Анауран 25 мл капли ушные во флаконах

Сипаттама

Дәрілік затты медициналық қолдану жөніндегі нұсқаулық

АНАУРАН

Саудалық атауы

Анауран

Халықаралық патенттелмеген атауы

Жоқ

Дәрілік түрі

Құлақ тамшы дәрісі, 25 мл

Құрамы

100 мл ерітіндінің құрамында

белсенді заттар: полимиксин В сульфаты – 1000000 ХБ

неомицин сульфаты - 375000 ХБ

лидокаин гидрохлориді - 4,0 г,

қосымша заттар: глицерин, пропиленгликоль, бензалконий хлориді, тазартылған су.

Сипаттамасы

Сәл тұтқыр, иіссіз, мөлдір сұйықтық

Фармакотерапиялық тобы

Сезім мүшелері. Отологиялық ауруларды емдеуге арналған препараттар. Микробқа қарсы препараттар. Микробтарға қарсы біріктірілгенпрепараттар.

АТХ коды SO2АА30

Фармакологиялық қасиеттері

Фармакокинетикасы

Анауран дәрілік затының компоненттері жүйелік қан ағымына сіңірілмейтіндіктен, жүйелі әсер етпейді.

Фармакодинамикасы

Анауран анестетик қасиеттерімен қосылған біріктілімде бактерияға қарсы қасиеттерді иелене отырып, көптеген отологиялық ауруларды емдеу үшін пайдаланылуы мүмкін.

Антибиотиктердің бұл біріктірілімі есту мүшелерінің инфекциялық аурулары дамуына жауапты көптеген микроорганизмдерге қарсы, оның ішінде компоненттер арасындағы айқын синергизмдер нәтижесінде тиімді әсер етеді. Бұған қоса, Анауран В полимиксиннің микозға қарсы қасиеттері болуына байланысты, отомикозды емдегенде пайдаланылуы мүмкін.

Лидокаиннің анестетикалық әсері көптеген отологиялық ауруларға тән ауырусиндромын бақылауға мүмкіндік береді.

Осылайша, Анауран қабыну белгілерін және шырышты-іріңді бөлінуді олардың толық жоғалуына дейін жылдам азайтатын қабілеті бар, әрі ауыру синдромы мен қышынуды тез жеңілдетеді. Анауран, сондай-ақ ағымдағы аурудың ықтимал асқынуларына қарсы (микоздық асқын инфекциялар, жарақаттық инфекция және т.с.с.) алдын алу әсерін көрсетеді.

Қолданылуы

- жедел немесе созылмалы отитте

Қолдану тәсілі және дозалары

Жергілікті, сыртқы есту жолына арнайы тамшуырдың көмегімен қолдану керек. Тамызғаннан кейін ауырмайтын құлақ жаққа қарай бірнеше минут басты қисайтып ұстау керек.

Ересектерге: 4-5 тамшыдан тәулігіне 2-4 рет.

Балаларға: 2-3 тамшыдан тәулігіне 3-4 рет.

Құлақ тамшы дәрісін пайдаланар алдында сыртқы есту жолына салқын сұйықтықтың түсуіне байланысты жағымсыз сезімдерден аулақ болу үшін, оны қолда ұстап тұрып, құтыны дене температурасына дейін жылыту ұсынылады.

Емдеу курсы емдеуге нәтижесінің жылдамдығына байланысты және 10 күннен аспауы тиіс.

Жағымсыз әсерлері

Өте жиі (>1/10) және Жиі (>1/100 <1/10 дейін), Сирек (≥ 1/10,000 <1/1,000 дейін), Өте сирек (<1/10,000), Жиілігі белгісіз (жағымсыз әсерлерінің жиілігін қолда бар деректер негізінде бағалау мүмкін емес)

Жиілігі белгісіз:

- аллергиялық дерматит, қышыну, тітіркену, олар препаратты тоқтатқаннан кейін емдеусіз жоғалып кетеді

- ұзақ емдеген кезде отоуыттылық (неомициннің сіңуі салдарынан)

Қолдануға болмайтын жағдайлар

- препараттың қандай да бір компонентіне немесе басқа химиялық тектес заттарға жоғары сезімталдық

- дабыл жарғағының тесілуі

Дәрілермен өзара әрекеттесуі

Препараттың басқа дәрілік заттармен өзара әрекеттесу жағдайлары сипатталмаған.

Айрықша нұсқаулар

Анауран құлақ ауруларын тек жергілікті емдеу үшін қолданылады, дененің басқа бөліктеріне препаратты қолдануға болмайды. Ауыр және тұрақты инфекцияларды жергілікті емдеуді антибиотиктерді жүйелі қолданумен толықтыру қажет.

Анауранды ұзақ қолдану жүргізілетін емге резистентті суперинфекция дамуына әкелуі мүмкін.

Неомицин құлақ иірімінің зақымдануы салдарынан, әсіресе корти ағзасының талшықты жасушаларының зақымдануы кезінде тұрақты нейросенсорлық естімей қалудың себебі болуы мүмкін. Препаратты қолдануды 10 күнге шектеу ұсынылады.

Басқа аминогликозидтер туындыларымен айқаспалы аллергия және айқаспалы резистенттілігі туындауы мүмкін.

Препарат құрамында тері реакцияларын тудыруы мүмкін тітіркендіргіш зат – бензалконий хлориді бар.

Педиатрияда қолдану

1 жасқа дейінгі балаларға препаратты тек аса қажетті жағдайда және дәрігердің бақылауымен қолдану керек.

Жүктілік немесе лактация кезінде

Жүктілік және лактация кезеңінде препаратты тек аса қажетті жағдайда және дәрігердің бақылауымен қолдану керек.

Препараттың көлік құралдарын жүргізуге және қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Артық дозалану жағдайлары сипатталмаған.

Шығарылу түрі және қаптамасы

25 мл препараттан резеңке тамшылатқышпен және алғашқы ашылуы бақыланатын қақпақпен жабдықталған күңгірт шыныдан жасалған құтыға салынған. Құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны алғаш ашқаннан кейінгі жарамдылық мерзімі – 3 ай

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші

Замбон С.П.А.,

Виа делла Кимика, 9 - 36100 Виченца, Италия

Тіркеу куәлігінің иесі

Замбон С.П.А., Италия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«ВИВА Фарм» ЖШС

2-ші Остроумов к-сі, 33, Алматы қ., ҚР

тел.: +7 (727) 390 48 77, факс: +7 (727) 383 74 56;

e-mail: pv@vivapharm.kz

Дәріханалар