Сипаттама
Дәрілік затты медициналық қолдану жөніндегі нұсқаулық
Папазол
Саудалық атауы
Папазол
Халықаралық патенттелмеген атауы
Жоқ
Дәрілік түрі
Таблеткалар
Құрамы
Бір таблетканың құрамында:
белсенді заттар: 0,030 г дибазол, 0,030 г папаверин гидрохлориді
қосымша заттар: картоп крахмалы, кальций стеараты, тальк.
Сипаттамасы
Ақ немесе сұрғылт реңді ақ түсті, сызығы бар жалпақ цилиндр тәрізді таблеткалар. Болмашы ғана білінетін теңбілі болуы мүмкін.
Фармакотерапиялық тобы
Шеткері вазодилятаторлар. Басқа да шеткері вазодилятаторлар.
АТХ коды С04АХ
Фармакологиялық қасиеттері
Фармакокинетикасы
Ішке қабылдағаннан кейін папаверин мен дибазол асқазан-ішек жолында жылдам сіңіріледі. Папаверин биожетімділігі 29-57 %, дибазол биожетімділігі 60 % жуықты құрайды. Плазмада препараттың емдік тиімді концентрациясы папавериннің 0,2-2,0 мкг/мл, дибазолдың 0,5-2,0 мкг/мл мөлшеріне сәйкес болады. Қан плазмасы ақуыздарымен байланысуы папаверин үшін 90 %, дибазол үшін 70 % жуықты құрайды.
Папазол компоненттері гистогематикалық бөгеттер, оның ішінде гематоплацентарлық және гематоэнцефалдық бөгеттер арқылы жеңіл өтеді. Бауыр тінінде және май тінінде папавериннің жинақталуы байқалады, дибазол – іс жүзінде жинақталмайды. Папаверин бауырда биотрансформацияға ұшырайды. Папавериннің жартылай сыртқа шығарылу кезеңі (Т1/2) 0,5-2,0 сағатты құрайды. Фенол метаболиттерінің глюкурон қышқылымен конъюгацияланған түрінде несеппен шығарылады, папавериннің елеусіз мөлшері (0,5 % аздауы) өзгермеген түрде шығарылады. Адамдардағы дибазол биотрансформациясы мен сыртқа шығарылуына қатысты деректер жоқ.
Фармакодинамикасы
Біріктірілген препарат, спазмолитикалық, гипотензиялық, артерияны дилатациялаушы әсері бар. Бендазол – миотропты әсері бар спазмолитикалық дәрі: гипотензиялық, вазодилатациялаушы әсер береді, жұлын-ми функциясын көтермелейді, орташа иммунитет көтермелеуші белсенділікке ие. Папаверин – спазмолитикалық дәрі, гипотензиялық әсер етеді. ФДЭ тежейді, жасушада цАМФ жиналуын және құрамындаCa2+ төмендеуін туғызады, тонусты төмендетеді және ішкі ағзалар (АІЖ, тыныс алу және несеп-жыныс жүйесінің) мен қан тамырларының тегіс бұлшықеттерін босаңсытады. Үлкен дозада жүрек бұлшықеттері қозғыштығын төмендетеді және жүрекішілік өткізгіштікті баяулатады. ОЖЖ әсеріәлсіз ғана білінген (үлкен дозада седативті әсер етеді).
Қолданылуы
- шеткері артериялардың және ми қан тамырларының тарылуында
- ішкі мүшелер бұлшықеттерінің айқындығы орташа түйілуінде (оның ішінде асқазанның және12 елі ішектің ойық жара ауруы, пилорус түйілуі, ішек шаншуы, холецистит, спазмдық колит)
Қолдану тәсілі мен дозалары
Ішке.
Ересектерге 1 таблеткадан тәулігіне 2-3 рет. Емдеу курсы жекелей, бірақ
8 – 14 күннен аспайды.
Жағымсыз әсерлері
- аллергиялық реакциялар
- жүрек айнуы, құсу, іш қатуы
- қатты тершеңдік, ысынып кету
- бас айналу, бас ауыру, әлсіздік
- ұйқышылдық
- атриовентрикулярлық бөгет, жүрек ырғағының бұзылуы (соның ішінде қарыншалық аритмия)
- миокард жиырылғыштығының төмендеуі
- бауыр трансаминазалары деңгейінің жоғарылауы, эозинофилия
- құрғақ жөтел
- атаксия
- инъекция орнындағы геморрагия
Қолдануға болмайтын жағдайлар
- препарат компоненттеріне жоғары сезімталдық
- атриовентрикулярлы өткізгіштіктің бұзылуы
- тыныс алудың бәсеңдеуі немесе коматозды жағдай
- анамнездегі құрысу синдромы немесе эпилепсиялық ұстамалар
- бронхообструкциялық синдром
- глаукома
- 18 жасқа дейінгі балалар
- артериялық гипотензия
- 60 жастан асқан адамдар
- бауыр және бүйрек жеткіліксіздігі
- бүйрек үсті бездері функциясы жеткіліксіздігі
- бассүйек-ми жарақаты
- бүйрек үсті бездері гиперплазиясы
- бронхообструкциялық синдром
- бұлшықет тонусының жоғарылауы
- жүктілік және лактация кезеңі
Дәрілермен өзара әрекеттесуі
Спазмолитиктермен, седативті дәрілермен, диуретиктермен, салуретиктермен (гидрохлортиазидпен, ацетазоламидпен, фуросемидпен, спиронолактонмен және т.б.), үшциклді антидепрессанттармен, прокаинамидпен, резерпинмен, хинидинмен, фентоламинмен, новокаинамидмен, клонидинмен бір мезгілде қолданғанда гипотензиялық әсерінің күшеюі мүмкін.
Жүрек гликозидтерімен (дигоксин, строфантин) бір мезгілде қолданғанда олардыңң әсерін жүрек гликозиді белсенділігін төмендету есебінен әлсіретеді.
Барбитураттар папазолдың спазмолитикалық әсерін күшейтеді.
Антихолинэстеразды препараттардың (галантамин, прозерин, физиостигмин және т.б.) тегіс бұлшықеттерге әсерін нашарлатады, леводопаның паркинсонизмге қарсы әсерін азайтады.
Папазол мен нитрофурантоинді біріктіріп қолданғанда гепатит дамуы мүмкін.
Аскорбин қышқылымен бірге қолданғанда папазолдыңиммуностимуляциялаушы әсері байқалады.
Темекі шегетін адамдарда папазол метаболизмі жеделдейді, ал оның фармакологиялық әсерлері азаяды.
Адсорбенттер, сүт, антацидтік дәрілер (кальций карбонаты, алюминий гидроксиді, магний гидроксиді немесе алюминий фосфаты), тұтқыр және бүркемелегіш дәрілер препараттың асқазан-ішек жолына сіңуін азайтады.
Оларды қолдану мен папазол қолдану арасындағы аралық 2 сағаттан кем болмауы тиіс.
β-адреноблокаторлардың гипотензиялық әсеріне ықпал етпейді, бірақ шеткергі тамырлардың β-адреноблокаторлар түрткі болған кедергісінің артуын болғызбайды.
Айрықша нұсқаулар
Сақтықпен қолдану керек:
- төмендеген ішек перистальтикасы
- бронх аурулары
- асқазаннан қан кету
- гипотиреоз
- бүйрек үсті безі жеткіліксіздігі
Жүктілік жәнелактация кезінде препаратты қолдану ұсынылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолданғанда автокөлік басқарғанда және күрделі механизмдермен жұмыс істеуден тартына тұрған жөн.
Шығарылу түрі және қаптамасы
10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада немесе 10 таблеткадан негізі қағаз біріктірілген қаптамалық материалдан жасалғанпішінді ұяшықсыз қаптамада.
300, 500 пішінді ұяшықсыз қаптамадан немесе пішінді ұяшықты қаптамадан мемлекеттік және орыс тіліндегі медициналық қолдану жөніндегі нұсқаулықпен бірге қораптық картоннан жасалғанқорапқа салады.
Сақтау шарттары
Жарықтан қорғалған жерде 25ºС -ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Ирбит химфармзауыты» ААҚ
623856, Ресей, Свердлов обл., Ирбит қ., Карл Маркс к-сі, 124-а
Тіркеу куәлігінің иесі
«Ирбит химфармзауыты» ААҚ,Ресей
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта):
Өтегенова Б.А. ЖК
050022, Қазақстан, Алматы қ., Мауленов к-сі, 123 «а», 7 пәтер
Тел/факс 8(7172) 43-95-34
Электрондық пошта b.utegenova_ip@mail.ru
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):
Өтегенова Б.А. ЖК
050022, Қазақстан, Алматы қ., Мауленов к-сі, 123 «а», 7 пәтер
Тел/факс 8(7172) 43-95-34
Электрондық пошта b.utegenova_ip@mail.ru
