Упсарин УПСА с витамином С № 10 шипуч табл

Сипаттама

Дәрілік затты медициналық қолдану

жөніндегі нұсқаулық

УПСАРИН УПСА С ВИТАМИНІҚОСЫЛҒАН

Саудалық атауы

УПСАРИН УПСАС витамині қосылған

Халықаралық патенттелмеген атауы

Жоқ

Дәрілік түрі

Көпіршитін таблеткалар

Құрамы

Бір таблетканың құрамында

белсенді заттар: ацетилсалицил қышқылы 330 мг,

аскорбин қышқылы 200 мг,

қосымша заттар: лимонның сусыз қышқылы, натрий бензоаты, натрий гидрокарбонаты, повидон.

Сипаттамасы

Шеттері кертілген және бөлуге арналған сызығы бар ақ таблеткалар, суда көпіршіген реакциямен ериді.

Фармакотерапиялық тобы

Жүйке жүйесі. Анальгетиктер. Басқа анальгетиктер және антипиретиктер. Салицил қышқылы және оның туындылары. Басқа препараттармен біріктірілген ацетилсалицил қышқылы (психолептиктерді қоспағанда).

АТХ коды N02BA51

Фармакологиялық қасиеттері

Фармакокинетикасы

Ацетилсалицил қышқылы ішу арқылы қолданғанда жылдам сіңіріледі. Плазмадағы ең жоғарғы концентрацияларына 15-40 минут өткен соң жетеді. Ацетилсалицил қышқылы салицил қышқылының белсенді метаболитін түзе отырып, жедел гидролизге ұшырайды. Биожетімділігі дозаға байланысты әрі 500 мг-ден кем доза үшін 60% және 1 г-ден жоғары доза үшін 90% құрайды.Ацетилсалицил қышқылы мен салицил қышқылы барлық тіндерге жылдам таралады. Плацентарлық бөгет арқылы өтеді және ана сүтіне енеді. Салицил қышқылы елеулі дәрежеде плазма ақуыздарымен байланысады (90%). Плазмадан жартылай шығарылу кезеңі ацетилсалицил қышқылы үшін 15-20 минут және салицил қышқылы үшін 2-4 сағат құрайды. Ацетилсалицил қышқылы бауырда елеулі дәрежеде метаболизмге ұшырайды, негізінен несеппен салицил қышқылы және глюкурон конъюгаттары түрінде шығарылады.

Жіңішке ішекке сіңе отырып, аскорбин қышқылы тіндерде (әсіресе бүйрек үсті бездерінде) кең таралады және ішінара жинақталады. Плазма ақуыздарымен байланысуы 25%-ға жуық құрайды. Егер оның организмге түсуі қажетті мөлшерден асып кетсе, артығы несеппен шығарылады.

Фармакодинамикасы

Ацетилсалицил қышқылы ауыруды басатын, ыстықты түсіретін, простагландиндердің синтезін реттейтін ЦОГ 1 және 2 бәсеңдеуімен байланысты қабынуға қарсы әсер етеді;тромбоциттердің агрегациясын тежейді.

Аскорбин қышқылы тотығу-тотықсыздандыру үдерістерінің, көмірсу алмасуының, қан ұюының, тіндердің регенерациясы реттелуінде маңызды рөл атқарады, организмнің қарсыласу күшінің артуына ықпал етеді.

Суда ери отырып, УПСАРИН УПСА С витамині қосылған таблеткасы буферлік ерітінді түзеді, ол препаратты қабылдағаннан кейін еріген түрдегі әсер еткіш заттарды демеп, олардың асқазанның қышқылды ортасымен жанасқанда қайта ерімеген қалыпқа көшуін және оның кенерелерінде қатты бөлшектер түрінде шөгуін болғызбайды. Нәтижесінде препараттың мейлінше жылдам және толық сіңуі, сондай-ақ оның ацетилсалицил қышқылының әдеттегі таблеткаларымен салыстырғанда жақсы көтерімділігі қамтамасыз етіледі.

Қолданылуы

Ересектердегі шығу тегі әртүрлі орташа немесе әлсіз білінетін ауыру синдромы (бас ауыруы, тіс ауыруы, бас сақинасы, невралгия, кеуде түбіршектік синдром, бұлшықеттің және буынның ауырулары, етеккір кезіндегі ауыру және басқалар). Суық тиген және басқа инфекциялық-қабыну ауруларында дене температурасының көтерілуінде (ересектерде және 15 жастан асқан балаларда).

Қолдану тәсілі және дозалары

Ішке қабылдауға арналған. Таблетканы үлкен стақандағы суда толық еріту және дереу ішу керек.

Бұл шығарылу түрі ересектер мен 15 жастан асқан балаларға арналған.

Балаларда сәбидің дене салмағына қарай белгіленген дозаларды қадағалау керек. Ацетилсалицил қышқылының ұсынылған тәуліктік дозасы шамамен күніне 60 мг/кг құрайды. Тәуліктік дозаны 4 қабылдауға, яғни әр 6 сағат сайын шамамен 15 мг/кг-ге бөледі.

Емдеу ұзақтығы (дәрігердің кеңесінсіз) ауыруды басатын зат түрінде тағайындалғанда 5 күннен аспауға тиіс, ал ыстықты түсіретін дәрі ретінде 3 күн бойы қабылданады.

Жағымсыз әсерлері

- аллергиялық реакциялар: тері бөртпесі, анафилаксиялық реакциялар,бронх түйілуі, Квинке ісінуі

- асқазан-ішек бұзылыстары: диарея, жүрек айнуы, құсу, эпигастрий тұсының ауырулары, тәбеттің төмендеуі; асқазан-ішек қан кетулері («кофе тұнбасы» тәрізді құсық, «қарамай тәріздес» нәжіс), бауыр жеткіліксіздігі

- геморрагиялық синдром (мұрыннан қан кету, қызыл иектен қан кету), қан ұю уақытының ұлғаюы, тромбоцитопения, анемия, лейкопения, қан кету уақытының ұзаруы

- етеккір циклінің ұзаққа созылуы

- Рея синдромы (үдемелі энцефалопатия: жүрек айнуы және басылмайтын құсу, тыныс алудың бұзылуы, ұйқышылдық, құрысулар; бауырдың майлы инфильтрациясы, гипераммониемия, АСТ, АЛТ деңгейінің жоғарылауы)

- интерстициальді нефрит, қанда креатининнің жоғарылауы және гиперкальциемиясы бар преренальді азотемия және бүйректің жедел жеткіліксіздігі, нефроздық синдром

- несеп шығару жүйесі жағынан бұзылыстар (оксалаттық, цистиндік және/немесе ураттық тастардың түзілуі)

- ұйқы безінің инсулярлы аппаратының бәсеңдеуі, глюкозурия,гликоген синтезінің бәсеңдеуі

Қандай да бір жағымсыз әсерлер пайда болғанда препаратты қабылдауды дереу тоқтатып, емдеуші дәрігерді хабардар ету қажет.

Қолдануға болмайтын жағдайлар

- ацетилсалицил қышқылына немесе қосымша заттардың қандай да біріне жоғары сезімталдық

- анамнезде салицилаттарды немесе соған ұқсас белсенділігі бар заттарды, СҚҚП-ды қабылдау түрткі болған демікпенің болуы

- жүктілік,лактация кезеңі

- асқазанның және он екі елі ішектің белсенді кезеңдегі ойық жарасы

- анамнезде асқазан-ішектен қан кету

- геморрагиялық диатездер, геморрагияларға бейімділік, қанағыштықтың жоғарылауы, қан ұюының бұзылуы (гемофилия, Виллебранд ауруы, телеангиэктазиялар, К дәруменінің тапшылығы, тромбоцитопения)

- аптасына 15 мг және одан да көбірек дозадағы метотрексатты қосып қолдану

- бронх демікпесінің, мұрын және мұрын маңы қойнауының қайталанатын поллинозының бірігуі

- ауыр бауыр, бүйрек және бақыланбайтын жүрек жеткіліксіздігі

- 15 жасқа дейінгі балалар

Дәрілермен өзара әрекеттесуі

Ацетилсалицил қышқылы метотрексаттың, пеметрекседтің, тікелей және тікелей емес антикоагулянттар әсерлерінің,стероидтық емес қабынуға қарсы препараттардың, глюкокортикоидтардың, тромболитиктердің және тромбоциттер агрегациясы тежегіштерінің, сульфаниламидтердің, трийодтирониннің, резерпиннің уыттылығын күшейтеді; урикозуриялық препараттардың, гипотензиялық дәрілердің, диуретиктердің, антидепрессанттардың әсерлерін төмендетеді.

Құрамында магний және/немесе алюминий гидрототығы бар антацидтер ацетилсалицил қышқылының сіңуін баяулатады және нашарлатады.

Вальпрой қышқылының препараттарымен, цефалоспориндермен немесе антикоагулянттармен бірге қолданғанда қан кетудің даму қаупі артады.

Препарат спиронолактонның, фуросемидтің, гипотензиялық және подаграға қарсы дәрілердің несеп қышқылының шығарылуына ықпал ететін әсерін нашарлатады.

Аскорбин қышқылы темір препараттарының ішекте сіңуін жақсартады.

Литий тұздарымен бір мезгілде қолдану плазмадағы литий иондарының концентрациясын арттырады.

Алкогольдің асқазан-ішек жолының шырышты қабығына уыттылық әсерін күшейтеді.

Айрықша нұсқаулар

Басқа препараттармен біріктіргенде артық дозалану қаупін болдырмау үшін басқа препараттардың құрамында ацетилсалицил қышқылының жоқ екеніне көз жеткізген жөн.

Глюкозо-6-фосфат дегидрогеназаның жеткіліксіздігі жағдайларында гемолиз пайда болу қаупіне байланысты ацетилсалицил қышқылын дәрігердің қадағалауымен қабылдау керек.

Ацетилсалицил қышқылының ең төменгі дозаларда көрініс беретін және бірнеше күн бойы сақталатын антитромбоцитарлық әсерін ескере отырып, пациенттерге хирургиялық араласулар кезінде пайда болуы мүмкін қан кету қаупі туралы ескерту қажет.

Препараттың құрамында бір көпіршитін таблеткада 485 мг натрий бар, мұны тұзы төмен диетаны қатаң ұстанатын пациенттерді емдегенде ескерген дұрыс.

Дәрілік заттың көлік құралын немесе қауіптілігі зормеханизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: құлақтағы шуыл, естудің нашарлауын сезіну, бас ауырулары, вертиго. Кейінірек қызба, гипервентиляция, кетоз, респираторлық алкалоз, метаболизмдік ацидоз, кома, тамыр жеткіліксіздігі, тыныс алу жеткіліксіздігі, айқын гипогликемия дамуы мүмкін.

Емі: құстыру немесе асқазанды шаю, белсендірілген көмірнемесе іш жүргізетін дәрілер тағайындау керек. Одан әрі емді арнайы мамандандырылған бөлім жағдайында жүргізген жөн.

Шығарылу түрі және қаптамасы

10 көпіршитін таблеткадан құрамында ылғалсіңдіретіні бар полиэтилен қақпақшалы полипропилен тубада.

1 тубадан медициналық қолдануы жөніндегі қазақ және орыс тілдеріндегі нұсқаулықпен бірге картон қорапқа салады.

Сақтау шарттары

Құрғақ жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

УПСА САС,

979, авеню де Пирене, 47520 Ле Пассаж, Франция

Тіркеу куәлігінің ұстаушысы

«УПСА САС», Франция

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Дельта Медикел Промоушнз АГ» АҚ (Швейцария) өкілдігі,

050040, Алматы қ., Бостандық ауданы, Байзақов к-сі, 280 үй,

Тел./факс: +7 (727) 332 20 79.

Электронды пошта: PVG@deltamedical.com.ua

Дәріханалар

Қалалар