Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық
(Қосымша парақ)
Саудалық атауы
Овестин®
Халықаралық патенттелмеген атауы
Эстриол сукцинаты
Дәрілік түрі, дозалануы
Қынаптық суппозиторийлер, 0,5 мг
Фармакотерапиялық тобы
Несеп-жыныс жүйесі және жыныс гормондары. Жыныс гормондары және жыныс жүйесінің модуляторлары. Эстрогендер. Табиғи және жартылай синтетикалық эстрогендер. Эстриол.
АТХ коды G03CA04
Қолданылуы
Препарат вульва мен қынап ауруларын емдеу үшін ересек әйелдерде және егде жастағы әйелдерде қолданылады:
- эстрогеннің жеткіліксіздігіне байланысты несеп-жыныс жолының төменгі бөліктерінің атрофиясын емдеу үшін орын басушы гормондық емдеуде (ОБГЕ)
- менопаузадан кейін әйелдерде қынап арқылы хирургиялық араласуларда оларды операцияға дейін және операциядан кейін емдеуде
- атрофиялық өзгерістер аясында жатыр мойнына цитологиялық зерттеу жүргізу нәтижесі айқын емес болғанда (ісік үдерісіне күдіктенгенде) диагностикалық мақсатта
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- белсенді затқа немесе қосымша заттардың біріне жоғары сезімталдық;
- анықталған немесе күдікті сүт безінің обыры немесе анамнездегі сүт безінің обыры;
- анықталған немесе күдікті эстрогенге тәуелді қатерлі ісіктер (мысалы, эндометрий обыры);
- диагностикаланбаған генитальді қан кету;
- емделмеген эндометрий гиперплазиясы;
- веналық идиопатиялық тромбоэмболия, бұрынғы немесе ағымдағы (терең веналар тромбозы, өкпе эмболиясы);
- анықталған тромбофилия аурулары (мысалы, С ақуызының, S ақуызының немесе антитромбиннің тапшылығы;
- тромбоэмболиялық артериялық ауру, дамып жатқан немесе аз уақыт бұрынғы (мысалы, стенокардия, миокард инфаркті);
- жедел бауыр ауруы немесе анамнездегі бауыр ауруы, бауыр функциясына тесттер қалыпқа келмегенше;
- порфирия;
- жүктілік және бала емізу.
Қолдану кезінде қажетті сақтық шаралары
Постменопаузалық симптомдарды емдеу тағайындалғанда, осы симптомдар пациенттің өмір сапасына әсер етсе ғана орын басушы гормондық емдеуді (ОБГЕ) жүргізуге болады. Эстроген негізіндегі кез келген басқа дәрі сияқты, ықтимал қауіп пен пайданы кемінде жылына бір рет мұқият бағалап отыру керек. Пайда қауіпке қарағанда жоғары болса ОБГЕ жалғастыруға болады.
ОБГЕ байланысты қауіптер туралы деректер ерте менопаузаны емдеу уақытында шектеулі. Алайда анағұрлым жас әйелдерде абсолютті қауіптің деңгейі төмен болғандықтан, бұл әйелдер үшін пайда/қауіп арақатынасы үлкен әйелдерге қарағанда жағымдырақ болуы мүмкін.
Клиникалық тексеру/қадағалау
ОБГЕ бастау немесе қайта бастау алдында пациенттің жеке және отбасылық медициналық анамнезі туралы деректер жинау қажет. Пациенттің медициналық анамнезін, сондай-ақ емдеу бойынша қарсы көрсетілімдерді және ерекше ескертулерді ескеріп, толық клиникалық және гинекологиялық тексеріс жүргізу керек (сүт бездерін және кіші жамбас ағзаларын тексерумен). Емдеу барысында қарапайым медициналық тексерістер жүргізу ұсынылады, олардың сипаты мен жиілігі әр әйел үшін жеке-жеке тағайындалады. Әйелдер сүт бездерінің аномалиялар типін білулері тиіс, олар туралы олардың емдеуші дәрігеріне немесе медбикеге хабарлау керек («Сүт безінің обыры» қар.). Осы медициналық тексерістер, оның ішінде маммография қолданыстағы нұсқауларға сәйкес жүргізілуі және әр пациентке таңдалуы ұсынылады.
Қадағалауды талап ететін шарттар
Жүктілік немесе алдыңғы гормондық емдеу кезеңінде келесі аурулардың бірі туындаса, бұрын туындаған болса және/немесе өршісе пациент мұқият қадағалауда болуы тиіс. Келесі аурулар қайтадан туындауы немесе Овестин®, 0,5 мг, қынаптық суппозиторийлер препаратымен емделу уақытында өршуі мүмкін, атап айтқанда: лейомиома (жатыр фибромасы) немесе эндометриоз;
анамнез немесе тромбоэмболиялық қауіп факторларының болуы (төмендегі «Веналық тромбоэмболиялар» бөл.қ.); эстрогенге тәуелді ісіктердің туындау қаупі факторлары, мысалы: сүт безі обыры үшін тұқым қуалаушылықтың 1-дәрежесі; артериялық гипертензия; бауыр қызметінің бұзылуы (мысалы, бауыр аденомасы); диабет, тамыр ауруларымен немесе онсыз;
өт-тас ауруы; бас сақинасы немесе цефалгия (күрделі); жүйелі қызыл жегі (ЖҚЖ); анамнездегі эндометрий гиперплазиясы («Эндометрий гиперплазиясы» бөл.қ.); эпилепсия; демікпе; отосклероз.
Емді дереу тоқтату
Қарсы көрсетілімдер немесе келесі жағдайлар анықталғанда емді дереу тоқтату керек: сарғаю немесе бауыр қызметінің бұзылуы; артериялық қысымның едәуір жоғарылауы; бас сақинасының ерекше типі цефалгия; жүктілік.
Эндометрий гиперплазиясы және карцинома
Егер ұзақ уақыт жүйелі эстроген ғана қабылданса, гистеректомиядан өтпеген әйелдерде эндометрий гиперплазиясы мен карциноманың туындау қаупі ұлғаяды.
Қынапқа қолдануға арналған эстроген негізіндегі дәрілер үшін эстриолдың жүйелі әсері, егер олар аптасына екі рет қолданылса қалыпты постменопаузалық мәндерге жақын. Прогестиногендерді қосу ұсынылмайды.
Ұзақ уақыт (бір жылдан артық) немесе жүйелі түрде қынап ішіне қолданылғанда эстрогендердің эндометрий үшін қауіпсіздігі анықталмаған. Демек, емді қайталағанда оны кемінде жылына бір рет тексеріп отыру керек.
Компенсацияланбаған эстрогендік стимуляция қатерлі қайта туындау сатысында түзілуге немесе эндометрийдің қалдық ошақтарында қатерлі түзілуге әкелуі мүмкін. Демек, эндометриоз нәтижесінде гистеректомиядан өткен әйелдерде, атап айтқанда, егер оларда қалдық эндометриоз анықталса, бұл дәріні абайлап қолданған жөн.
Егер емдеудің белгілі бір кезеңінде қан кету немесе қанды бөліністер туындаса, олардың себебін анықтау қажет, бұл үшін қатерлі эндометрий ауруына жол бермеуге эндометрий биопсиясы керек болуы мүмкін.
Эндометрий стимуляциясы кезінде күндізгі доза 1 қолданудан (0,5 мг эстриол) аспауы тиіс және қолдану 4 аптадан (максимум) артық созылмауы тиіс. Эпидемиологиялық зерттеу эстриолдың оральді қолданылатын аздаған дозаларымен ұзақ емдеу эндометрий обырының туындау қаупін ұлғайтуы мүмкін екенін көрсетті. Бұл қауіптің ұлғаюы негізінен төмен инвазивті және өте алуан түрлі ісіктерге қатысты болды. Эндометрий обырының туындау қаупі эстриолды интравагинальді қабылдаудан кейін байқалмады.
Келесі қауіптер жүйелі ОБГЕ байланысты болды және аз дәрежеде вагинальді қолдануға арналған эстроген негізіндегі дәрілерге қатысты, эстрогеннің жүйелі әсері, егер олар аптасына 2 рет қолданылса қалыпты постменопаузалық мәндер шегінде қалады. Алайда осы дәрілерді ұзақ қолданған немесе қайта емдеген жағдайда қауіптер ескерілуі тиіс.
Сүт безінің обыры
Жалпы деректер негізінде эстрогендермен және прогестиногендермен біріктірілген ем қабылдайтын әйелдерде сүт безі обырының жоғары туындау қаупі (ОБГЕ ұзақтығына байланысты) болжанады, ол сондай-ақ тек эстрогендермен жүйелі ОБГЕ кезінде туындауы мүмкін.
Емдеумен байланысты қауіптің артуы бірнеше жыл пайдаланудан кейін анық көрінеді, бірақ ем аяқталғаннан кейін бірнеше жылдан (максимум 5 жыл) соң төмендейді және қалыпты қауіп деңгейіне қайтады.
ОБГЕ, атап айтқанда біріктірілген эстроген-прогестиногендік ем маммография бейнелерінің тығыздығын ұлғайтады, бұл сүт безі обырының рентгенмен анықталуына әсер етуі мүмкін. Клиникалық зерттеулер маммографиядағы тығыздықты анықтау ықтималдығы басқа эстрогендер қабылдайтын пациенттерге қарағанда эстриол қабылдаған пациенттерде аз болатынын көрсетті.
Овестин® 0,5 мг, қынаптық суппозиторийлерінде осындай қауіп болатыны туралы деректер жоқ. Бірнеше бақылау-оқиға зерттеулерінде эстриол басқа эстрогендерден айырмашылығы сүт безі обырының жоғары туындау қаупімен байланысты емес екені анықталды. Алайда бұл нәтижелердің клиникалық салдарлары әзірге белгісіз. Сүт безі обырының осы туындау қаупі туралы пациентке хабарлау және оны ОБГЕ белгілі басымдықтарымен салыстыруы маңызды.
Аналық без обыры
Аналық без обыры сүт безі обырына қарағанда едәуір сирек туындады.
Маңызды мета-талдау негізіндегі эпидемиологиялық деректер тек эстрогендермен жүйелі ОБГЕ қабылдайтын әйелдерде қауіптің аздап жоғарылауын болжамдайды, ол дәріні пайдалануды бастағаннан кейінгі бес жыл ішінде көрініс табады және ем аяқталғаннан кейін біртіндеп төмендейді.
Веналық тромбоэмболиялар
Веналық тромбоэмболияның (ВТЭ), яғни веналық тромбоздың немесе жүйелі ОБГЕ байланысты болған өкпе эмболиясының туындау қаупі 1,3-3 есе жоғары болған. ВТЭ туындау қаупі пайдаланудың бірінші жылында жоғарылайды.
Тромбофилия жағдайындағы пациенттерде ВТЭ қаупі жоғары, ал ОБГЕ қабылдау бұл қауіпті ұлғайтуы мүмкін. Осылайша, ОБГЕ қабылдау бұл пациенттерге қарсы көрсетілген.
ВТЭ жалпыға белгілі қауіп факторларына эстрогендерді пайдалану, қарттық жас, ауқымды хирургиялық операциялар, қозғалыссыз жағдайда ұзақ жату, семіру (ДСИ>30 кг/м2), жүктілік / босанудан кейінгі кезең, жүйелі қызыл жегі және обыр кіреді. ВТЭ-дағы варикоздық түйіндердің ықтимал рөліне қатысты келісілген деректер жоқ.
Операциядан кейін ВТЭ алдын алу үшін барлық пациенттерге операциядан кейін профилактикалық шаралар қабылдау қажет. Егер жоспарланған операциядан кейін қозғалыссыз жағдайда ұзақ жату керек болса, операция алдында 4 аптадан 6 аптаға дейін ОБГЕ уақытша тоқтата тұру керек. Емді пациенттің қозғалғыштығы толық қалпына келгеннен кейін ғана жалғастыруға болады.
Жеке анамнезінде ВТЭ жоқ, бірақ бірінші линия бойынша жас кезінде тромбозы болған туыстары бар әйелдерге оның шектерін мұқият түсіндергеннен кейін диагностиканы ұсынуға болады (тромбоэмболиялық аномалиялардың бір бөлігі ғана анықталуы мүмкін). Егер отбасы мүшелерінде тромбоздан басқа, тромбофилиялық ақау немесе «күрделі» ақау (мысалы, С ақуызының, S ақуызының, антитромбиннің тапшылығы немесе осы ақаулардың бірігуі) анықталса, ОБГЕ қолануға болмайды.
Антикоагулянттармен созылмалы емнен өтіп қойған әйелдер үшін мұқият емді бастар алдында бақылау-оқиға зерттеуін жүргізу қажет.
Егер ВТЭ ем басталғаннан кейін дамыса, емді дереу тоқтату керек. Пациенттер ықтимал ВТЭ симптомдарын (атап айтқанда, аяқтың ауыртатын ісінуі, көкірек қуысының кенеттен ауыртуы немесе ентігу) байқаса, олар өз дәрігерімен байланысуы тиіс екендігі туралы хабардар болуы тиіс.
Коронарлық артериялар ауруы (МҚЖБ)
Бақыланатын зерттеу деректері гистеректомиядан кейін тек эстрогендермен жүйелі ОБГЕ қабылдайтын әйелдерде коронарлық ауру туындауының ешқандай ұлғаюын көрсетпеді.
Ми қан айналымының ишемиялық бұзылуы
Эстрогендер негізінде ғана жүйелі емдеу ишемиялық бұзылу қаупімен байланысты, ол 1,5 есе ұлғаюы мүмкін. Салыстырмалы қауіп жасқа немесе менопауза басталғаннан кейін кететін кезеңмен байланысты өзгермейді. Алайда ми қан айналымының бастапқы бұзылу қаупі жасқа байланысты болғандықтан, ми қан айналымының жалпы бұзылу қаупі ОБГЕ қабылдайтын әйелдерде жасқа қарай жоғарылайды.
Басқа ескертулер
Эстрогендер сұйықтықтың кідіруін тудыруы мүмкін. Жүрек немесе бүйрек жеткіліксіздігі бар пациенттер қадағалауда болуы тиіс.
Бұрыннан гипертриглицеридемиясы бар әйелдер орын басатын эстрогендік немесе гормональді ем уақытында қадағалауда болуы тиіс, өйткені плазмадағы триглицеридтер деңгейінің едәуір жоғарылауы сирек анықталған, бұл панкреатитке әкелді.
Эстрогендер тироксин байланыстырушы глобулинді (TBG) жоғарылатады, бұл қалқанша бездің жалпы айналымдағы гормондар деңгейінің жоғарылауына әкелді, ол ақуызбен байланысқан йод (PBI) деңгейімен, Т4 деңгейімен (бағана немесе радиоиммунодозалау көмегімен) немесе Т3 деңгейімен (радиоиммунодозалау көмегімен) анықталады. Т3 шайырда сіңірілуі төмен, бұл TBG жоғары деңгейін көрсетеді. Бос Т3 және бос Т4 концентрациясы өзгермейді. Басқа да байланыстырушы ақуыздардың мысалы, кортикоид байланыстырушы глобулиннің (CBG), жыныстық гормондармен байланысты ақуыздың (SHBG) сарысудағы концентрация деңгейі жоғары болуы мүмкін, бұл айналымдағы кортикостероидтар деңгейінің және жыныстық стероидтар деңгейінің жоғарылауына әкеледі. Бос белсенді гормондардың концентрациясы өзгермейді. Плазма ақуыздарының (ангиотенсин, альфа-1-антитрипсин, церулоплазмин) басқа деңгейлері жоғарылауы мүмкін.
ОБГЕ қолдану саналық функцияны жақсартпайды. Тек эстрогендермен үзідіксіз біріктірілген ОБГЕ қабылдауды бастаған, 65 жастан асқан әйелдерде деменция қаупінің жоғарылауына қатысты деректер бар.
Эстриол қолдану ФСГ және ЛГ аздап төмендеуіне әкеледі. Эстриолдың басқа зертханалық эндокриндік тест нәтижелеріне әсері белгісіз.
Гидратты омбитасвир/дазабувирмен немесе онсыз гидратты пари-тапревир/ритонавир біріктірілген емдік сызбасы бойынша жүргізілген клиникалық зерттеулер уақытында АЛАТ деңгейінің жоғары қалып шегінен бес еседен артық жоғарылауы құрамында этинилэстрадиол бар дәрілік заттарды қабылдаған әйелдерде едәуір жиі болды. Екінші жағынан, этинилэстрадиол емес (мысалы, эстрадиол, эстриол немесе біріккен эстрогендер), эстрогеннің басқа формаларын қабылдаған әйелдерде АЛАТ деңгейінің ешқандай эстрогендер қабылдамағандармен салыстырмалы жоғарылауы болды. Алайда, эстрогендердің басқа осы формаларын қабылдайтын адамдардың шектеулі санын ескеріп, оларды гидратты омбитасвир/дазабувирмен немесе онсыз гидратты паритапревир/ритонавир біріктірілген емдік сызбасымен бірге қабылдағанда абайлау керек.
Сүт бездерінің ұзақ кернеуі немесе цервикальді шырыштың шамадан тыс бөлінуі артық дозаланудың белгілері болып табылады.
Басқа дәрілік препараттармен өзара әрекеттесуі
Қынап ішіне қолдану және минималды жүйелі сіңірілуі салдарынан дәрілік заттардың Овестин®, 0,5 мг, қынаптық суппозиторийлер препаратымен клиникалық өзара әрекеттесуі екіталай. Алайда қынап ішіне қолданылатын басқа жергілікті терапиялармен ықтимал өзара әрекеттесуін ескеру керек.
Біріктірілген оральді контрацептивтермен келесі өзара әрекеттесу сипатталған және Овестин®, 0,5 мг, қынаптық суппозиторийлер препараты үшін ұзақ болуы мүмкін.
Эстрогендер (және прогестиногендер) метаболизмі ферментативтік индукторлармен, атап айтқанда Р450 цитохром энзимдермен, оның ішінде құрысуға қарсы препараттармен (мысалы, фенобарбитал, фенитоин, карбамазепин) және антибиотиктермен (мысалы, рифампицин, рифабутин, невирапин және эфавиренз) біріктіріп қолданғанда күшеюі мүмкін.
Ритонавир және нелфинавир, күшті ферментативті тежегіштер ретінде белгілі болғанмен стероидты гормондармен біріктіріп қолданғанда индукциялаушы қасиеттер көрсетеді.
Шайқурай (Hypericum Perforatum) негізіндегі өсімдік препараттары эстрогендер метаболизмін индукциялауы мүмкін.
Эстрогендер мен прогестиногендер метаболизмінің клиникалық тұрғыдан күшеюі препарат тиімділігінің азаюына және жатырдан қан кету сипатының өзгеруіне әкелуі мүмкін.
Қынапқа енгізілгеннен кейін бауырға алғашқы өту әсері болмайды, осылайша эстрогенді осы жолмен енгізу оральді қолдануға қарағанда ферментативтік индукторлардың төмен әсер етуіне ұшырайды. Гидратты омби-тасвир/ дазабувирмен немесе онсыз гидратты паритапревир/ритонавир біріктірілген емдік сызбасы бойынша жүргізілген клиникалық зерттеулер уақытында АЛАТ деңгейінің жоғары қалып шегінен бес еседен артық жоғарылауы құрамында этинилэстрадиол бар дәрілік заттарды қабылдайтын әйелдерде едәуір жиі болды. Екінші жағынан, этинилэстрадиол емес (мысалы, эстрадиол, эстриол немесе біріккен эстрогендер), эстрогеннің басқа формаларын қабылдаған әйелдерде АЛАТ деңгейінің ешқандай эстрогендер қабылдамағандармен салыстырмалы жоғарылауы болды. Алайда, эстрогендердің басқа осы формаларын қабылдайтын адамдардың шектеулі санын ескеріп, оларды гидратты омбитасвир/дазабувирмен немесе онсыз гидратты паритапревир/ритонавир біріктірілген емдік сызбасымен бірге қабылдағанда абайлау керек.
Келесі біріктірілім ұсынылмайды
Спермицидтер. Жергілікті қынаптық ем спермицидпен жергілікті контрацепцияның белсенділігін жоюы мүмкін деген ықтималдық бар.
Арнайы ескертулер
Жүктілік немесе лактация уақытында
Овестин® препаратын жүктілік уақытында қабылдауға болмайды. Егер Овестин®, 0,5 мг, қынаптық суппозиторийлер препаратымен емделу уақытында жүкті болса, емді дереу тоқтату керек.
Жүктілік уақытында кездейсоқ қабылдап қойса, қандай да бір басқа шараларды қолданбастан тоқтату керек.
Лактация
Овестин®, 0,5 мг, қынаптық суппозиторийлері емшек емізу кезеңінде қарсы көрсетілген.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Овестин® препараты көлік құралын басқару және механизмдермен жұмыс істеу қабілетіне әсер етпейді.
Қолдану жөніндегі нұсқаулар
Дозаны жағдайдың жақсаруына байланысты өзгерту керек.
Демеуші емнің қажет болуы мүмкін.
Енгізу жолы және тәсілі
Қынап ішіне
Артық дозалану жағдайында қабылдануы қажеті шаралар
Дәрілік препараттың бір немесе бірнеше дозасын жіберіп алғанда қажетті шаралар
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
ОБГЕ бастау немесе қайта бастау алдында пациенттің жеке және отбасылық медициналық анамнезі туралы деректер жинау қажет. Пациенттің медициналық анамнезін, сондай-ақ емдеу бойынша қарсы көрсетілімдерді және ерекше ескертулерді ескеріп, толық клиникалық және гинекологиялық тексеріс жүргізу керек (сүт бездерін және кіші жамбас ағзаларын тексерумен). Емдеу барысында қарапайым медициналық тексерістер жүргізу ұсынылады, олардың сипаты мен жиілігі әр әйел үшін жеке-жеке тағайындалады. Әйелдер сүт бездерінің аномалиялар типін білулері тиіс, олар туралы олардың емдеуші дәрігеріне немесе медбикеге хабарлау керек («Сүт безінің обыры» қар.). Осы медициналық тексерістер, оның ішінде маммография қолданыстағы нұсқауларға сәйкес жүргізілуі және әр пациентке таңдалуы ұсынылады.
Жиі емес
- су іркілуі
- сұйықтық іркілуі
- жүрек айнуы
- сүт бездерінің сезімталдығы
- сүт бездері маңындағы жайсыздық немесе ауыру
- постменопаузалық қан кету
- жатыр мойнынан бөліністер
- жергілікті тітіркену және қышыну
Белгісіз (қолда бар деректер негізінде бағалау мүмкін емес)
- жалған тұмау симптомдары
- сүт безі обырының даму қаупі
- аналық без обырының даму қаупі
- эндометрий обырының даму қаупі
- веналық тромбоэмболияның даму қаупі
- миокард инфарктісі және ми қан айналымының бұзылуы
- өт қабы жұмысының бұзылуы
- тері және тері асты қабаттарының ауруы: хлоазма, экссудативті полиморфтық эритема, түйіндік эритема, тамырлық пурпура
- ықтимал деменция
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz
Қосымша мәліметтер
белсенді зат – Эстриол, 0,5 мг
қосымша зат – Витепсол S-58*
* S-58 витепсол құрамы:
Қаныққан май қышқылдарының моноглицеридтер, диглицеридтер триглицериддер қоспасы.
Сыртқы түрінің, иісінің, дәмінің сипаттамасы
Торпедо түріндегі ақ түсті суппозиторийлер. Суппозиторийлердің беткейі мен ұзынша кесіндісі тегіс
5 суппозиторийден пішінді ұяшықты қаптамаға салынған.
3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
2 °С-ден 25 °С-ге дейінгі температурадажарықтан және ылғалдан қорғалған жерде сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
Юнитер Индастрис, Франция
Тіркеу куәлігінің ұстаушысы
Аспен Фарма Трейдинг Лимитед, Ирландия
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Adalan» ЖШС
050057 Алматы қ-сы, Тимирязев к-сі 42, 23 пав. 202 кеңсе
Тел. + 727 269 54 59; e-mail: reg@adalan.kz
