Сипаттама
Дәрілік затты медициналық қолдану жөніндегі нұсқаулық
Аскорбин ҚЫШҚЫЛЫ
Саудалық атауы
Аскорбин қышқылы
Халықаралық патенттелмеген атауы
Аскорбин қышқылы
Дәрілік түрі
Драже 50 мг
Құрамы
Бір драже құрамында
белсенді зат –аскорбин қышқылы - 0,05 мг
қосымша заттар: қант (сахароза), крахмал патокасы, күнбағыс майы, балауыз, тальк, «Алмұрт» хош иістендіргіш эссенция, хинолинді сары Е104.
Сипаттамасы
Жасылдау-сары немесе сары түсті, шар сияқты пішінді, түсі біркелкі драже.
Фармакотерапиялық тобы
Ас қорыту жолы және зат алмасу. Дәрумендер. Аскорбин қышқылы, басқа препараттармен біріктірілімдерін қоса. Аскорбин қышқылы таза түрде. Аскорбин қышқылы
АТХ коды: А11GA01
Фармакологиялық қасиеттері
Фармакокинетикасы
Аскорбин қышқылының ауыз қуысында сіңуі бәсең жүреді, ал жіңішке ішекте – глюкозаның қатысуымен белсенді жүреді. Асқазан-ішек жолының патологиясы (пептикалық ойық жара, іш қату, іш өту, гельминт инвазиясы, лямблиоз) оның ішекте қорытылуын бұзады. С дәруменін емдік дозада қолданғандағы биосіңуі 70% құрайды, қабылдау артқан сайын ол төмендейді. Қандағы ең жоғарғы концентрациясына 4 сағаттан соң жетеді. Аскорбин қышқылы қаннан лейкоциттер мен тромбоциттерге бәрінен жақсы өтеді, гипофиздің артқы бөлігінде, бүйрек үсті безінде, көз эпителиясы менбауырда жинақталады.
Аскорбин қышқылының соңынан қымыздық қышқылына айналумен жүретін дегидроаскорбинді және дикетогулонді биотрансформациясы бауырда жүреді.
Жоғарыда аталған барлық метаболиттердің және аскорбин қышқылының өзінің өзгермеген түрінің экскрециясы негізінен бүйрекпен жүзеге асады.
Фармакодинамикасы
Аскорбин қышқылы көптеген тотығу-қалпына келтіру реакцияларына белсенді қатысады, организмге спецификалық, жалпы көтермелейтін әсер көрсетеді. Организмнің үйренісу және оның инфекцияға қарсы тұра білу қабілетін жоғарылатады, регенерация үдерістеріне ықпал етеді.
Молекуласында диенольді топтың (-COH=COH-) болуына орай ол айқын күшті білінетін қалпына келтіргіш (антиоксидантты) қасиеттерге ие. Көптеген биохимиялық реакцияларда сутегі тасымалын реттейді, үшкарбонды қышқыл циклында глюкозаны пайдалануды жақсартады, тетрагидрофолий қышқылының, стероидты гормондардың, коллаген менпроколлаген синтезіне қатысады.
Холестерин алмасуына қатысады, бауырдың уытсыздандыратын және ақуыз синтездейтін қызметін күшейтеді. Жасуша аралық заттардың коллоидты күйін және капиллярлардың қалыпты өткізгіштігін ұстап тұруға ықпал етеді. Өт бөлінуін және ұйқы безінің сыртқы секреторлық қызметін жақсартады.
Адам организмі С дәруменін өзі синтездей алмайды, оның қажеттілігі тамақ құрамынан алыну есебімен қанағаттандырылады.
Аскорбин қышқылының тәуліктік қажеттілігі ересек еркектерде 0,07-0,1 г, әйелдерде – 0,08 г, жүкті әйелдерде – 0,1 г, бала емізу кезінде – 0,12 г құрайды.
Қолданылуы
- құрқұлақта
- С дәрумені гипо- және авитаминозының профилактикасында және емдеуде
Қолдану тәсілі және дозалары
Препаратты ішке, тамақтан кейін қабылдайды.
Профилактика үшін: ересектерге күніне 0,05-0,1 г (1 – 2 драже).
Емдеу үшін: ересектерге күніне 3 рет 0,05-0,1 г (1 – 2 драже) 10 – 15 күн бойы, одан әрі профилактика ретінде күніне 0,1 г (2 драже).
Емдеу ұзақтығы аурудың сипаты мен ағымына байланысты және дәрігер тағайындайды.
Жағымсыз әсерлері
- бас ауыруы, шаршауды сезіну
- үлкен дозаны ұзақ уақыт қолданғанда – ОЖЖ қозуының жоғарылауы, ұйқының бұзылуы
- асқазан-ішек жолы шырышты қабығының тітіркенуі, жүрек айнуы, құсу, диарея, асқазанның түйілуі
- орташа полликиурия, үлкен дозада ұзақ қолданғанда - гипероксалурия, нефролитиаз, бүйректің гломерулярлық аппаратының зақымдануы
- үлкен дозада ұзақ қолданғанда – капиллярлар өткізгіштігінің төмендеуі
- ұйқы безінің инсулярлық аппараты функциясының бәсеңдеуі (гипергликемия, глюкозурия)
- тері бөртпесі, сирек – анафилаксиялық шок.
Зертханалық көрсеткіштер:
- тромбоцитоз
- гиперпротромбинемия
- эритропения
- нейтрофильді лейкоцитоз
- гипокалиемия
Қолдануға болмайтын жағдайлар
- препарат компоненттеріне жоғары сезімталдық
- тромбофлебиттер
- тромбозға бейімділік
- қант диабеті
- қан ұюының жоғарылауы
- 18 жасқа дейінгі балалар, жасөспірімдер
- гипероксалатурия
- бүйрек жеткіліксіздігі
- гемохроматоз
- талассемия
- глюкоза-6-фосфатдегидрогеназа тапшылығы
- өршудегі қатерлі ісік ауруы.
Сақтықпен:
- полицитемия
- лейкемия
- сидеробластты анемия
- орақ тәрізді жасушалы анемия
Дәрілермен өзара әрекеттесуі
Қандағы бензилпенициллин мен тетрациклиндердің концентрациясын жоғарылатады; 1 г/тәулігіне дозада этинилэстрадиол биожетімділігін жоғарылатады.
Темір препараттарының ішектегі сіңуін жақсартады (үш валентті темірді екі валенттіге ауыстырады); дефероксаминмен бір мезгілде қолданғанда темір экскрециясын жоғарылатуы мүмкін.
Ацетилсалицил қышқылы (АСҚ), пероральдіконтрацептивтер, жаңа дайындалған шырындар және сілтілік сусындар сіңуі мен қорытылуын төмендетеді.
АСҚ бір уақытта қолданғанда аскорбин қышқылының несеппен шығарылуы жоғарылайды жәнеАСҚ экскрециясы төмендейді. АСҚ аскорбин қышқылының сіңуін шамамен 30 % төмендетеді.
Салицилаттармен және қысқа мерзімді әсерлі сульфаниламидтармен емдегенде кристаллурия даму қатері жоғарылайды, бүйрекпен қышқылдардың шығарылуы баяулайды, сілтілік реакциялары бар (оның ішінде алкалоидтардың) препараттардың шығарылуын ұлғайтады, қандағы пероральді контрацептивтердің концентрациясын төмендетеді.
Этанолдың жалпы клиренсін жоғарылатады, ол өз кезегінде организмдегі аскорбин қышқылының концентрациясын төмендетеді.
Хинолинді қатар препараттары (фторхинолондар және басқалар), кальций хлориді, салицилаттар, глюкокортикостероидтар ұзақ уақыт қолданғанда аскорбин қышқылының қорын азайтады.
Бір мезгілде қолданғанда изопреналиннің хронотропты әсерін азайтады.
Ұзақ уақыт және жоғары дозаларда қолданғанда дисульфирам-этанолдың өз ара әрекеттесуін бұзуы мүмкін.
Жоғары дозаларда мексилетиннің бүйректік экскрециясын жоғарылатады.
Барбитураттар мен примидон аскорбин қышқылының несеппен шығарылуын жоғарылатады.
Антипсихотроптық дәрілердің(фенотиазин туындыларының) емдік әсерін, амфетамин мен трициклді антидепрессанттардың өзекшелікқайта сіңуін азайтады.
Айрықша нұсқаулар
Аскорбин қышқылының кортикостероидты гормондарының синтезін көтермелейтін әсеріне байланысты бүйрек қызметі мен артериялық қысымды бақылау қажет.
Үлкен дозаны ұзақ уақыт қолданудан ұйқы безінің инсулярлық аппараты қызметі бәсеңсуі мүмкін, сондықтан емдеу барысында оны ұдайы бақылау қажет.
Организмінде темір құрамы жоғары пациенттер аскорбин қышқылын өте төменгі дозада қабылдауы тиіс.
Аскорбин қышқылын жылдам пролиферацияланатын және қарқынды метастазаланатын ісігі бар пациенттерге тағайындау үдеріс барысын күшейтіп жіберуі мүмкін.
Аскорбин қышқылы қалыпқа келтіруші ретінде әртүрлі зертханалық тестілердің (қан құрамындағы глюкоза, билирубинді, трансаминаза, ЛДГ белсенділігін) нәтижесін бұрмалауы мүмкін.
Жүктілік және лактация кезеңі
С дәруменінің тәулігіне 1 г артық жоғары дозалары эстрогендер синтезі жоғарылауына байланысты жүктілікті үзуді туындатуы мүмкін, сондықтан жүктілік кезінде сақтықпен қолдану керек. Жүктілік және лактация кезеңінде дәрігер кеңесінен кейін қолдану керек.
Жүктіліктің II-III триместрінде аскорбин қышқылына деген күнделікті ең төменгі қажеттілік – 60 мг жуық.
Емшекпен емізу кезеңіндегі күнделікті ең төменгі қажеттілік – 80 мг. Құрамында аскорбин қышқылының талапқа сай мөлшері бар ананың диетасы емшектегі баланың С дәрумені тапшылығының профилактикасы үшін жеткілікті (бала емізетін анаға аскорбин қышқылын қабылдауды күнделікті ең жоғарғы қажет шамасынан асырмау ұсынылады).
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: емдік дозаның өзін ұзақ қолданғанда болуы мүмкін: қыжыл, диарея, несеп шығарудың қиындауы немесе несептің қызыл түске боялуы, гемолиз (глюкоза-6-фосфатдегидрогеназа тапшылығы бар пациенттерде ).
Кез келген жағымсыз әсерлер пайда болғанда препаратты қабылдауды тоқтатып, дәрігерге қаралу керек.
Емі: симптоматикалық.
Шығарылу түрі және қаптамасы
200 дражеден полимер материалдан жасалған банкіде. 1 банкі медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған. Медициналық қолдану жөніндегі мемлекеттік және орыс тіліндегі нұсқаулықтардың тең санымен бірге полимер материалдан жасалған банкілердің гофрланған картон жәшікке салынуына жол беріледі.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецептісіз.
Өндіруші
«Марбиофарм» ААҚ
Ресей Федерациясы, 424006, Марий Эл Республикасы, Йошкар-Ола қ.,К.Маркс к-сі, 121
тел.: (8362) 42-03-12, факс: (8362) 45-00-00
e-mail: marbiopharm@marbiopharm.ru
Тіркеу куәлігінің иесі
«Марбиофарм» ААҚ, Ресей Федерациясы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
ЖК Өтегенова Б.А.
010000, Қазақстан, Астана қ., Алматы ауд., Рамазан к-сі 33, 9 пәтер
Тел/факс 8(7172) 43-95-34, +77017076181
Электронды пошта b.utegenova_ip@mail.ru
.jpg)
