Ревмоксикам 15 мг, №10, табл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Ревмоксикам 15 мг, №10, табл.

1989
Қолжетімділігі
Сатылымда бар
Үлгі
4823002214550
Елі
Украина
Өндіруші
Фармак ОАО
0-0-4 бөліп төлеу
497 x 4 ай
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Ревмоксикам®

Халықаралық патенттелмеген атауы

Мелоксикам

Дәрілік түрі, дозасы

7,5 мг немесе 15 мг таблеткалар

Фармакотерапиялық тобы

Сүйек - бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Оксикамдар. Мелоксикам.

АТХ коды М01А С06.

Қолданылуы

– остеоартроздың өршуін қысқа мерзімді симптоматикалық емдеуде

  • ревматоидтық артрит пен шорбуынданатын спондилиттің ұзақ мерзімді симптоматикалық емінде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • әсер етуші затқа немесе дәрілік заттың басқа құрамдастарына, немесе қабынуға қарсы стероидты емес дәрілік заттар (ҚҚСД), аспирин сияқты әсері ұқсас белсенді заттарға аса жоғары сезімталдық. Мелоксикамды демікпе симптомдары, мұрын полиптері, аспиринді немесе басқа ҚҚСД қабылдағаннан кейінгі ангионевроздық ісіну немесе есекжем туындаған пациенттерге тағайындамаған дұрыс
  • жүктіліктің III триместрі
  • асқазан-ішектен қан кету немесе анамнездегі осының алдындағы ҚҚСД емімен байланысты перфорация
  • белсенді немесе анамнездегі қайталанатын пептидтік ойық жара/қан кету (ойық жараның немесе қан кетудің екі немесе одан көп жекелеген расталған жағдайы)
  • бауырдың ауыр жеткіліксіздігі
  • бүйректің диализ қолданылмайтын ауыр жеткіліксіздігі;
  • анамнездегі асқазан-ішектен қан кету, цереброваскулярлық қан кету немесе қан ұюының басқа бұзылулары
  • жүректің ауыр жеткіліксіздігі
  • коронарлық шунттау (КШ) кезіндегі периоперациялық ауыруды емдеу
  • 16 жасқа дейінгі балалар мен жасөспірімдер
  • тұқым қуалайтын фруктоза жақпаушылығы, Lapp-лактоза жеткіліксіздігі, глюкоза-галактоза мальабсорбциясы бар адамдар

Қолдану кезінде қажетті сақтық шаралары

  • емдік әсері жеткіліксіз болған жағдайда, ұсынылған ең жоғарғы тәуліктік дозасын арттыруға болмайды
  • мелоксикамның циклооксигеназа-2 селективті тежегіштерін қоса, ҚҚСП-мен бір мезгілде қолданылуын болдырмау керек
  • мелоксикаммен емдеуді бастар алдында анамнездегі эзофагит, гастрит және/немесе пептидтік ойық жара толықтай емдеп жазылуы үшін, оларға көңіл бөлу керек

Басқа дәрілік препараттармен өзара әрекеттесуі

Өзара әрекеттесуін зерттеулер тек ересектердің қатысуымен жүргізілді.

Гиперкалиемиямен байланысты қауіптер

Кейбір дәрілік заттар немесе емдік топтар гиперкалиемияға ықпал етуі мүмкін: калий тұздары, калий жинақтаушы диуретиктер, ангиотензинөзгертуші фермент (АӨФ) тежегіштері, ангиотензин II рецепторларының антагонистері, қабынуға қарсы стероидты емес препараттар, төмен молекулалы немесе фракцияланбаған гепариндер, циклоспорин, такролимус және триметоприм.

Гиперкалиемияның басталуы онымен байланысты факторлардың бар-жоқтығына тәуелді. Егер жоғарыда аталған дәрілік заттар мелоксикаммен бірге қолданылса, гиперкалиемияның пайда болу қаупі жоғарылайды.

Фармакодинамикалық өзара әрекеттесулері.

Қабынуға қарсы стероидты емес басқа препараттар және ацетилсалицил қышқылы. Бір қабылдауға ≥ 500 мг дозалардағынемесе жалпы тәуліктік ≥ 3 г дозадағы ацетилсалицил қышқылын қоса, басқа ҚҚСП-мен біріктіру ұсынылмайды.

Кортикостероидтар (мысалы, глюкокортикоидтар). Қан кету немесе асқазан-ішек жолында ойық жаралардың пайда болу қаупінің жоғарылығына байланысты, кортикостероидтармен бір мезгілде қолдану сақтықты талап етеді.

Антикоагулянттар немесе гепарин. Тромбоциттер функциясының бәсеңдеуі және гастродуоденальді шырышты қабықтың зақымдануы салдарынан қан кетулер қаупі едәуір жоғарылайды. ҚҚСП варфарин сияқты антикоагулянттардың әсерлерін күшейтуі мүмкін. ҚҚСП мен антикоагулянттарды немесе гепаринді гериатриялық тәжірибеде немесе емдік дозаларында бір мезгілде қолдану ұсынылмайды.

Гепарин қолданылатын басқа жағдайларда (мысалы, профилактикалық мақсаттағы дозаларында) қан кетулер қаупінің жоғарылығына байланысты сақ болу керек. Егер аталған біріктірілімді қолданбаудың мүмкін еместігі дәлелденсе, халықаралық қалыптастырылған қатынасты (ХҚҚ) мұқият бақылау қажет.

Тромболитикалық және агрегацияға қарсы дәрілік заттар: тромбоциттер функциясының бәсеңдеуінің және гастродуоденальді шырышты қабықтың зақымдануының салдарынан қан кетулер қаупі жоғарылайды.

Серотонинді кері қармаудың селективті тежегіштері (СКҚСТ). Асқазан-ішектен қан кету қаупі жоғарылайды.

Диуретиктер, АӨФ тежегіштері және ангиотензин II антагонистері. ҚҚСП диуретиктер мен гипертензияға қарсы басқа дәрілік заттардың әсерін төмендетуі мүмкін. Бүйрек функциясының бұзылуы бар кейбір пациенттерде (мысалы, дегидратациясы бар пациенттер немесе бүйрек функциясының бұзылуы бар егде жастағы пациенттер) АӨФ тежегіштерін немесе ангиотензин II антагонистерін және циклооксигеназаны бәсеңдететін дәрілік заттарды бір мезгілде қолдану, әдетте, қайтымды болып табылатын бүйректің жедел жеткіліксіздігі мүмкіндігін қоса, бүйрек функциясының ары қарай нашарлауына алып келуі мүмкін. Сондықтан, біріктірілімді, әсіресе, егде жастағы пациенттерге сақтықпен қолдану керек. Пациенттер сұйықтықты талапқа сай мөлшерде ішуі қажет, сондай-ақ, біріктіріп емдеуді бастағаннан кейін және ары қарай жүйелі түрде бүйрек функциясын бақылау керек.

Гипертензияға қарсы басқа дәрілік заттар (мысалы, бета-адреноблокаторлар). Төменде көрсетілген дәрілік заттар үшін жағдайлардағы сияқты, бета-блокаторлардың гипертензияға қарсы әсері төмендеуі мүмкін (тамырды кеңейтетін әсері бар простагландиндердің бәсеңдеуі салдарынан).

Кальциневрин тежегіштері (мысалы, циклоспорин, такролимус). ҚҚСП бүйрек простагландиндері әсерінің медиациясы салдарынан, кальциневрин тежегіштерінің нефроуыттылығы күшеюі мүмкін. Зерттеу кезінде бүйрек функциясын бақылауда ұстау керек. Әсіресе, егде жастағы пациенттерде бүйрек функциясын мұқият бақылау ұсынылады.

Деферасирокс.

Мелоксикам мен деферасироксті қатарлас қолдану асқазан-ішек тарапынан жағымсыз реакциялар қаупін арттыруы мүмкін. Бұл дәрілік заттарды біріктіргенде сақтық таныту керек.

Фармакокинетикалық өзара әрекеттесуі: басқа дәрілік заттардың фармакокинетикасына мелоксикамның әсері.

Литий. Қан плазмасындағы уытты шамаларға жетуі мүмкін литий концентрациясының деңгейін арттыратын ҚҚСП (литийдің бүйректік экскрециясының төмендеуі салдарынан) туралы деректер бар. Литий мен ҚҚСП бір мезгілде қолдану ұсынылмайды. Егер біріктіріп емдеу қажет болса, мелоксикаммен емдеудің басында, дозасын таңдағанда және емдеуді тоқтатқанда қан плазмасындағы литий мөлшерін мұқият бақылау керек.

Метотрексат. ҚҚСП метотрексаттың тубулярлық секрециясын азайтуы, сол арқылы оның қан плазмасындағы концентрациясын арттыруы мүмкін. Сол себепті, метотрексаттың жоғары (аптасына 15 мг астам) дозасын қабылдап жүрген пациенттерге ҚҚСП қатарлас қолдану ұсынылмайды. ҚҚСП мен метотрексаттың өзара әрекеттесу қаупін метотрексаттың төмен дозасымен емделіп жүрген пациенттерде де, атап айтқанда, бүйрек функциясы бұзылған пациенттерде ескеру керек. Біріктіріп емдеу қажет болған жағдайда, қан талдауы мен бүйрек функциясының көрсеткіштерін бақылау қажет. ҚҚСП мен метотрексатты қабылдау қатарынан 3 күнге созылған кезде сақтық таныту керек, өйткені плазмалық деңгейі метотрексаттың жоғарылауы және уыттылығын күшейтуі мүмкін. Метотрексаттың (аптасына 15 мг) фармакокинетикасы мелоксикаммен қатарлас емдеудің әсеріне ұшырамаса да, ҚҚСП-мен емдеген кезде метотрексаттың гематологиялық уыттылығы арта түсуі мүмкін деп есептеген дұрыс (жоғарыда келтірілген ақпаратты қараңыз).

Пеметрексед. Бүйректің жеңіл және орташа жеткіліксіздігі бар (креатинин клиренсі 45-тен 79 мл/минутқа дейін) пациенттерде мелоксикамды пеметрекседпен қатарлас қолданғанда, мелоксикамды қабылдауды пеметрексед енгізілгенге дейін 5 күнге, енгізілетін күні және енгізгеннен кейін 2 күнге тоқтата тұру керек. Егер мелоксикамды пеметрекседпен біріктіру қажет болса, пациенттерді, әсіресе, миелосупрессия мен асқазан-ішектік жағымсыз реакциялардың пайда болуына қатысты мұқият бақылау керек. Бүйректің ауыр жеткіліксіздігі бар (креатинин клиренсі 45 мл/минуттан төмен) пациенттер үшін мелоксикамды пеметрекседпен қатарлас қолдану ұсынылмайды.

Бүйрек функциясы қалыпты (креатинин клиренсі ≥ 80 мл/мин) пациенттер үшін, мелоксикамның 15 мг дозалары пеметрекседтің элиминациясын азайтуы, сәйкесінше, пеметрекседпен байланысты жағымсыз реакциялардың туындау жиілігін арттыруы мүмкін. Сол себепті, бүйрек функциясы қалыпты (креатинин клиренсі ≥ 80 мл/мин) пациенттер үшін 15 мг мелоксикамды пеметрекседпен бір мезгілде тағайындағанда сақтық таныту керек.

Фармакокинетикалық өзара әрекеттесуі: басқа дәрілік заттардың мелоксикам фармакокинетикасына әсері.

Холестирамин. Холестирамин мелоксикамның бауырішілік циркуляциясының бұзылуы салдарынан шығарылуын жеделдетеді, сондықтан, мелоксикамның клиренсі 50 %-ға жоғарылайды және жартылай шығарылу кезеңі 13 ± 3 сағатқа дейін азаяды. Бұл өзара әрекеттесуі клиникалық тұрғыдан маңызды болып табылады.

Антацидтермен, циметидинмен және дигоксинмен бір мезгілде қабылдағанда, клиникалық тұрғыдан елеулі фармакокинетикалық өзара әрекеттесуі анықталған жоқ.

Арнайы ескертулер

Жағымсыз реакцияларды ең аз тиімді дозасын симптомдарын бақылау үшін қажетті қысқамерзімді ем барысында қолдану арқылы азайтуға болады.

Емдік әсері жеткіліксіз болған жағдайда, ұсынылған ең жоғарғы тәуліктік дозасын арттыруға болмайды, сонымен қатар, қосымша ҚҚСП қолданбау керек, өйткені ол уыттылығын арттыруы мүмкін, ал емдеудегі артықшылықтары дәлелденбеген. Мелоксикамды циклооксигеназа-2 селективті тежегіштерін қоса, ҚҚСП-мен бір мезгілде қолданбау керек.

Мелоксикам қатты ауыруды жеңілдетуді қажет ететін пациенттерді емдеу үшін жарамсыз.

Бірнеше күннен кейін жақсару болмаған жағдайда, емнің клиникалық артықшылықтарын қайтадан бағалау керек.

Мелоксикаммен емдеуді бастар алдында эзофагиттің, гастриттің және/немесе пептидтік ойық жараның толықтай емдеп жазылуын қамтамасыз ету мақсатында, оларға көңіл бөлу керек. Мелоксикаммен емделген пациенттерде, және анамнезінде ондай жағдайлар болған пациенттерде қайталануының көрініс беруі мүмкіндігіне жүйелі түрде көңіл бөліп тұру керек.

Асқазан-ішек бұзылулары.

Басқа ҚҚСП қолданғандағы сияқты, емдеу үдерісінде кез келген сәтте, бастапқы симптомдарының немесеанамнезде асқазан-ішектің ауыр ауруларының болуымен немесе оларсыз, өлімге соқтыруы ықтимал асқазан-ішектен қан кету, ойық жара немесе перфорация, туындауы мүмкін.

Асқазан-ішектен қан кетудің, ойық жараның немесе перфорацияның қаупі анамнезінде ойық жарасы бар, әсіресе, қан кетумен немесе перфорациямен асқынған пациенттерде немесе егде жастағы пациенттерде ҚҚСП дозасын арттырған кезде көбірек. Ондай пациенттерге емдеуді ең аз тиімді дозасынан бастау керек. Ондай пациенттер, сондай-ақ, аспириннің немесе асқазан-ішек тарапынан қауіптерді арттыратын басқа дәрілік заттардың төмен дозасын бірге қолдануды қажет ететін пациенттер үшін, қорғағыш дәрілік заттармен (мисопростол немесе протондық помпа тежегіштері сияқты) біріктіріп емдеуді қарастыру керек.

Анамнезінде асқазан-ішек уыттылығы болған, әсіресе, егде жастағы пациенттер негізінен, емдеудің бастапқы сатыларындағы әдеттен тыс барлық абдоминальді симптомдар (әсіресе, асқазан-ішектен қан кетулер) туралы хабарлауы керек.

Ойық жара немесе қан кету қаупін арттыруы мүмкін дәрілік заттарды, атап айтқанда, гепаринді қосалқы ем ретінде немесе гериатриялық тәжірибеде, варфарин сияқты антикоагулянттарды, немесе бір қабылдауға ≥ 500 мг дозалардағы немесе жалпы тәуліктік ≥ 3 г дозадағы ацетилсалицил қышқылын қоса, қабынуға қарсы стероидты емес басқа дәрілік заттарды бір мезгілде қолданып жүрген пациенттерге мелоксикамды қолдану ұсынылмайды.

Мелоксикамды қолданып жүрген пациенттерде асқазан-ішектен қан кету немесе ойық жара туындаған жағдайда, емдеуді тоқтату керек.

ҚҚСП анамнезінде асқазан-ішек аурулары (ойық жаралы колит, Крон ауруы) бар пациенттерге сақтықпен қолдану керек, өйткені ол жағдайлар өршуі мүмкін.

Бауыр тарапынан бұзылулар.

ҚҚСП (Ревмоксикам® препаратын қоса) қабылдап жүрген пациенттердің 15 %-ға дейінгілерінде, бауыр тестілерінің біреуінің немесе бірнешеуінің мәндері жоғарылауы мүмкін. Ондай зертханалық ауытқулар үдеуі мүмкін, өзгеріссіз күйінде қалуы мүмкін немесе емдеуді жалғастырған жағдайда уақытша болуы мүмкін. АЛТ немесе АСТ елеулі (нормадан шамамен үш есе немесе одан да жоғары) жоғарылауы ҚҚСП-мен жүргізілген клиникалық сынақтар кезінде 1 % пациентте байқалды. Қосымша, сарғаю мен өлімге соқтыратын қауырт гепатитті, бауыр некрозы мен бауыр жеткіліксіздігін қоса, бауырдың ауыр реакцияларының сирек жағдайлары туралы хабарланды, олардың кейбіреулері өлімге соқтырған.

Бауыр дисфункциясының симптомдары бар немесе соған күдік туындаған немесе бауыр тестілерінің ауытқулары байқалған пациенттерде Ревмоксикам® препаратымен емдеу кезінде бауырдың ауырырақ жеткіліксіздігінің симптомдарына қатысты баға беру керек. Егер клиникалық белгілері мен симптомдары бауыр ауруларының дамуымен салыстырылса немесе егер аурудың жүйелі көріністері (мысалы, эозинофилия, бөртпе және басқа) байқалса, Ревмоксикам® препаратын қолдануды тоқтату керек.

Жүрек-қантамыр бұзылулары.

Анамнезінде артериялық гипертензиясы және/немесе жүректің жеңілден орташа дәрежеге дейінгі іркілісті жеткіліксіздігі болған пациенттерді мұқият қадағалау ұсынылады, өйткені, ҚҚСП емі кезінде сұйықтық іркілуі мен ісіну байқалған.

Қауіп факторлары бар пациенттер үшін емнің басында, әсіресе, мелоксикаммен емдеу курсының басында, артериялық қысымды клиникалық қадағалау ұсынылады.

Зерттеулердің деректері мен эпидемиологиялық деректер кейбір ҚҚСП қолдану (әсіресе, жоғары дозаларында және ұзақ уақыт емдеуде) қантамырлардың тромбоздық құбылыстары жағдайлары қаупінің (мысалы, миокард инфарктісі немесе инсульт) аздап жоғарылауымен байланысты болуы мүмкін деген болжам жасауға мүмкіндік беріп отыр. Мелоксикам үшін мұндай қауіпті жоққа шығару үшін деректер жеткіліксіз.

Бақыланбайтын артериялық гипертензиясы, жүректің іркілісті жеткіліксіздігі, жүректің анықталған ишемиялық ауруы, шеткері артериялардың ауруы және/немесе цереброваскулярлық ауруы бар пациенттерге мелоксикаммен емдеуді тек мұқият талдаудан кейін ғана жүргізу керек. Жүрек-қантамыр ауруларының қауіп факторлары (артериялық гипертензия, гиперлипидемия, қант диабеті, шылым шегу сияқты) бар пациенттерде ұзақ емдеуді бастағанға дейін толық талдау қажет.

ҚҚСП ауыр жүрек-қантамырлық тромбоздық асқынулардың, миокард инфарктісінің және инсульттің қаупін арттыруы, олар өлімге соқтыруы мүмкін. Қауіптің жоғарылауы қолданылуының ұзақтығымен байланысты. Жүрек-қантамыр аурулары немесе жүрек-қантамыр ауруларының қауіп факторлары бар пациенттерде қауіп жоғары болуы мүмкін.

Тері тарапынан бұзылулар.

Мелоксикамды қолданғанда терінің өмірге қауіп төндіретін ауыр зақымданулары: Стивенс-Джонсон синдромы және уытты эпидермалық некролиз туралы хабарланды. Пациенттер ауыр зақымданулардың белгілері мен симптомдарынан хабардар болуы және тері реакцияларын мұқият қадағалауы тиіс. Стивенс-Джонсон синдромының немесе уытты эпидермалық некролиздің туындауының анағұрлым зор қаупі емдеудің алғашқы апталары ішінде болады. Егер пациентте Стивенс-Джонсон синдромының немесе уытты эпидермалық некролиздің симптомдары немесе белгілері (мысалы, көбінесе күлбіреуіктермен немесе шырышты қабықтың зақымдануымен үдейтін тері бөртпесі) болса, мелоксикаммен емдеуді тоқтату керек. Терінің ауыр зақымдануларын: Стивенс-Джонсон синдромы немесе уытты эпидермалық некролизді туғызуы мүмкін кез келген препаратты барынша тезірек анықтау және қолданылуын тоқтату маңызды. Терінің ауыр зақымданулары кезіндегі нәтиже болжамның жақсы болуы осымен байланысты. Егер пациентте мелоксикамды пайдаланған кезде Стивенс-Джонсон синдромы немесе уытты эпидермалық некролиз анықталса, болашақта кез келген уақытта препаратты қолдануды қайта бастауға болмайды.

Анафилаксиялық реакциялар.

Басқа ҚҚСП қолданғандағы сияқты, анафилаксиялық реакциялар Ревмоксикам® препаратына белгілі реакциясы жоқ пациенттерде байқалуы мүмкін. Ревмоксикам® препаратын аспириндік триадасы бар пациенттерге қолданбаған дұрыс. Бұндай симптомдар кешені демікпесі бар, мұрын полиптерімен немесе оларсыз риниттер туралы хабарланған, немесе аспиринді немесе басқа ҚҚСП қолданғаннан кейін ауыр, өлімге соқтыруы ықтимал бронх түйілуі көрініс берген пациенттерде туындайды. Анафилактоидтық реакция анықталған жағдайда, шұғыл көмек шараларын қолдану керек.

Бауыр параметрлері және бүйрек функциясы.

ҚҚСП көпшілігімен емдеу кезіндегі сияқты, қан сарысуындағы креатинин мен қандағы мочевина азотының жоғарылауы, және зертханалық көрсеткіштердің басқа ауытқулары тәрізді, қан сарысуындағы трансаминазалар деңгейі жоғарылаған, қан сарысуындағы билирубин деңгейі немесе бауыр функциясының басқа параметрлері жоғарылаған бірен-саран жағдайлар сипатталды. Көпшілік жағдайларда бұл ауытқулар елеусіз және қайтымды сипатқа ие болды. Ондай ауытқулар елеулі немесе тұрақты түрде расталған жағдайда, мелоксикамды қолдануды тоқтату және бақылау тестілерін жүргізу керек.

Бүйрек функциясының жеткіліксіздігі.

ҚҚСП бүйрек простагландиндерінің тамырды кеңейтетін әсерін бәсеңдету жолымен, шумақтық сүзілістің төмендеуі салдарынан бүйректің функционалдық жеткіліксіздігін индукциялауы мүмкін. Бұл жағымсыз әсері дозаға тәуелді болып табылады. Емдеудің басында немесе дозасын арттырғаннан кейін келесі қауіп факторлары бар пациенттерде диурез бен бүйрек функциясын мұқият қадағалау ұсынылады:

  • егде жастағылар;
  • гиповолемия (шығу тегі кез келген);
  • жүректің іркілісті жеткіліксіздігі;
  • бүйрек жеткіліксіздігі;
  • нефроздық синдром;
  • люпус нефропатия;
  • бауыр дисфункциясының ауыр дәрежесі (сарысудағы альбумин <25 г/л немесе Чайлд-Пью жіктемесі бойынша ≥ 10).

АӨФ тежегіштерімен, ангиотензин II антагонистерімен, сартандармен, диуретиктермен қатарлас қолдану («Басқа дәрілік препараттармен өзара әрекеттесуі» бөлімін қараңыз);

Бірен-саран жағдайларда ҚҚСП интерстициальді нефриттерге, гломерулонефриттерге, ренальді медуллярлық некроздарға немесе нефроздық синдромдарға алып келуі мүмкін.

Бүйректің терминальді жеткіліксіздігі бар, диализ жүргізілетін пациенттер үшін мелоксикамның дозасы 7,5 мг аспауы тиіс. Бүйректің жеңілден орташа дәрежеге дейінгі жеткіліксіздігі бар пациенттерге дозасын төмендетпеуге болады (креатинин клиренсінің деңгейі 25 мл/минуттан асады).

Натрийдің, калийдің және судың іркілуі.

ҚҚСП натрийдің, калийдің және судың іркілуін күшейтуі және диуретиктердің натрийуретиктік әсерлеріне ықпал етуі мүмкін. Бұдан өзге, гипотензиялық дәрілік заттардың гипертензияға қарсы әсерінің төмендегені байқалуы мүмкін. Сондықтан да, нәтижесінде сезімтал пациенттерде ісіну, жүрек жеткіліксіздігі немесе артериялық гипертензия туындауы немесе өршуі мүмкін. Сондықтан, ондай қауіптері бар пациенттерге клиникалық мониторинг жүргізу ұсынылады.

Гиперкалиемия.

Гиперкалиемияға қант диабеті немесе калиемияны арттыратын дәрілік заттарды бір мезгілде қолдану ықпал етуі мүмкін. Ондай жағдайларда калий деңгейлеріне жүйелі түрде бақылау жүргізу керек.

Пеметрекседпен біріктірілімі

Бүйректің жеңіл және орташа жеткіліксіздігі бар, пеметрекседті қабылдап жүрген пациенттерде, мелоксикаммен емдеуді кемінде пеметрексед енгізілгенге дейін 5 күнге, енгізілетін күні және енгізгеннен кейін кемінде 2 күнге тоқтата тұру керек.

Басқа ескертулер және қауіпсіздік шаралары.

Жағымсыз реакцияларды көбінесе егде жастағы, әлсіз пациенттер немесе әлсіреген, мұқият қадағалауды қажет ететін науқастар нашар көтереді. Басқа ҚҚСП-мен емдеу кезіндегі сияқты, бүйрек, бауыр және жүрек функциясы төмендеуі ықтимал егде жастағы науқастарға қатысты сақ болу керек. Егде жастағы пациенттерде ҚҚСП-ға жағымсыз реакциялардың, әсіресе, асқазан-ішектен қан кетулер мен перфорациялардың туындау жиіліктері жоғарырақ болуы, олар өлімге соқтыруы мүмкін.

Мелоксикам, кез келген басқа ҚҚСП сияқты, инфекциялық аурулардың симптомдарын бүркемелеуі мүмкін.

Мелоксикамды қолдану ұрпақ өрбіту функциясына теріс ықпал етуі мүмкін және бала көтергісі келетін әйелдерге ұсынылмайды. Сондықтан, жүктілікті жоспарап жүрген немесе бедеулікке қатысты тексеріліп жүрген әйелдер үшін, мелоксикамды қабылдауды тоқтату мүмкіндігін қарастыру керек.

Ревмоксикам® препаратының 7,5 мг және 15 мг таблеткаларының құрамында лактоза бар, сондықтан сирек туа біткен галактоза жақпаушылығы, лактаза тапшылығы немесе глюкоза немесе галактоза сіңірілуінің бұзылуы бар пациенттергебұл препаратты қолдану ұсынылмайды.

Қабыну мен қызбаны бүркемелеуі.

Ревмоксикам® препаратының қызба мен қабынуды азайтудағы фармакологиялық әсері инфекциялық емес ауыру жағдайына күдік туындаған кезде диагностика жүргізуді қиындатуы мүмкін.

Кортикостероидтармен емдеу.

Ревмоксикам® кортикостероидтар жеткіліксіздігін емдеуде кортикостероидтардың ықтимал алмастырғышы бола алмайды.

Гематологиялық әсерлері.

Анемия Ревмоксикам® препаратын қоса,ҚҚСП қабылдап жүрген пациенттерде байқалуы мүмкін. Бұл сұйықтық іркілуімен, асқазан-ішектен жасырын немесе ауқымды қан кетумен, немесе толық сипатталмаған эритропоэзге ықпалымен байланысты болуы мүмкін. Ревмоксикам® препаратын қоса, ҚҚСП-мен ұзақ уақыт бойы емделіп жүрген пациенттерде, егер анемияның симптомдары мен белгілері болса, гемоглобин немесе гемокритті бақылау керек.

ҚҚСП тромбоциттер агрегациясын тежейді және кейбір пациенттерде қан кету уақытын ұзартуы мүмкін. Аспиринге қарағанда, олардың тромбоциттер функциясына ықпалы мөлшері жағынан аз, қысқамерзімді және қайтымды. Ревмоксикам® препаратын қабылдап жүрген және тромбоциттер функциясының өзгерістеріне, атап айтқанда, қан ұюының бұзылыстарына қатысты жағымсыз әсерлері болуы мүмкін пациенттердің, немесе антикоагулянттарды қабылдап жүрген пациенттердің жағдайын мұқият бақылау керек.

Бұрыннан демікпесі бар пациенттерге қолдану.

Демікпесі бар пациенттерде аспиринге сезімтал демікпе болуы мүмкін. Аспиринге сезімтал пациенттерде аспиринді қолдану ауыр бронх түйілуімен астасады, ол өлімге соқтыруы мүмкін. Бронх түйілуін қоса, аспирин мен басқа ҚҚСП арасындағы айқаспалы реакцияны ескере отырып, Ревмоксикам® препаратын аспиринге сезімтал пациенттерге қолданбаған дұрыс, және бұрыннан демікпесі бар пациенттерге сақтықпен тағайындау керек.

Педиатрияда қолданылуы

Ревмоксикам®, 7,5 мг және 15 мг таблеткаларын 16 жасқа дейінгі балаларға қолдануға болмайды.

Жүктілік немесе лактация кезінде

Жүктілік. Простагландиндер синтезінің бәсеңдеуі жүктілікке және/немесе эмбрион мен шарананың дамуына теріс әсер етуі мүмкін. Эпидемиологиялық зерттеулердің деректері, простагландиндер синтезінің тежегіштерін жүктіліктің бастапқы кездерінде қолданғаннан кейін түсік тастау және жүрек ақауларының дамуы мен гастрошизистер қаупінің жоғарылайтындығына болжам жасауға мүмкіндік беріп отыр. Жүрек ақаулары дамуының абсолюттік қаупі 1 %-дан аздан шамамен 1,5 %-ға дейін артқан. Бұл қауіп, дозасы мен емдеу ұзақтығын арттырғанда жоғарылай түседі деп есептеледі.

Жүктіліктің I және II триместрі кезінде мелоксикамды аса қажет жағдайларда болмаса, қолданбау керек. Егер әйел бала көтеруге тырысып жүрсе немесе жүктіліктің I және II триместрлері кезінде мелоксикамды қолданса, дозасы мен емдеу ұзақтығы барынша аз болуы тиіс.

Жүктіліктің III триместрі барысында простагландиндер синтезінің барлық тежегіштері шарана үшін қауіп тудыруы мүмкін:

  • жүрек-өкпе уыттылығы (артериялық қан ағымының мерзімінен бұрын жабылып қалуымен және өкпе гипертензиясымен);
  • бүйрек функциясының бұзылулары, ол олигогидроамнионмен жүретін бүйрек жеткіліксіздігіне ұласуы мүмкін.
  • қан кету уақытының, тіпті өте төмен дозаларында да агрегацияға қарсы әсерінің ұзаруы мүмкіндігі;
  • жатырдың жиырылуының бәсеңдеуі, бұл босанудың кідіруіне немесе ұзаққа созылуына алып келеді.

Жүктіліктің соңғы мерзімдерінде ана мен жаңа туған нәресте үшін болуы мүмкін қауіптері:

Сондықтан, мелоксикамды жүктіліктің III триместрі кезінде қолдануға болмайды.

Емшек емізу. Ревмоксикам® препараты бойынша нақты деректер жоқ болғанымен, ҚҚСП туралы, олардың емшек сүтіне өтуі мүмкіндігі белгілі. Сондықтан, емшек емізіп жүрген әйелдерге қолдану ұсынылмайды.

Фертильділік. Мелоксикам, циклооксигеназа/простагландин синтезін тежейтін басқа дәрілік заттар сияқты, ұрпақ өрбіту функциясына теріс әсер етуі мүмкін және жүктілікті жоспарлап жүрген әйелдерге ұсынылмайды. Сондықтан, жүктілікті жоспарлап жүрген немесе бедеулікке қатысты тексеріліп жүргенәйелдер үшін, мелоксикамды тоқтату мүмкіндігін қарастыру керек.

Препараттың көлік және қауіптілігі зор механизмдерді басқару қабілетіне әсер ету ерекшеліктері

Препараттың автомобиль басқару немесе басқа механизмдермен жұмыс істеу қабілетіне әсері туралы арнайы зерттеулер жүргізілмеген. Алайда, фармакодинамикалық бейіні мен байқалған жағымсыз реакцияларының негізінде, мелоксикам аталған қызметтерге әсер етпеуге бейім немесе болар-болмас әсер етуі мүмкін деп шамалауға болады. Алайда, анық көрмеуді қоса, көру функциясының бұзылулары, бас айналуы, ұйқышылдық, вертиго немесе орталық жүйке жүйесінің басқа бұзылулары байқалған пациенттерге, автомобиль басқарудан немесе басқа механизмдермен жұмыс істеуден бас тарту ұсынылады.

Қолдану жөніндегі нұсқаулар

Дозалау режимі

Ішу арқылы қолдану керек.

Дәрілік заттың жалпы тәуліктік мөлшерін тамақтану кезінде сумен немесе басқа сұйықтықпен ішу арқылы бір рет қолдану керек.

Жағымсыз реакцияларды ең аз тиімді дозасын симптомдарын бақылауға алу үшін қажетті қысқамерзімді ем барысында қолдану арқылы азайтуға болады. Пациентке симптомдарын жеңілдетудің қажеттілігін және емге жауабын жүйелі түрде бағалап отыру керек.

Остеоартроздың өршуі:

Тәулігіне 7,5 мг (7,5 мг 1 таблеткасы немесе 15 мг таблетканың жартысы). Егер қажет болса, дозасын тәулігіне 15 мг дейін арттыруға болады (15 мг 1 таблеткасы немесе 7,5 мг 2 таблеткасы).

Ревматоидтық артрит, шорбуынданатын спондилит:

Тәулігіне 15 мг (15 мг 1 таблеткасы немесе 7,5 мг 2 таблеткасы).

Емдік әсеріне сәйкес, дозасын тәулігіне 7,5 мг (7,5 мг 1 таблеткасы немесе 15 мг таблетканың жартысы) дейін азайтуға болады.


Дәріханалар

Тауар артығымен бар
Тауар аз қалды
Аптека № 59, Алматы, (Радостовцова 292)
Бостандыкский р., ул.Радостовцова 292 (Магнум)
Круглосуточно
Аптека №311
улица Курмангазы, дом 144, НП 74Б.
Круглосуточно
Аптека № 75, Алматы, Абая Жарокова)
ул.Абая 139, уг.ул Жарокова
Круглосуточно
Аптека №260, Алматы, (Алтынсарин)
11-й микрорайон, 26 / Алтынсарина проспект, 26
Круглосуточно
Аптека № 58, Алматы, (Акбулак)
мкр Акбулак, ул.Хан Шатыр 273
Круглосуточно