Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
УмкалорÒ
Халықаралық патенттелмеген атауы
Жоқ
Дәрілік түрі, дозалануы
Ішуге арналған ерітінді
Фармакотерапиялық тобы
Респираторлық жүйе. Жөтел және суық тию аурулары кезінде қолданылатын препараттар.
АТХ кодыR05
Қолданылуы
Жедел және созылмалы инфекцияларда, әсіресе тыныс алу жолдарының және құлақ, тамақ және мұрын аймағының инфекцияларында, мысалы, бронхит, синусит, тонзиллярлық баспа, ринофарингит.
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
- белсенді заттарға немесе препараттың басқа компоненттеріне аса жоғары сезімталдық
- қан кетуге жоғары бейімділік
- антикоагулянттарды қолдану
- бауырдың ауыр аурулары
- 1 жасқа дейінгі балалар
- жүктілік, лактация кезеңі.
Қолдану кезіндегі қажетті сақтандыру шаралары
Егер Сіздің жағдайыңыз бір аптада жақсармаса, егер Сізде жоғары температура бірнеше күн бойы сақталса, бауыр функциясының бұзылу белгілері пайда болған жағдайда, сондай-ақ Сізде ентігу немесе қанды қақырық пайда болса, тез арада дәрігерге көріну керек.
Басқа дәрілікпрепараттармен өзара әрекеттесуі
Осы уақытқа дейін Умкалор® препаратының басқа дәрілік заттармен өзара әрекеттесуі туралы хабарлама жоқ.
Арнайы сақтандырулар
Умкалор® құрамында 12 к.% алкоголь бар. Препаратты нұсқаулыққа сай қабылдау кезінде әрбір дозамен (10-20-30 тамшы) бірге 0,05-0,10-0,15 г спирт қабылданады, бұл бауыр ауруы және церебральды ауруы бар пациенттердің, маскүнемдікке шалдыққандардың, эпилепсиямен ауыратындардың, жүкті, бала емізетін әйелдердің және 1 жасқа дейінгі балалардың денсаулығы үшін қауіпті болуы мүмкін.
Өсімдіктің сұйық экстарктісі ұзақ уақыт бойы сақтағанда бұлыңғырлануға бейім келеді, алайда, ол дәрілік заттың тиімділігіне әсер етпейді.
Умкалор® ерітіндісі табиғи өнім болғандықтан, препараттың бұлыңғырлануыжәне түсі мен дәмі аздап өзгеруі мүмкін.
Педиатрияда қолдану
1 жасқа дейінгі балалардың денсаулығына қатері бар (жоғарыдан қараңыз).
Жүктілік немесе лактация кезеңі
Умкалор® препаратын жүкті әйелдерге және бала емізетін аналарға қолдану тәжірибесі жеткіліксіз болғандықтан, оны жүктілік және лактация кезеңінде қолданбаған жөн.
Препараттың көлік құралын және қауіптілігі зор механизмдердібасқару қабілетіне әсер ету ерекшеліктері
Әсер етпейді
Қолдану жөніндегі нұсқаулар
Дозалау режимі
Сіздің дәрігеріңіздің басқа көрсетілімі болмаған кезде келесі дозалау режимі ұсынылады:
| ересектер және 12 жастан асқан балалар: | 30 т |
| 6-д | 20 т |
| 1-ден 5 ж | 10 т |
Т
10 тамшы ерітіндінің шамамен 0,48 мл сәйкес келеді.
Енгізу әдісі және жолы
Пероральді
Емдеу ұзақтығы
Емдеу курсы 7-10 күн. Симптомдар қайтқаннан кейін аурудың қайталануының алдын алу үшін препаратты тағы да бірнеше күн қабылдауды жалғастыру ұсынылады. Емдеу ұзақтығы 3 аптадан аспауы тиіс.
Артық дозалану жағдайында қабылдау қажет болатын шаралар
Артық дозалану байқалмады. Симптоматикалық ем.
Дәрілік препаратты қолдану тәсілін түсіндіру үшін медицина қызметкерінен кеңес алу жөніндегі ұсынымдар
Дәрілік препаратты қолдану тәсілін түсіндіру үшін медицина қызметкеріне жүгіну ұсынылады.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиі емес (≥1/1 000 - <1/100):
- асқазан-ішек бұзылыстары (асқазанның ауыруы, қыжыл, жүрек айнуы немесе диарея)
Сирек (≥1/10 000 - <1/1 000):
- қызыл иектен жеңіл түрде қан кету
- мұрыннан жеңіл түрде қан кету
-
Белгісіз (қолда бар деректер негізінде бағалау мүмкін емес)
Умкалор® препаратын қабылдағаннан кейін бауыр функциясының бұзылу белгілерінің пайда болуы туралы жекелеген хабарламалар бар; препаратты қабылдау мен бұл әсерлердің арасындағы себеп-салдарлық байланысы анықталмаған; туындау жиілігі белгісіз.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препарат құрамы
10 г (=9,75 мл) ерітіндінің құрамында
белсенді зат – Pelargonium sidoides тамырлары сұйық экстрактісі (1:8 – 10) (экстрагент:этанол 11 %) - 8.0 г;
қосымша зат - глицерин85 %
Сыртқы түрінің, иісінің, дәмінің сипаттамасы
Ашық-қоңырдан қызғылт-қоңыр түске дейінгі сұйықтық.
Шығарылу түрі және қаптамасы
20 немесе 50 мл бұралатын қақпағы бар, полиэтиленнен жасалған тамшылатқышпен жабдықталған күңгірт шыны құтыда.
1 құтыдан қолдану жөніндегі қазақ және орыс тілдеріндегі нұсқаулықпен бірге картон қорапқа салынады.
Сақтау мерзімі
2 жыл
Қаптаманы алғаш ашқаннан кейін сақтау мерзімі 3 ай.
Жарамдылық мерзімі өткеннен кейін қолдануға болмайды!
Сақтау шарттары
30оС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
ИЗО-Арцнаймиттель ГмбХ & Ко. КГ,
Германия, 76275 Эттлинген, Бунзенштрассе 6 -10
Тел./факс: +49-721-4093-280
+49-721-4093-8280
E-mail: Bettina.Seith@ dhu.de
Тіркеу куәлігінің ұстаушысы
Дойче Хомеопати-Унион ДХУ-Арцнаймиттель ГмбХ & Ко. КГ,
Германия, 76227 Карлсруэ, Оттоштрассе 24.
Тел./факс: +49 (0) 721 4093 01
+49 (0) 721 4093 8299
E-mail: Bettina.Seith@ dhu.de
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Альпен Фарма» ЖШС
Алматы обл., Қарасай ауданы,
Елтай ауылдық округі,
Көкөзек ауылы, 1044 құрылыс
Тел./факс+ 7 727 232-34-73,
+ 7 727 232-34-74
E-mail: info.kazakhstan@alpenpharma.com
