Сипаттама
Дәрілік затты медициналық қолдану
жөніндегі нұсқаулық
ЛОМЕКСИН
Препараттың саудалық атауы
Ломексин
Халықаралық патенттелмеген атауы
Фентиконазол
Дәрілік түрі
2 % крем
Құрамы
100 г кремнің құрамында
белсенді зат – 2,00 г фентиконазол нитраты
қосымша заттар: глицерил моностеараты, ЭДТА динатрий тұзы, май қышқылдарының полигликоль эфирі, гидрогенизирленген ланолин, тәтті миндаль майы, пропиленгликоль, цетил спирті, тазартылған су
Сипаттамасы
Ақ түсті біртекті крем
Фармакотерапиялық тобы
Зеңге қарсы жергілікті қолданылатын дәрілер, Имидазол туындылары.
АТХ коды: D01AC12
Фармакологиялық қасиеттері
Фармакокинетикасы
Ломексин іс жүзінде жүйелік сіңірілуге ұшырамайды, ұзақ уақыт қынаптық қолдану кезінде оның қандағы концентрациясы анықталмайды. Шырышты қабықтармен сіңірілу деңгейі елеусіз.
Фармакодинамикасы
Ломексин – гинекологияда жергілікті қолданылатын әсер ету ауқымы кең зеңге қарсы препарат. Фентиконазол (Ломексиннің әсер етуші заты) имидазолдың синтетикалық туындысы болып табылады (оның фентиконазол азот қышқылды тұзы түріндегі рацематтық қоспасы). Жергілікті фунгицидтік, фунгистатикалық және бактерияға қарсы әсер етеді. Әсер ету механизмі зеңнің жасушалық жарғақша өткізгіштігін реттейтін эргостерол синтезін тежеуде болып табылады. Candida spp. ашытқы зеңдеріне (Candida albicans қоса), грамоң бактерияларға (Staphylococcus aureus, Streptococcus spp.), сондай-ақ Trichomonas vaginalis қатысты белсенді.
Басқа белгілі азоль қосылыстарына қарағанда (негізінен, эконазолға, миконазол және кетоконазол) фентиконазол Candida spp. протеазаларының биосинтезін тежейді. Бұл әрекет микозға қарсы белсенділіктің шамасына тәуелді емес және ашытқыға ұқсас зеңдердің протеолитикалық ферменттерінің түзілу сатысының бірін тежеумен шартталған.
Қолданылуы
- Әр жерде дерматофиттерден (Trichophyton, Microsporum, Epidermophyton) туындаған дерматомикоздар: құрғақ теміреткі, тегіс тері дерматомикозы, табан дерматофитиясы (аяқтың зең аурулары), қол дерматофитиясы, зоонозды трихофития, бет терісінің зеңдік зақымдануы, дерматофиттік онихомикоз.
- Тері кандидозы (баздану, ангулит, бет терісінің кандидозы, «жөргек» кандидозы, шап-ұма аумағының кандидозы); баланит, баланопостит; онихия және паранихия
- Түрлі-түсті теміреткі (Pityrosporum orbiculare және P. оvale туындаған)
- Отомикоз (Candida немесе ашытқы туындатқан); тек қана егер дабыл жарғағы зақымданбаса
- Эритразма
- Бактериялық асқын инфекциялары бар микоз (грамоң бактериялардан туындаған)
- Pityrosporum туындатқан, бас терісінің инфекциясын емдеу, мысалы, себорея дерматиті және құрғақ қайызғақ
- вульвовагинальді кандидоз
- кольпит
- қынап шығындылары
Қолдану тәсілі және дозасы
Ломексинді дәрігердің тағайындауымен, күніне 1-2 рет, зақымданған жердің орналасуына байланысты тиісті дәрілік түрді пайдаланумен терінің зақымданған бөлігін жуып және кептіріп жағады.
Ломексин 2 % кремі – тегіс теріні, тері және шырыш қатпарларын емдеуге көрсетілген; жеңіл сылау арқылы жағылады. Құрғақ микозға арналған кремді пайдаланған жөн: түрлі-түсті теміреткі, эритразма, онихомикоз (онихомикоз кезінде кремді қатты керілген таңғышпен жағу қажет); креммен ерлердің жыныс мүшелері микозын емдеуге болады.
Кремді (шамамен 5 г) жатқан қалыпта, тәулігіне 1 рет, ұйықтар алдында немесе қажет болған жағдайда тәулігіне 2 рет, тәңертең және кешке вагинальді енгізеді.
Емдеу курсы – 7 күнге дейін.
Қайта жұқпа жұқтырудан аулақ болу үшін серіктесті бір уақытта креммен емдеу ұсынылған, оны жыныс мүшесінің басына және күпегіне жағады.
Аппликаторды қолдану:
| 1
Аппликаторды қақпақтың орнына сықпаға қосыңыз. | 2
Сықпаның ішіндегісін аппликатор толғанға дейін ақырын сығыңыз. Қарсылық пайда болған жағдайда аппликатордың поршенін ақырын ғана жоғары тартыңыз. Егер дәрігердің басқа тағайындауы болмаса, аппликатор толығымен кремге толуы тиіс. |
| 3
Аппликаторды сықпадан алыңыз. Сықпаның қақпағын жабыңыз. | 4
Тізені бүгіп, арқаға жатқан қалыпта аппликаторды қынапқа терең енгізіңіз (мүмкін болғанша). Поршеньді басып аппликатордағы бар кремді сығыңыз. |
Аппликатордың тап-таза болуын қадағалаңыз.
Әр пайдаланғаннан кейін, аппликаторды сабындап жылы сумен (50°С жоғары емес) дұрыстап жуу және кептіру керек.
Аппликаторды жуу үшін органикалық еріткіштерді пайдалануға болмайды. Құрғақ аппликаторды пеналда сақтау керек.
Егер емдеуші дәрігер аппликаторды стерилизацияға кеңес берсе, оның айтқанын істеңіз.
Жағымсыз әсерлері
Өте сирек:
- аздап қызару, препаратты қолданған жердің күйдіріп ашуы.
Ломексинді, әдетте, жақсы көтерімді, жағымсыз әсерлер транзиторлық сипатқа ие және препаратты тоқтатуды қажет етпейді.
Қолдануға болмайтын жағдайлар
- препарат компоненттеріне жоғары сезімталдық
- 18 жасқа дейінгі балалар және жасөспірімдер
Дәрілермен өзара әрекеттесуі
Анықталмаған
Айрықша нұсқаулар
Препаратты ұзақ уақыт қолданған кезде сенсибилизацияның дамуы мүмкін. Мұндай жағдайда емдеуді тоқтатып емдеуші дәрігерге қаралған жөн.
Препараттың құрамына кіретін майлар латекстен жасалған контрацептивтерді зақымдауы мүмкін.
Жүктілік және лактация
Препарат жүктілік және лактация кезінде ана үшін күтілетін пайда шарана немесе нәресте үшін төнетін қауіптен жоғары болса ғана қолданылуы мүмкін. Жүкті әйелдердің фентиконазолды пайдалануына қатысты шектеулі мәліметтер бар. Жануарларға жасалған зерттеулерде тератогендік әсері байқалмаған, дегенмен эмбриоуытты және фетоуытты әсері ішу арқылы өте жоғары дозада енгізілген кезде байқалған. Қынаптық емдеуден кейін фентиконазолдың төмен жүйелік әсері байқалады. Жүктілік кезінде тек қана дәрігердің бақылауымен қолдануға болады.
Дәрілік заттардың көлік құралдарын жүргізуге немесе қауіпті механизмдерді басқару қабілетіне әсер ету ерекшеліктері
Анықталмаған.
Артық дозалануы
Жүйелік қан ағымына сіңірілу деңгейі төмен болуына байланысты артық дозалану мүмкіндігі екі талай.
Шығарылу түрі
30 г немесе 78 г препараттан бұрандалы қақпағы бар алюминий сықпада.
30 г бір сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
78 г бір сықпадан мөлдір пластикалық пеналға салынған аппликатормен бірге және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Рекордати Химика және Фармацевтика Индустрия С.П.А.»
Виа М.Чивитали. 1, Милан, Италия
«Рекордати Ирландия Лтд.» үшін, Ирландия
Рахинз Ист, Рингаскидди, Ко. Корк, Ирландия
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымныңмекенжайы:
Қазақстан Республикасындағы «FIC MEDICAL» (ФИК МЕДИКАЛЬ) ЖШС өкілдігі, Толе би к-сі, 69, 33-кеңсе, 050000, Алматы қ-сы, Қазақстан Республикасы
тел.: +7 (727) 272 93 08, факс: +7 (727) 272 90 25
e-mail: fic_kz@ficmedical.kz
