Тауарлардың көрінісі фотосуретте көрсетілгеннен өзгеше болуы мүмкін

Линкас плюс Экспекторант 120 мл, сироп

1396
Қолжетімділігі
Сатылымда бар
Үлгі
4607006670709
Елі
Пакистан
Өндіруші
Herbion
0-0-4 бөліп төлеу
349 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Линкас Плюс Экспекторант

Саудалық атауы

Линкас Плюс Экспекторант

Халықаралық патенттелмеген атауы

Жоқ

Дәрілік түрі

120 мл шәрбат

Құрамы

10 мл шәрбаттың құрамында

белсенді заттар:

Cары жемісті алқа жемістері 30.0 мг

Тамырлы адхатода жапырақтары70.0 мг

Жалаң мия тамырлары15.0 мг

Кәдімгі насыбайгүл гүлдері мен жапырақтары30.0 мг

Жалпақ жапырақты кордия жемістері10.0 мг

Ұзын бұрыш жемістері 10.0 мг

Дәрілік жалбызтікен жемістері15.0 мг

Бәден жемістері50.0 мг

қою экстрактілері бар

қосымша заттар: сахароза, сусыз лимон қышқылы, аммоний хлориді,метилпарагидроксибензоат, пропилпарагидроксибензоат, пропиленгликоль, эвкалипт майы, бұрыш жалбызы майы, «Шайнайтын сағыз» хош иістендіргіші, тазартылған су.

Сипаттамасы

Өзіне тән иісі бар қоңыр түсті шәрбат.

Фармакотерапиялық тобы

Суық тиюжәне жөтел симптомдарын жоюға арналған препараттар. Қақырық түсіретін препараттар. Қақырық түсіретін препараттар біріктірілімі

АТХ коды R05CA10

Фармакологиялық қасиеттері

Фармакокинетикасы

Фармакокинетикасына зерттеулер жүргізілген жоқ.

Фармакодинамикасы

Әсері оның құрамына кіретін компоненттердің қасиеттеріне байланысты болатын кешенді препарат.

Сары жемісті алқа құрамында стероидты алкалоидтар (соласонин, соламарин), мукополисахаридтер, С дәрумені бар. Жөтелді жұмсартады және қақырықтың тез шығарылуына ықпал етеді. Аллергияға қарсы әсер етеді.

Тамырлы адхатода құрамында эфир майлары, дәрумендер мен алкалоидтар, вазицинді, вазицинолды және вазицинонды қоса есептегенде, бар. Бұл қосылыстардың муколитикалық (секреттің қоюлығы мен тұтқырлығын төмендетеді), қабынуға қарсы, бронхолитиктік (бронхтың түйілуін қайтарып, тынысты жеңілдетеді) және қақырық түсіретін (альвеолалық жасушалардың қызметін жақсартатын сурфактант синтезін стимуляциялайды, эпителий кірпікшелерінің қозғалғыштығын арттырады және қақырықтың шығуын тездетеді) қасиеттері бар. Бұдан басқа, гистаминнен болған бронхтың түйілуін тежей отырып, демікпеге қарсы әсер етеді.

Жалаң мия тамырларында және тамырсабақтарында глицирризин,глицирризин қышқылы, оның калий және кальций тұздары, флавон гликозидтері, дәрумендер, эфир майы, дәмі ащы заттары және басқа да қосылыстары бар. Олардың иммунитетті стимуляциялайтын, антиоксидантты, қабынуға қарсы және алллергияға қарсы қасиеттері бар.

Кәдімгі насыбайгүл құрамында эфир майлары, иіткіш заттар, камфора, С дәрумені бар. Бактерицидтік, спазмолитикалық, жансыздандырушы және қабынуға қарсы қасиеттері бар. Тынысты стимуляциялайды, организмнің жалпы тонусын арттырады.

Жалпақ жапырақты кордия антисептикалық, ауыруды басатын және спазмолитикалық әсер береді.

Ұзын бұрыш құрамында пиперин алкалоиды бар; антисептикалық, қабынуға қарсы және қақырық түсіретін әсері бар.

Дәрілік жалбызтікен құрамында полисахаридтер, крахмал, пектин, қант, аспарагин, каротин, лецитин, фитостерин, минералдық тұздар және майлылығы жоғары майлар бар. Бүркемелегіш, жұмсартқыш, қақырық түсіретін, қабынуға қарсы әсер береді. Өсімдік текті шырыш жұқа қабатпен шырышты қабықты жауып, бетінде ұзақ уақыт сақталады және оны тітіркенуден қорғайды.

Бәден жемістері құрамында эфир майлары, қанттар, ақуыздар бар және муколитикалық және ыстықты түсіретін әсер береді.

Линкас Плюс Экспекторант өнімді жөтел кезінде жұмсартатын және тыныштандыратын әсер береді, тұтқыр қақырықты сұйылтып, оның ұзақ уақыт бойы тыныс жолдарынан шығарылуына ықпал етеді. Бронхтардың шырышты қабатының ісінуі мен қабынуын азайтады, иммундық жүйені белсенді етеді. Сурфактант өнімінің ұлғаюының арқасында, ол өкпе бетінің тартылуын төмендетеді, альвеолалардың қызметін тұрақтандырады, экспираторлы кезеңнің соңында олардың жабысып қалуына жол бермейді, бұл газ алмасудың талапқа сай болуына мүмкіндік береді, ол тыныс бұлшықеттерініңдем алу-демді шығару циклінің орындалуын қамтамасыз етеді. Бұдан басқа, сурфактант альвеола деңгейінде бактериялардың сіңу және қорытылу үдерісін стимуляциялайды. Линкас Плюс Экспекторанттың жұтқыншақ пен бронхтардың шырышты қабатына жергілікті антисептикалық, сондай-ақ жалпы бронхолитиктік және спазмолитикалық әсері бар.

Қолданылуы

  • тұтқыр қақырықтың бөлінумен қатар жүретін тыныс жолдарының жедел және созылмалы ауруларында (бронхит, бронх демікпесі, пневмония)
  • шырышты сұйылтуды қажет ететін ЛОР ағзаларының қабыну ауруларында (синуситтер, трахеиттер)
  • препарат компоненттеріне жекелей жоғары сезімталдық
  • 6 жасқа дейінгі балалар
  • тұқым қуалайтын фруктоза жақпаушылығы немесе глюкоза-галактоза мальабсорбциясы
  • жүктілік пен лактация кезеңі

Қолдану тәсілі мен дозалары

Ересектерде: 1 ас қасықтан (10 мл) күніне 3 рет

Балаларда 6 жастан 18 жасқа дейін: 1 шай қасықтан (5 мл) күніне 3 рет

Препаратты тамақтануға байланыссыз қабылдайды.

Емдеу курсы – 5-7 күн

Жағымсыз әсерлері

- аллергиялық реакциялар

Қолдануға болмайтын жағдайлар

Дәрілермен өзара әрекеттесуі

Анықталған жоқ

Айрықша нұсқаулар

Жөтелге қарсы препараттармен (мысалы, кодеинмен) бір мезгілде қолданбаған жөн.

Шәрбаттың құрамында сахароза бар, осыны қант диабетімен, экссудативті диатезбен ауыратын науқастар, сондай-ақ гипокалориялы диета кезінде ескеру қажет.

Жүктілік және лактация кезеңі

Қазіргі таңға дейін жеткілікті зерттеулердің болмауына байланысты, препаратты жүктілік және лактация кезеңінде қолданбаған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ықпалын тигізбейді.

Артық дозалануы

Анықталмаған

Шығарылу түрі және қаптамасы

120 мл препараттан бұралатын пластмасса қақпағы және балалардың ашып алуынан қорғағышы бар, янтарь түсті шыны құтыларға құйылған.

1 құты өлшеуіш стақанымен және медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.

Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны ашқаннан кейін қолдану кезеңі – 8 апта.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептсіз

Өндіруші

Хербион Пәкістан Пвт. Лтд.

75400, Пәкістан, Карачи

Коранги өнеркәсіп аймағы, 30/28

Тіркеу куәлігінің иесі

Хербион Пәкістан Пвт. Лтд., Пәкістан

Қазақстан Республикасы аумағында тұтынушылардан өнім (тауар) сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Фармация Юниверсал» ЖШС

Алматы қ., Чаплин /Халиуллин к-сі 71/66

Тел: 234-48-53, 234-44-88

Факс: 234-41-77

Дәріханалар

Тауар артығымен бар
Тауар аз қалды
Аптека № 83, Алматы, (Сейфулина Калинина)
г.Алматы, Алмалинский район,пр.Сейфуллина,д.510
Круглосуточно