Біздің компаниямыз жайлы жалпы ақпарат.
Дәрілік затты медициналық қолдану жөніндегінұсқаулық
Пантоспей
Саудалық атауы
Пантоспей
Халықаралық патенттелмеген атауы
Пантопразол
Дәрілік түрі
Көктамыр ішіне енгізу үшін ерітінді дайындауға арналған лиофилизацияланған ұнтақ, 40 мг
Құрамы
Бір құтының ішінде
белсенді зат - 45.10мг натрий пантопразолы сесквигидраты
(40.0 мг пантопразолға баламалы)
қосымша заттар: динатрий эдетаты
Сипаттамасы
Ақ немесе ақ дерлік түсті лиофилизацияланған біртекті кеуекті масса.
Фармакотерапиялық тобы
Қышқылдығы бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагеальді рефлюксті емдеуге арналған препараттар. Протонды сорғы тежегіштері. Пантопразол
АТХ коды А02BC02
Фармакологиялық қасиеттері
Фармакокинетикасы
Көктамыр ішіне бір рет немесе қайталап енгізуден кейін фармакокинетикасы өзгермейді.
Қан плазмасындағы пантопразол кинетикасы 10 мг-ден 80 мг дейінгі дозалар диапазонында ішу арқылы қабылдаудан кейін де, көктамыр ішіне енгізуден кейін де дозаға байланысты күйде қалады.
Таралуы
Пантопразолдың қан плазмасы ақуыздарымен байланысуы шамамен 98 % құрайды. Таралу көлемі - 0.15 л/кг жуық.
Биотрансформациясы
Пантопразол бауырда толық дерлік метаболизденеді. Негізгі метаболизм жолы - сульфатпен конъюгациялануға ұласатын CYP2C19 көмегімен деметилдену; басқа метаболизм жолдары CYP3A4 тотығуын қамтиды. Элиминациясы
Соңғы жартылай шығарылу кезеңі шамамен 1 сағат, ал клиренсі 0,1 л/сағат/кг құрайды. Пациенттерде шығарылуы кідірген бірнеше жағдайлар анықталған.
Метаболиттері негізінен бүйрекпен (80 % дейін несеппен) және 20 % нәжіспен бөлініп шығады. Қан плазмасында да, несепте де негізгі метаболиті сульфатпен байланысатын десметилпантопразол болып табылады. Негізгі метаболиттің жартылай шығарылу кезеңі пантопразолдан ұзағырақ (шамамен 1.5 сағат).
Арнаулы топтардағы фармакокинетикасы
Оларға CYP2C19 ферментінің функционалдық жеткіліксіздігі барпациенттер жатады (олар Еуропа тұрғындарының 3 % шамасын құрайды, бұлар - «баяу метаболизаторлар» деп аталатындар), оларда пантопразол метаболизмі негізінен CYP3A4 көмегімен катализденеді. Пантопразолдың бір реттік 40 мг дозасын пайдаланудан кейін қан плазмасындағы «концентрация/уақыт» қисығы астындағы ауданының орташа мәні функционалдық белсенді CYP2C19 ферменті бар пациенттермен (метаболизмі жылдам тұлғалар) салыстырғанда, метаболизмі баяу пациенттерде шамамен 6 есе жоғары болды. Бұл нәтижелер пантопразолдың дозалануына ықпал етпейді.
Бүйрек функциясы бұзылған пациенттер (гемодиализде жүрген пациенттерді қоса) пантопразол дозасын азайтуды қажет етпейді. Сондай-ақ дені сау субъектілердегі сияқты, препараттың жартылай шығарылу кезеңі қысқа. Пантопразолдың мардымсыз мөлшері диализденеді. Негізгі метаболитінің жартылай шығарылу кезеңі біршама ұзарады (2-3 сағат), ол тез шығарылады, осылайша, организмде жинақталмайды.
Бауыр циррозы бар пациенттерде (А және В класы) пантопразолдың жартылай шығарылу кезеңі 7-9 сағатқа дейін ұзарады, тиісінше, AUC 5-7 есе ұлғаяды, қан плазмасындағы пантопразол концентрациясы, бауыры сау пациенттердегі осындаймен салыстырғанда, 1,5 есе артады.
Егде жастағы пациенттерде, жас пациенттердегі сәйкесті деректермен салыстырғанда, аздап AUC ұлғаюы мен ең жоғары концентрациясының артуы білінді, бұл клиникалық мәнді емес.
Фармакодинамикасы
Пантоспей асқазандағы тұз қышқылының базальді және стимуляцияланған секрециясын бәсеңдететін орын басқан бензимидазол болып табылады.
Пантопразол париетальді жасушалардың H+/ K+ - АТФаза ферменті белсенділігін бәсеңдететін белсенді түрге айналады және асқазанда тұз қышқылы өндірілуінің қорытынды сатысын бөгейді. Тұз қышқылы секрециясының тежелуі препарат дозасына байланысты. Пациенттердің көпшілігінде симптомдарының жеңілдеуіне 2 апта ішінде қол жеткізіледі. Протонды помпаның басқа да тежегіштерімен және H2 рецепторы тежегіштерімен емдеудегі сияқты, пантопразолмен емдеу асқазандағы қышқылдылықты төмендетеді және, сол арқылы гастрин деңгейін қышқылдылықтың төмендеуіне пропорционал арттырады. Гастрин деңгейінің жоғарылауы – бұл қайтымды үдеріс. Пантопразол жасушалық рецептор деңгейіне қатысты шеткері ферментпен байланысатындықтан, ол тұз қышқылының секрециясын басқа заттармен (ацетилхолин, гистамин, гастрин) стимуляциялануына байланыссыз тежейді. Бұл әсер препаратты пероральді немесе көктамыр ішіне енгізу жолына тәуелді емес.
Helicobacter pylori-мен астасқан асқазан мен он екі елі ішектің ойық жарасында тұз қышқылы секрециясының төмендеуі микроорганизмдердіңантибиотиктерге сезімталдығын арттырады.
Көктамыр ішіне 80 мг пантопразол енгізуден кейін секрецияға қарсы белсенділігі ең жоғары деңгейіне 1 сағат ішінде жетеді және 24 сағат сақталады.
Аш қарындағы гастрин мәндері пантопразолды қабылдаған кезде артады. Қысқа мерзімде қолданғанда, көп жағдайларда гастрин деңгейі жоғарғы қалып шегінен аспайды. Ұзақ уақыт емделу кезінде, көпшілік жағдайларда гастрин деңгейі екі еселенеді. Шамадан тыс артуы тек бірен-саран жағдаларда ғана орын алады. Нәтижесінде, ұзақ уақыт емдегенде сирек жағдайларда, асқазандағы спецификалық эндокриндік жасушалар санының жеңілден орташаға дейін артуы (қарапайымнан аденоматоидты гиперплазияға дейін) байқалады.
Қолданылуы
- гастроэзофагеальді рефлюкс ауруы (ГЭРА)
- асқазанның және он екі елі ішектің ойық жаралы ауруы
- Золлингер-Эллисон синдромы және асқазанның патологиялық гиперсекрециясымен көрініс беретін басқа жай-күйлер
Қолдану тәсілі және дозалары
Препарат ересектерде дәрігердің тағайындауы бойынша қолданылуы тиіс.
Пантоспей көктамыр ішіне енгізуге арналған лиофилизацияланған ұнтақ препаратын пантопразолдың ішу арқылы түрімен емделу әсері болмаса ғана көктамыр ішіне енгізу ұсынылады. Ішу арқылы емге ауысу (40 мг пантопразол таблеткаларын қабылдау) мүмкіндігі туған бойда Пантоспей препаратын көктамыр ішіне енгізуді тоқтату керек.
Асқазанның және он екі елі ішектің ойық жаралы ауруы, ГЭРА
Ұсынылатын доза – Пантоспей көктамыр ішіне енгізу үшін ерітінді дайындауға арналған лиофилизацияланған ұнтақ препаратының бір құтысы, «Ерітіндіні дайындау тәсілі» бөлімінде көрсетілгендей, тиісті ерітіндіні әзірлеуден кейін көктамыр ішіне тәулігіне 40 мг (сорғалатып немесе тамшылатып енгізуге арналған).
Золлингер-Эллисон синдромы және басқа патологиялық гиперсекрециясы жағдайлары
Золлингер-Эллисон синдромы мен басқа патологиялық гиперсекреция жай-күйлері бар пациенттерді ұзақ уақыт емдеуден кейін Пантоспей препаратын80 мг дозада(көктамыр ішіне енгізу үшін ерітінді дайындауға арналған лиофилизацияланған ұнтақтың тәулігіне 2 рет 40 мг 1 құтысы) енгізу ұсынылған. Әріқарай дозаны, қажеттілік бойынша, арттыруға немесе азайтуға болады (клиникалық тиімділігіне қарай).
Егер қышқылдылығын тез төмендету қажет болса, Пантоспей препараты 160 мг бастапқы дозасында (40 мг-ден 4 құты) көктамыр ішіне енгізіледі, бұл көптеген пациенттерде бір сағат ішіндегі диапазонда (<10 мЭкв/сағ.) тұз секрециясын азайтуға жеткілікті.
Бауыр жеткіліксіздігі:
Бауырдың ауыр жеткіліксіздігі бар пациенттерде Пантоспей препаратын 20 мг тәуліктік дозасынан асыруға болмайды (40 мг Пантоспей көктамыр ішіне енгізу үшін ерітінді дайындауға арналған лиофилизацияланған ұнтақ препараты құтысының жартысы).
Бүйрек жеткіліксіздігі
Бүйрек функциясы бұзылған пациенттерде дозасын түзету қажет емес.
Егде жастағы пациенттер:
Егде жастағы пациенттерге дозасын түзету қажет емес.
Балалар:
Балаларға қолдану тәжірибесі шектеулі болғандықтан, Пантоспей вена ішіне енгізу үшін ерітінді дайындауға арналған лиофилизацияланған ұнтақ препараты балалар мен 18 жасқа дейінгі жасөспірімдерге тағайындалмайды.
Ерітінді дайындау тәсілі
Көктамырішілік инъекцияға арналған ерітінді дайындау үшін құтыдағы құрғақ затқа натрий хлоридінің (0.9 %) 10 мл физиологиялық ерітіндісін қосады. Әзірлеген соң дайын ерітіндіні көктамыр ішіне/сорғалатып немесе көктамыр ішіне/тамшылатып (натрий хлоридінің (0.9 %) 100 млфизиологиялық ерітіндісін немесе 5 % глюкоза ерітіндісін қосымша ерітуден кейін) енгізуге болады. Дайындалған ерітінді әзірленген соң 12 сағат ішінде пайдаланылуы тиіс. Көктамыр ішіне 2-15 минут ішінде енгізілу керек.
Жағымсыз әсерлері
Жағымсыз әсерлерінің кездесу жиілігіне қарай бөлінуі: өте жиі (³ 1/10); жиі (³ 1/00-ден < 1/10 дейін); жиі емес (³ 1/1000-нан < 1/100 дейін); сирек (³ 1/10000-нан < 1/1000 дейін); өте сирек (< 1/10000); жиілігі белгісіз (қолда бар деректердің негізінде оны бағалау мүмкін емес).
Жиі:
–инъекция енгізілген жердегі тромбофлебит
Жиі емес:
Сирек:
-агранулоцитоз
-гиперлипидемия, триглицеридтер деңгейінің, холестериннің жоғарылауы
-билирубин мөлшерінің артуы
-салмақ өзгерісі, дәм сезудің бұзылуы
-депрессия (оның ушығуы)
-көрудің нашарлауы / анық көрмеу
-есекжем, ангионевроздық ісіну
-артралгия,миалгия
-гинекомастия
-дене температурасының көтерілуі, шеткері ісінулер
Өте сирек:
-тромбоцитопения, лейкопения, панцитопения
-бағдарсыздық (оның нашарлауы)
Жиілігі белгісіз:
-Стивенс-Джонсон синдромы, Лайелл синдромы, экссудаттық көп пішінді эритема, жарыққа сезімталдық, жүйелі қызыл жегінің терідегі жеделге жуық түрі
-интерстициальді нефрит (бүйрек жеткіліксіздігінің ықтимал асқынуымен)
-бұлшықеттің түйілуі (электролит теңгерімінің бұзылуы салдарынан)
Қолдануға болмайтын жағдайлар
- белсенді затқа, басқа орын басқан бензимидазолдарға, қосымша заттарының кез келгеніне жоғары сезімталдық
- атазанавирмен бір мезгілде қолдану
- балалар мен 18 жасқа дейінгі жасөспірімдерге
Дәрілермен өзара әрекеттесуі
Сіңірілу фармакокинетикасы рН тәуелді дәрілік препараттар:
Қышқыл секрециясының терең және ұзақ уақыт бәсеңдеуінен, 40 мг Пантоспей, көктамыр ішіне енгізу үшін ерітінді дайындауға арналған лиофилизацияланған ұнтақ препараты, сіңірілуі асқазан рН-на тәуелді препараттардың, мысалы, азолдар тобының зеңге қарсы препараттарының (кетоконазол, итраконазол, позаконазол) және эрлотинибтің сіңірілуін азайтуы мүмкін.
АИТВ протеазасы тежегіштері
Пантопразолды сіңірілуі асқазанішілік қышқылрН-қа тәуелді АИТВ протеазасы тежегіштерімен бірге енгізу ұсынылмайды. Пантопразол мен атазанавирді бір мезгілде қолдану соңғысының биожетімділігін едәуір азайтып, сол арқылы, оның тиімділігін төмендетеді.
Егер АИТВ протеазасы тежегіштерінің протонды сорғы тежегішімен біріктірілімі аса қажет болса, мұқият клиникалық мониторинг (мысалы, вирустық жүктеме) жүргізу ұсынылады. Пантопразолдың дозасы күніне 20 мг асырылмауы тиіс. АИТВ протеазасы тежегішінің дозасын реттеу қажет болуы мүмкін.
Кумариндік антикоагулянттар (фенпрокумон немесе варфарин)
Пантопразолды варфаринмен немесефенпрокоумонмен бір мезгілде енгізу варфариннің, фенпрокоумонның фармакокинетикасына немесе халықаралық қалыптастырылған қатынасқа (ХҚҚ) әсер етпейді. Әйтсе де, ППТ варфаринмен немесе фенпрокоумонмен бірге қабылдаған пациенттерде ХҚҚ мен артуы мен протромбиндік уақыттың ұзарғаны туралы хабарламалар болған. ХҚҚ артуы мен протромбиндік уақыттың ұзаруы аномальді қан құйылуға және тіпті өлімге әкеп соқтыруы мүмкін. Пантопразол мен варфаринді немесе фенпрокоумонды қабылдаған пациенттер ХҚҚ артуы мен протромбиндік уақыттың ұзаруына байланысты, медициналық қадағалауда болуы тиіс.
Метотрексат
Кейбір метотрексаттарды жоғары дозасында (мысалы, 300 мг) және протонды сорғы тежегіштерін пайдалану кейбір пациенттерде метотрексат деңгейін арттыратындығы хабарланды. Сондықтан, метотрексаттың жоғары дозалары пайдаланылатын жағдайларда, мысалы обыр мен псориазда, пантопразолмен емдеуді уақытша тоқтату қажет болуы мүмкін.
Басқа өзара әрекеттесулерін зерттеулер
Пантопразолдың бейтарап рН тұсындағы химиялық тұрақтылығы жоғары және Р 450 цитохромы жүйесімен өзара әрекеттесу мүмкіндігі төмен, сондықтан Пантоспей лиофилизацияланған ұнтақ препаратының Р 450 цитохромы жүйесімен метаболизденетін басқа препараттармен өзара әрекеттесуінен туындайтын жағымсыз реакциялар қаупін тым аз деп санауға болады.
Пантопразол бауырда Р450 цитохромы ферменттік жүйесі арқылы метаболизденеді. Метаболизмінің негізгі жолы CYP2C19 көмегімен деметилдену болып табылады және метаболизмінің басқа жолдарына CYP3A4 тотығуы кіреді.
Осы жолмен метаболизденетін карбамазепин, диазепам, глибенкламид, нифедипин және құрамында левоноргестрел мен этинилэстрадиол бар оральді контрацептивтер сияқты дәрілермен өзара әрекеттесуін зерттеулерден клиникалық маңызды өзара әрекеттесулері анықталған жоқ.
Өзара әрекеттесулеріне жүргізілген бірқатар зерттеулердің нәтижелері, пантопразолдың CYP1A2 (кофеин, теофиллин сияқты), CYP2C9 (пироксикам, диклофенак, напроксен сияқты), CYP2D6 (метопролол сияқты), CYP2E1 (этанол сияқты) арқылы метаболизденетін белсенді заттардың метаболизміне әсер етпейтіндігін немесе дигоксиннің р-гликопротеинмен байланысқан сіңірілуіне кедергі келтірмейтіндігін көрсетеді.
Бір мезгілде қабылданатын антацидтермен өзара әрекеттесулері болмаған.
Өзара әрекеттесулерін зерттеулер пантопразолды сәйкесінше антибиотиктермен (кларитромицин, метронидазол, амоксициллин) енгізгенде де жүргізілген. Ешқандай клиникалық маңызды өзара әрекеттесулері анықталған жоқ.
CYP2C19 ферментін индукциялайтын препараттар:
Флувоксамин сияқты CYP2C19 ферментінің тежегіштері, пантопразолдың жүйелі әсерін арттыруы мүмкін. Ұзақ уақыт бойы пантопразолдың жоғары дозаларымен емделіп жүрген пациентер үшін немесе бауыр функциясының бұзылуы бар пациенттерде дозасын азайтуды қарастыру керек.
CYP2C19 және CYP3A4 ферменттерін индукциялайтын рифампицин және шайқурай (шілтер жапырақты шайқурай) сияқты препараттар, осы ферменттік жүйелердің көмегімен метаболизденетін ПСТ плазмадағы концентрациясының төмендеуіне алып келуі мүмкін.
Айрықша нұсқаулар
Бауыр жеткіліксіздігі:
Бауырдың ауыр жеткіліксіздігі бар пациенттерде, әсіресе, ұзақ уақыт Пантоспей препаратымен емделу кезінде бауыр ферменттерінің деңгейін жүйелі түрде қадағалау қажет. Бауыр ферменттерінің деңгейі жоғарылаған жағдайда, Пантоспей препаратын көктамыр ішіне енгізуді тоқтату керек.
Асқазан-ішектің жаңа түзілімдері:
Емдеуді бастар алдында жаңа түзілімнің бар-жоғын анықтау керек, өйткені Пантоспей препаратын қолдану симптоматикасын білдірмей, дұрыс диагноз қоюды кешіктіруі мүмкін.
Пациентке мына жағдайларда дәрігердің кеңесі қажет:
- ауру симптомдары 2 апта бойы сақталғанда
- салмақтың қатты кемуінде (көзделмеген), анемия, асқазан-ішектен қан кету, дисфагия, қайталанатын құсу, қан аралас құсуда (ондай жағдайларда жаңа түзілімді жоққа шығару талап етіледі)
- асқазанның ойық жарасы болғанда, асқазанға жасалатын хирургиялық операцияда (анамнезінде)
- ас қорыту бұзылыстарында, 4 аптадан асатын қыжылда
- бауыр жеткіліксіздігінде, бауыр ауруларында, сарғаюда
- пациенттің жалпы жай-күйінен көрініс беретін басқа күрделі ауруда
- пациент 55 жастан асқанда, симптоматика өзгергенде немесе жаңа симптомдар білінгенде.
Ас қорытудың бұзылу симптомдарының қайталануы, ұзақ уақытқа созылған қыжылы бар пациенттерге дәрігердің жүйелі қадағалауы талап етіледі.
Золлингер-Эллисон синдромы
Ұзақ уақыт емдеуді талап ететін Золлингер-Эллисон синдромы және басқа патологиялық гиперсекрециялық жай-күйлері бар пациенттерде Пантоспей препараты, қышқылдылық деңгейін төмендететін басқа препараттар сияқты, гипо- немесе ахлоргидрия салдарынан В12 дәруменінің (цианокобаламин) сіңуін төмендетуі мүмкін. Оны В12 дәрумені сіңірілуінің қауіп факторлары бар пациенттерді емдегенде және тиісті клиникалық симптомдары бар пациенттерде ескеру қажет.
АИТВ протеазасы тежегіштерімен бірге енгізу
Пантопразолды сіңірілуін асқазанішілік қышқыл рН-қа тәуелді АИТВ-протеазасы тежегіштерімен бірге енгізу ұсынылмайды. Биожетімділіктерінің төмендейтіндігіне байланысты, атазанавирді протонды помпа тежегіштерімен бір мезгілде қабылдау ұсынылмайды. Егер атазанавирдің протонды помпа тежегішерімен біріктірілуі қажет болса, атазанавирдің дозасын 400 мг дейін\ритонавирдің дозасын 100 мг дейін арттырумен бір мезгілде клиникалық бақылау (мысалы, вирустық жүктеме) жүргізу ұсынылады. Бұл жағдайда пантопразолдың дозасы күніне 20 мг аспауы тиіс.
Бактериялардан туындаған асқазан-ішек инфекциялары
рН деңгейі төмендеген кезде, асқазан-ішек жолында болатын шартты-патогенді бактериялардың белсенділігі мен концентрациясы артады. Қышқылдылықты төмендететін препараттармен емдеу Salmonella, Campylobacter сияқты патологиялық микроорганизмдер туғызған асқазан-ішек ауруларының даму қаупінің жоғарылауына алып келеді.
Гипомагниемия
Гипомагниемияның ауыр түрі кемінде үш ай бойы (ал көпшілік жағдайларда – бір жыл бойы) пантопразол алған пациенттерде сипатталған. Қажу, құрысулар, делирий, бас айналу және қарыншалық аритмия сияқты гипомагниемияның күрделі көріністерін байқауға болады. Олар білінбей басталуы мүмкін және дер мезгілінде анықталмауы да мүмкін. Көптеген пациенттерде жағдай магний тапшылығын толықтырудан және пантопразол қолдануды тоқтатудан кейін жақсарған. Пантоспей препаратымен емдеу ұзақ уақыт жүргізілетін пациенттерде, сондай-ақ дигоксинмен немесе гипомагниемияны тудыруы мүмкін препараттармен (мысалы, диуретиктермен) бір мезгілде қолданғанда магний деңгейін жүйелі: Пантоспей препаратымен емдеу басталғанша және емделу барысында мезгіл-мезгіл өлшеу керек.
Сүйектердің сынуы
Протонды помпа тежегіштері ортан жілік мойнының, білезіктің немесе омыртқа бағаны сынуының даму қаупін орташа арттыруы мүмкін (көбінесе егде жастағы пациенттерде немесе басқа қауіп факторлары болғанда, мысалы, жоғары дозалар қолданылғанда немесе препаратты ұзақ уақыт бойы - 1 жылдан аса қолданғанда). Остеопороз дамитын қауіп тобына кіретін пациенттер қолданыстағы клиникалық ұсынымдарға сәйкес ем қабылдауы тиіс; бұдан бөлек, олар D дәрумені мен кальцийді жеткілікті мөлшерде қабылдауы тиіс.
Препараттың құрамында 1 ммоль-ден аз натрий (ампулада 23 мг) бар, яғни аталған препарат «натрийсіз» дерлік.
Жеделге жуық жүйелі қызыл жегі (ЖҚЖ)
Протонды помпа тежегіштерін қолдану өте сирек жағдайларда жүйелі қызыл жегінің (ЖҚЖ) терідегі жеделге жуық түрінің дамуымен байланыстырылады. Бұл өзгерістер терінің ашық бөліктеріне күн сәулесінің әсер етуінен жиірек болады, егер де олар буындардың ауыруымен қатар жүрсе, пациент препаратты тоқтату қажеттілігі мәселесін шешу үшін емдеуші дәрігерге дер мезгілінде қаралуы тиіс. Анамнезінде осындай реакциялар бар пациенттерде протонды помпаның басқа тежегіштерін қолдану кезінде ЖҚЖ даму қаупі жоғары.
Зертханалық сынақтарға ықпалы
Хромогранин A (CgA) деңгейінің жоғарылығы нейроэндокринді ісіктерді зерттеулерге әсер етуі мүмкін. Мұндай ықпалын болдырмау үшін, 40 мг Пантопразол, инъекцияға арналған ұнтағын CgA өлшеулердің алдында кемінде 5 күн бойы тоқтату керек. Егер CgA мен гастрин деңгейлері бастапқы өлшеуден кейін бақылау ауқымына қайта келмесе, өлшеулерді протонды сорғы тежегішімен емдеуді тоқтатқаннан кейін 14 күннен соң қайталау керек.
Педиатрияда қолданылуы
Балалар мен 18 жасқа дейінгі жасөспірімдерде 40 мг Пантоспей, көктамыр ішіне енгізу үшін ерітінді дайындауға арналған лиофилизацияланған ұнтақ препаратын қолдану жөніндегі деректер жоқ.
Жүктілік және лактация
Жүктілік кезінде және лактация кезеңінде Пантоспей препараты қолданылмауы тиіс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Бас айналу және көрудің нашарлауы сияқты жағымсыз әсерлерінің даму ықтималдығына орай, препаратпен емделу кезеңінде көлік құралын басқарудан және аса қауіпті механизмдермен жұмыс жүргізуден бас тарту керек.
Артық дозалануы
Симптомдары: белгісіз.
Емі: симптоматикалық, демеуші ем. Препарат гемодиализ кезінде толық шығарылмайды.
Шығарылу түрі және қаптамасы
Түссіз шыны құтыларға 40 мг препараттан салынған. Құтылар лиофилизацияланған препараттарға арналған хлорбутил тығынмен және «flip off» типті алюминий қақпақпен тығындалады.
1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.
Сақтау шарттары
30 ° C-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Сақтау мерзімі
2 жыл
Дайындалған ерітіндіні сақтау мерзімі 2 ºС-ден 8 ºС дейінгі температурада 12 сағаттан аспайды. Жарамдылық мерзімі өткеннен кейін пайдалануға болмайды.
Өндіруші
Laboratorios Normon S.A., Мадрид, Испания
Қаптаушы
Laboratorios Normon S.A., Мадрид, Испания
Тіркеу куәлігінің иесі
Spey Medical Ltd., Лондон, Ұлыбритания
Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:
«Cepheus Medical» ЖШС (Цефей Медикал): 050000, Қазақстан Республикасы, Алматы қ., Панфилов к-сі 98, «OLD SQUARE» БО, 807 кеңсе, телефон: +7 (727) 300 69 71, +7 777 175 00 99 (тәулік бойы), электронды поштасы: cepheusmedical@gmail.com
