Сипаттама
Дәрілік препаратты медициналық қолдану жөніндегі нұсқаулық
Саудалық атауы
Пропосол
Халықаралық патенттелмеген атауы
Жоқ
Дәрілік түрі, дозалануы
Жергілікті қолдануға арналған спрей, 50 г
Фармакотерапиялық тобы
Ас қорыту жолы және зат алмасу. Стоматологиялықпрепараттар. Ауыз қуысы ауруларын емдеуге арналған басқа препараттар. Басқалары.
АТХ коды A01AD11
Қолданылуы
Ауыз қуысы шырышты қабығының және параданттың қабыну ауруларында:гингивит, пародонтит, афтозды, катаральді және ойық жаралы стоматит
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Әсер етуші затқа немесе кез келген қосымша заттарға жоғары сезімталдық.
Омарта өніміне аллергиялық реакциялар.
Бүйрек және бауыр жеткіліксіздігі: қолдану қауіпсіздігі туралы деректер жоқ.
Жүктілік және бала емізу кезеңі: қолдану қауіпсіздігі туралы деректер жоқ.
18 жасқа дейінгі балалар және жасөспірімдер: қолдану қауіпсіздігі туралы деректер жоқ.
Басқа дәрілік препараттармен өзара әрекеттесуі
Деректер жоқ
Қолдану жөніндегі нұсқаулар
Дозалау режимі
Жергілікті. Қолданар алдында баллоннан сақтандыру қақпақшасын шешіп, клапан штогына ұштығы бар бүріккішті кигізеді, бүріккішке ертінді түсу үшін бірнеше рет басады. Ерітінді ұштықтан шыққаннан кейін, бүріккішті ауыз қуысына қаратады және қабынған аймаққа біркелкі бүрки отырып бүріккішті 3-4 рет басады.Бүрку ұзақтығы – 2 секундқа дейін. Қабынудың жедел кезеңінде бүркуді күніне 2-3 рет, егер қабыну үдерісі азайған болса күніне 1-2 рет толық жазылғанға дейін жүргізу керек (әдетте 3-7 күн аралығында).
Ұсынымдар
Препаратты қолданар алдында ауыз қуысын қайнаған жылы сумен шайып алу ұсынылады. Ауыз қуысына бүркігеннен кейін15-30 минуттай тамақ ішпеген дұрыс.
Сақтық шаралары
Препаратты көзге тигізуге болмайды.
Жүктілік және лактация кезеңінде қолдану
Препараттың құрамында этанол болғандықтан, жүкті әйелдерге және бала емізу кезеңінде сақтықпен тағайындалады.
Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Көлік құралдарын басқарудан және қауіптілігі зор механизмдермен жұмыс істеуден (препарат құрамында этанол болғандықтан) аулақ болу керек.
Артық дозалану жағдайында қабылдануы қажеті шаралар
Препаратпен артық дозалану туралы хабарланған жоқ. Препарат жергілікті қолданылады, сондықтан қауіпті жағымсыз әсерлерін тудырмайды.
Симптомдары: аллергиялық реакциялар
Емі: препаратты тоқтату.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
- препаратты жаққан жердегі қысқа мерзімді қыздыру және аллергиялық реакциялар.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
белсенді зат - прополис3.0 г;
қосымша заттар: этанол (этил спирті 95%), глицерол (глицерин)
Сыртқы түрінің, иісінің, дәмінің сипаттамасы
Прополиске тән иісі бар, жасыл-сары түстен қоңыр түске дейінгі сұйықтық
Шығарылу түрі және қаптамасы
50 г препараттан механикалық сорғымен, бүріккіш қондырмамен және сақтандыру қалпақшасымен жабдықталған аэрозольді алюминий баллондарда.
Әрбір баллон медициналыққолдану жөніндегі қазақ және орыс тіліндегі нұсқаулықпен бірге картон қорапшада.
Сақтау мерзімі
3 жыл.
Жарамдылық мерзімі өткеннен кейін қолдануға болмайды!
Сақтау шарттары
0 0С-ден төмен емес және 35 0С-ден аспайтын температурада сақтау керек.
Қаптаманы соққыдан, тікелей күн сәулесінен сақтау қажет.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Алтайвитамины» ЖАҚ, Ресей Федерациясы
659325, Ресей, Алтай өлкесі, Бийск қ-сы, Заводская к-сі, 69
Тел.: (3854) 338-719, 326-948
Факс: (3854) 326-943
Тіркеу куәлігінің ұстаушысы
«Алтайвитамины» ЖАҚ, Ресей Федерациясы
659325, Ресей, Алтай өлкесі, Бийск қ-сы, Заводская к-сі, 69
Тел.: (3854) 338-719, 326-948
Факс: (3854) 326-943
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
Кысмуратова А.Т. ЖК, Қазақстан Республикасы, 050010, Алматы қ., Төле би к-сі, 23 а, ұялы телефон 8 777 230 64 94
электронды пошта: gulnarareg@mail.ru
