Токсивенол 150мг/1,5мг, 3 мл, №10, амп.

Сипаттама

Дәрілік затты медициналық қолдану

жөніндегі нұсқаулық

ТОКСИВЕНОЛ

Саудалық атауы

Токсивенол

Халықаралық патенттелмеген атауы

Жоқ

Дәрілік түрі

Инъекцияға арналған 3 мл 150 мг/1,5 мг ерітінді

Құрамы

Препараттың бір ампуласының құрамында

белсенді заттар:150 мг троксерутин

1,5 мг карбазохром,

қосымша заттар: натрий хлориді, инъекцияға арналған су

Сипаттамасы

Көзге көрінетін бөлшектері жоқ мөлдір, қызғылт-сары түсті ерітінді

Фармакотерапиялық тобы

Ангиопротекторлар. Капиллярлардың өткізгіштігін төмендететін препараттар. Биофлавоноидтар. Троксерутиннің басқа препараттармен біріктірілімі.

АТХ коды С05СА54

Фармакологиялық қасиеттері

Фармакокинетикасы

Троксерутин қан плазмасындағы ең жоғары концентрацияларына 2-ші және 8-ші сағаттар аралығында жетеді. Плазмалық екінші ең жоғары концентрациясы препаратты қабылдағаннан кейін отызыншы сағатқа жуықтағанда білінеді. Плазмалық протеиндермен байланысуы 30%-ға жуық. Бауырда моно-, ди- және тригидроксиэтилрутозидтердің, глюкуронидтердің және арилсірке қышқылының туындыларының аглюкогонды түрлеріне дейін метаболизденеді. Жартылай шығарылу кезеңі 10 – 25 сағатқа дейін ауытқиды. 25% жуығы несеппен, өтпен –70% жуығы шығарылады.

Карбазохромның қан плазмасындағы концентрациясы қолданғаннан кейін 10 минут өткенде анықталады, қан плазмасындағы орташа шектік концентрациясы (С_max) 21,0 ±8,4 нг/мл құрайды, ал шегіне жету уақыты T_max 1,2±0,5 сағ құрайды. Жартылай шығарылу кезеңі Т_1/2 - 2,5±0,9 сағ. Орташа ұстап тұру уақыты (ОҰУ) және концентрацияның уақытқа тәуелділігінің қисық астындағы ауданы 2-ден 8 сағатқа дейін сәйкесінше 4,1±1,1 сағ және 65,9±25,3 сағ нг/м құрайды.

Фармакодинамикасы

Токсивенол – құрамдас компоненттері троксерутиннің және карбазохромның ұтымды біріктірілімі препараттың жоғары фармакологиялық тиімділігіне жағдай жасайды, бұл капиллярлардың қабырғаларының әлсіздігі жоғары болған кезде тамыр ауруларына және қан кету синдромдарына мақсатты түрде ем жүргізуге мүмкіндік береді.

Троксерутин Р – дәрумендік белсенділікке ие,айқын ангиопротективті қасиеттер көрсетеді, капиллярлық тамырлардың бұзылған өткізгіштігін қалпына келтіреді, капиллярлардың жарылғыштығын азайтады, олардың иілгіштігін, серпімділігін және жарақаттық зақымдануларға төзімділігін қамтамасыз етеді.

Препараттың фармакологиялық әсері жарғақшаның өткізгіштігінің қорғаныш функциясын орындайтын С дәруменінің әсері күшеюіне жағдай жасайды және тамыр қабырғаларының тығыздығына жауап беретінгиалурон қышқылын – мукополисахаридті өндіруді белсенділендіреді. Бұдан басқа, тамырды кеңейтетін және ісінуді тудыратын заттың, гистаминнің босап шығуы азайғаны байқалады.

Карбазохром – ортохинон, екінші дәрежелі амин тобының және о-дифенол тобының болмауы салдарынан симпатомиметикалық белсенділігі жоқ адреналиннің тотығу өнімі. Қан кеткен аймақтың ұсақ тамырларына тамыр тарылтқыш жергілікті әсері қан кету ұзақтығының қысқаруына ықпал етеді. Бұл құбылыс артериялық қысымның көтерілуінсіз және жүрек қызметіне ықпал етусіз жүреді. Карбазохром капиллярлардың беріктігі мен өткізгіштігіне, сондай-ақ тамырлардың тонусына және жиырылғыш күшіне айқын әсер ететіні анықталған.

Қолданылуы

• созылмалы вена жеткіліксіздігі, веналардың варикоздық кеңеюі, беткейлік тромбофлебит, перифлебит, жарақаттан кейінгі ісіну, гематомалар, созылмалы вена жеткіліксіздігі кезіндегі трофикалықбұзылыстар (дерматиттер, трофикалық ойық жаралар);
• геморрой

Қолдану тәсілі және дозалары

Дозалау режимін жәнеемдеу курсының ұзақтығын емдеуші дәрігер анықтайды.

Бұлшықет ішілік инъекция үшін тәулігіне 3 – 9 мл пайдаланады.

Емдеу курсы 14 күн.

Демеуші ем үшін таблетка түріндегі препаратты қолданады.

Жағымсыз әсерлері

- аллергиялық реакциялар;

- препаратты енгізген жердегі ауырсыну сезімдері;

- жүрек айну;

- беттің қызаруы;

- бас ауыру;

- іштің кебуі және ауыруы

Қолдануға болмайтын жағдайлар

- препараттың компоненттеріне жоғары сезімталдық;

- 18 жасқа дейінгі балалар мен жасөспірімдер;

- жүктілік және лактация кезеңі

Дәрілермен өзара әрекеттесуі

Аскорбин қышқылының тамыр қабырғасының құрылымы мен өткізгіштігіне әсерін күшейтеді.

Ампулалардың ішіндегісін құрамында аскорбин қышқылы бар ерітінділермен араластыруға болмайды.

Айрықша нұсқаулар

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Дәрілік заттың жағымсыз әсерлерін ескере отырып көлік құралдарын немесе қауіптілігі зор механизмдерді басқарғанда сақ болу керек.

Артық дозалануы

Симптомдары – препараттың жағымсыз әсерлерінің күшеюі.

Емі – симптоматикалық.

Шығарылу түрі және қаптамасы

Қызғылт-сары шыныдан жасалған ампулаларда 3 мл препараттан. Ампулаларға таңбалану мәтінін жылдам бекитін бояумен жазады.

ПВХ/ПВДХ үлбірден және алюминий фольгадан жасалған пішінді ұяшықты қаптамаға 5 ампуладан салынған.

Пішінді ұяшықты 2 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ жерде 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/қаптаушы

Өндіруші«КЛЕВА С.А.», Парнитос д-лы 189, 13671 Афины, Грекия

«АКАРПИА Сервикос ФармацеутикосЛДА» лицензиясы бойынша, Португалия.

Тіркеу куәлігінің иесі

«Ротафарм», Ұлыбритания

Қазақстан Республикасы аумағында тұтынушылардан өнім

сапасына қатысты шағымдарды қабылдайтын ұйымныңмекенжайы

ҚР, Алматы, Түрксіб ауданы, Сүйінбай д-лы, 222-б

Тел/факс: 8(7272) 529090

www.worldmedicine.kz

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«TROKA-S PHARMA» ЖШС, Алматы қ., Сүйінбай д-лы, 222-б

Ұялы тел +7 701 786 33 98, (24 сағат бойы).

е-mail: pvpharma@worldmedicine.kz

Дәріханалар

Қалалар