Тексикам с раст-лем 20 мг № 1 порошок для приготовления раствора для инъекций
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Тексикам с раст-лем 20 мг № 1 порошок для приготовления раствора для инъекций

1705
Қолжетімділігі
Сатылымда бар
Үлгі
5200407600017
Елі
Греция
0-0-4 бөліп төлеу
426 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ТЕКСИКАМ

Саудалық атауы

Тексикам

Халықаралық патенттелмеген атауы

Теноксикам

Дәрілік түрі

Инъекция үшін ерітінді дайындауға арналған 20 мг лиофилизацияланған ұнтақ,еріткішпен жиынтықта (инъекцияға арналған су, 2 мл)

Құрамы

Бір құтының ішінде

белсенді зат – 20 мг теноксикам,

қосымша заттар: маннитол, натрий гидроксиді, трометамол, натрий метабисульфиті, динатрий эдетаты.

Еріткіші бар бір ампулада

2 мл инъекцияға арналған су бар.

Сипаттамасы

Сарыдан жасыл-сары түске дейінгі лиофилизацияланған ұнтақ

Фармакотерапиялық тобы

Қабынуға қарсы стероидты емес препараттар. Оксикамдар. Теноксикам.

АТХ коды М01АС02

Фармакологиялық қасиеттері

Фармакокинетикасы

Тексикам ұзақ әсер ететін дәрі болып табылады; бір тәуліктік доза тиімді.

Тексикам синовиальді сұйықтыққа оңай еніп, онда қан плазмасында шамамен жарты концентрацияға жетеді. Қан плазмасынан жартылай шығарылуының орташа кезеңі шамамен 72 сағатты құрайды.

Теноксикамды 20 мг-ден вена ішіне енгізгеннен кейін оның қан плазмасындағы деңгейі 2 сағат ішінде тез азаяды, бұл таралу үдерісімен байланысты. Бұлшықет ішіне инъекциядан кейін ең жоғары концентрацияның 90% немесе одан жоғары деңгейіне дозаны енгізгеннен кейін 15 минуттан соң жетеді.

Тәулігіне 20 мг қолданудың ұсынылған режимінде қан плазмасындағы концентрацияның тепе-теңдігі 10–15 күн ішінде анықталады, жинақталу әсері байқалған жоқ.

Теноксикам плазма ақуыздарымен күшті байланысады.

Теноксикам организмнен тек метаболиттер түрінде ғана шығарылады.

Енгізілген дозаның шамамен үштен екісі несеппен бірге, негізінен, фармакологиялық тұрғыдан белсенді емес 5-гидроксипиридил ретінде, ал қалғаны өтпен бірге негізінен гидроксиметаболиттардың глюкуронидтік конъюгаттары түрінде шығарылады.

Фармакокинетикасында жасқа байланысты ерекше өзгерулер, жекелей айырмашылықтар егде жастағы адамдарда, әдеттегідей, жоғары болса да, байқалған жоқ.

Фармакодинамикасы

Тексикам қабынуға қарсы стероидты емес препарат болып табылады, ол қабынуға қарсы және ауыруды басатын әсер береді, қызуды төмендететін әсері азырақ білінеді. Қабынуға қарсы стероидты емес басқа препараттар сияқты, ол көп факторлы, простагландиндер биосинтезінің төмендеуімен және қабыну ошағында лейкоциттердің жиналуының төмендеуімен қатар жүруі ықтимал болса да, әсер ету механизмі дәл емес.

Қолданылуы

- остеоартритте және ревматоидты артритте ауырудан және қабынудан жеңілдету үшін;

- тірек-қимыл аппаратының жедел ауруларын, созылуды, шығуды және жұмсақ тіндердің басқа да зақымдануларын қысқа мерзімдік емдеу үшін.

Қолдану тәсілі және дозалары

Бұлшықет ішіне немесе вена ішіне енгізуге арналған, доза тәулігіне 1 рет 20 мг құрайды. Демеуші доза: тәулігіне 10 мг.

Айқын ауыру синдромында дозаны тәулігіне 1 рет 40 мг-ге дейін арттыруға болады.

Қолданар алдында лиофилизатты 2 мл еріткіште (инъекцияға арналған стерильді 2 мл су) еріту қажет. Дайындалған ерітінді дереу пайдаланылуы тиіс.

Препараттың өте жоғары дозаларына жол бермеген жөн, өйткені олар әдетте өте жоғары емдік әсерге жетпейді және жағымсыз әсерлердің даму қаупі өте жоғары болады.

Егде жастағы пациенттер

Егде жастағы пациенттер, қатар жүретін патологиясының (бауыр, бүйрек немесе жүрек-қантамыр жүйесі функциясының бұзылуы) болуымен және басқа дәрілік заттарды тиісінше қабылдауымен байланысты, күрделі жағымсыз реакциялардың жоғары қаупіне ұшырайды. Қабынуға қарсы стероидты емес дәрілерді (ҚҚСД) қолдану қажет болған кезде мүмкіндігінше ең үлкен қысқа уақыт кезеңі ішінде тиімді ең төмен дозаны қабылдағаны жөн. ҚҚСД емдеу кезінде асқазан-ішектік қан кетулер симптомдарын ерте анықтау мақсатында пациенттерді бақылауға алуды жүзеге асыру қажет.

Балалар

Тексикам препараты пациенттердің осы тобында оны қолдану жөніндегі деректердің жеткіліксіз болуына байланысты, балаларға қолдану үшін ұсынылмайды.

Бүйрек және бауыр функциясының жеткіліксіздігінде қолданылуы

Креатинин клиренсі

Дозалау режимі

Минутына 25 мл-ден жоғары

Дозаны түзету қажет емес. Пациенттерді мұқият бақылау ұсынылады.

Минутына 25 мл-ден төмен

Пациенттердің осы тобында қолдану жөнінде деректер нұсқау беру үшін жеткіліксіз.

Теноксикамның плазма ақуыздарымен байланысу дәрежесінің жоғары болуы себебінен, қан плазмасындағы альбумин концентрациясы едәуір төмендеген жағдайларда (мысалы, нефроздық синдромда) немесе билирубиннің жоғары концентрацияларында сақтық таныту қажет.

Бауыр функциясының бұзылуы бұрыннан бар пациенттерде қолдану жөнінде деректер нұсқау беру үшін жеткіліксіз.

Жағымсыз әсерлері

Жағымсыз әсерлердің жиілігі былайша белгіленеді: өте жиі (≥ 1/10), жиі (≥ 1/100, бірақ < 1/10), жиі емес (≥ 1/1000, бірақ < 1/100), сирек (≥ 1/10000, бірақ < 1/1000), өте сирек (< 1/10000), жиілігі белгісіз (қолда бар деректер негізінде жиілігіне баға беру мүмкін емес).

Қан және лимфалық жүйе тарапынан бұзылулар: жиілігі белгісіз - агранулоцитоз, анемия, апластикалық анемия, гемолиздік анемия, лейкопения, тромбоцитопения, тромбоцитопениялық емес пурпура, эозинофилия.

Иммундық жүйе тарапынан бұзылулар: жиілігі белгісіз – демікпе, анафилаксиялық реакциялар, ангионевроздық ісіну сияқты аса жоғары сезімталдық реакциялары.

Метаболизмнің және тамақтанудың бұзылулары: жиі - анорексия; сирек - метаболизмнің бұзылуы (мысалы, гипергликемия, дене салмағының артуы/төмендеуі).

Психиканың бұзылулары: сирек – ұйқының бұзылуы (мысалы, ұйқысыздық), депрессия, күйгелектік, аномальді түс көрулер; жиілігі белгісіз – сананың шатасуы, елестеулер.

Жүйке жүйесі тарапынан бұзылулар: жиі – бас айналу, бас ауыру; жиілігі белгісіз – ұйқышылдық, парестезиялар.

Көру мүшесі тарапынан бұзылулар: жиілігі белгісіз – көрудің бұзылулары (көру жітілігінің төмендеуі және көрудің бұлдырауы сияқты), көздің ісінуі, көздің тітіркенуі.

Есту мүшелері және тепе-теңдік тарапынан бұзылулар: сирек - вертиго; жиілігі белгісіз – құлақтың шуылдауы.

Жүрек тарапынан бұзылулар: сирек – жүрек қағуының жиілеуі; жиілігі белгісіз – жүрек функциясының жеткіліксіздігі. Егде жастағы пациенттерде және жүрек функциясы бұзылған пациенттерде жүрек функциясының іркілген жеткіліксіздігінің болуы мүмкін екендігін ескеру қажет.

Қантамырлар тарапынан бұзылулар: сирек – тромбоздық құбылыстар (мысалы, миокард инфарктісі немесе инсульт); жиілігі белгісіз - васкулит, гипертензия.

Клиникалық және эпидемиологиялық зерттеу нәтижелері циклооксигеназа-2 селективті тежегіштерін (ЦОГ-2 тежегіштерін) және кейбір ҚҚСП (әсіресе жоғары дозаларда және ұзақ уақыт бойы) қолдану артериялық тромбоздық құбылыстардың (мысалы, миокард инфарктісінің немесе инсульттің) пайда болу қаупінің ұлғаюына әкелетінін көрсетеді. Теноксикамның миокард инфарктісі сияқты тромбоздық құбылыстардың пайда болу жиілігін арттырмағанына қарамастан, қолда бар деректер теноксикам үшін осындай қауіпті жоққа шығару үшін жеткіліксіз болып табылады.

Тыныс алу ағзалары, кеуде қуысы және көкірек ортасы тарапынан бұзылулар: сирек – бронхтың түйілуі, асқынған демікпе, ентігу; жиілігі белгісіз – мұрыннан қан кету. Бронхтың түйілуі және асқынған демікпе ҚҚСП емдеген кезде байқалды.

Асқазан-ішек жолы тарапынан бұзылулар: өте жиі - эпигастральді аймақта және іш аймағында ауыру және жайсыздық, диспепсия, жүректің айнуы, құсу, метеоризм, іш қату, ас қорытудың бұзылуы, стоматит; жиі – асқазан-ішектік қан кету, асқазан-ішек жолы ағзларының тесілуі, асқазан-ішек жолының ойық жарасы, кейде өліммен аяқталатынпептикалық ойық жара (әсіресе егде жастағы пациенттерде), қан құсу, қан аралас нәжіс, іш қату, ауыз қуысында ойық жараның болуы, гастрит, ауыздың кеберсуі, колиттің және Крон ауруының өршуі; өте сирек - панкреатит.

Бауыр және өт шығару жолдары тарапынан бұзылулар: жиі емес -бауыр ферменттері деңгейінің жоғарылауы; жиілігі белгісіз - гепатит, сарғаю.

Тері және теріасты тіндері тарапынан бұзылулар: жиі емес - қышыну, эритема, экзантема, бөртпе, есекжем; сирек – везикуло-буллездік реакциялар; өте сирек – терінің ауыр, жағымсыз реакциялары; Стивенс-Джонсон синдромы, уытты эпидермальді некролиз; жиілігі белгісіз – фотосезімталдық реакциясы. ҚҚСП емдеуден кейін тырнақ тарапынан бұзылулардың және фотосезімталдық реакцияларының сирек жағдайлары жөнінде мәлімделді.

Бүйрек және несеп шығару жолдары тарапынан бұзылулар: жиі емес -қанда мочевина немесе креатинин деңгейлерінің жоғарылауы; жиілігі белгісіз - нефроуыттылық (мысалы, бүйрек функциясының жеткіліксіздігі, интерстициальді нефрит, нефроздық синдром, қанда мочевина немесе креатинин деңгейлерінің жоғарылауы).

Ұрпақ өрбіту жүйесі және сүт безі тарапынан бұзылулар: теноксикамды қоса, циклооксигеназа/простагландиндер синтезін басатын препараттармен емдегенде әйел бедеулігінің жекелеген жағдайлары жөнінде мәлімделді.

Жалпы бұзылыстар: жиі емес – қажу, ісіну; жиілігі белгісіз – дімкәстік.

Болжамды жағымсыз реакциялар жөніндегі мәлімдемелер

Препараттың болжамды жағымсыз реакциялары жөніндегі деректерді ұсыну дәрілік заттың қаупі/пайдасы арақатынасына үздіксіз мониторингті жүзеге асыруға мүмкіндік беретін өте маңызды сәт болып табылады. Медицина қызметкерлері кез келген болжамды жағымсыз реакциялар жөніндегі ақпаратты нұсқаулық соңында көрсетілген байланыс арқылы, сондай-ақ ақпарат жинайтын ұлттық жүйе арқылы жеткізіп отырғаны жөн.

Қолдануға болмайтын жағдайлар

- пептикалық ойық жаралар және анамнезде пептикалық ойық жараның, асқазан-ішектік қан кетулердің (мелена, қан құсу) немесе жедел гастриттің болуы

- теноксикамға, қабынуға қарсы стероидты емес басқа препараттарға аса жоғары сезімталдық (анамнезде бронх демікпесінің симптомдары, ринит, ангионевроздық ісіну немесе есекжем), ибупрофенді және ацетилсалицил қышқылын қоса, өйткені теноксикамға немесе кез келген қосымша затқа айқаспалы сезімталдық болуы мүмкін

- жүрек, бауыр және бүйрек функцияларының ауыр жеткіліксіздігі

- жүктіліктің III триместрі және лактация кезеңі

- 18 жасқа дейінгі балалар мен жасөспірімдер.

Дәрілермен өзара әрекеттесуі

Антикоагулянттар: Төмен молекулалы гепаринмен бір мезгілде қолданғанда клиникалық тұрғыдан маңызды өзара әрекеттесулер байқалған жоқ.

Теноксикам сарысулық альбуминмен және, басқа да қабынуға қарсы стероиды емес препараттар сияқты, варфариннің және басқа да антикоагулянттардың әсерін күшейтуі мүмкін. Теноксикаммен антикоагулянттарды және пероральді гликемиялық препараттарды, әсіресе бастапқы кезеңде, бірге емдегенде пациенттерді мұқият бақылау ұсынылады.

Серотонинді кері қармайтын селективті тежегіштер (СКҚСТ): қан кету қаупін арттырады.

Гипертензияға қарсы препараттар: Тексикам, басқа да ҚҚСП сияқты, гипертензияға қарсы препараттардың тиімділігі төмендетеді.

Жүрек гликозидтері: Тексикам жүрек функциясының жеткіліксіздігін күшейтуі, шумақтық сүзілу индексін төмендетуі және қан плазмасында жүрек гликозидтерінің деңгейін арттыруы мүмкін.

Циклоспорин: Тексикамды, басқа да ҚҚСП сияқты, нефроуыттылық қаупі жоғары болғандықтан, циклоспоринмен бір мезгілде сақтықпен тағайындаған жөн.

Циметидин: Циметидинмен бір мезгілде қолданғанда клиникалық тұрғыдан маңызды өзара әрекеттесу байқалған жоқ.

Кортикостероидтар: асқазан-ішек ойық жараларының және қан кетулердің даму қаупі жоғарылайды.

Диуретиктер: қабынуға қарсы стероиды емес препараттар калий, натрий иондарын, сондай-ақ сұйықтықты іркуге және диуретиктердің натриурездік әсерін күшейтіп, нефроуыттылық қаупін күшейтуге қабілетті. Сондықтан артериялық гипертензиясы немесе жүрек функциясының жеткіліксіздігі бар адамдарда теноксикам көрсетілген аурулардың барысын нашарлатуы мүмкін.

Литий: Тұрақты бақылау ұсынылады. Литий препараттарын қабылдаған кезде оның элиминациясының төмендеу нәтижесінде литиймен уыттану көріністері болуы мүмкін.

Метотрексат: элиминациясының төмендеуі нәтижесі ретінде метотрексатпен уыттану көріністері болуы мүмкін.

Мифепристон: Тексикамды мифепристонды қабылдағаннан кейін 8-12 күн ішінде қолданбаған жөн, өйткені қабынуға қарсы стероидты емес препараттар мифепристонның әсерін төмендетуге қабілетті.

Қабынуға қарсы стероидты емес препараттар, циклооксигеназа-2 селективті тежегіштері, салицилаттар: Жағымсыз әсерлері қаупінің күшеюіне байланысты қабынуға қарсы стероидты емес препараттардың екеуін немесе одан көбін (ацетилсалицил қышқылын қоса)бір мезгілде қабылдауға жол бермеген жөн.

Тексикамды салицилаттармен бір мезгілде қабылдамаған дұрыс, өйткені соңғылары ақуыздармен байланысқан кезде теноксикамның орнын алмастыруы және осылайша теноксикамның клиренсін және таралу көлемін арттыруы мүмкін. Жағымсыз әсерлері қаупінің (әсіресе ас қорыту жолы тарапынан) күшеюімен байланысты бір мезгілде қолдануға жол бермеген жөн.

Пеницилламиндер және парентеральді алтын препараттары: Пеницилламиндермен және парентеральді алтын препараттарымен бір мезгілде қолданғанда клиникалық тұрғыдан маңызды өзара әрекеттесулер байқалған жоқ.

Хинолонды антибиотиктер: бір мезгілде қолданғанда құрысулардың даму қаупі бар.

Такролимус: Такролимус қабылдап жүрген пациенттерге Тексикамды тағайындағанда нефроуыттылық қаупі ұлғаюы мүмкін.

Зидовудин: Тексикамды зидовудинмен бір мезгілде қолдану гематологиялық уыттылық қаупінің жоғарылауына әкеледі. Гемофилиядан зардап шегіп жүрген, АИТВ-инфекцияланғандарды зидовудинмен және теноксикаммен бір мезгілде емдегенде гемартроздың және гематоманың жоғары қаупі бар.

Айрықша нұсқаулар

Жағымсызәсерлерді өте аз уақыт кезеңі ішінде тиімді ең төмен дозаны пайдалана отырып, барынша азайтуға болады.

Тексикамды және, циклооксигеназа-2 селективті тежегіштерін қоса, қабынуға қарсы стероидты емес басқа препараттарды бір мезгілде тағайындауға жол бермеген жөн.

Жүрек-қантамырлық және церебральноваскулярлық әсерлер

Тексикам артериялық гипертензиясы анамнезінде бар немесе жүрек функциясының жеткіліксіздігі бар пациенттерге сақтықпен тағайындаған жөн, өйткені қабынуғка қарсы стероидты препараттарды қолдану аясында ісінулердің және сұйықтық іркілуінің дамығаны жөнінде мәлімделді.

Тексикамды (әсіресе ұзақ уақыт бойы жоғары дозада) тағайындау миокард инфарктісі немесе инсульт сияқты артериялық тромбоздық асқынулар қаупінің аздап артуымен байланысты болуы мүмкін. Теноксикам үшін мұндай қауіпті жоққа шығару үшін деректер жеткіліксіз.

Бақыланбайтын артериялық гипертензиясы, жүрек функциясының іркілген жеткіліксіздігі, диагностикаланған жүректің ишемиялық ауруы, шеткері артериялардың ауруы және/немесе цереброваскулярлық аурулары бар пациенттерге Тексикамды жағдайды мұқият талқылағаннан кейін де, сонымен қатар препаратпен ұзақ емдеуді бастар алдында да, жүрек-қантамыр ауруларының дамуы қаупінің факторлары (артериялық гипертензия, гиперлипидемия, қант диабеті, шылым шегу сияқты) бар пациенттерге де тағайындау керек.

Жүрек-қантамыр, бауыр және бүйрек функцияларының жеткіліксіздігі

Тексикамды тағайындау простагландиндердің түзілуінің дозаға байланысты азаюын туындатуы және бүйрек функциясының жеткіліксіздігін өршітуі мүмкін. Бұрыннан бүйрек аурулары бар пациенттерде және егде жастағы пациенттерде осындай реакциялардың қаупі өте үлкен болады. Мұндай пациенттерде бүйрек функциясын мұқият бақылау қажет.

Қан сарысуында трансаминазаның және бауыр функциясының басқа да көрсеткіштерінің жоғарылағаны жөнінде мәлімдемелер болды. Көптеген жағдайларда бұл үлкен емес және өткінші өзгерулер болды. Егер ауытқулар едәуір немесе тұрақты болса, Тексикам қабылдауды тоқтату және қалыпты мәндері қалпына келгенге дейін бауыр функциялары көрсеткіштерінің деңгейін бақылауды жалғастыру қажет. Тексикамды бауыр функциясының жеткіліксіздігі бар пациенттерге сақтықпен қолдану керек.

Қабынуға қарсы стероидты препараттарды қолдану сирек жағдайларда интерстициальді нефритті, гломерулонефритті, папиллярлы некрозды және нефроздық синдромды туындатуы мүмкін. Мұндай дәрілер пациенттерде бүйректік перфузияны демеуде қосымша рөл атқаратын бүйректік простагландиндердің синтезін басады және оның аясында қан көлемі және бүйректік қан ағысы азаяды. Қабынуға қарсы стероидты емес препараттарды қолдану бүйрек функциясының жеткіліксіздігін өршітуі мүмкін, ол препарат қабылдауды тоқтатқаннан кейін бірден қайтады.

Бұрыннан бүйрек аурулары (соның ішінде бүйрек функциясы бұзылған қант диабеті бар пациенттер), нефроздық синдром, дегидратация, бауыр аурулары, жүрек функциясының іркілген жеткіліксіздігі бар, сондай-ақ олар диуретиктермен ем қабылдап жүрген немесе потенциалды нефроуыттылығы бар пациенттерде осындай реакциялардың үлкен қаупі бар. Мұндай пациенттерде бүйрек, бауыр және жүрек функцияларын мұқият бақылау қажет, ал доза пациенттердің басқа топтарына қарағанда, төмен болуы тиіс. Қабынуға қарсы стероидты емес препараттарды анамнезінде жүрек функциясының жеткіліксіздігі немесе артериялық гипертензиясы бар пациенттерге сақтықпен қолданған жөн, өйткені қабынуға қарсы стероидты емес препараттарды қабылдау аясында пайда болатын ісінулер теноксикамды қабылдаумен байланысты болуы мүмкін.

Дерматологиялық әсерлер

Қабынуға қарсы стероидты емес препараттарды қолданған кезде күрделі тері реакцияларының дамығаны жөнінде өте сирек мәлімделді, олардың кейбіреулері эксфолиативті дерматитті, Стивенс-Джонсон синдромын және уытты эпидермальді некролизді қоса, өліммен аяқталуы мүмкін. Осы реакциялардың дамуының өте үлкен қаупі емнің бас кезінде болады. Көптеген жағдайларда реакцияның басталуы емдеудің алғашқы айы ішінде жүреді. Тексикамды қабылдауды теріде бөртпелер, шырышты қабықта зақымданулар немесе аса жоғары сезімталдықтың кез келген басқа да белгілері пайда болған кезде тоқтатқан жөн.

Егде жастағы пациенттер

Егде жастағы пациенттерде қабынуға қарсы стероидты емес препараттарды қолданғанда жағымсыз реакциялардың, әсіресе өлімге әкеп соғуы мүмкін асқазан-ішектік қан кетулер және тесілулердің даму жиілігі жоғары болады. Егде жастағы пациенттерде бүйрек, бауыр және жүрек функцияларының бұзылулары болуы мүмкін, мұндай пациенттерге тиісінше бақылау жүргізу ұсынылады.

Фертильділіктің әлсіреуі

Тексикамды қолдану әйелдің фертильділігін нашарлатуы мүмкін, сондықтан оны жүкті болғысы келген әйелдерге тағайындау ұсынылмайды.

Тексикамды жүкті бола алмай жүрген немесе бедеулігі диагностикаланған әйелдерге тағайындамаған жөн.

Асқазан-ішектік қан кету, ойық жараның түзілуі және тесілулер

Анамнезінде асқазан-ішек аурулары бар пациенттерге қабынуға қарсы стероидты емес препараттарды сақтықпен тағайындаған жөн. Асқазан-ішектік қан кету, ойық жара немесе өліммен аяқталу қаупі бар тесілу анамнезінде сақтандыратын симптомдары бар немесе онсыз, немесе бұдан бұрын ауыр асқазан-ішек аурулары бар емдеудің кез келген сатысында қолданылған қабынуға қарсы стероидты емес препараттардың барлығында тіркелді.

Тексикамның жоғары дозаларын анамнезінде ойық жарасы бар пациенттерге, әсіресе ауыр қан кетулерде немесе тесілулерде, сондай-ақ егде жастағы пациенттерге қолданғанда асқазан-ішектік қан кетулердің туындау, ойық жараның немесе тесілулердің түзілу қаупі жоғары болады. Бұл пациенттер емдеуді төмен дозалардан бастауы тиіс. Мұндай пациенттер және ацетилсалицил қышқылының немесе басқа да дәрілік заттардың төмен дозаларын қатар қолдануды керек ететін пациенттер үшін ас қорыту жолдарының қаупін төмендету үшін қорғағыш заттармен (мысалы, мисопрололмен немесе протонды помпа тежегіштерімен) біріктіріп емделуі мүмкін.

Асқазан-ішек жолының уытты зақымдары бар пациенттер, әсіресе егде жастағылар асқазан-ішек жолы аймағында туындаған кез келген әдеттен тыс симптомдарды (әсіресе, асқазан-ішектік қан кетулер жөнінде) мәлімдеп отыруы тиіс. Бұл емдеудің бастапқы сатыларында аса маңызды.

Ойық жараның немесе қан кетулердің туындау қаупін арттыруы мүмкін препараттарды, мысалы, пероральді кортикостероидтарды, варфарин сияқты антикоагулянттарды, серотонинді қайталап сіңіретін селективті тежегіштерді немесе ацетилсалицил қышқылы сияқты антитромбоздық дәрілерді қатар қабылдап жүрген пациенттер препаратты қабылдаған кезде сақтық таныту қажет екендігінен хабардар болуы тиіс.

Тексикамды қабылдап жүрген пациенттерде асқазан-ішектік қан кетулер немесе ойық жаралар пайда болған жағдайда препаратпен емдеуді тоқтатқан жөн.

Тексикамды анамнезінде асқазан-ішек аурулары (спецификалық емес ойық жаралы колит, Крон ауруы) бар пациенттерге сақтықпен тағайындау керек, өйткені осы аурулар өршуі мүмкін.

Гематологиялық әсерлер

Тексикам тромбоциттер агрегациясын бәсеңдетуі және қан кету уақытын ұзартуы мүмкін, мұны алда операциялық араласымдарда ескерген жөн.

Офтальмологиялық әсерлер

Тексикам препаратымен емделген кезде көрудің бұзылулары байқалатын пациенттер емдеуді тоқтатуы және офтальмологиялық тексерілуден өтуі тиіс.

Респираторлы бұзылыстар

Тексикамды бронх демікпесінен зардап шегіп жүрген немесе бұлар анамнезінде бар пациенттерге сақтықпен тағайындау керек, өйткені теноксикам мұндай пациенттерде бронхтың түйілуін туындатуы мүмкін екендігі мәлімделген.

Жүйелік қызыл жегі және дәнекер тіннің аралас аурулары

Жүйелік қызыл жегісі және дәнекер тіннің аралас аурулары бар пациенттерде асептикалық менингиттің дамуының жоғары қаупі байқалуы мүмкін.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Көлік құралдарын басқарғанда немесе зейінді жұмылдыруды қажет ететін потенциалды қауіпті механизмдермен жұмыс жасағанда сақтық танытқан жөн, өйткені кейде препаратты қолдану вертигоны, бас айналуды және көрудің жіті болмауын туындатуы мүмкін.

Артық дозалануы

Симптомдары - бас ауыруы, жүректің айнуы, құсу, эпигастрияда ауыру, асқазан-ішектік қан кетулер, сирек диарея, бағдардан адасу, қозу, кома, ұйқышылдық, бас айналу, құлақтың шуылдауы, естен танулар, кейде құрысулар. Ауыр уланған кезде бүйрек немесе бауыр функциясының жеткіліксіздігі болуы мүмкін.

Емі -симптоматикалық ем. Несептің жақсы шығарылуын қамтамасыз еткен жөн. Бүйрек пен бауырдың функциясын бақылап отыру қажет. Пациенттер артық дозаланудан кейін 4 сағат бойы дәрігердің бақылауында болуы тиіс. Жиі және ұзаққа созылатын құрысуларда диазепамды енгізеді. Препараттың әсерін Н2-рецепторларының антагонистерінің жәрдемімен бәсеңдетуге болады. Пациенттің клиникалық жағдайына байланысты басқа да шаралар қолданылуы мүмкін.

Шығарылу түрі және қаптамасы

Пластик флип-топ қақпағы бар алюминий сақинамен бекітілген, бромбутилкаучук тығынмен жабылған түссіз мөлдір шыны (ЕФ бойынша І тип) құтыларға 20 мг теноксикамға баламалы лиофилизат мөлшері салынған.

Нақты сыйымдылығы 2 мл, түссіз мөлдір шыны (ЕФ бойынша І тип) шыны ампулада 2 мл еріткіштен.

Ішінде препараты бар 1 құты және ішінде еріткіші бар 1 ампула медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25°С-ден аспайтын температурада сақтау керек. Дайындалған ерітіндіні дереу қолданған жөн.

Балалардың қолы жетпейтін жерде спқтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

ANFARM HELLAS S.A.

заңды мекенжайы: 53-57 Perikleous str., Gerakas 15344, Афины, Греция

нақты мекенжайы: Sximatari Viotias, 32009, Греция

Тіркеу куәлігі иесінің атауы және елі

ANFARM HELLAS S.A., Греция

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы

WELFAR-KAZAKHSTAN (ВЭЛФАР-КАЗАХСТАН) ЖШС

Қазақстан Республикасы, Алматы қ., Байзақов к-сі 125/185, 509 кеңсе

Телефон/Факс:+7 727 352 71 36

E-mail: info@welfar.kz

Дәріханалар

Тауар артығымен бар
Тауар аз қалды
Аптека № 74, Алматы, (Самал 1)
Самал-2, ул.Мендикулова 35 уг.ул.Аль-фараби
Круглосуточно
Аптека № 58, Алматы, (Акбулак)
мкр Акбулак, ул.Хан Шатыр 273
Круглосуточно
Аптека № 81, Алматы, (Магнум Абая)
Микрорайон Жетысу-3, 1г
Круглосуточно
Аптека № 75, Алматы, Абая Жарокова)
ул.Абая 139, уг.ул Жарокова
Круглосуточно
Аптека № 59, Алматы, (Радостовцова 292)
Бостандыкский р., ул.Радостовцова 292 (Магнум)
Круглосуточно
Аптека №260, Алматы, (Алтынсарин)
11-й микрорайон, 26 / Алтынсарина проспект, 26
Круглосуточно
Аптека №263, Алматы, (Жандосова)
Жандосова 162А.
09:00-21:00
Аптека №57
Демьяна бедного 3
Круглосуточно