Біздің компаниямыз жайлы жалпы ақпарат.
Саудалық атауы
Триампур композитум - Тева
Халықаралық патенттелмеген атауы
Жоқ
Дәрілік түрі, дозалануы
Таблеткалар, 25 мг/12.5 мг
Фармакотерапиялық тобы
Жүрек-қантамыр жүйесі. Диуретиктер. Калий сақтаушы препараттармен біріктірілген диуретиктер. Генле ілмегі кортикальді сегментіне әсер ететін калий сақтаушы препараттармен біріктірілген диуретиктер. Калий сақтаушы препараттармен біріктірілген гидрохлоротиазид.
АТХ коды С03ЕА01
Қолданылуы
- артериялық гипертензияда
- жүрек, бауыр немесе бүйрек аурулары себепші болған ісіну синдромы, негізінен организмнен калийдің жоғалуын болдырмау қажет болған жағдайларда
- жүрек функциясының жеткіліксіздігінде, егер сұйықтықты қосымша шығару және организмнен калийдің бөлініп шығуын азайту қажет болғанда (жүрек гликозидтерімен біріктіріп)
Қолдануды бастағанға дейінгі қажетті мәліметтер тізімі
Қолдануға болмайтын жағдайлар
- белсенді заттардың кейбіреулеріне немесе осы препараттың ингредиенттеріненемесе басқа сульфонамидтерге аса жоғары сезімталдық
- гиперкалиемия (қандағы калий деңгейі жоғары)
- анурия
- бүйрек функциясы жеткіліксіздігінің ауыр дәрежесі (креатинин клиренсі < 30 мл/мин);
- бауыр функциясы жеткіліксіздігінің ауыр дәрежесі (бауырлық кома алды және кома)
- емдеуге резистентті гипокалиемия
- ауыр гипонатриемия
- калий сақтаушы басқа диуретиктермен және құрамында калий бар басқа өнімдермен бір мезгілде қолдану (әсіресе вена ішіне қолданғанда)
- айқын гипотензия
- жүктілік, лактация кезеңі
- дене салмағы 50 кг-ден азырақ балаларға және жасөспірімдерге
Қолдану кезіндегі қажетті сақтық шаралары
Сақтықпен тағайындау керек:
- подаграда
- сарысу креатинині қалыпты жоғары мәндер және 1,8 мг / дл арасында болатын, бүйрек функциясы шектелген немесе креатинин клиренсі аздап шектелген (30-60 мл / мин), бүйрек тастары бар пациенттерге
- бауыр дисфункциясында
-қант диабетінде
- фолий қышқылының тапшылығына күдік бар пациенттерге
- гиперкалиемияның жоғары қаупіне байланысты, құрамында калий бар басқа препараттармен (мысалы, спиронолактон, амилорид) немесе калий тұздарымен бір мезгілде пайдалануға жол бермеу керек.
Басқа дәрілік препараттармен өзара әрекеттесулері
Гипертензияға қарсы басқа дәрілер
Триамтерен + гидрохлоротиазид гипертензияға қарсы басқа препараттардың әсерін күшейтуі мүмкін.
Амилорид және спиронолактон сияқты калий сақтаушы басқа диуретиктермен немесе құрамында калий бар препараттармен бір мезгілде қолдану ауыр гиперкалиемияға әкелуі мүмкін. АӨФ тежегіштерімен бір мезгілде пайдалану гиперкалиемия қаупін арттыруы мүмкін.
Қабынуға қарсы стероидты емес препараттар
Осы препараттарды (әсіресе индометацинді) бір мезгілде қабылдау гидрохлоротиазидтің диурездік және гипертензияға қарсы әсерін бәсеңдетуі және бейімделгіш пациенттерде немесе сусыздану орын алған пациенттерде тіпті бүйрек функциясының жедел жеткіліксіздігін туындатуы мүмкін.
Холестирамин
Тиазидтік диуретиктердің сіңірілуі бұзылған, сондықтан фармакологиялық әсерінің төмендейтіндігін күтуге болады.
Литий препараттары
Гидрохлоротиазидті қоса, несеп жүргізетін дәрілер, литиймен бір мезгілде қабылданбауы тиіс, өйткені литийдің бүйректік клиренсі төмендеп, литийдің уыттылық қаупін арттырады.
Оймақгүл препараты
Тиазидтің әсерінен туындаған гипокалиемия немесе гипомагниемия оймақгүлдің уыттық әсерінің (аритмияның) пайда болуына әкелуі мүмкін. Сарысулық калийге және ЭКГ-ге бақылау жүргізу керек.
Инсулин және диабетке қарсы пероральді препараттар
Глюкозаға толеранттылықтың өзгеруімен байланысты инсулиннің және диабетке қарсы пероральді дәрілердің дозаларын түзету қажет болуы мүмкін.
Кортикостероидтар және іш жүргізетін дәрілер
Кортикостероидтармен немесе іш жүргізетін дәрілермен біріктіріп қолдану калийдің шамадан тыс жоғалуына әкелуі мүмкін.
Хлорпропамид
Хлорпропамидпен бір мезгілде қолдану ауыр гипонатриемияның пайда болу қаупіне әкелуі мүмкін.
Подаграға қарсы дәрілер
Гидрохлоротиазид аллопуринолға аса жоғары сезімталдық реакцияларының жиілігін арттыруы мүмкін, бұл қуықты емдеуге арналған препараттардың тиімділігін төмендетеді.
Кураре-туындылары және ганглийбөгейтін заттар
Тиазидтер осы препараттарға жауапты күшейтуі мүмкін.
Ісікке қарсы дәрілер (мысалы, циклофосфамид, метотрексат)
Осы препараттарды тиазидтермен бір мезгілде қолдану олардың бүйректік экскрециясын төмендетуі және олардың миелосупрессиялық әсерін күшейтуі мүмкін.
Антихолинергиялық дәрілер (мысалы, атропин, бипериден)
Тиазидтік диуретиктердің биожетімділігі асқазан-ішек жолының моторикасының және асқазанның босау жылдамдығының төмендеуі есебінен жоғарылауы мүмкін.
D дәрумені
Гидрохлоротиазидпен бір мезгілде қолдану кальцийдің несеппен бірге бөлінуін төмендетуі және қан сарысуында кальцийдің мөлшерін арттыруы мүмкін.
Циклоспорин
Гиперурикемия және подагра симптомдары дамуының жоғары қаупі бар.
Оральді антикоагулянттар
Пероральді антикоагуляциялық препараттардың тиімділігі төмендеуі мүмкін, сондықтан дозалау режиміне түзету жүргізуге тура келуі мүмкін.
Триамтеренмен + гидрохлоротиазидпен бір мезгілде қабылданатын келесі заттар гиперкалиемияны туындатуы мүмкін: қан банкісінен алынған қан; тұз мөлшері аз сүт; калий және құрамында калий бар дәрілік препараттар; натрий тұзының орнын алмастырушы ретінде пайдаланылатын калий тұзы.
Арнайы ескертулер
Қышқыл-негізді гематологиялық статустың өзгерістері (гиперкалиемия, гипонатриемия, метаболизмдік ацидоз және электролиттердің және сұйықтықтың басқа да бұзылулары)
Электролиттердің мөлшеріне қан талдауларын мезгіл-мезгіл жүргізу қажет. Ұзақ уақыт қабылдағанда емдеуді бастағанға дейін және емдеуді аяқтағаннан кейін 3 - 4 аптадан соң калий концентрациясын анықтау керек. Егер калий теңгерімі бұзылмаса, калий концентрациясын анықтауға келесі талдауды әрбір 4-6 ай сайын жүргізу керек. Гиперкалиемия (калийдің жоғары концентрациясы) белгілері пайда болған кезде триамтерен + гидрохлоротиазид қабылдауды тоқтату керек. Әсіресе қан сарысуындағы электролиттерді қатаң бақылау пациенттердің келесі топтарында: егде жастағы адамдарда, дигиталис препаратын, кортикостероидтарды және іш жүргізетін дәрілерді немесе вена ішіне инъекцияларды алып жүрген пациенттерде қажет болады.
Тиазидтік диуретиктер магнийдің несеппен шығарылуын арттырып, гипомагниемияны (қандағы магнийдің төмен деңгейі) арттыруы мүмкін.
Тиазидтік диуретиктер калийдің шығарылуын азайтуы және қандағы кальций деңгейінің уақытша артуын туындатуы мүмкін.
Триамтерен сілтілік қорды азайтуы және метаболизмдік ацидоздың дамуына әкелуі мүмкін.
Бүйрек функциясының жеткіліксіздігі
Тиазидтік диуретиктерді бүйрек функциясының орташа бұзылулары бар пациенттерге сақтықпен қолдану керек. Дозаны бүйрек функциясының жеткіліксіздігі бар (креатинин клиренсі > 30 мл/мин) пациенттерде төмендетеді. Олар бүйрек функциясының ауыр жеткіліксіздігінде – креатинин клиренсі <30 мл/мин болғанда тиімді емес, өйткені бұрыннан бар бүйрек функциясының бұзылуларын күшейтуі немесе азотемияны туындатуы мүмкін. Сондықтан сарысулық мочевинаны және сарысулық креатининді мезгіл-мезгіл бақылау қажет.
Бауыр функциясының жеткіліксіздігі
Триамтерен + гидрохлоротиазидті, басқа да тиазидтік диуретиктер сияқты, бауыр функциясының ауыр бұзылулары бар немесе бауырдың үдемелі ауруы бар пациенттерге абайлап қолдану керек, өйткені су-электролиттік теңгерімдегі аздаған өзгерістер бауырлық команы туындатуы мүмкін.
Гиперурикемия және подагра
Тиазидтік диуретиктерді қабылдаған пациенттерде қан сарысуындағы несеп қышқылының концентрациясы артуы мүмкін және подаграның клиникалық белгілері көрініс беруі мүмкін. Сондықтан емдеу кезінде қан сарысуындағы несеп қышқылының деңгейін мезгіл-мезгіл бақылау қажет болуы мүмкін.
Глюкозаға толеранттылық
Тиазидтік диуретиктермен емдеу кезінде жасырын қант диабеті көрініс беруі немесе қант диабеті бар науқастарда инсулинге қажеттілік жоғарылауы мүмкін. Сондықтан қандағы қант деңгейін мезгіл-мезгіл тексеру ұсынылады.
Липидтердің деңгейлері
Ұзақ емдеген кезде тиазидтік диуретиктер жалпы холестериннің, триглицеридтердің және ТТЛП холестериннің деңгейлерін аздап және ішінара қайтымды жоғарылауын туындатуы мүмкін.
Фолий қышқылының тапшылығы
Фолий қышқылының тапшылығына (мысалы, бауыр циррозы жағдайында және алкогольді ұзақ уақыт пайдаланғанда) күмәнданғанда қанға жалпы талдауды ұдайы бақылап отыру қажет, өйткені триамтерен дәрілік заты фолий қышқылының әлсіз антагонисі бола отырып, мегалобласттық анемияның дамуына жәрдемдесуі мүмкін.
Жүйелік қызыл жегі
Триамтеренмен + гидрохлоротиазидпен емдеген кезде жүйелік қызыл жегінің тиазидтермен өршу немесе белсенділену ықтималдылығын ескеру керек.
Терінің меланомалы емес обыры
Гидрохлоротиазидті (ГХТЗ) пайдаланудың жиынтық дозасын арттырған кезде терінің меланомалы емес обыры (ТМЕО) [базальді-жасушалық обыр (БЖО) және жалпақ жасушалы обыр (ЖЖО)] дамуының жоғары қаупі Данияның онкологиялық науқастарды тіркеудің ұлттық жүйесінің деректері бойынша эпидемиологиялық екі зерттеуде білінді. ГХТЗ-нің фотосенсибилизациялайтын әсері ТМЕО дамуының ықтимал механизмі ретінде әрекет етуі мүмкін.
ГХТЗ қабылдап жүрген пациенттер ТМЕО даму қаупі туралы хабардар болуы және кез келген жаңа зақымданулар пайда болған кезде терінің ұдайы тексерту туралы нұсқаулар алуы және терідегі кез келген күдікті жаңа түзілімдер туралы дер кезінде мәлімдеп отыруы тиіс. Ықтимал профилактикалық шаралар күн көзінде болуды және ультракүлгін сәулелердің әсерлерін шектеуді қамтиды, ал күнде болған жағдайда пациенттерге тері обырының даму қаупін төмендету үшін қорғанудың тиісті шараларын пайдалану ұсынылады. Терінің күмәнді зақымданулары, биопсияны гистологиялық зерттеуді қоса, шұғыл тексерілуі тиіс. Бұрын ТМЕО диагностикаланған пациенттерде құрамында ГХТЗ бар препараттарды қабылдауды қайта қарастыруды қажет етуі мүмкін («Жағымсыз реакциялары» бөлімін қараңыз).
Хориоидальді жалқық, жедел миопия және салдарлы жабық бұрышты глаукома
Сульфонамид немесе сульфонамид туындылары көру аясының кемістігімен, өткінші миопатиямен бірге идиосинкразиялық реакцияны және жедел жабық бұрышты глаукоманы туындатуы мүмкін. Симптомдары көру жітілігі төмендеуінің немесе көздің қатты ауыруының басталуын қамтиды және әдетте препарат қабылдауды бастағаннан кейін бірнеше сағат немесе апта ішінде туындайды. Емделмеген жағдайда жедел жабық бұрышты глаукома көрудің қайтымсыз жоғалуына әкелуі мүмкін. Алғашқы ем дәрілік препаратты қабылдауды шұғыл тоқтату болып табылады. Бақыланбайтын көзішілік қысымда дереу медициналық немесе хирургиялық ем қажет болуы мүмкін. Жедел жабық бұрышты глаукоманың даму қаупінің факторлары өзіне анамнезде сульфонамидке немесе пенициллинге аллергиялық реакциялардың болуын қамтуы мүмкін.
Допинг-тестіге ықпалы
Триампур композитум-Тева препаратын қолдану допинг – тестілердің оң нәтижелеріне әкелуі мүмкін.
Лактозаның болуы
Препараттың құрамында лактоза бар. Тұқым қуалайтын галактоза жақпаушылығы, Lapp (ЛАПП) – лактаза ферментінің тапшылығы, глюкоза-галактоза мальабсорбциясы бар пациенттерге қолдануға болмайды.
Жүктілік және лактация кезінде
Жүктілік кезінде, әсіресе алғашқы триместрі ішінде гидрохлоротиазидті қолдану тәжірибесі шектеулі. Гидрохлоротиазид плацентаға өтеді. Гидрохлоротиазидтің фармакологиялық әсерінің механизмі негізінде оны жүктіліктің екінші және үшінші триместрі кезінде қолдану фето-плаценталық перфузияны, фетальді және неонатальді, мысалы, сарғаю, электролиттік теңгерімнің бұзылуы және тромбоцитопения сияқты реакцияларды туындатуы мүмкін.
Ауру барысына ықпалынсыз, плазмалық клиренс және плаценталық гипоперфузияның төмендеу қаупіне байланысты, гидрохлоротиазидті гестациялық ісінуде, гестациялық гипертензияда немесе преэклампсияда пайдаланбау керек.
Жүкті әйелдердің гипертониялық ауруы жағдайында гидрохлоротиазидті баламалы ем жоқ кезде қатаң түрде көрсетілімдер бойынша қолдану керек.
Гидрохлоротиазид ана сүтіне аздаған мөлшерде бөлініп шығады. Қарқынды диурез үшін жоғары дозаларда қолданылатын тиазидтік диуретик лактацияны төмендетуі мүмкін. Лактация кезінде Триампуркомпозитум – Тева препараты ұсынылмайды. Егер Триампур композитум – Тевапрепараты емшек емізу кезінде пайдаланылса, онда тиімді ең төмен доза тағайындалады.
Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері
Осы дәрілік препаратты қолданып ем жүргізу тұрақты медициналық бақылауды қажет етеді. Жол қозғалысына белсенді қатысу, машиналарды басқару немесе тоқтаусыз жұмыс жасау қабілеті жекелеген реакциялармен бұзылуы мүмкін. Бұл үлкен дәрежелі алдын ала сақтандырулар ем жүргізудің бастапқы кезеңіне, препараттың дозасын арттыру кезеңіне, басқа препаратқа ауысу кезіне немесе препаратты алкогольмен біріктіріп қабылдаған жағдайларға қатысты.
Қолдану жөніндегі нұсқаулар
Дозалау режимі
Препараттың дозасын дәрігер әрбір науқас үшін жекелей таңдайды.
Ересектер және дене салмағы
Артериялық гипертензия
Препараттың бастапқы дозасы таңертең 2 таблетканы және түсте 2 таблетканы құрайды. Басқа гипотензиялық дәрілерді қосымша қабылдағанда немесе ұзақ ем жүргізу үшін күніне 2 таблетка Триампур композитум – Тева (таңертең және түсте 1 таблеткадан) жеткілікті.
Ісіну синдромы (жүрек, бауыр, бүйрек)
Емдеудің бас кезінде таңертең және түсте препаратты 2таблеткадан тағайындайды. Кейінгі дозаларды дегидратация дәрежесіне байланысты тағайындайды. Демеуші доза – күніне 1 таблетка, оны күн сайын таңертең, немесе күнара 2 таблеткадан (таңертең және түсте 1 таблеткадан) қабылдайды. Қажет болғанда демеуші дозаны күніне 4 таблеткаға дейін (таңертең және түсте 2 таблеткадан) арттыруға болады.
Жүрек функциясының жеткіліксіздігін емдеу
Препараттың дозасын науқасты тексеру деректеріне байланысты таңдайды. Әдетте науқастарға таңертең және түсте 1 таблеткадан тағайындайды, қажет болғанда күніне ең жоғары 4 таблетка (таңертең және түсте 2 таблеткадан) береді. Жүректің ауыр декомпенсациясы бар пациенттерде Триампур композитум - Тевапрепаратының сіңірілуі едәуір шектелуі мүмкін.
Бүйрек функциясы (қан креатинині 1,5-1,8 мг / дл немесе креатинин клиренсі 50-30 мл / мин) нашарлағанда күніне дозаны 1 таблеткадан асырмау керек.
Енгізу әдісі және жолы
Таблетканы тамақтан кейін, шайнамай және сұйықтықтың аздаған мөлшерімен ішіп қабылдайды.Триампур композитум - Тева препаратымен емдеу кезінде сұйықтықты пайдалануды шектеудің қажеттілігі жоқ.
Ұзақ емделуден кейін Триампур композитум – Тева препаратын күрт тоқтатуға болмайды. Препарат қабылдауды тоқтатуды дозаны біртіндеп төмендете отырып, жүргізу керек.
Емдеу ұзақтығы
Емдеу курсының ұзақтығын дәрігер белгілейді.
Артық дозалану жағдайнда қабылдау қажет шаралар
Қатты артық дозаланған жағдайда уыттану симптомдары бастапқыда артериялық қысым түсіп кетуі мүмкін (төтенше жағдайларда – ортостатикалық коллапс). Ұзаққа созылатын артық дозалану сұйықтықтың қауіпті жоғалуына және электролиттік теңгерімнің бұзылуларына (әсіресе гипо- немесе гиперкалиемияға, гипонатриемияға) әкелуі мүмкін.
Симптомдары: артық дозаланғанда сипатталған симптомдар мыналарды: несептің шамадан тыс бөлінуін, жүректің айнуын, құсуды, әлсіздікті, шаршауды, сананың шатасуын, қызбаны, беттің қызаруын, жүйке-бұлшықеттің жоғары қозғыштығын, жүрек аритмияларын, ЭКГ-дегі өзгерулерді, артериялық қысымның төмендеуін, комаға әкелетін құрысуларды қамтиды. Бұл симптомдар гиперкалиемиямен, электролиттік теңгерімнің бұзылуымен, сусызданумен және қышқыл-сілті теңгерімінің өзгерулерімен туындады.
Емі: артық дозаланған кездегі тиісті шаралар: асқазанның ішіндегіні дереу босату, асқазанды шаю және сіңуін азайту үшін белсендірілген көмір қабылдау. Гипотония туындағанда – жоғалған сұйықтықтың көлемін қалпына келтіру емі және вазопрессорлық дәрілер қолданылады. Су-электролиттік теңгерімді және метаболизмдік теңгерімді бақылау және түзету ұсынылады.
Спецификалық антидоты жоқ.
Тоқтату симптомдары қаупінің бар-жоқтығына нұсқаулар
Ұзақ емделуден кейін Триампур композитум – Тева препаратын күрт тоқтатуға болмайды. Препарат қабылдауды тоқтатуды дозаны біртіндеп төмендете отырып, жүргізу керек.
Дәрілік препараттың қолданылуын түсіну үшін медициналық қызметкерге кеңес алуға бару жөнінде нұсқаулар
Егер Сізде Триампур композитум – Тева препаратын қолдану жөнінде қандай да болсын сұрақтар бар болса, оларды Өзіңіздің дәрігеріңізбен бірге талқылаңыз.
О ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан< 1/1000 дейін), өте сирек (< 1/10000), белгісіз (қолда бар деректер негізінде баға беру мүмкін емес).
Өте жиі
- қан глюкозасы деңгейінің жоғарылауына байланысты диабеталды немесе диабеттік жағдайдың нашарлауы;
- ұзақ уақыт үздіксіз қолданған жағдайда сұйықтық және электролиттер теңгерімінің бұзылулары (әсіресе гипер- немесе гипокалиемия және гипонатриемия); гипомагнеземия, гипохлоремия, гиперкальциемия, метаболизмдік ацидоз.
- бейім пациенттерде қабылданған жалпы дозаға байланысты қанда липидтердің деңгейлері жоғарылауы мүмкін (холестерин және триглицеридтер концентрацияларының, атап айтқанда, ТӨТЛП және ТТЛП-холестериннің, сондай-ақ β-липопротеин фракциясының артуы).
Жиі
- ЭКГ өзгеруі, жүрек қағысының жиілеуі, қан қысымының жағымсыз төмендеуі
- ОЖЖ тарапынан симптомдар (атаксия, летаргия), бас ауыру, күйгелектік
- бас айналумен, ұйқышылдықпен немесе коллапспен бірге ортостатикалық реттелудің бұзылуы
- жүректің айнуы, құсу, диарея (егер препаратты тамақтан кейін қабылдаса, бұл жағымсыз әсерлерді, әдеттегідей, болдырмауға болады), құрсақ қуысының жоғарғы бөлігінің ауыруы, іштің толғақ тәрізді ауыруы, ас қорыту жолының тегіс бұлшықеттерінің іш қатумен және салданған ішек бітелісіне дейінгі ішінара ішек бітелісімен бірге болатын адинамиясы.
- қаңқа бұлшықеттерінің гипотониясы, бұлшықеттердің ширығуы, балтыр бұлшықеттерінің құрысулары
- қажығыштық, ауыз ішінің құрғауы немесе шөлдеу
Жиі емес
- жоғары дозаларда гемоконцентрациялар нәтижесінде тромбоздар және эмболиялар, және/немесе шамадан тыс диурезде сусыздануға және гиповолемияға байланысты құрысулар және сананың шатасуы
- көрудің аздаған бұзылулары, мысалы, көрудің көмескіленуі және түрлі түсті қабылдаудың бұзылуы (сары жарықта көріну), бұрыннан бар алыстан көрмеушіліктің нашарлауы немесе көзден жас ағудың азаюы (әсіресе жанаспалы линзаларды кигенде).
- сарғаю, геморрагиялық панкреатит, бұрыннан бар холелитиаз кезіндегі жеделхолецистит
- көбіне емнің бас кезінде қанда, несепте азот мөлшерінің (мочевина, креатинин) уақытшажоғарылауы байқалуы мүмкін; препараттың үлкен дозаларын қабылдау және/немесе шамадан тыс диурез сусыздану және гиповолемия салдарынан гемоконцентрацияны туындатуы мүмкін, бүйрек функциясының жедел жеткіліксіздігі; несеп қышқылы деңгейлерінің жоғарылауы (аса бейім пациенттерде подагра ұстамаларының дамуы).
- тері тарапынан пурпура, қышыну, есекжем, тері эритемасы, терідегі фотоаллергиялық бөртпе және дәрілік қызба сияқты аллергиялық бұзылулар
- эректильді дисфункция
Сирек
- қан құрамының апластикалық анемия, лейкопения, тромбопения, агранулоцитоз, мұның алдында фолий қышқылы тапшы болған мегалобластті анемия, метилдопамен бір мезгілде қолданғанда гидрохлоротиазидке антиденелердің түзілуі арқылы болған гемолиз сияқты өзгерулері
- интерстициальді пневмония
- бүйрек функциясының жедел жеткіліксіздігінің өршуі, абактериялық интерстициальді нефриттер, кейіннен бүйрек функциясының жедел жеткіліксіздігі,несеп тастарының түзілуі
- анафилактоидтық реакциялар, некрозданатын васкулит, шок симптомдарымен бірге өкпенің кенеттен ісінуі (айналымдағы иммундық кешендер әсерінен туындаған жүйелік анафилаксиялық реакциялар)
- терінің меланомалы емес обыры (базальді-жасушалық карцинома және жалпақ жасушалы карцинома)
- жүктілік кезінде анасы тиазидтер қабылдаған жаңа туған нәрестелерде тромбоцитопения және панкреатит жағдайлары туралы сирек мәлімделді.
Өте сирек
- сарғаю, бұрыннан өт-тас ауруы бар геморрагиялық панкреатит, жеделхолецистит
- апластикалық анемия, лейкопения, тромбопения, агранулоцитоз, мұның алдында фолий қышқылы тапшы болған кездегі мегалобластті анемия, метилдопамен бір мезгілде қолданғанда гидрохлоротиазидке қанда антиденелердің түзілуі нәтижесінде туындаған гемолиз
- анафилактоидтық реакциялар, некрозданатын васкулит, бүйрек функциясының жедел жеткіліксіздігінің өршуі, кейіннен бүйрек функциясының жедел жеткіліксіздігіне ұласатын асептикалық интерстициальді нефрит
- шок симптомдарымен бірге өкпенің кенеттен дамыған ісінуі сипатталған. Мұның себебі әсер етуші зат гидрохлорoтиазидке науқастардың алллергиялық реакциясы болуы мүмкін
- интерстициальді пневмония
Белгісіз
- терінің меланомалы емес обыры (базальді-жасушалық карцинома және жалпақ жасушалы карцинома)
- апластикалық анемия, тромбоцитопения, лейкопения, мегалобластты анемия, агранулоцитоз және эозинофилия
- анафилаксиялық реакциялар, Стивенс-Джонсон синдромы, Лайелл синдромы (уытты эпидермальді некролиз), бөртпе, есекжем, қышыну, пурпура, фотосенсибилизация, васкулит, бұрыннан бар жегінің өршуі, мульформалы эритема.
- гиперкалиемия, гипергликемия, гиперурикемия, гипокалиемия, гипонатриемия, гипохлоремия, метаболизмдік ацидоз, дислипидемия
- төмен либидо
- парестезиялар, естен танар алдындағы жай-күй, бас айналу, әлсіздік, шаршау, депрессия, бас ауыру, бұлшықет спазмдары және құрысулар
- ксантопсия, көрудің уақытша айқын көрмеуі, көрудің нашарлауы немесе жоғары қысымға байланысты көздің ауыруы (ықтимал себептері көздің қантамырлы қабығында сұйықтықтың жиналып қалу белгілері (хориоидальді жалқық) немесе жедел жабық бұрышты глаукома
- жүрек аритмиясы, ортостатикалық гипотензия (ол алкогольмен, антидепрессанттармен және есірткілермен өршуі мүмкін)
- аллергиялық пневмонит, өкпенің ісінуі, тыныс алу функциясының жеткіліксіздігі
- панкреатит, ауыздың құрғауы, сілекей безінің қабынуы, тәбеттің жоғалуы, асқазан-ішек бұзылысы, жүректің айнуы, құсу, іштің ауыруы, іш қату немесе іш өту, бауырішілік холестаздық сарғаю.
- бүйрек функциясының жедел жеткіліксіздігі, несептің жиі шығарылуы, полиурия, ноктурия, қан сарысуында мочевина және креатинин мөлшерінің жоғарылауы, аномальді несеп қалдығы, интерстициальді нефриттің бірлі-жарым жағдайлары, гликозурия. Триамтереннің жоғары дозаларымен байланысты бүйректе тастардың түзілу жағдайларының артуы туралы мәлімделді.
- қанда мочевинаның артуы, бауыр ферменттерінің жоғарылауы.
Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір таблетканың құрамында
белсенді заттар: триамтерен, 25 мг,
гидрохлоротиазид, 12,5 мг,
қосымша заттар: лактоза моногидраты, картоп крахмалы, поливидон К 25, жоғары дисперсиялы кремнийдің қостотығы, карбоксиметилкрахмал натрий тұзы, магний стеараты.
Сыртқы түрінің, иісінің, дәмінің сипаттамасы
Сары түсті, дөңгелек пішінді, беті тегіс және жиектері бүлінбеген, таблетканың бір жағында сындыруға арналған сызығы ойығы бар біртекті таблеткалар.
Шығарылу түрі және қаптамасы
Пластмасса қақпақпен бекітілген шыны құтыларға 50 таблеткадан салынған.
1 құтыдан медициналық қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Сақтау шарттары
25◦С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
Pliva Hrvatska d.o.o., Хорватия
Прилаз баруна Филиповича, 25
10 000 Загреб
Тел: 385 1 372 0000
Факс: 385 1 37 20 111
info@pliva.hr
Тіркеу куәлігінің ұстаушысы
Teva Pharmaceutical Industries Ltd, Израиль
5 Базель к-сі, 4951033, Петах Тиква
Тел: 972-3-9267267
Факс: 972-3-9267267
Monica.Eksol@teva.co.il
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ратиофарм Қазақстан» ЖШС,
050059 (А15Е2Р), Алматы қ., Әл-Фараби даңғ.17/1,
Нұрлы Тау БО, 5Б, 6-қабат.
Телефон: (727)3251615
info.tevakz@tevapharm.com
веб сайт: www.teva.kz
