Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Саудалық атауы
Розулип® Плюс
Халықаралық патенттелмеген атауы
Жоқ
Дәрілік түрі, дозасы
Капсулалар, 5 мг/10 мг, 10 мг/10 мг, 20 мг/10 мг
Фармакотерапиялық тобы
Жүрек-қантамыр жүйесі. Липид-модификациялайтынпрепараттар. Липид-модификациялайтын препараттар, біріктірілімдері. Басқа гиполипидемиялық дәрілермен біріктірілген ГМГ-Коа-редуктаза тежегіштері. Розувастатин және эзетимиб.
АТХ коды C10BA06
Қолданылуы
Ересектерде алғашқы гиперхолестеринемияны емдеуде (диетаға қосымша ретінде):
-розувастатинмен монотерапияда ауру жеткілікті бақыланбағанда;
- екі жеке дәріні бекітілген біріктірілімдегі дозаларда бір мезгілде қолданғанда ауру жеткілікті бақыланатын пациенттерде орын басушы ем ретінде.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Басқа дәрілік препараттармен өзара әрекеттесуі
Қарсы көрсетілген біріктірілімдер
Циклоспорин. Розувастатинмен бір мезгілде қолдану кезінде розувастатиннің AUC көрсеткіштері дені сау тұлғаларға препаратпен монотерапия кезіндегіге қарағанда, шамамен 7 есе жоғары болған. Розувастатин мен циклоспоринді бiр мезгілде қолдану циклоспориннің плазмалық концентрациясына ықпал етпейдi.
Розулип Плюс пен циклоспоринді бір мезгілде қолдануға болмайды.
Ұсынылмайтын біріктірілімдер
Протеаза тежегіштері. Өзара әрекеттесуінің дәл механизмі белгісіз болуына қарамастан протеолитикалық ферменттерді бір мезгілде қолданурозувастатиннің биожетімділігінің айтарлықтай жоғарылауына әкелуі мүмкін. Розувастатинді 10 мг дозада және протеазалардың (300 мг атазанавир/100 мг ритонавир) екі тежегішінің біріктірілген препаратын бір мезгілде қолдану дені сау адамдар популяциясында розувастатинAUC тепе-тең жағдайда шамамен 3 есе, ал Cmax – шамамен 7 есе жоғарылауымен сипатталды. Розувастатиннің протеазалардың кейбір тежегіштерімен біріктірілімі тек розувастатиннің дозасының мұқият ойластырылып өзгертілуінде соңғысының жүйелі әсерінің жоғарылауы мүмкіндігінен болады деп болжамданады. Дозалардың аталған біріктірілімін бірінші желі емі ретінде қолдануға болады. Біріктірілген емдірозувастатиннің немесе екі компоненттің де сәйкес келетін дозасын таңдағаннан кейін бастау керек.
Тасымалдаушы ақуыздар тежегіштері. Розувастатин кейбір тасымалдаушы ақуыздардың, оның ішінде ОАТР1В1 және BCRP субстраты болып табылады. Розулип Плюс препаратын тасымалдаушы ақуыздардың тежегіштері болып табылатын препараттармен бір мезгілде қолдану, розувастатинніңплазмадағы концентрациясын және миопатия даму қаупін жоғарылатуы мүмкін.
Гемфиброзил және басқа да гиполипидемиялық дәрілер. Гемфиброзил мен розувастатинді бір мезгілде қолдану розувастатиннің Cmax және AUC екі есе ұлғаюымен бірге жүрді. Спецификалық өзара әрекеттесуі бойынша деректерді негізге алып, фенофибратпен фармакокинетикалық мәнді өзара әрекеттесуі күтiлмейдi,фармакодинамикалық өзара әрекеттесуі мүмкiн. Қандағы липидтер мөлшерін азайтатын (тәулігіне 1 г немесе одан артық) дозалардағы гемфиброзил, фенофибрат, басқа фибраттар, сондай-ақ ниацин (никотин қышқылы) ГМГ-КоА-редуктазасының тежегіштерімен бір мезгілде қолдану кезінде миопатияның даму қаупі ұлғаяды, ол монотерапия ретінде пайдалану кезінде де миопатия туғыза алатынына байланысты болуы мүмкін. Мұндай пациенттерге розувастатиннің 5 мг дозасынан бастау керек.
Эзетимиб пен фенофибрат қабылдайтын пациенттерде өттас ауруының және өт қабы ауруының даму қаупі бар. Эзетимиб пен фенофибрат қабылдайтын пациенттерде холестаздың дамуына күдік болғанда, өт қабын тексеру, сондай-ақ осы емді тоқтату керек. Фенофибрат пен гемфиброзилді бір мезгілде қолданғанда эзетимибтің қосынды концентрациясының (тиісінше шамамен 1,5 және 1,7 есе) жоғарылауы байқалды. Эзетимибты басқа фибраттармен бір мезгілде қолдану зерттелген жоқ. Фибраттар холестериннің өтпен экскрециясын жоғарылатуы мүмкін ол өттас ауруына әкеледі. Эзетимибті емдік қабылдаудың өттас ауруының даму қаупімен астасуын жоққа шығаруға болмайды.
Фузидий қышқылы. Фузидий қышқылын статиндермен бірге жүйелі қолданған кезде рабдомиолизді қоса, миопатия қаупі жоғарылауы мүмкін. Өзара әрекеттесудің осы механизмі (фармакодинамикалық және/немесе фармакокинетикалық па екені) әлі анықталған жоқ. Мұндай біріктірілімдер қабылдаған пациенттерде рабдомиолиз жағдайлары (кейбір жағдайларда өліммен аяқталған) туралы хабарланды. Егер фузидий қышқылымен емдеу қажет болса, онда фузидий қышқылымен бүкіл емдеу барысында статиндерді тоқтату керек.
Басқа да өзара әрекеттесулер
Антацидтер. Розувастатинмен құрамында алюминий және магний гидроксиді бар антацид суспензиясын бір мезгілде қолдану қан плазмасында розувастатин концентрациясының шамамен 50%-ға төмендеуімен бірге жүрген. Егер пациенттер розувастатиннен кейін 2 сағаттан соң антацид қабылдаса, бұл әсер азайған. Бұл өзара әрекеттесудің клиникалық мәні анықталмаған.
Бір мезгілде антацидтерді қабылдау эзетимибтің сіңу жылдамдығын төмендетеді, бірақ оның биожетімділігіне әсер етпейді, сондықтан клиникалық мәні жоқ деп саналады.
Эритромицин. Розувастатин мен эритромицинді бір мезгілде қолдану AUC0-t және розувастатиннің Cmax тиісінше 20 және 30%-ға азаюымен сипатталған. Осы өзара әрекеттесу эритромицинмен туындаған ішек моторикасының жоғарылауы нәтижесі болып табылады деп болжамданады.
P450 цитохром ферменттері. Розувастатин Р450 цитохром жүйесінің изоферменттерінің тежегіші немесеиндукторы болып табылмайды. Одан басқа, розувастатин – осы изоферменттер үшінпрофильді субстрат емес. Розувастатин мен флуконазол (CYP2C9 және CYP3A4 тежегіштері) немесе кетоконазол (CYP2A6 және CYP3A4 тежегіштері) арасында клиникалық мәні бар өзара әрекеттесу байқалмайды. Розувастатин мен итраконазолды (CYP3A4 тежегіші) қатар қолдану розувастатиннің AUC 28%-ға жоғарылауымен жүрді. Осындай өзгерістердің клиникалық мәні бар деп саналмайды. Осылайша, Р450 цитохромы жүйесі изоферменттері арқылы препараттың метаболизмімен байланысты дәрілік өзара әрекеттесу ықтималдығы аз.
Эзетимиб дәрілік заттарды метаболиздейтін P450 цитохромы ферменттерін индукцияламайды. Эзетимиб пен Р450 цитохромы 1А2, 2D6, 2С8, 2C9 және 3А4 изоформаларымен немесе N-ацетилтрансферазамен метаболизденетіні белгілі дәрілік заттар арасында клиникалық мәні бар фармакокинетикалықөзара әрекеттесу байқалған жоқ.
К дәрумені антагонистері. ГМГ-КоА-редуктазанаң басқа тежегіштерімен емдеген жағдайдағыдай бір мезгілде К дәруменінің антогонистерімен (гепарин немесе басқа антикоагулянттар кумарин туындылары) ем қабылдайтын пациенттерде розувастатинмен емді бастау немесе дозасын жоғарылату халықаралық қалыптастырылған қатынастың (ХҚҚ) жоғарылауымен қатар жүруі мүмкін. Розувастатинді қабылдауды тоқтатқаннан кейіннемесеоныңдозасын төмендеткеннен кейінХҚҚ төмендеуі мүмкін. Осындай жағдайларда ХҚҚ мониторингілеу ұсынылады.
Бір мезгілде 10 мг дозадағы эзетимибпен тәулігіне бір рет емдеу варфарин биожетімділігі мен протромбиндік уақытқа әсер еткен жоқ. Алайда, эзетимибті варфарин немесе флуиндион қабылдауға қосқанда пациенттерде халықаралық қалыптасқан қатынастың жоғарылауы туралы хабарлар бар. Алайда Розулип Плюс препаратын варфаринмен немесе басқа антикоагулянттармен бірге қабылдағанда халықаралық қалыптасқан қатынас (ХҚҚ) көрсеткішін мониторингілеу керек.
Пероральді контрацептивтер/гормон алмастыратын ем (ГАЕ). Розувастатинді және ішке қабылданатын контрацептивтердi бiр мезгілде қолдану этинилэстрадиол және норгестрел AUC-ының тиісінше 26 және 34% ұлғаюымен бірге жүрді. Қан плазмасындағы бұл гормондар концентрациясының ұлғаюын ішке қабылданатын контрацептивтердiң дозаларын таңдау кезінде ескеру қажет. ГАЕ аясындағы розувастатинді қолдануды сипаттайтын фармакокинетикалық деректер жоқ, сондықтан жоғарыда сипатталғандарға ұқсас әсерлердің дамуын жоққа шығаруға болмайды. Эзетимиб этинилэстрадиол мен левоноргестрелді қамтитын пероральді контрацептивтердің фармакокинетикасына әсер еткен жоқ.
Холестирамин. Бір мезгілде холестирамин қабылдау қосынды эзетимиб үшін (эзетимиб + эзетимиб глюкурониді) фармакокинетикалық қисық астындағы ауданды (AUC) шамамен 55 %-ға азайтады. Эзетимибтің холестираминмен өзара әрекеттесуітөмен тығыздықты липопротеидтерхолестеринінің(ТТЛП-ХС) төмендеуін туындатуы мүмкін.
Статиндер. Эзетимибті аторвастатинмен, симвастатинмен, правастатинмен, ловастатинмен, флувастатинмен немесерозувастатинмен бір мезгілде қолданғанда клиникалық мәні бар фармакокинетикалық өзара әрекеттесу байқалған жоқ.
Басқа дәрілік заттар: спецификалық өзара әрекеттесуге қатысты зерттеу деректері бойынша розувастатин мен дигоксиннің клиникалық маңызды өзара әрекеттесуі анықталған жоқ.
Эзетимиб бірге қолданғанда дапсон, декстрометорфан, дигоксин, глипизид, толбутамид, мидазоламның фармакокинетикасына әсер еткен жоқ.
Циметидинді эзетимибпен бір мезгілде қабылдау эзетимибтің биожетімділігіне әсер етпейді.
Розувастатиннің дозасын өзгертуді талап ететін өзара әрекеттесулер (кестені қара):
Розувастатиннің жүйелі әсерін жоғарылататыны белгілі препараттармен бір мезгілде Розувастатинді қолдану қажеттігінде, соңғысының дозасын өзгерту керек. Егер AUC экспозициясының2 немесе одан артық жоғарылауы күтілсе, онда розувастатинді 5 мг стартты дозада тағайындау керек. Розувастатиннің ең жоғары тәуліктік дозасын розувастатиннің мүмкіндігінше күтілген экспозициясы 40 мг розувастатинді өзара әрекеттесуді туындататын препараттарсыз (мысалы, розувастатин 20 мг дозада гемфиброзилмен – 1.9 есе артады; розувастатин 10 мг дозадаритонавир/атазанавирмен біріктірілімде – 3.1 есе артады) қабылдағанда бақыланатын мәндерденаспайтындай модификациялау керек.
Кесте: Бір мезгілде қолданылатын препараттардың жарияланған клиникалық зерттеулер негізінде розувастатиннің экспозициясына әсері (AUC-қа әсерінің төмендеу ретімен)
| Өзара әрекеттесуді тудыратын препараттың дозалау режимі | Розувастатиннің дозалау режимі | Розувастатин-нің AUC мәнінің өзгеруі* |
| Циклоспоринкүніне екі рет 75 мг-нан күніне екі рет 200 мг-ға дейін, 6 ай | 10 мг күніне 1 рет, 10 тәу | 7,1-есе ↑ |
| Регорафениб 160 мг 1 рет/тәу, 14 тәу | 5 мг, бір рет | 3,8 есе ↑ |
| Атазанавир 300 мг/ритонавир 100 мг күніне 1 рет, 8 күн | 10 мг, бір реттік доза | 3,1-есе ↑ |
| Симепревир 150 мг күніне 1 рет, 7 күн | 10 мг, бір реттік доза | 2,8-есе ↑ |
| Элбасвир 50 мг +гразопревир 200 мг тәулігіне 1 рет | 10 мг бір рет | 2,3 есе ↑** |
| Лопинавир 400 мг/ритонавир 100 мг күніне екі рет, 17 күн | 20 мг, бір реттік доза | 2,1-есе ↑ |
| Глекапревир 400 мг/пибрентасвир 120 мг тәулігіне 1 рет, 7 күн | 5 мг 1 раз/сут, 7 тәу | 2,2 есе ↑ |
| Велпатасвир 100 мг тәулігіне 1 рет | 10 мг бір рет | 2,7 есе ↑ |
| Омбитасвир 25 мг /паритапревир 150 мг /ритонавир 100 мг тәулігіне 1 рет /дасабувир 400 мг тәулігіне 2 рет, 14 күн | 5 мг бір рет | 2,6 есе ↑ |
| Клопидогрел 300 мг қаныққан доза, кейін 75 мг/тәу | 20 мг, бір реттік доза | 2-есе ↑ |
| Гемфиброзил 600 мг тәулігіне 2 рет, 7 күн | 80 мг, бір реттік доза | 1,9-есе ↑ |
| Элтромбопаг 75 мг, тәулігіне 1 рет, 5 күн | 10 мг, бір реттік доза | 1,6-есе ↑ |
| Дарунавир 600мг/ритонавир 100 мг | 10 мг күніне 1 рет, 7 тәу | 1,5-есе ↑ |
| Типранавир 500 мг/ ритонавир 200 мг | 10 мг, бір реттік доза | 1,4-есе ↑ |
| Дронедарон 400 мг күніне екі рет | деректер жоқ | 1,4-есе ↑ |
| Итраконазол 200 мг күніне бір рет, 5 күн | 10 мг, бір реттік доза | 1,4-есе ↑** |
| Фозампренавир 700 мг/ритонавир 100 мг | 10 мг, бір реттік доза | ↔ |
| Алеглитазар 0.3 мг 7 күн | 40 мг, 7 тәу | ↔ |
| Силимарин (Silbyum marianum экстрактісі) 140 мг күніне үш рет, 5 күн | 10 мг, бір реттік доза | ↔ |
| Фенофибрат 67 мг күніне үш рет, 7 күн | 10 мг 7 тәу | ↔ |
| Рифампин 450 мг күніне үш рет, 7 күн | 20 мг, бір реттік доза | ↔ |
| Кетоконазол 200 мг күніне үш рет, 7 күн | 80 мг, бір реттік доза | ↔ |
| Флуконазол 200 мг күніне бір рет, 11 күн | 80 мг, бір реттік доза | ↔ |
| Эритромицин 500 мг күніне 4 рет, 7 күн | 80 мг, бір реттік доза | 20%↓ |
| Байкалин 50 мг күніне үш рет | 20 мг, бір реттік доза | 47%↓ |
* Х-еселік өзгерістер секілді берілген деректер тек қана розувастатиннің бір өзінқолданғанда және препараттарбіріктірілімін қабылдағандағы AUC арақатынасы болып табылады. % секілді берілген деректер - тек қана розувастатиннің бір өзінқолданғандағыға қатысты%- айырмашылығын көрсетеді.
↑ - жоғарылауы, ↔ - өзгерістер жоқ, ↓ - төмендеуі
**Өзара әрекеттесудің кейбір зерттеулерін розувастатиннің басқа дозаларымен жүргізді, кестеде AUC маңыздылығы жоғары өзгерістері берілген.
Арнайы ескертулер
Қаңқа бұлшықеттеріне әсері
Қаңқа бұлшықеттері тарапынан жағымсыз құбылыстары (мысалы, миалгия, миопатия, (миозиттi қоса) және сирек жағдайларда рабдомиолиз розувастатинді кез келген дозаларда, әсiресе жиi 20 мг-ден асатын дозаларда қабылдаған пациенттерде байқалған.
Эзетимиб қолданғанда миопатия және рабдомиолиз жағдайлары туралы хабарланды. Өте сирек жағдайларда эзетимибпен монотерапияда, сондай-ақэзетимибты рабдомиолиздың жоғары қаупімен астасқан басқа дәрілік заттарға қосқандарабдомиолиз байқалды. Миопатияға (бұлшықеттер тарапынан симптомдар немесе креатинфосфокиназаның жоғары деңгейі негізінде) күдіктенгенде эзетимибті қабылдауды, барлық статиндерді және рабдомиолиздің жоғары деңгейімен байланысы анықталған қандай да болмасын дәрілік заттарды дереу тоқтату керек. Емнің басында барлық пациенттерге бұлшықеттердегі себепсіз ауыруының барлық көріністері, бұлшықет аурушаңдығы немесе әлсіздігі туралыуақытылы хабарлау керектігі туралы ескерту керек.
Бүйрек функциясына әсері
Розувастатин қабылдаған (әсіресе 40 мг дозада) кейбір пациенттердеэкспресс-тестілеуде негізінен өзекшелік табиғатымен протеинурия байқалды. Протеинурия қайтымды немесе интермиттирлейтін сипат иеленген. Көптеген жағдайларда протеинурия емдеу барысында азаяды немесе жоғалады және бүйректің жедел ауруының пайда болуын және осыған дейінгі болған ауруларының өршуін білдірмейді.
Бауыр функциясына әсері
Емді бастағанға дейін және емді бастағаннан кейін 3 айдан соң бауырдың функционалдық сынамасына бақылау жүргізу ұсынылады. Егер қан сарысуындағы трансаминазалар қалыптың жоғары шегінен 3 еседен аса жоғары болса розувастатинді қабылдауды тоқтату немесе оның дозасын төмендету қажет.
Екіншілік гиперхолестеринемиямен пациенттерде гипотиреоз немесе нефроздық синдром салдарынан негізгі ауруларының емі розувастатинмен емді бастағанға дейін жүргізілуі керек.
Эзетимиб пен статинді бір мезгілде қабылдағанда трансаминазалардың (қалыптың жоғары шегінен [ҚЖШ] ≥3) бірізді жоғарылауы байқалды.
Эзетимиб әсерінің жоғарылауының ықпалы белгісіз болуы салдарынанбауыр функциясы орташа және ауыр бұзылған пациенттерде Розулип Плюс препаратын қолдануға болмайды.
Креатинфосфокиназаны анықтау
Бұл нәтижелердiң интерпретациясын қиындата алатындықтан, қан сарысуындағы креатинфосфокиназаны анықтауды қарқынды физикалық жүктемесінен кейiн немесе креатинкиназа концентрациясы ұлғаюының басқа мүмкін болатын себептерiнiң болуы кезінде жүргiзуге болмайды. Егер креатинкиназаның бастапқы деңгейі едәуiр жоғары (қалыптың жоғарғы шегіне қарағанда 5 есе жоғары) болса, 5-7 күннен кейiн қайтадан өлшем жүргiзу керек. Егер қайта жасалған тест креатинкиназаның бастапқы деңгейiн растаса (қалыптың жоғарғы шегіне қарағанда 5 есе жоғары), терапияны бастауға болмайды.
Фузидий қышқылы
Жүйелі қолдану үшін немесе фузидий қышқылымен емдеуді тоқтатқаннан кейін 7 күн ішінде Розулип Плюсті фузидий қышқылымен бірге қолдануға болмайды. Фузидий қышқылымен емделу қажет пациенттерге бүкіл емделу барысында розувастатин қабылдауды тоқтату керек. Розувастатин мен фузидий қышқылын бірге қабылдап жүрген пациенттерде рабдомиолиздің дамуы (кейбір жағдайларда өліммен аяқталған) туралы хабарланды. Пациенттер бұлшықет әлсіздігі, ауыру немесе бұлшықеттің сезімталдығы дамығанда дереу дәрігерге қаралу керектігі туралы хабардар болуы тиіс.
Фузидий қышқылының соңғы дозасын енгізгеннен кейін 7 күннен соң розувастатинмен емді қайта бастауға болады.
Фузидий қышқылымен ұзақ емдеу қажет болған ерекше жағдайларда, мысалы, ауыр инфекцияларда, фузидий қышқылы мен Розулип Плюс препаратын бірге қолдану қажеттілігі туралы шешім емнің потенциалды қаупі мен пациенттің жағдайын мұқият бақылағандағы ықтимал пайданы салыстыра отырып, жекелей қабылдануы тиіс.
Емді бастағанға дейін
ГМГ-КоА-редуктазасының басқа тежегіштері тәрізді, Розулип Плюс препаратын миопатия немесе рабдомиолиз дамуына бейiмдейтiн факторлары бар пациенттерге сақтықпен тағайындау керек, олар: бүйрек функциясының бұзылуы; гипотиреоз; пациенттегі немесе оның жақын туыстарындағы бұлшықет жүйесiнiң тұқым қуалаған патологиясы; анамнезіндегі ГМГ-КоА-редуктазасының басқа тежегішін немесе фибратты қабылдауға байланысты бұлшықетке уытты әсер; ішімдікке салыну; 70 жастан асқандар; қан плазмасында препарат концентрациясының ұлғаюына әкелетін жағдайлар; бір мезгілде фибраттарды пайдалану.
Мұндай пациенттерге препаратты тағайындау кезінде емнің қаупі мен мүмкін болатын пайдасын мұқият салыстыру қажет. Бұдан басқа клиникалық мониторингті жүргізу ұсынылады. КФК деңгейінің айтарлықтай бастапқы жоғарылауында (ҚЖШ > 5) емді бастауға болмайды.
Емдеу уақытында
Бұлшықет ауруларының, бұлшықет әлсiздiгінің немесе түйілуінің кенеттен байқалу жағдайлары туралы, әсiресе егер олар дімкәстікпен және қызбамен бірге болса, дәрiгерге дереу хабарлау қажеттiгi туралы пациентке баяндау керек. Мұндай пациенттерде қан сарысуындағы КФК белсенділігін анықтау керек. Егер КФК белсенділігі едәуір ұлғайған (қалыптың жоғарғы шегімен салыстырғанда 5 еседен жоғары болса) немесе егер бұлшықет тарапынан симптомдар кенет айқын және күнделікті қолайсыздық туғызған (тіпті егер КФК белсенділігіқалыптың жоғарғы шегімен салыстырғанда 5 еседен аспаса) жағдайда ем тоқтатылуы керек. Креатинфосфокиназа дағдылы бақылау симптомдары болмаған кезде орынсыз. Проксимальді бұлшықеттердің ұзаққа созылған әлсіздігі және статиндермен (оның ішінде розувастатинмен де) емдеу аясында немесе емді тоқтатқаннан кейін сарысу креатинкиназасы деңгейінің жоғарылауы түріндегі клиникалық біліністермен сипатталатын иммунологиялық шығу тегімен некроздалған миопатия дамуы туралы өте сирек хабарлар бар. Осындай жағдайларда кейінірек жүйке-бұлшықеттік функциясын зерттеуге, серологиялық тестілер жасау және иммуносупрессивті ем тағайындауғақажеттілік туындауы мүмкін.
Розувастатинді қабылдаған және басқа гиполипидемиялық препараттармен қатар жүретін ем кезінде қаңқа бұлшықеттеріне әсердiң ұлғаюының белгiлерi анықталмаған. Гемфиброзил, циклоспорин, никотин қышқылы, азолдік зеңге қарсы дәрілер, протеаза тежегіштері және макролидті антибиотиктерді қоса, фиброй қышқылының туындыларымен қатар ГМГ-КоА-редуктазасының басқа тежегіштерін қабылдаған пациенттерде миозит және миопатия жағдайларының ұлғаюы туралы хабарланған. Гемфиброзил ГМГ-КоА-редуктазасының кейбiр тежегіштерімен бірге тағайындау кезінде миопатияның пайда болу қаупін ұлғайтады. Осылайша, Розулип Плюс пен гемфиброзилді бір мезгілде тағайындау ұсынылмайды. Розулип Плюс пен фибраттарды немесе ниацинді бiрлесе қолдану кезінде қауіп пен мүмкiн болатын пайданың арақатынасын мұқият салыстыру керек.
Розулип Плюс препаратын миопатияның дамуы туралы растайтын жедел, маңызды бұзушылықтарымен немесе рабдомиолизге (мысалы, сепсис, гипотензия, көлемдi хирургиялық араласу, жарақат, ауыр метаболизмдік, эндокриндік немесе электролиттiк бұзылулар, тойтарылмайтын құрысулар) қатысты екiншi орындағы бүйрек жеткiлiксiздiгiнiң дамуына бейiмдейтiн факторлармен пациенттердi емдеу үшiн қолдануға болмайды.
Этникалық қатыстылығы
Розувастатиннің фармакокинетикасын зерттеулер еуропалық нәсілді пациенттермен салыстырғанда азиялық нәсілді пациенттерде дәрілік заттың әсерінің жоғарылауын көрсетеді.
Протеазалар тежегіштері
Розувастатинді протеолиздік ферменттердің әртүрлі тежегіштерімен жәнеритонавирмен біріктіргенде розувастатиннің жүйелі экспозициясының жоғарылауы байқалды.
Протеаза тежегіштерін қабылдайтын АИТВ пациенттерде Розулип Плюсті тағайындағанда липидтер деңгейінің төмендеуінің пайдасы мен емнің басында және препарат дозасын ары қарай таңдауда қан плазмасындағы розувастатин деңгейінің жоғарылату мүмкіндігін саралау керек.
Розулип Плюс препаратының дозасына түзету жүргізу жағдайларын қоспағанда протеазаның кейбір тежегіштерімен біріктірілімі ұсынылмайды Өкпенің интерстициальді ауруы
Өкпенің интерстициальді ауыруының өте сирек жағдайлары статин тобынан кейбiр препараттарды қабылдаған науқастарда тiркелген.
Әдеттегiдей, бұл жағдайлар статиндермен ұзақ уақыт емдеу кезінде байқалған. Өкпенің интерстициальді ауруы ентiкпемен, өнiмсiз жөтелмен және жалпы жағдайдың нашарлауымен (жоғары қажу, дене массасының төмендеуi және қызба) білінеді. Егер өкпенің интерстициальді ауруына күдік болса, статиндермен емдеуді тоқтату керек.
Қант диабеті
Бар деректер негізінде статиндер класс ретінде қандағы қант деңгейін жоғарылатады, сондай-ақ қант диабетінің дамуының жоғары қаупімен пациенттерде диабетке қарсы емді қажет ететін гипергликемия туындатуы мүмкін. Әйтсе де осындай жағдайларда статиндерді тоқтатуға болмайды, өйткені қантамырлары ауруларының даму қаупінің төмендеуімен байланысты пайдасыгипергликемия даму қаупінен жоғары.
Қауіп тобына жататын пациенттерге (аш қарынға глюкозаның концентрация 5.6-6.9 ммоль/л, дене салмағының индексі >30 кг/м2, триглицеридтер деңгейінің жоғарылауы, гипертония), қолданыстағы ұлттық ұсыныстарға сәйкес клиникалық және биохимиялық мониторинг жүргізу керек.
Фибраттар
Эзетимиб пен фибраттарды бір мезгілде қолданудың қауіпсіздігі мен тиімділігі анықталған жоқ. Егер Розулип Плюс және фенофибрат қабылдайтын пациентте холестаз дамуына күдік туындаса өт қабына зерттеу жүргізу және аталған емді тоқтату керек.
Антикоагулянттар
Егер Розулип Плюс варфаринмен, басқа кумариндік антикоагулянт немесе флуиндионмен емге қосылған болса, халықаралық қалыптастырылған қатынасқа(ХҚҚ) сәйкес мониторинг қажет болады.
Бауыр ауруы және алкоголь тұтыну
Розулип Плюс капсуласын алкогольді шамадан тыс қабылдайтын және\немесе анамнезінде бауыр аурулары бар пациенттерде сақтықпен қолдану керек.
