асырмай.
Жарамдылық мерзімі өткеннен кейін пайдалануға болмайды.
Босатылу шарттары
Рецепт арқылы
Өндіруші/Қаптаушы
«Медоптик» ЖШС, Қазақстан Республикасы
Алматы қ-сы, Огарев к-сі2 «б»
тел: 8 (727) 2320822,2320823, 2320824
факс: 8 (727) 3832202
Е-mail: medoptik@medoptik.kz
Тіркеу куәлігінің иесі
«Медоптик» ЖШС, Қазақстан Республикасы
Алматы қ-сы, Огарев к-сі2 «б»
Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Медоптик» ЖШС, Қазақстан Республикасы
Алматы қ-сы, Огарев к-сі2 «б»
тел: 8 (727) 2320822,2320823, 2320824
факс: 8 (727) 3832202
Е-mail: medoptik@medoptik.kz
