Папазол № 6 табл

Сипаттама

Дәрілік затты медициналық қолдану жөніндегі нұсқаулық

Папазол

Саудалық атауы

Папазол

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында:

белсенді заттар: 30 мг бендазол, 30 мг папаверин гидрохлориді бар,

қосымша заттар: картоп крахмалы, тальк, кальций стеараты.

Сипаттамасы

Ақ немесе ақ дерлік түсті, ойығы бар, жалпақ цилиндр пішінді, аздап мәрмәрлі таблеткалар.

Фармакотерапиялық тобы

Шеткері вазодилататорлар. Басқа да шеткері вазодилататорлар.

АТХ коды С04АХ

Фармакологиялық қасиеттері

Фармакокинетикасы

Ішке қабылдағаннан кейін папаверин мен дибазол асқазан-ішек жолында тез сіңеді. Папавериннің биожетімділігі 29-57% құрайды, дибазолдың биожетімділігі 60%-ға жуық. Препараттың плазмадағы терапиялық тиімді концентрациясы папавериннің 0,2-2,0 мкг/мл, дибазолдың 0,5-2,0 мкг/мл мөлшеріне сәйкес келеді. Қан плазмасының ақуыздарымен байланысуы папаверин үшін 90%,дибазол үшін 70%-ға жуықты құрайды.

Папазолдың компоненттері гистогематикалық бөгет арқылы,оның ішіндегематоплацентарлық және гематоэнцефалдық бөгет арқылы жеңіл өтеді. Бауыр тіндерінде және май тіндерінде папавериннің жинақталуы байқалады, дибазол – іс жүзінде жинақталмайды. Папаверин бауырда биотрансформацияға ұшырайды. Папавериннің жартылай шығарылу (T_½) кезеңі 0,5-2,0 сағатты құрайды. Глюкурон қышқылымен конъюгацияланған фенолды метаболиттер түрінде несеппен шығарылады, папавериннің аздаған мөлшері (0,5% кем) өзгермеген түрінде шығарылады. Адамда дибазолдың биотрансформациясы менэлиминациясына қатысты деректер жоқ.

Фармакодинамикасы

Біріктірілген препарат, спазмолитикалық, гипотензивтік, артериодилатациялаушы әсері бар. Бендазол – миотропты әсері бар спазмолитикалық дәрі: гипотензивті, вазодилатациялаушы әсер береді, орташа иммунитет көтермелеуші белсенділікке ие. Папаверин – спазмолитикалық дәрі, гипотензивті әсер етеді. ФДЭ (фосфодиэстераза) тежейді, жасушада цАМФ жиналуын және құрамындаCa2+ төмендеуін туғызады, тонусты төмендетеді және ішкі ағзалар (АІЖ, тыныс алу мен несеп-жыныс жүйесінің) мен қантамырлар тегіс бұлшықеттерін босаңсытады. Үлкен дозада жүрек бұлшықеттерінің қозғыштығын төмендетеді және жүрекішілік өткізгіштікті баяулатады. ОЖЖ аздап әсер етеді (үлкен дозада седативті әсер етеді).

Қолданылуы

- бүйрек және бауыр шаншуында, холециститте, түйілумен колитте, асқазан мен 12 елі ішек ойық жара ауруында, ішкі ағзалардың тегісбұлшықеттерінің орташа айқындықтағы түйілуінде

Қолдану тәсілі мен дозалары

Ішке аш қарынға қабылданады. Ересектерге тәулігіне 2-3 рет 1 таблеткадан тағайындайды. Емдеу курсы 8-14 күннен аспайды.

Жағымсыз әсерлері

• аллергиялық реакциялар (тері бөртпесі, қышыну, есекжем, Квинке ісінуі)
• жүрек айнуы, құсу, іш қатуы
• қатты тершеңдік, «ысынумен» құйылулар
• бас айналуы, бас ауыруы, әлсіздік
• ұйқышылдық
• атриовентрикулярлық блокада, жүрек ырғағының бұзылуы (соның ішінде қарыншалық аритмия)
• миокард жиырылғыштығының төмендеуі
• бауыр трансаминазалары деңгейінің жоғарылауы, эозинофилия
• құрғақ жөтел

Қолдануға болмайтын жағдайлар

• препарат компоненттерінежоғары сезімталдық
• тыныс алудың бәсеңдеуі немесе коматозды жағдай
• атриовентрикулярлық өткізгіштіктің бұзылуы AV-блокада

• глаукома
• артериялық гипотензия
• 60 жастан асқандар
• бауыр және бүйрек жеткіліксіздігі
• бүйрекүсті безі функциясының жеткіліксіздігі
• бас сүйек-ми жарақаты
• қуық асты безі гиперплазиясы
• анамнезде құрысу синдромы немесе эпилепсия ұстамалары
• бронхообструктивті синдром
• бұлшықеттердің жоғары тонусы
• 18 жасқа дейінгі балалар
• қан трансаминазалары деңгейінің жоғарылауы
• жүктілік, лактация кезеңі

Дәрілермен өзара әрекеттесуі

Бір мезгілде қолданған кезде Папазол алкогольдің әсерін күшейтеді, метилдопаның гипотензивті әсерін және леводопаныңпаркинсонға қарсы әсерін әлсіретеді.

Жүрекгликозидтерімен (дигоксин, строфантин) бір мезгілде қолданғанда олардың әсерінжүрек гликозидінің белсенділігін төмендету есебінен әлсіретеді.

Фентоламинмен, новокаинамидпен, хинидинмен, клонидинмен және резерпинмен,диуретиктермен және салуретиктермен (гидрохлоротиазидпен, ацетазоламидпен, фуросемидпен, спиронолактонмен және б.), сондай-ақ трициклді антидепрессанттармен бір мезгілде қолданғанда гипотензиялық әсерінің күшеюі байқалады.

Барбитураттар, папазолдың түйілуді басатын әсерін күшейтеді.

β-адреноблокаторлардың гипотензивті әсеріне ықпал етпейді, бірақβ-адреноблокаторлармен байланысты қантамырлардың шеткері кедергісін жоғарылатады.

Антихолинэстеразды дәрілік заттардың (галантамин, прозерин, физостигмин және б.) тегіс бұлшықетке әсерін әлсіретеді.

Папазол мен нитрофурантоинды біріктіріп қолданғанда гепатит дамуы мүмкін.

Аскорбин қышқылымен бір мезгілде қолданғанда папазолдың иммуностимуляциялайтын әсерінің күшеюі байқалады.

Темекі шегетін адамдарда Папазолдың метаболизмі жеделдетілген, ал оның фармакологиялық әсері төмендейді.

Сүт,адсорбенттер (белсендірілген көмір, диоктаэдриялық смектит) және антацидті дәрілер (кальций карбонаты, алюминий гидроксиді, магний гидроксиді немесе алюминий фосфаты) Папазол компоненттерінің асқазан-ішек жолында сіңуін азайтады.

Оларды қабылдау мен Папазолды қабылдау аралығы 2 сағаттан кем болмауы керек.

Айрықша нұсқаулар

Төмендегі жағдайларда сақтықпен қолдану керек:

- ішек перистальтикасының төмендеуі

- гипотиреоз

- бүйрек үсті безі жеткіліксіздігі

- бронх аурулары

- асқазаннан қан кету

Емдеу кезінде алкогольді қабылдауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдағанда көлік құралын басқарудан және күрделі механизмдермен жұмыс жасаудан бас тартқан жөн.

Артық дозалануы

Симптомдары: «ыстық» құйылуды сезіну, диафорез (тершеңдік), әлсіздік, ұйқышылдық, жүрек айнуы, бас айналуы, гипотензия, бас ауыруының пайда болуы. Ауыр жағдайларда синусты тахикардия, диплопия, нистагм, ОЖЖ бәсеңдеуі.

Емі: арнайы антидоты жоқ. Препаратты қабылдауды тоқтату, асқазанды шаю, белсендірілген көмірді тағайындау және симптоматикалық ем жүргізу.

Шығарылу түрі және қаптамасы

6 таблеткадан пішінді ұяшықты қаптамаға салынған.

Пішінді ұяшықсыз қаптамалар (қорапшаға салынбай) мемлекеттік және орыс тіліндегі медициналық қолдану жөніндегі нұсқаулықтардың сәйкес санымен біргекартон қорапқа салынған.

Сақтау шарттары

Жарықтан қорғалған жерде, 5 ^оС-ден 30 ^оС-ге дейінгі температурада сақтау керек.

Балалардың қолы жетпейтін жерде сақтау керек.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64,

тел/факс 8-(10375177)734043.

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы.

Қазақстан Республикасы, 050026. Алматы қ., Нұрмақов к-сі 26/195, 39 пәтер,тел/факс: +7 (727) 2911 198, тел: +7 777 7040709, +7 777 2306494;

Е-mail: pvqa-bzmp-kz@mail.ru

Дәріханалар

Қалалар