Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Релиф® Адванс
Халықаралық патенттелмеген атауы
Бензокаин
Дәрілік түрі, дозасы
Ректальді жақпамай
Фармакотерапиялық тобы
Жүрек-қантамыр жүйесі. Геморрой және анальді сызаттарды емдеу үшін жергілікті қолдануға арналған дәрілер. Жергілікті анестетиктер. Бензокаин.
АТХ коды C05АD03.
Қолданылуы
- сыртқы және ішкі геморройда
- айқын ауыру синдромымен қатар жүретін артқы өтіс жолының сызатында, эрозиясында және микрожарақаттарында, анальді қышынуда
- проктологиялық операциялардан соң операциядан кейінгі кезеңде
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттерінің кез келгеніне жекелей жоғары сезімталдық
- 12 жасқа дейінгі балалар
Басқа дәрілік препараттармен өзара әрекеттесуі
Ұсынылған дозадан және емдеу ұзақтығынан асып кету ықтималдығына байланысты препаратты МАО тежегіштерімен, антидепрессанттармен немесе гипертензияға қарсы дәрілермен бірге дәрігердің қадағалауынсыз тағайындау ұсынылмайды. Бұл ұсыныс MAO тежегіштерінің әсерінің төмендеуінің немесе бензокаинмен өзара байланысу нәтижесінде гипертензияға қарсы әсердің жоғарылауының теориялық ықтималдығымен байланысты.
Қосымша зат - жақпамай құрамындағы парафин бір мезгілде қолданылатын латексті мүшеқаптардың беріктігін төмендетуі мүмкін, бұл мүшеқаптардың тиімділігін (жүктілікті болдырмау және/ немесе жыныстық жолмен берілетін немесе АИТВ ауруларының берілуін төмендету қабілетінің алдын алуын)төмендетеді.
Арнайы ескертулер
Емдеу курсының жиілігі (4 ретке дейін) мен ұзақтығын арттыруға болмайды.
Артқы өтістен көп мөлшерде қанды бөліністер болған жағдайда немесе ауыру симптомдары 7 күннен астам сақталғанда, проктологтан қосымша кеңес алу қажет.
Егер аппликаторды тік ішекке енгізгенде ауыртатын болса оны пайдаланбау керек.
Құрамында бензокаин бар өнімдерді тағайындау метгемоглобинемияға әкелетінін көрсететін зерттеулер бар.
Препарат құрамында пропилпарагидроксибензоат және метилпарагидроксибензоат бар, ол аллергиялық реакцияны туындата алады (мүмкін баяу)
Жүктілік және лактация
Жүктілік және лактация кезеңінде препаратты қолдану ана мен шарананың немесе баланың пайда/қауіп арақатынасын мұқият бағалағаннан кейін ғана мүмкін болады.
Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері
Әсер етпейді.
Қолдану жөніндегі нұсқаулар
Дозалау режимі
Ересектер мен 12 жастан асқан балалар.
Препаратты күніне 4 ретке дейін қолданады (таңертеңгісін, түнге қарай және ішек әрбір босағаннан кейін).
Емдеу курсының ұзақтығы – 7-10 күн.
Препаратты гигиеналық шаралардан кейін қолдану керек.
Жақпамайды қолданардың алдында ылғалдандырылған сүрткімен зақымданған жерді сүрту керек. Тік ішекке жақпамайды енгізу үшін аппликатордан қорғағыш қалпақшаны шешу керек, аппликаторды сықпаға бекітіп сықпадан жақпамайды асықпай сығып шығару керек. Аппликаторды жақсылап майлағаннан кейін тік ішекке оны абайлапенгізу керек. Жақпамайды сондай-ақ артқы өтіс аумағының терісіне жағу керек.
Әрбір қолданыстан кейін аппликаторды мұқият дезинфекциялау және оған қорғағыш қалпақшаны кигізу керек.
Енгізу әдісі және жолы
Тік ішекке енгізу
Қабылдау уақытын көрсететін қолдану жиілігі
Күніне 4 ретке дейін (таңертеңгісін, түнге қарай және ішек әрбір босағаннан кейін).
Емдеу ұзақтығы
Қолдану ұзақтығы – 10 күнге дейін.
Артық дозаланған жағдайда қолдану қажет шаралар
Бензокаиннің артық дозалануы жүрек ырғағының бұзылуын, құрысуды, команы, тыныс алу жиілігінің азаюы немесе тыныс алу жеткіліксіздігін туындатуы мүмкін. Метгемоглобинемия жағдайлары сипатталған. Цианоз сияқты симптомдар (бозғылт, сұрғылт немесе тері түсінің көкшілденуі, еріндер мен саусақтардың ұштары), бас ауыруы, бас айналу, ентігу, әлсіздік және бензокаинмен емдеуде пайда болатын тахикардия өлімге әкеп соқтыратын метгемоглобинемияны көріністеуі мүмкін және шұғыл медициналық көмек көрсетуді қажет етеді.
Метгемоглобинемия дамыған жағдайда емдеу метилен көк ерітіндісін вена ішіне енгізуді қамтиды.
Емі: препаратты тоқтату және симптоматикалық ем.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар
- аллергиялық дерматит, қолданған жерде тітіркену (жанаспалы дерматит)
- тері, ерін және тырнақ пластинасы цианозымен, бас ауыруы, бас айналу, ентігу, қатты шаршау және тахикардиямен қатар жүретін метгемоглобинемия.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК
Қосымша мәліметтер
Дәрілік препараттың құрамы
1 грамм жақпамайдың құрамында
белсенді зат: 200 мг бензокаин;
қосымша заттар: ашық сұйық парафин (ашық минерал майы), ақ жұмсақ парафин (вазелин), пропиленгликоль, метилпарагидроксибензоат, пропилпарагидроксибензоат, сорбитан стеараты.
Сыртқы түрінің, иісінің, дәмінің сипаттамасы
Бөтен бөлшектерсіз ақ немесе сарғыш түсті жақпамай.
Шығарылу түрі және қаптамасы
Пластик қақпақшасы бар ламинацияланған сықпаға 28,4 г препараттан салынған.
1 сықпа аппликатормен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
Фамар А.В.Е., 49 км Национальной трассы Афины-Ламия / Афины-Ламия ұлттық трассасы, 19011, Авлона Аттики, Греция
Тіркеу куәлігінің ұстаушысы
Байер Консьюмер Кэр АГ,
СН-4052 Базель, Петер Мериан штрассе, 84, Швейцария
тел. +41 58 272 7542
факс: +41 58 272 7173
e-mail: www.basel.bayer.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел. +7 727 258 80 40, факс: +7 727 258 80 39
e-mail:kz.claims@bayer.compv.centralasia@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
