Пепсан-Р для приема внутрь 10 гр 30 гель

Сипаттама

Дәрілік затты медициналық қолдану жөніндегі нұсқаулық

Пепсан^®–Р

Саудалық атауы

Пепсан^®-Р

Халықаралық патенттелмеген атауы

Жоқ

Дәрілік түрі

Ішуге арналған гель

Құрамы

Бір сашенің (10 г) ішінде

белсенді заттар:3,0 г диметикон,

0,004 г гвайазулен,

қосымша заттар: кристалданатын 70% сорбитол, каррагенаттар, натрий цикламаты, метилпарагидроксибензоат E218, бұрыш жалбызының майы, тазартылған су.

Сипаттамасы

Жалбыз иісі бар көгілдір түсті гель

Фармакотерапиялық тобы

Ас қорыту жолы және зат алмасу. Қышқылдылықтың бұзылуымен байланысты ауруларды емдеуге арналған препараттар. Антацидтер. Басқа препараттармен біріктірілген антацидтер.

АТХ коды A02AX

Фармакологиялық қасиеттері

Фармакокинетикасы

Диметикон және гвайазулен химиялық инертті заттар болуына байланысты, әрі асқазан-ішек жолдарынан сіңбейтіндіктен, фармакокинетикасы жөніндегі деректер ұсынылмаған. Емдік дозасына қарағанда әлдеқайда жоғары дозадаларын қабылдаған кезде, плазмада гвайазуленнің іздері табылады.

Фармакодинамикасы

Пепсан^®-Р – біріктірілген препарат. Қабынуға қарсы әсер етеді, асқазандағы тұз қышқылы секрециясын төмендетеді, ішекте газ түзілуін азайтады. Пепсан^®-Р рентгенконтрастылы қасиеті жоқ.

Диметикон асқорыту жүйесінің шырышты қабығына төселетін біртекті қорғаныс қабатын түзе отырып, асқорыту жолының қорғаушы агенті рөлінде әрекет етеді және көбік басқыш болып табылады.

Гвайазулен – қабынуға қарсы айқын әсері бар, аллергиялық реакцияны әлсіздендіреді, регенеративті үдерістерді күшейтіп, антиоксидантты әсер етеді. Асқазанның шырышты қабығының жасушалары мастоциттерден гистаминнің босап шығуын тежейтін әсері арқасында, қышқыл секрециясын тежейді.

Қолданылуы

- гастралгияны симптоматикалық емдеуде

- ішек метеоризмінде

Қолдану тәсілі және дозалары

Саше ішіндегісін 1-2 сашеден күніне 2-3 рет тамақтануға дейін, не ауыру туындаған жағдайда ішке қабылдау керек.

Жағымсыз әсерлері

- аллергиялық реакциялар (тері бөртпесі, қышыну)

Қолдануға болмайтын жағдайлар

- препараттың компоненттеріне жоғары сезімталдық

- ішек бітелісі

- асқазан-ішек жолының обструкциялық аурулары

- фруктоза көтере алмаушылығы бар пациенттерге

- балаларға және 18 жасқа дейінгі жасөспірімдерге

Дәрілермен өзара әрекеттесуі

Қатысты емес

Айрықша нұсқаулар

Пепсан^®-Р құрамында қант жоқ, сондықтан диабетпен зардап шегетін адамдарға қарсы көрсетілімі жоқ.

Сорбитол болуы салдарынан препаратты фруктоза жақпаушылығы бар пациенттерге қолдануға болмайды.

Препарат құрамында метилпарагидроксибензоат бар және аллергиялық реакциялар туындатуы мүмкін (баяу болуы мүмкін).

Егер симптомдар сақталып қалса немесе нашарлап кетсе, дәрігермен кеңесу ұсынылады.

Жүктілік және лактация

Жүктілік және бала емізу кезеңінде қолданылуы мүмкін. Диметиконды жүктілік және лактация кезінде қолдануға болады. Гвайазуленді жүкті әйелдердің қабылдауына қатысты клиникалық деректер жоқ. Қазіргі уақытқа дейін осы дәрілік затты қабылдау кезінде ақаулардың дамуы туралы хабарламалар жоқ.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Қатысты емес.

Артық дозалануы

Қатысты емес.

Шығарылу түрі және қаптамасы

10 г гельден көп қабатты материалдан жасалған сашеде (ағартылған крафт-қағазы/ тығыздығы төмен полиэтилен / алюминий фольгасы/ тығыздығы төмен полиэтилен), 30 сашеден медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшада.

Сақтау шарттары

25 ^оС-ден аспайтын температурада.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

ФАРМАТИС,

Зон дактивитэ Эст №1, Б.П. 20, 60190 Эстре Сэн-Дэни, Франция

Серия шығарылымы

Лаборатории РОЗА-ФИТОФАРМА,

2, авеню дю Трете де Ром – Б.П. 51, 78401 ШАТУ СЕДЕКС, Франция

Тіркеу куәлігінің ұстаушысы

Лаборатории РОЗА-ФИТОФАРМА,

68 рю Жан-Жак Руссо, 75001 Париж Франция

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Майоли Қазақстан» ЖШС, Байзақов к-сі, 125/185, т.е. 1

050026, Алматы қаласы, Қазақстан Республикасы

Тел.: +7 (727) 331 49 45, Факс: +7 (727) 331 49 44

E-mail: office@mayoly.kz

Дәріханалар