Сипаттама
Дәрілік затты медициналық қолдану
жөніндегі нұсқаулық
Мульти-табс® Бэби
Саудалық атауы
Мульти-табс® Бэби
Халықаралық пантенттелмеген атауы
Жоқ
Дәрілік түрі
Ішуге арналған тамшылар, 30 мл
Құрамы
1 мл ерітіндінің құрамында
белсенді заттар: ретинол пальмитаты ретинолға шаққанда (А дәрумені) –
300 мкг (1000 ХБ),
холекальциферол (D3 дәрумені) – 10 мкг (400 ХБ),
аскорбин қышқылы (С дәрумені) – 35 мг,
қосымша заттар: сахароза, макрогол глицерилгидроксистеараты, натрий гидрокарбонаты, натрий гидроксиді, лимон қышқылы моногидраты, DL‑a‑токоферол, этанол 96%, натрий гидроксиді, хлорсутек қышқылы, тазартылған су.
Сипаттамасы
Сарыдан қоңыр түске дейінгі мөлдір сұйықтық.
Фармакотерапиялық тобы
Ас қорыту жолы және зат алмасу. Дәрумендер. Басқа препараттармен біріктірілген полидәрумендер. Басқа біріктірілімдердегі полидәрумендер.
АТХ коды А11АВ
Фармакологиялық қасиеттері
Фармакодинамикасы
Құрамында сәбиге қажетті дәрумендер кешені бар біріктірілген препарат. Әсері оның құрамына кіретін компоненттер қасиеттерімен айқындалады.
А дәрумені организмнің дұрыс өсуі мен дамуына ықпал етеді. Иммунитет жүйесінің қалыптасуында маңызды рөл атқарады, организмнің әртүрлі инфекцияларға қарсылығын арттырады. Көру функциясын қалыпқа келтіреді. Организмнің антиоксиданттық қорғанысының маңызды компоненті болып табылады. Тері мен шырыштың қалыпты күйде сақталуын демейді.
D дәрумені сүйек тінін остеопороз дамуынан, сынудан қорғайды, кальций мен фосфордың сіңірілуін жақсартады.
С дәрумені организмнің әртүрлі инфекцияларға қарсылығының артуына ықпал етеді, сыртқы орта жағдайларының өзгеруіне организмнің төзімділігі мен бейімделуіне жауапты кортикостероидты гормондар мен қалқанша без гормондарының синтезіне қатысады. Липидтер метаболизмін жақсартады, холестерин алмасуының қалыпқа келуіне ықпал етеді. Дәнекер тін элементтерінің синтезін көтермелейді. Маңызды антиоксидант және иммуностимулятор.
Қолданылуы
Балалардың өмірінің алғашқы күнінен бастап 1 жасқа дейін:
- А, D3 және С дәрумендері жеткіліксіздігінің профилактикасында
- балалардағы мешел профилактикасында
- организмнің инфекцияларға қарсылығын арттыру үшін
Қолдану тәсілі және дозалары
1 жасқа дейінгі балаларға – күніне 0,5-1 мл, маусымдық курстармен. Ас ішумен бір мезгілде немесе одан кейін бірден қабылдау керек.
Жағымсыз әсерлері
Болуы мүмкін
- асқазан-ішек жолы тарапынан бұзылыстар, оның ішінде асқазан-ішектің жайсыздануы, диарея, жүрек айну, іш қату
- аллергиялық реакциялар: қышыну, уртикарлы бөртпе.
Қолдануға болмайтын жағдайлар
- препарат компоненттеріне жоғары сезімталдық
- тұқым қуалайтын фруктоза жақпаушылығы, глюкоза-галактоза мальабсорбциясы
Дәрілермен өзара әрекеттесуі
Бір мезгілде қолданғанда құрысуға қарсы дәрілер, рифампицин, неомицин ретинол мен холекальциферолдың сіңуін төмендетеді. D дәруменін А дәруменімен бір мезгілде қабылдау соңғысының артық дозалануының даму қаупін төмендетеді. Аскорбин қышқылы ішекте темір препараттарының сіңуін жақсартады.
Айрықша нұсқаулар
Мульти-табс® Бэби қабылдау кезінде артық дозалануды болдырмау мақсатында басқа полидәрумен препараттарын қабылдау ұсынылмайды. Ұсынылған тәуліктік дозасынан асыруға болмайды. Препараттың 0,5-1 мл бір реттік дозасында 298,0-595,0 мг сахароза болады, осыған байланысты препарат тұқым қуалайтын фруктоза жақпаушылығы, глюкоза-галактоза мальабсорбциясы бар пациенттерге тағайындалмайды.
Артық дозалануы
Симптомдары: тәбет жоғалту, ауыз қуысы шырышты қабығының құрғауы, полиурия, диарея.
Артық дозалану симптомдары білінгенде препарат қабылдауды тоқтатып, дәрігерге қаралу қажет.
Шығарылу түрі және қаптамасы
Алғашқы ашылуы бақыланатын бұрандалы қақпағы, оған пипетка түрінде бекітілген дозалау құрылғысы бар күңгірт шыны құтыда 30 мл.
Медициналық қолдану жөніндегі мемлекеттік және орыс тілдеріндегі нұсқаулықпен бірге 1 құтыдан картон қорапшаға салынады.
Сақтау шарттары
2°С-ден 8°С-ге дейінгі температурада.
Балалардың қолы жетпейтін жерде сақтау керек!
Сақтау мерзімі
2 жыл (ашылмаған құты) және құты ашылғаннан кейін 2 айдан асырмау керек.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Санофи Илач Сан. ве Тидж. А.Ш., Кючюккарыштыран Махаллеси Меркез Сокак, №223/А Бюйюккарыштыран, Люлебургаз, Кыркларели, Түркия.
Тіркеу куәлігінің ұстаушысы
«Пфайзер Инновации» ЖШҚ, Пресненская жағ.,10 үй, Мәскеу қ., Ресей.
Қазақстан Республикасы аумағында тұтынушылардан дәрілік заттардың сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
Қазақстан Республикасындағы Pfizer Export B.V. (Пфайзер Экспорт Би.Ви.) компаниясының филиалы, 050000, Алматы қ., Медеу ауданы,Нұрсұлтан Назарбаев даңғылы 100/4, тел. 8 (727) 250-42-94.
