Ревит № 100 драже

Сипаттама

Дәрілік затты медициналық қолдану жөніндегі нұсқаулық

РЕВИТ-МБФ

Саудалық атауы

Ревит-МБФ

Халықаралық патенттелмеген атауы

Жоқ

Дәрілік түрі

Драже

Құрамы

Бір драженің құрамында

белсенді заттар: ретинол пальмитаты (А дәрумені-пальмитат) 0,00138 г (2500ХБ)

тиамин гидрохлориді (В₁ дәрумені) 0,001 г

рибофлавин (В₂ дәрумені) 0,001 г

аскорбинқышқылы (С дәрумені) 0,035 г

қосымша заттар: бидай ұны, крахмал патокасы, сахароза (қант), бұрыш жалбызы жапырақтарының майы, ара балауызы, күнбағыс майы, тальк.

Сипаттамасы

Тегіс беткейлі, пішіні шар тәріздес сары-қызғылт сары түсті драже.

Фармакотерапиялық тобы

Ас қорыту жолы және зат алмасу. Дәрумендер. Полидәрумендер.

АТХ кодыА11ВА

Фармакологиялық қасиеттері

Полидәруменді препарат, құрамына кіретін дәрумендердің қасиеттеріне негізделген.

Фармакокинетикасы

Ретинол пальмитаты (А дәрумені) ішекте сіңіріліп, бауырда май қышқылдарының эфирлері түрінде қорға жинақталады. Қанға түскен кезде A дәруменінің эфирлері гидролизденеді, және ретинол тіндерге ретинолды байланыстыратын ақуызбен бір кешенде тасымалданады. A дәруменінің тапшылығы кезінде ретинолды байланыстыратын ақуыз бауырда жинақталады, ал тапшылығының орны толған жағдайда, қанға жылдам түседі. A дәрумені несеппен және өтпен шамамен тең мөлшерлерде шығарылады.

Тиамин гидрохлориді (B₁ дәрумені) жіңішке ішектің проксимальді бөлігінде сіңіріледі. Жоғары концентрацияда бола отырып, қанға пассивті диффузияның көмегімен түсуі, төмен концентрациясында – Na-АТФ-тәуелді жарғақшалық тасымалдағыштың қатысуымен ішек энтероцитін басып алуы мүмкін.

Рибофлавин (В₂ дәрумені) асқазан-ішек жолының жоғарғы бөлігінде жақсы сіңіріледі. Негізгі механизмі – фосфорланумен астасатын белсенді сіңірілу. Қанда рибофлавин мен рибофлавин-фосфат қан ақуыздарымен байланысқан күйде болады. Тіндерде рибофлавин белсенді коэнзимдерге: флавин-адениндинуклеотидке (70-90%) және флавопротеидтермен байланысқан флавинмононуклеотидке (5-30%) айналады. Бос рибофлавин 0,5-2% құрайды. Шығарылуы негізінен, бүйрек арқылы жүзеге асады, 1%-ға жуығы өтпен шығарылады.

Аскорбин қышқылы (С дәрумені) асқазан-ішек жолында жеңіл сіңіріледі. Сіңірілгеннен кейін ол плазмада айналымға түседі және безді тіндерде концентрацияланады. Ішке қабылдағаннан кейін аскорбин қышқылының қандағы ең жоғарғы концентрациясы 4 сағаттан соң байқалады. Көбінесе бауырда метаболизденеді. Бүйрек арқылы, ішек арқылы, содан соң, емшек сүтімен өзгермеген аскорбат және метаболиттері түрінде шығарылады.

Фармакодинамикасы

Ретинол пальмитаты (А дәрумені) әр түрлі заттардың (ақуыздар, липидтер, мукополисахаридтер) синтезіне қатысады және терінің, шырышты қабықтың, сондай-ақ көру мүшелерінің қалыпты қызметін қамтамасыз етеді.

Тиамин гидрохлориді (В₁ дәрумені) жүрек қызметін қалыпқа келтіреді және жүйке жүйесініңқалыптыжұмыс істеуіне ықпал етеді.

Рибофлавин (В₂ дәрумені) тіндердің, оның ішінде тері жасушаларыныңрегенерациясына ықпал етеді.

Аскорбин қышқылы (С дәрумені) бірқатар биологиялық белсенді заттардың тотығуына, дәнекер тіндерде алмасуды, көмірсу алмасуын реттеуге, қан ұйығыштығына және тіндер регенерациясына қатысады, стероидты гормондардың түзілуін көтермелейді, капиллярлар өткізгіштігін қалыпқа келтіреді. С дәрумені организмнің инфекцияларға төзімділігін жоғарылатады, қабыну реакцияларын төмендетеді.

Қолданылуы

• дәруменге қажеттілігі жоғары болумен қатар жүретін жағдайларда профилактикалық дәрілік зат ретінде (қарқынды өсу кезеңі, дене және ақыл-ой жүктемесінің жоғарылауы, жүйесіз немесе толыққанды емес жүктілік және лактация кезеңі);
• өткерген аурулардан кейінгі сауығу кезеңіндегі кешенді емде;

Қолдану тәсіліжәне дозалары

Ревитті тамақтанудан кейін 10-15 минуттан соң ішке қабылдайды.

Ересектерге - 1 дражеден күніне 3 рет. 6-дан 15 жасқа дейінгі балаларға - 1 дражеден күніне 2-3 рет. Емдеу курсы 30 күн.Емдеу курсын дәрігердің ұсынымымен үзілістен (1-3 ай) кейін қайталауға болады. Жүктілік кезінде – күніне 1 драже.

Жағымсыз әсерлері

- аллергиялықреакциялар

Қолдануға болмайтын жағдайлар

- аса жоғары сезімталдық, гипервитаминоз

- 6 жасқа дейінгі балалар.

Дәрілермен өзара әрекеттесуі

Құрамында ретинол (А дәрумені) және В тобы дәрумендері бар басқа полидәруменді дәрілік заттарды бір мезгілде қолдануға болмайды. Бұл осы дәрумендердің артық дозалану қаупін тудырады.

С дәрумені сульфаниламидтердің әсері мен жағымсыз әсерлерін күшейтеді (оның ішінде несепте кристалдардың пайда болуы), пенициллин тобы дәрілік заттарының, темір препараттарының сіңуін арттырады, гепарин және тікелей емес антикоагулянттардың әсерін төмендетеді.

Айрықша нұсқаулар

Несептің сары түске боялуы мүмкін – бұл еш зиянсыз және препарат құрамында рибофлавиннің болуымен түсіндіріледі.

Ұсынылған тәуліктік дозаны арттыруға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деректер жоқ.

Артық дозалануы

Симптомдары: препараттың жағымсыз әсер ету симптомдарының күшеюі. Алғашқы жәрдем беру асқазан-ішек жолын шаю, белсенділендірілген көмірді қабылдау, симптоматикалық ем тағайындау болып табылады.

А гипервитаминозы. Симптомдары: диарея, көрудің бұзылуы, оссалгия, бас ауыруы, тәбеттің төмендеуі, алопеция, гастралгия, қатты қажу, құсу, анемия, гепатоспленомегалия, субпериостальді қан құйылу, сүйек эпифиздерінің мезгілінен бұрын жабылуы.

Емі: симптоматикалық, препаратты тоқтату.

Шығарылу түрі және қаптамасы

100 дражеден полимер материалдан жасалған банкіде. Полимер материалдан жасалған бір банкі медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Полимер материалдан жасалған банкілерді медициналық қолдану жөніндегі мемлекеттік және орыс тіліндегі нұсқаулықтардың бірдей санымен бірге гофрланған картон жәшіктерге салуға болады.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

1 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

«Марбиофарм» ААҚ

Ресей Федерациясы, 424006, Марий Эл Республикасы, Йошкар-Ола қ., К.Маркс к-сі, 121

тел.: (8362) 42-03-12,

факс: (8362) 45-00-00

e-mail: marbiopharm@marbiopharm.ru

Тіркеу куәлігінің иесі

«Марбиофарм» ААҚ, Ресей Федерациясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

ЖК Өтегенова Б.А.

010000, Қазақстан, Астана қ., Алматы ауданы, Рамазан к-сі 33, 9 пәтер

Тел/факс 8(7172) 43-95-34, +77017076181

Электрондық поштаb.utegenova_ip@mail.ru

Дәріханалар

Қалалар