Тауарлардың көрінісі фотосуретте көрсетілгеннен өзгеше болуы мүмкін

Носид №20, табл

Қолжетімділігі
Тауар қолда жоқ
Үлгі
8901043006641
Елі
Индия
Өндіруші
Аджио Фармацевтикалз Лтд
  • Сипаттама

Сипаттама

Дәрілік затты медициналық қолдану

жөніндегі нұсқаулық

НОСИД

Саудалық атауы

Носид

Халықаралықпатенттелмегенатауы

Жоқ

Дәрілік түрі

Шайнайтын таблеткалар

Құрамы

Бір таблетканың құрамында

белсенді заттар: 400,0 мг алюминий гидроксиді құрғақ гелі

400,0 мг магний гидроксиді,

қосымша заттар: маннитол, повидон (PVP K-30), сұйық сорбитол (70% кристалданбаған), натрий сахаринаты, сахароза, 2-пропанол, сукралоза, тазартылған су, сусыз коллоидты кремнийдің қостотығы, жалбыз дәмдеуіш қоспасы/капсулданған жалбыз дәмдеуіш қоспасы (KAL-5541), магний стеараты.

Сипаттамасы

Жағымды дәмімен, шеті қиғашталған теңбілдері бар, ақ түсті, беткейі тегіс, дөңгелек пішінді таблеткалар.

Фармакотерапиялықтобы

Ас қорыту жолы және зат алмасу

Қышқылдығы бұзылуымен байланысты ауруларды емдеуге арналған препараттар. Антацидтер. Алюминий, кальций және магний препараттарының біріктірілімі. Тұздардың қарапайым біріктірілімі.

АТХ кодыA02AD01

Фармакологиялық қасиеттері

Фармакокинетикасы

Магний және алюминий гидроксидтері – жергілікті әсер етуші, жүйелі емес антацидті дәрілер, қалыпты жағдайда пайдаланған кезде сіңуі елеусіз. Носид шайнайтын таблеткалары асқазан-ішек жолынан нашар сіңеді. Бейтараптандыру үдерісінде магний және алюминий иондары елеусіз дәрежеде босап шығады. Ішек арқылы өту кезінде негізінен олар қиын еритін фосфатқа өзгереді және сол күйінде нәжіспен шығарылады. Магний және алюминий иондарының кейбір мөлшері сіңеді, ол қан плазмасындағыалюминий концентрациясының уақытша жоғарылауына және оның бүйрекпен шығарылуын арттыруға әкеледі. Қан плазмасындағы алюминий деңгейі уыттану диапазонынан төмен болып қалады және емдеуді тоқтатқаннан кейін 3-5 күн ішінде қалыпты мәнге оралады. Магнийдің аздаған фракциясы сіңеді. Қан плазмасындағы магний концентрациясы, әдетте, бүйрек арқылы шығатындықтан тұрақты болып қалады. Бүйрек функциясы бұзылған және үлкен дозада ұзақ уақыт қабылдаған жағдайда гипермагниемияның және тіпті магниймен уыттану орын алуы мүмкін; одан басқа, әсіресе, жүйке және сүйек тіндерінде алюминийдің жинақталуы біртіндеп түзілуі мүмкін.

Фармакодинамикасы

Носид асқазан сөліндегі тұз қышқылын бейтараптандыра отырып асқазан мен он екі елі ішектің, өңештің шырышты қабығын қорғайды. Носид шырышты қабыққа зақым беретін факторлардың әсер етуін азайта отырып адсорбциялайтын және бүркемелеуші әсерге ие.

Алюминий гидроксиді мен магний гидроксидін үйлестіру қышқылға қарсы белсенді заттардың әртүрлі реакцияларын пайдаланады.

Магний гидроксиді асқазан ішіндегі рН-тың физиологиялық емес мәндердің (рН 7-8) шегінде тез әрі қысқа мерзімде артуына әкеледі, осы кезеңде алюминий гидроксиді өзін ғана пайдалануы үшін тым әлсіз болып келеді. Қос гидроксиді біріктірілімі жалпы жиынтығы алюминий мен магнийдің жалпы санына тең болатын протондардың ұзақ байланысуына әкеледі. Магний мен алюминийдің гидроксиді түрлі жолдармен ішектің жиыру қабілетіне әсер етеді. Магний гидроксиді іш жүргізетін әсерге ие, ал алюминий гидроксиді ішті қатыруға әкеледі.

Носид рентген сәулесін өткізеді. Бір дозаның жалпы антацидтік қасиеті (рН 1 кезінде титрлену) 14,71 ммоль Н+(Vatier әдісі бойынша).

Қолданылуы

- ересектер мен 15 жастан асқан балаларда қышқылды кекіру мен қыжылда.

Қолдану тәсілі мен дозалары

15 жастан асқан балалар мен ересектер:

Қыжыл және қышқылды кекіру кезінде 1-2 таблеткадан сору немесе шайнау керек.

Күніне ең жоғарғы доза: 6 доза (1 дозаның құрамы 1-2 таблетка; осыған байланысты,6 доза х 1-2 таблетка = күніне 6 - 12 таблетка).

Күніне 12 таблеткадан асырып қабылдауға болмайды.

Жағымсыз әсерлері

Жекелеген жағдайлардан гөрі жиірек кездесетін жағымсыз реакциялар мынадай градацияға сәйкес көрсетілген: өте жиі (≥1/10), жиі (≥1/100 - <1/10 дейін), жиі емес (≥1/1000 - <1/100), сирек (≥1/10000 -<1/1000), өте сирек (<1 /10000).

Сирек:

  • іш қату, нәжіс консистенциясының өзгеруі, жүрек айнуы, құсу, дәм сезінудің өзгеруі
  • аллергиялық реакциялар
  • жоғары дозада жиі қабылдаған кезде асқазан сөлінісінің компенсаторлы гиперсекрециясы
  • препаратты ұзақ уақыт қабылдаған кезде бүйрек жеткіліксіздігі бар науқастарда гипермагниемия және гиперкальциемия
  • бұл препараттың құрамында алюминий бар болғандықтанұзақ уақыт қабылдағаннан кейін немесе препаратты жоғары дозада қабылдағаннан кейін гипофосфатемия

Басқалары:

Қолдануға болмайтын жағдайлар

  • препарат компоненттеріне жоғары сезімталдық
  • бүйрек функциясының айқын бұзылуы

Дәрілермен өзара әрекеттесуі

Қолдану кезіндегі сақтық шараларын талап ететін біріктірілімдер

Бір мезгілде қабылданған дәрілік препараттардың гастроинтестинальді сіңуінің төмендегені байқалған. Сақтық шаралары ретінде антацидтерді және басқа дәрілік заттарды қабылдау аралығын сақтаған жөн. Осы препаратты және мынадай дәрілік заттарды: Н2-антигистаминді дәрілер, туберкулёзге қарсы препараттар: этамбутол, изониазид (пероральді),атенолол, метопролол, пропранолол,хлорохин, циклиндер,дифлунизал, дигоксин, дифосфонаттар,фексофенадин, темір (тұзы), фторхинолондар, фторлы натрий, глюкокортикоидты препараттар (преднизолонмен және дексаметазонмен байланысты сипатталған), индометацин, кейиксалат,кетоконазол,ланзопразол, линкозамидтер, фенотиазинді нейролептиктер, пеницилламин, фосфор (қоспалар), тироксинді қабылдау аралығы 2 сағаттан артық болуын сақтаған жөн.

Ескерілуі керек біріктірілімдер

салицилаттар (несептің сілтіленуінің салдарынан бүйректен салицилаттар шығарылуының күшеюі).

Айрықшанұсқаулар

Науқастар мынадай жағдайда кеңес алу үшін дәрігерге жүгінулері тиіс:

- дене салмағы төмендегенде

- жұтыну қиындағанда және іштегі жайсыздықты тұрақты сезінгенде

- алғаш рет пайда болған ас қорытудың бұзылуы немесе бұрыннан бар ас қорыту бұзылуының өзгерістерінде

- бүйрек жеткіліксіздігінде.

Бұл дәрілік препараттың құрамында сорбитол және сахарозаның бар екенін ескере отырып, фруктозаны көтере алмайтын, глюкоза-галактоза малабсорбция синдромы немесе сахараза-изомальтаза тапшылығы бар науқастарға ұсынылмайды; қант диабеті бар науқастарға абайлап қолдану ұсынылады.

Қолдану кезіндегі сақтық шаралары

Бүйрек жеткіліксіздігі бар немесе созылмалы диализде жүрген науқастар, препараттың құрамында алюминий бар екенін (энцефалопатияның даму қаупін) ескерулері керек.

Егер емдеу кезінде симптомдар 10 күннен астам сақталатын болса немесе жағдайдың нашарлағаны байқалса, ауру этиологиясын тексеружәне емдеуді қайта қарау керек.

Педиатрияда қолдану

15 жасқа дейінгі балаларда магний гидрохлориді мен алюминий гидроксидін қабылдау тәжірибесі жөніндегі жарияланған клиникалық деректер шектеулі.

Жүктілік және лактация кезеңі

Жүктілік кезеңінде препарат тек қажет болған жағдайда ғана қолданылады. Емдеу кезеңінде бала емізуді жалғастыруға болады.

Автокөлікті және техниканы басқару қабілетіне әсер етуі

Әсер етпейді

Артық дозалануы

Симптомдары: препаратты ұзақ уақыт және жоғары дозада қабылдау гиперкальциемияға әкелуі мүмкін, ол препаратты қабылдауды тоқтатқаннан кейін басылады.

Емі: симптаматикалық емдеу (магниймен артық дозаланған кездерегидратация, қарқынды диурез жүргізіледі; бүйрек жеткіліксіздігі жағдайында гемодиализ немесе перитонеальді диализ қажет).

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан. Пішінді 2 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтаушарттары

Құрғақ, жарықтан қорғалған жерде, 25 оС-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Аджио Фармацевтикалз Лтд», Үндістан

H.O.: A-38, Nandjyot Industrial Estate, Kurla - Andheri Road, Safedpool,

Mumbai – 400 072

Тіркеу куәлігі иесінің атауы мен елі

«Аджио Фармацевтикалз Лтд», Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

Аджио Фармацевтикалз Лимитед компаниясының ҚР өкілдігі

050000Алматы қ-сы,

Достық к-сі, 43, 414 кеңсе

телефон: +7 727-339-01-05

regulatory@agio-pharma.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«СonsultAsia» ЖШС

Шевченко к-сі 165 Б

E-mail: registration@consultingasia.kz

pv@consultingasia.kz

Тел/факс: +7727-379-42-58

+77051708825