Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Тавегил 1 мг № 20 табл

1230
Қолжетімділігі
Сатылымда бар
Үлгі
5054563114822
Елі
Швейцария
Өндіруші
Novartis Consumer Health
0-0-4 бөліп төлеу
308 x 4 ай
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Тавегил

Халықаралық патенттелмеген атауы

Клемастин

Дәрілік түрі, дозалануы

Таблеткалар, 1 мг

Фармакотерапиялық тобы

Респираторлық жүйе. Жүйелі әсер ететін антигистаминдік препараттар. Аминоалкильдік эфирлер. Клемастин.

АТХ коды R06AA04

Қолданылуы

- пішен қызбасы және басқа аллергиялық риниттер

- дермографизмді қоса, шығу тегі әртүрлі есекжем

- қышыну, қышынумен жүретін дерматоздар

- жедел және созылмалы экзема, жанаспалы дерматит

- дәрілерге аллергия

- жәндіктердің шағуы

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- клемастинге және химиялық құрылымы ұқсас басқа антигистаминдік препараттарға немесе қосымша заттарының кез келгеніне аса жоғары сезімталдық

- порфирия

- дәрілік препараттың құрамында лактоза болуына байланысты сирек тұқым қуалайтын галактоза жақпаушылығы, лактаза ферментінің тапшылығы, глюкоза-галактоза мальабсорбциясы синдромы

- жүктілік және лактация кезеңі

- 6 жасқа дейінгі балаларға

Қолдану кезіндегі қажетті сақтық шаралары

Пациенттерге сақтықпен қабылдау керек:

  • асқазанның стеноздалған ойық жарасында
  • пилородуоденальді обструкцияда
  • несептің кідіруімен қатар жүретін қуықасты безінің гипертрофиясында
  • қуық мойнының обструкциясында
  • глаукомада
  • эпилепсиямен және анамнезінде құрысу ұстамаларында

Басқа дәрілік препараттармен өзара әрекеттесуі

Тавегил ОЖЖ бәсеңдететін дәрілік заттардың (ұйықтататын, тыныштандыратын, есірткі заттары, анксиолитиктердің, апиынды анальгетиктердің), моноаминооксидаза (МАО) тежегіштерінің, сондай-ақ алкогольдің әсерін күшейтеді. Атропин және трициклді антидепресанттар сияқты, антихолинергетиктердің әсерлерін күшейтеді.

Клемастин бауырда метаболизденуіне байланысты бауыр жеткіліксіздігі кезінде клемастинді қолданудың анағұрлым айқын әсерін, сондай-ақ неғұрлым ұзақ әсер етуін күту керек.

Арнайы ескертулер

Педиатрияда қолдану

Тавегилді таблетка түрінде 6 жасқа дейінгі балаларға қолдануға болмайды

Жүктілік немесе лактация кезінде

Жүктілік және бала емізу кезінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың орташа тыныштандыратын әсері бар болғандықтан, Тавегил қабылдайтын пациенттерге көлік құралдарын жүргізуден, механизмдермен жұмыс жасаудан және жоғары зейін қою пен психомоторлық реакциялардың жылдамдығын қажет ететін жұмыс түрлерінен бас тартуы ұсынылады.

Қолдану жөніндегі нұсқаулар

Дозалау режимі

Ішке қабылдау.Таблеткаларды тамаққа дейін, судың аздаған мөлшерімен ішіп қабылдау керек.

Ересектер мен 12 жастан асқан балаларға таңертең және кешке 1 таблеткадан (1 мг) тағайындайды. Жазылуы қиын жағдайларда, тәуліктік доза 6 таблеткаға (6 мг) дейінді құрауы мүмкін. Ең жоғары бір реттік доза – 2 таблетка. Дәрігердің кеңесінсіз 24 сағат ішінде 6 таблеткадан артық қабылдауға болмайды.

6-12 жас шамасындағы балаларға таңғы ас алдында және түнге 1/2-1 таблеткадан тағайындайды.

Ұсынылған дозаны арттыруға болмайды.

Препаратты дәрігердің кеңесінсіз 14 күннен артық қабылдауға болмайды.

Артық дозалану жағдайында қабылдануы қажет шаралар

Симптомдары. Антигистаминдік дәрілердің артық дозалануы орталық жүйке жүйесін сананың бәсеңдеуімен, ашушаңдықтың артуымен, елестеулерден немесе құрысулардан білінетін бәсеңдететін де және көтермелейтін әсеріне алып келуі мүмкін. Сондай-ақ антихолинергиялық әсерлерінің құбылыстары: ауыздың құрғауы, қарашықтардың тұрақты ұзақ ұлғаюы, дененің жоғарғы бөлігіне қан кернеулері, асқазан-ішек жолы тарапынан бұзылулар дамуы (жүрек айнуы,эпигастрий аймағының ауыруы, құсу) және тахикардия болуы мүмкін

Емі. Асқазанды шаю және белсендірілген көмірді қабылдау қажет. Сондай-ақ симптоматикалық ем көрсетілген.

Қажет болғанда дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Өте сирек

- тыныштандыратын әсер

- шаршағыштық сезімі

Жиі

- ұйқышылдық

Жиі емес

- бас ауыруы

- бас айналуы

- ауыздың құрғауы

- жүрек айну

- іштің ауруы

- іш қату

Сирек

- аса жоғары сезімталдық реакциялары (бөртпе, ентігу, анафилаксиялық шок)

- тахикардия

- тыныстың бұзылуы

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Біртаблетка құрамында

белсенді зат - 1 мг клемастинге баламалы 1.34 мг клемастин

гидрофумараты

қосымша заттар: лактоза моногидраты, жүгері крахмалы, тальк, повидон, магний стеараты.

Сыртқы түрінің, иісінің, дәмінің сипаттамасы

Беті тегіс, дөңгелек пішінді, бір жағында аралығы сызықпен бөлінген «О» және «Т» өрнектері бар, шеттері қиғашталған ақшылдау түсті таблеткалар. Диаметрі 7 мм-ге жуық.

Шығарылу түрі және қаптамасы

10 таблеткадан поливинилхлорид/поливинилиденхлорид үлбірден және баспалы лакталған алюминий фольгадан жасалған пішінді ұяшықты қаптамаға салады.

2 пішінді қаптамадан мемлекеттік және орыс тіліндегі медициналық қолдану жөніндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

30 °С-ден аспайтын температурада.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәлімет

Фамар Италия С.п.А., Италия

Via Zambeletti, 25, 20021, Baranzate (Милан) тел: +39 02 356971, Италия

Электронды пошта hadia.x.chevallier-bensalem@gsk.com

Тіркеу куәлігінің ұстаушысы

GSK Consumer Healthcare S.A.,

Route de l’Etraz 1260, Нион, Швейцария

Тел/факс: +41 22 567 20 00/+41 22 362 17 44

Электронды пошта marie-paule.a.dubaele-vojtassak@gsk.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«ГСК КХ КАЗАХСТАН» ЖШС

Алматы қ., Манас к-сі, 32А.

тел. +7 (727) 2446999,

факс +7(727) 2446997

EAEU.PV4customers@gsk.com (жағымсыз құбылыстар туралы хабарламалар үшін)

UA-CIS.LOC-PQC@gsk.com (препараттың сапасына шағымдану туралы хабарламалар үшін)

Дәріханалар

Тауар артығымен бар
Тауар аз қалды
Аптека №34 ПТ Алматы (Айнабулак)
мкр. Айнабулак 3 ул.Жумабаева д 98А
09:00-21:00
Аптека № 83, Алматы, (Сейфулина Калинина)
ул.Сейфуллина 510, выше Калинина
Круглосуточно
Аптека № 59, Алматы, (Радостовцова 292)
Бостандыкский р., ул.Радостовцова 292 (Магнум)
Круглосуточно
Аптека №294
Алматы ,Кульджинский тракт, 14,
Круглосуточно
Аптека №175, Алматы, (Магнум Первомайка)
п. Первомайка тр.Алматы- Капчагай в ТД Магнум
Круглосуточно
Аптека №108 ПТ Алматы, (пр.Достык)
г.Алматы, Медеуский район, пр.Достык 248а
Круглосуточно
Аптека №49
г.Алматы, Наурызбайский р-н, мкр. Калкаман 2 а
Круглосуточно
Аптека №309
ул. Тимирязева, дом № 42/30
09 00- 22 00
Аптека №222
ул. Розыбакиева 33/1 ТК "Оптовка" магазин №3/8
08:00-20:00
Аптека № 75, Алматы, Абая Жарокова)
ул.Абая 139, уг.ул Жарокова
Круглосуточно