Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
МЕЛБЕК®
Саудалық атауы
МЕЛБЕК®
Халықаралық патенттелмеген атауы
Мелоксикам
Дәрілік түрі
7,5 мг таблеткалар
Құрамы
Біртаблетканың құрамында
белсенді зат - 7,5 мг мелоксикам
қосымша заттар: микрокристалды целлюлоза РН 102, сусыз лактоза - 54.35 мг, кросповидон, повидон (ПВП К30), натрий цитраты, коллоидты кремнийдің қостотығы (Аэросил 200), магний стеараты.
Бір жағында сызығы бар, ақшыл-сары түсті дөңгелек пішінді таблеткалар.
Фармакотерапиялық тобы
Сүйек-бұлшықет жүйесін емдеуге арналған препараттар. Қабынуғақарсы және ревматизмге қарсы препараттар.Қабынуғақарсы стероидты емес препараттар. Оксикамдар. Мелоксикам
АТХ коды М01АС06
Фармакологиялық қасиеттері
Фармакокинетикасы
Сіңуі. Мелоксикам асқазан-ішек жолдарынан жақсы сіңеді, абсолютті биожетімділігі 90 %. Препаратты бір рет қабылдағанда қан плазмасындағы орташа ең жоғарыконцентрациясына 5-6 сағат ішінде жетеді. Тамақты немесе антацидті дәрілерді қабылдау сіңуіне әсер етпейді. Тұрақты фармакокинетикасына 3 - 5 күнге дейінгі аралықта жетеді.
Таралуы. Мелоксикам альбуминдермен 99 % байланысады. Синовиальді сұйықтыққа өтеді, концентрациясыплазмада 50% құрайды. Таралу көлемі орташа 11 л құрайды.
Биотрансформациясы. Мелоксикам бауырда биотрансформацияға ұшырайды. Несепте фармакодинамикалық белсенділігі жоқ метаболиттері анықталған. Метаболизмдік өзгеруінде CYP2C9 және CYP3A4 изоферменттері маңызды рөл атқарады.
Шығарылуы. Мелоксикам өзгермеген күйде нәжіспен шығарылады, несептен препараттың іздері анықталған. Жартылай шығарылу кезеңі 20 сағат.Плазмалық клиренсі бір рет қабылдаудан кейін 8 мл/мин.
Дозаға тәуелділігі/тәуелсіздігі. Мелоксикам ішке қабылдағанда немесе бұлшықет ішіне енгізгенде дозаға тәуелді фармакокинетика көрсетеді.
Пациенттердің ерекше топтарындағы фармакокинетикасы. Бауыр және бүйрек жеткіліксіздігі мелоксикамның фармакокинетикасына ықпал етпейді. Терминальді бүйрек жеткіліксіздігінде тәуліктік дозасы 7,5 мг құрайды.
Егде жастағылар. Егде және жас ер адамдарда фармакокинетикалық параметрлері ұқсас. Егде әйелдерде екі жыныстың да жас адамдарымен салыстырғанда жартылай шығарылу кезеңі ұзақ болады.
Фармакодинамикасы
Мелоксикам – оксикам тектестерге жататын, қабынуға қарсы, ауырғанды басатын және ыстық түсіретін қасиеттері бар, қабынуға қарсы стероидты емес препарат. Әсер ету механизмі: қабынудың медиаторлары, простагландиндердің биосинтезін тежеу.
Қолданылуы
Қолдану тәсілі және дозалары
Ең жоғары тәуліктік дозасы 15 мг. Бір рет, тамақ ішу кезінде, сумен ішу арқылы қабылдайды. Остеоартритте ұсынылатын доза тәулігіне 7,5 мг құрайды. Дозаны 15 мг/тәулікке дейін арттыруға болады. Ревматоидты артритте және спондилоартритте доза тәулігіне 15 мг құрайды. Қажет болса дозаны тәулігіне 7,5 мг дейін азайтуға болады.
Пациенттердің ерекше топтары.Егде жастағы пациенттерде және асқазан-ішек аурулары бар пациенттерде доза тәулігіне 7,5 мг құрайды. Бүйрек функциясы төмендегенде дозаны түзету қажет емес. Гемодиализде емес, бүйрек функциясының бұзылуы бар науқастарға МЕЛБЕК® қолдануға болмайды. Бүйрек жеткіліксіздігінің терминальді сатысындағы, гемодиализ жүргізілетіндерге доза 7,5 мг. Бауыр жеткіліксіздігінде дозаны түзету қажет емес.
Балалар мен жасөспірімдер. 16 жасқа дейінгі балалар мен жасөспірімдерге қолдануға болмайды.
Жағымсыз әсерлері
Қанжүретін және лимфа жүйесі тарапынан бұзылулар
Жиі емес: анемия
Сирек: лейкоцитарлық формула өзгерістері, лейкопения, тромбоцитопения, цитопения (метотрексатты бір мезгілде қолданғанда)
Өте сирек: агранулоцитоз
Иммудық жүйе тарапынан бұзылулар
Жиі емес: дереу типті аса жоғары сезімталдық реакциялары
Сирек: анафилаксиялық реакциялар, анафилактоидты реакциялар
Психика бұзылуы
Сирек: көңіл-күйдің бұзылуы, түнгі қорқыныштар, сананың шатасуы, бағдардың бұзылуы
Жүйке жүйесі тарапынан бұзылулар
Жиі: бас ауыруы
Жиі емес: бас айналуы және ұйқышылдық
Көрумүшелері тарапынан бұзылулар
Сирек: конъюнктивит, көрудің бұзылуы, анық көрмеу
Есту және тепе-теңдік мүшелері тарапынан бұзылулар
Жиі емес: бас айналуы
Сирек: құлақтағы шуыл
Жүрек-қантамыр жүйесі тарапынан бұзылулар
Жиі емес: АҚ жоғарылауы, бетке қан тебу сезімі
Сирек: жүрек қағуы
Өте сирек: миокард инфарктісі, инсульт және жүрек жеткіліксіздігі
Тыныс алу жүйесі, көкірек ортасы тарапынан бұзылулар
Сирек: бронхдемікпесінің дамуы
АІЖ тарапынан бұзылулар
Өте жиі: диспепсия, жүрек айнуы, құсу, іштің ауыруы, іш қату, метеоризм, диарея
Жиі емес: жасырын немесе айқын асқазан-ішек қан кетулері, мелена, гастрит, кекіру, стоматит
Сирек: гастродуоденальді ойық жара, колит, эзофагит
Өте сирек: асқазан-ішектен қан кету, ойық жаралану және тесілуі
Гепатобилиарлық жүйе тарапынан бұзылулар
Жиі емес: бауыр функциясының көрсеткіштерінің өтпелі өзгерістері
Өте сирек: гепатит
Тері жабыны тарапынан бұзылулар
Жиі емес: ангионевроздық ісіну, қышыну, бөртпе
Сирек: уытты эпидермалық некролиз, есекжем
Өте сирек:буллезді дерматиттер, мультиформалы эритема
Белгісіз: фотосенсибилизация
Бүйрек функциясының және несеп шығарудың бұзылыстары
Жиі емес: натрий және су іркілісі, гиперкалиемия, бүйрек функциясының өзгерістері
Өте сирек: жедел бүйрек жеткіліксіздігі, несепшығарудағы қиналыстар, жедел несеп іркілісі
Жиі емес: аяқ ісінулерін қоса алғандағы ісіну
Ұрпақ өрбіту жүйесінің бұзылулары: әйелдің бедеулігі, овуляция іркілісі
Қолдануға болмайтын жағдайлар
Дәрілермен өзара әрекеттесуі
- Гиперкалиемияға байланысты қауіп
Дәрілік заттар және препараттардың топтары гиперкалиемияны тудыруы мүмкін: калий тұздары, калий жинақтаушы диуретиктер, АӨФ тежегіштері, ангиотензин II рецепторларының антагонистері, қабынуға қарсы стероидты емес дәрілік заттар, гепариндер (молекулалық салмағы төмен немесе фракцияланбаған), циклоспорин, такролимус және триметоприм.
Мелоксикаммен бірге қолданған кезде гиперкалиемияның даму қаупі жоғарылайды.
Фармакодинамикалық өзара әрекеттесулер:
Басқа ҚҚСД және салицилаттар: бір рет қабылдаудағы ≥ 500 мг және тәулігіне≥ 3г дозаларда ацетилсалицил қышқылын қоса,басқа ҚҚСД бір мезгілде қолдану ұсынылмайды.
Кортикостероидтар (глюкокортикоидтар):
Кортикостероидтармен бірге қолдану асқазан-ішек жолы тарапынан қан кетулер және ойық жаралардың түзілу қаупінің жоғарылауына байланысты сақтықты талап етеді.
Гериатрияда қолданылатын немесе емдік дозаларда тағайындалатын ішуге арналған антикоагулянттар немесе гепарин:
Тромбоциттер функциясының тежелуі және асқазан-ішек жолы тарапынан шырыштардың зақымдануы салдарынан қан кету қаупі жоғарылайды. ҚҚСД антикоагулянттардың (варфариннің) әсерін күшейтуі мүмкін. Емдікдозаларда немесе гериатрияда қолданылатын антикоагулянттармен немесе гепаринмен ҚҚСД бірге қолдану ұсынылмайды.
Гепариннің профилактикалық дозаларын қолдануды қажет ететін басқа жағдайларда, бірге қолдану қан кету қаупінің жоғарылауына байланысты сақтықты талап етеді. Егер мұндай біріктірілімді қолданбау мүмкін болмаса, халықаралық қалыптастырылған индексті анықтау қажет.
Тромболитиктер және тромбоцитке қарсы препараттар:
Тромбоцитарлық функцияның тежелуі және асқазан мен он екі елі ішек шырышты қабығының зақымдануына байланысты қан кету қаупі жоғарылайды.
Серотонинді кері қармаудың іріктелген тежегіштері:
Асқазан-ішектен қан кету қаупі жоғарылайды.
Диуретиктер, АӨФ және ангиотензин II тежегіштері:
ҚҚСД диуретиктердің және гипертензияға қарсы препараттардың тиімділігін төмендетуі мүмкін.Бүйрек функциясы бұзылған кейбір пациентерде (сусызданған немесе егде пациенттерде), циклооксигеназа тежегіштерін АӨФ және ангиотензин II тежегіштерімен біріктіру бүйрек функциясының одан әрі нашарлауына, тіпті әдетте өтпелі сипатта болматын жедел бүйрек жеткіліксіздігінің дамуына әкелуі мүмкін. Мелоксикамды және осы препараттарды біріктіріп қолдануды, әсіресе егде пациенттерге сақтықпен тағайындау керек. Мұндайда біріктірілген емдеу барысында сұйықтықтың жеткілікті түрде қабылдануын және бүйрек функциясына мониторингті қамтамасыз ету керек.
Басқа гипертензияға қарсы дәрілер (мысалы, β-блокаторлар):
Тамырды кеңейтетін простагландиндердің бәсеңдеуіне байланысты гипотензиялық әсері төмендеуі мүмкін.
Кальцинейрин тежегіштері (циклоспорин, такролимус):
ҚҚСД олардың бүйрек простагландиндеріне ықпал етуі салдарынан кальцийнейрин тежегіштерінің нефроуыттылық әсерін күшейтуі мүмкін. Бұл препараттарды біріктіріп қолданған кезде бүйрек функциясына мұқият мониторинг қажет, әсіресе егде пациенттерде.
Мелоксикамды және деферазироксті бірге қолдану асқазан-ішек жолы тарапынан жағымсыз реакциялар қаупін арттыруы мүмкін. Бұл препараттарды бірге қолданған кезде сақ болу керек.
Фармакокинетикалық өзара әрекеттесулері:
Литий:
ҚҚСД қандағы литий деңгейін жоғарылатады, оның концентрациясы уытты деңгейге жетуі мүмкін. ҚҚСД және литийді бірге қолдану ұсынылмайды. Біріктіріп емдеу қажет болса, емдеу курсы басталғанда, дозаны өзгерткенде және мелоксикамды тоқтатқанда қан плазмасындағы литийконцентрациясын мұқият қадағалау керек.
Метотрексат:
Мелоксикам бүйрек өзекшелеріндегі метотрексат сөлінісін тежеп,оның қандағы деңгейін жоғарылатады. Сондықтан метотрексатты жоғары дозаларда (аптасына 15 мг-ден асатын) қабылдайтын пациенттерде ҚҚСД-мен біріктіру ұсынылмайды. ҚҚСД және метотрексат арасындағы ықтимал өзара әрекеттесу қаупі соңғысының төмен дозаларында да, әсіресе бүйрек функциясы бұзылған пациенттерде орын алуы мүмкін. Бұл препараттарды біріктіріп қолдану қажет болса, қан формуласын және бүйрек функциясын мұқият бақылау қажет. Метотрексатты және ҚҚСД 3 күн бойы біріктірген кезде аса сақтық таныту керек, өйткені бұл уақыт ішінде метотрексаттың концентрациясы уыттылыққа дейін жоғарылауы мүмкін. ҚҚСД метотрексаттың гематологиялық уыттылығын арттыруы мүмкін.
Пеметрексед:
Мелоксикамды және пеметрекседті бүйрек функциясы бұзылған пациенттерде біріктіру қажет болғанда, пеметрекседпен емдеудіңбасталуына кем дегенде 5 күн қалғанда, емдеу күнінде, сондай-ақ емдеуден кейін кем дегенде тағы 2 күн бойы мелоксикамды тоқтату керек. Мелоксикаммен және пеметрекседпен біріктіріп емдеу қажет болғанда миелосупрессияның және асқазан-ішек жолы тарапынан жағымсыз реакциялардың дамуына қатысты пациенттің жай-күйін мұқият бақылау керек. Бүйрек функциясының ауыр бұзылуы бар пациенттерде ( креатинин клиренсі 45 мл/мин аз) мелоксикам мен пеметрекселді бірге қолдану ұсынылмайды.
Бүйрек функциясы қалыпты пациенттерде (креатинин клиренсі ≥ 80 мл/мин) мелоксикам 15 мг дозада пеметрекседтің шығарылуын төмендетуі және, сәйкесінше, пеметрекседпен байланысты жағымсыз реакциялардың даму қаупін арттыруы мүмкін. Сондықтан бүйрек функциясы қалыпты пациенттерде ( креатинин клиренсі ≥ 80 мл/мин) 15 мг мелоксикамды пеметрекседпен бірге қолданғанда сақ болу керек.
Басқа препараттардың мелоксикам фармакокинетикасына әсері.
Холестирамин:
Холестирамин энтерогепатикалық айналымды бұза отырып, мелоксикамның организмнен шығарылуын жеделдетеді. Мелоксикамның клиренсі 50% жоғарылайды, ал жартылай шығарылу кезеңі 13 + 3 сағатқа дейін баяулайды. Бұл өзара әрекеттесудің клиникалық мәні бар.
Антацидті препараттарды, циметидинді және дигоксинді бір мезгілде қолданғанда клиникалық мәні бар фармакокинетикалық дәрілік өзара әрекеттесулер анықталған жоқ.
Айрықша нұсқаулар
Мелоксикаммен емдегенде өмірге қауіпті асқазан-ішек қан кетулері, ойық жараланулар немесе тесілулер дамуының қаупі жоғары. Асқазан-ішек бұзылуының қаупін барынша төмендету үшін төмен дозаны және қысқа емдеу курсын пайдалану керек. Пациенттер асқазан-ішек ойық жараланулары және қан кетулерінің белгілері мен симптомдары туралы хабардар болуы тиіс. Мелоксикамдыгепаринмен, антикоагулянттармен және ҚҚСП үйлестіру ұсынылмайды. Пептикалық ойық жара және асқазан-ішектен қату пайда болғанда препаратты тоқтату керек. Гипертониясы немесе іркілген жүрек жеткіліксіздігі бар пациенттер үшін кеңес берілуі қажет, өйткені сұйықтықтар іркіледі. Жүрек-қантамыр аурулары бар пациенттер үлкен қауіпке ұшырауы мүмкін. Жүрек-қантамыр бұзылыстарының пайда болу қаупін барынша азайту үшін төмен дозаны және қысқа курстыпайдалану қажет. ҚҚСП бүйректегі простагландиндер синтезін тежейді, бүйрек декомпенсациясын тудыруы мүмкін. Қауіп факторлары бар пациенттерде: егде адамдар, сусызданған, іркілген жүрек-қантамыр жеткіліксіздігі, бауыр циррозы бар пациенттер, диуретиктерді, АӨФ тежегіштерін немесе ангиотензин II рецепторының антагонистерін қолданып қатарлас ем алушы пациенттер, ауқымды операциялық араласуды бастан өткерген пациенттерде диурезге және бүйрек функциясына мониторинг қажет.
ҚҚСП интерстициальді нефритті, гломерулонефритті, медуллярлық бүйрек некрозын, нефроздық синдромды тудыруы мүмкін. Гемодиализдегі пациенттерде дозасы 7,5 мг. Бүйрек функциясы орташа төмендегенде дозаны түзету қажет емес. Мелбек, кез келген басқа ҚҚСП тәрізді, негізгі инфекциялық аурудың симптомдарын бүркемелеуі мүмкін. Басқақабынуға қарсы стероидты емес препараттарды немесе ацетилсалицил қышқылын мелбекпен бірге қолданбаған жөн («Дәрілермен өзара әрекеттесуі» бөлімін қараңыз). Егер асқазан-ішектен қан кету немесе ойық жараның дамуы емдеу кезінде орын алса, мелоксикамды тоқтату керек.
Ойық жаралы колиті, Крон ауруы бар пациенттерге ҚҚСП сақтықпен тағайындау керек, өйткені ҚҚСП оларды өршітуі мүмкін.
Цереброваскулярлық және жүрек-қантамырлық әсерлері. Артериялық гипертензиясы және/немесе жүрек жеткіліксіздігі бар пациенттерге дәрігердің бақылауы және тұрақты бақылау қажет, өйткені ҚҚСД емдеу аясында сұйықтықтың іркілуі жүреді. Артериялық қысымға клиникалық мониторинг емдеуге дейінгі бастапқы күйде, сондай-ақ мелоксикаммен емдеудің басында ұсынылады. Клиникалық және эпидемиологиялық зерттеу мәліметтері бойынша, мелоксикамды қоса алғандағы кейбір ҚҚСД артериялық тромбоздық асқынулардың (миокард инфарктісі немесе инсульт) даму қаупін аздаған мөлшерде жоғарылатуы мүмкін деп болжанады. Бақыланбаған гипертензиясы, іркілген жүрек жеткіліксіздігі, жүректің анықталған ишемиялық ауруы, шеткері артериялардың аурулары және/немесе цереброваскулярлық аурулары бар пациенттерге мелоксикамды олардың жай-күйін мұқият бағалағаннан кейін ғана тағайындауға болады. Жүрек-қантамыр ауруларының қауіп факторлары бар пациенттерде мелоксикаммен ұзақ уақыт емдеудің негізділігін таразылау керек.
Тері тарапынан реакциялар
Мелоксикамды қолдану аясындаөмірге қауіп төндіретін Стивенс-Джонсон синдромының және уытты эпидермалық некролиздің дамығаны туралы хабарланған. Пациенттерді осы аурулардың белгілері мен симптомдарынан хабардар етіп, тері реакцияларының дамуына байланысты мұқият бақылау қажет.
Бұл симптомдар пайда болған жағдайда мелоксикаммен емдеуді тоқтатып, препаратты ешқашанда қайтадан тағайындамау керек.
Бауыр және бүйрек функциясының параметрлері
Көптеген ҚҚСД қабылдаған кездегідей, мелоксикаммен емдеу курсы барысында қан сарысуындағы трансаминазалар, билирубин деңгейлерінің мезгіл-мезгіл жоғарылауы немесе бауыр функциясының басқа параметрлерініңпатологиялық өзгерістері байқалды; сол сияқтықандағы креатинин концентрациясының және мочевинаның жоғарылауы және басқа зертханалық зерттеу нәтижелерінің өзгерістері болуы мүмкін. Көп жағдайларда бұл бұзылулар елеусіз және өтпелі болды. Егер зертханалық зерттеу параметрлерінің өзгерістері күрделі немесетұрақты болса, мелоксикамды тоқтатып, тиісті зерттеуді орындау керек.
ҚҚСД тамырларды кеңейтетін бүйрек простагландиндерінің синтезін бәсеңдетеді, бұл шумақтық сүзілудің төмендеуі салдарынан функционалдық бүйрек жеткіліксіздігіне әкелуі мүмкін. Бұл жағымсыз реакция дозаға тәуелді.
Гиперкалиемия
Гиперкалиемия диабетте немесе қандағы калий деңгейін арттыратын препараттарды бірге тағайындағанда дамуы мүмкін. Мұндай жағдайларда қандағы калий деңгейін тұрақты бақылау керек.
Пеметрекседпен біріктірілімдері. («Дәрілермен өзара әрекеттесуі» бөлімін қараңыз).
Жағымсыз реакциялар көбінесеегде және әлсіреген пациенттерге ауыр тиеді, басқа да ҚҚСД қолданған кездегі сияқты, мелоксикамды егде пациенттерге тағайындағанда өте сақ болу қажет, өйткені бүйрек, бауыр және жүрек функциясының бұзылу жиілігі жаспен бірге артады, әсіресе өліммен аяқталатын асқазан-ішектен қан кетулер және тесілулер.
Фертильділік, жүктілік және лактация кезеңі. Мелоксикамды қолдану әйелдердің ұрпақ өрбіту қабілетіне ықпал етеді және жүктілікті жоспарлаған әйелдерге ұсынылмайды. Жүктілік кезінде қолдануға болмайтын жағдайлар. Простагландиндер синтезінің тежелуі эмбрионның және шарананың дамуына теріс әсер беруі мүмкін. Түсік тастаудың, жүрек ақауларының және гастрошизистің қаупі жоғарылайды. Жүктіліктің үшінші триместрі кезінде шарананы жүрек-өкпе уыттылығына және бүйрек функциясының бұзылуына ұшыратуы мүмкін.
Жүктіліксоңындағы анасы және шарана: қан кету уақытының ұзаруы, жатыр жиырылуының бәсеңдеуі, босану уақытының ұзаруы.
Лактация кезеңі. МЕЛБЕК® бала емізетін әйелдерге қолданылмайды.
Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері.
Автомобильді басқару және механизмдерді пайдалану қабілетіне ықпалын зерттеу жүргізілмеген. Пациенттерді көрудің бұзылуы, бас айналуы, ұйқышылдық, орталық жүйке жүйесінің бұзылулары туралы хабардар ету керек. Жағымсыз әсерлертуындаған жағдайда пациенттер көлік құралдарын басқарудан аулақ болуыжәне қауіптілігі зор механизмдермен жұмыс істеуден бас тартуы тиіс.
Артық дозалануы
Симптомдары: жүрек айнуы, құсу, эпигастралды аумақтағы ауыру.
Емі: симптоматикалық. Арнайы антидоты белгісіз. Клиникалық зерттеулер барысында холестираминді ішу арқылы қолданғанда жедел шығарылуы көрсетілді.
Шығарылу түрі және қаптамасы
Поливинилхлоридтен және алюминий фольгадан жасалған пішінді ұяшықты қаптамаға (блистер) 10 таблеткадан салынған.
1 немесе 3пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге өндіруші фирма голограммасы бар картон қорапшаға салынған.
Сақтау шарттары
25°С-ден аспайтын температурада, құрғақ, жарықтан қорғалған жерде сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е
Тіркеу куәлігінің иесі
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е
Қазақстан Республикасы аумағында тұтынушылардан дәрілік заттардыңсапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды поштасы: nobel@nobel.kz
