Тауарлардың көрінісі фотосуретте көрсетілгеннен өзгеше болуы мүмкін

Скин кап 100 мл аэрозоль

9786
Қолжетімділігі
Сатылымда бар
Үлгі
8470002358201
Елі
Франция
Өндіруші
Хеминова
0-0-4 бөліп төлеу
2447 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

СКИН-КАП®

Саудалық атауы

Скин-кап®

Халықаралық патенттелмеген атауы

Мырыш пиритионы

Дәрілік түрі

Аэрозоль

Құрамы

100 мл препараттың құрамында

белсенді зат – мырыш пиритионы 200 мг,

қосымша заттар: натрий лаурилсульфаты, изопропилмиристат, этанол, полисорбат 80, пропеллент – изобутан (Propel 45)

Сипаттамасы

Өзіне тән иісі бар сарғыш түсті майлы ерітінді.

Фармакотерапиялық тобы

Тері ауруларын емдеуге арналған басқа да препараттар. Мырыш пиритионы

АТХ коды D11AX12.

Фармакологиялық қасиеттері

Скин-кап® аэрозолінің белсенді заты – микробқа қарсы және зеңге қарсы белсенділікке иеленген белсендендірілген мырыш пиритионаты. Препарат ең жоғары белсенділігін Pytyrosporum ovale және Pytyrosporum orbiculare қатысты білдіреді және терінің беткі қабаттары жасушаларының патологиялық өсуін басады және соның арқасында псориаз, себорея, қайызғақ кезіндегі шамадан тыс қабыршақтануын жояды.

Емдік концентрацияларда препарат сау жасушалардың функциясын бәсеңдетпейді.

Мырыш пиритионының әсер ету механизмі транслокацияны индукциялауда және С протеинкиназасының белсенділігінде болады.

Сыртқа қолданған кезде мырыш пиритионы эпидермисте және дерманың беткі қабаттарында жиналады. Мырыш пиритионының жүйелік сіңірілуі баяу жүреді, қанда іздік мөлшерде анықталады.

Қолданылуы

Ересектер мен 3 жастан асқан балаларға:

- тері қышынуы, терінің қабыну реакциялары, терінің қабыршақтануы, қайызғақ, себорея және псориаз.

Қолдану тәсілі мен дозалары

Препаратты терінің зақымданған бөлігіне 3 секунд бойы шамамен 15 см қашықтықтан бүрку арқылы қолданады.

Зақымданған бөлікті күніне 2-3 рет клиникалық әсерге қол жеткізгенге дейін өңдейді. Препаратты қолдануды симптомдар жоғалғаннан кейін бір апта бойы жалғастырған жөн.

Қолданар алдында құтыны қатты бірнеше рет сілку керек. Бүрку кезінде құтыны тігінен ұстау қажет.

Бастың шашты бөлігін дәрілік препаратпен өңдеу үшін арнайы қондырма қоса беріледі.

Жағымсыз әсерлері

Препаратты әдетте көтерімділігі жақсы.

Кейде аллергиялық реакциялар байқалады.

Қолдануға болмайтын жағдайлар

- аэрозольдің компоненттеріне жоғары сезімталдық

Дәрілермен өзара әрекеттесуі

Скин-кап® препаратын глюкокортикоидтардан тұратын кремдермен немесе жақпамайлармен бір уақытта қолдануға болмайды.

Айрықша нұсқаулар

Көзге және шырышты қабыққа тигізуге болмайды. Препарат көзге тиген жағдайда оларды суық судың көп мөлшерімен шайған жөн. Препаратты кездейсоқ ішке қабылдаған жағдайда асқазанды белсендендірілген көмірді пайдаланумен шаю және іш жүргізетін тұзды дәрілерді тағайындау қажет.

Жүктілік және лактация кезеңі

Сыртқа қолдануға арналған аэрозоль түріндегі Скин-кап® препаратын жүктілік пен лактация кезеңінде абсолютті көрсеткіштер бойынша емнің ана үшін күтілетін пайдасы шарана және емшек еметін бала үшін зор қаупінен асатын болса тағайындауға болады.

Дәрілік заттың автокөлікті және қауіптілігі зор механизмдерді басқару қабілетіне ықпал ету ерекшеліктері

Әсер етпейді

Артық дозалануы

Скин-кап® препаратымен артық дозалану жағдайлары байқалмаған. Препаратпен артық дозалану қаупі төмен, себебі жергілікті қолданған кезде мырыш пиритионатының жүйелік сіңірілуі өте төмен.

Шығарылу түрі мен қаптамасы

100 мл препараттан (70 г) аэрозольді алюминий баллонда.

1 баллоннан мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салады.

Сақтау шарттары

50 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Chemigroup France, Мадрид, Испания

Тіркеу куәлігінің иесі

Chemigroup France, Мадрид, Испания

Қаптаушы ұйымның атауы және елі

Chemigroup France, Мадрид, Испания

Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ORAI» ЖШС

Мемлекеттік лицензиясы 30.03.2002 ж. № ОР64602914Р

Қазақстан Республикасы, 050013, Алматы қ-сы, Керемет ы/а, №7-үй, 1-42 кеңсе. Тел.: 2790329; 2790325, факс: 2797671, e-mail: orai@inbox.ru

Дәріханалар

Тауар артығымен бар
Тауар аз қалды
Аптека №34 ПТ Алматы (Айнабулак)
мкр. Айнабулак 3 ул.Жумабаева д 98А
09:00-21:00
Аптека №57
Демьяна бедного 3
Круглосуточно
Аптека №222
ул. Розыбакиева 33/1 ТК "Оптовка" магазин №3/8
08:00-20:00
Аптека № 75, Алматы, Абая Жарокова)
ул.Абая 139, уг.ул Жарокова
Круглосуточно
Аптека №263, Алматы, (Жандосова)
Жандосова 162А.
09:00-21:00
Аптека №204, Алматы, (Казахфильм)
ул. Мартебе, 1а
09:00-22:00